„უჩიპო“ პირადობების მოწმობებზე“ დღეს, 28 იანვარს, საკონსტიტუციო სასამართლომ არსებითი განხილვა დაიწყო. სარჩელის დაკმაყოფილების შემთხვევაში, სახელმწიფო ვალდებული იქნება გასცეს პირადობის მოწმობა ელექტრონული მატარებლის, ანუ „ჩიპის“ გარეშე.
საბოლოო გადაწყვეტილების მიღებამდე, საკონსტიტუციო სასამართლომ გასული წლის 26 დეკემბერს სადავო ნორმების მოქმედება შეაჩერა, ანუ ადამიანებს უკვე შეუძლიათ პირადობის მოწმობის აღება „ჩიპის“ გარეშე.
„პირადობა მომცეს, მაგრამ აქაც ბარიერს გვიქმნის სახელმწიფო იუსტიციის სამინისტროს სახით. ჩემს პირადობას ვადა აქვს 23 თებერვლამდე. შემდეგ ისევ უნდა მივმართო იუსტიციას და გადავიხადო ისევ 20 ლარი, როცა ელექტრონული პირადობა 10 წლით გაიცემა და 30 ლარი ღირს,“ – გვითხრა მოსარჩელე ნანა სეფაშვილმა, ვიდრე სასამართლო სხდომათა დარბაზში მოსამართლეები შემოვიდოდნენ.
ნანა სეფაშვილის ინფორმაციით, ქვეყანაში დაახლოებით 147 ათასი მოქალაქეა პირადობის მოწმობის გარეშე და მათი დიდი ნაწილი რელიგიური მოტივით ამბობს უარს ელექტრონულ პირადობის მოწმობაზე.
ნანა სეფაშვილი პროფესიით ადვოკატია. იგი ამბობს, რომ საადვოკატო საქმიანობასაც ვერ ახორციელებს, რადგან ამ დრომდე პირადობის მოწმობა არ ჰქონდა. კიდევ ერთი მოსარჩელე ია რეხვიაშვილია, რომელიც ასევე ესწრება დღევანდელ სხდომას.
მოსარჩელეების მტკიცებით, ინფორმაციის ელექტრონული მატარებლის შემცველი პირადობის მოწმობა და პასპორტი ადამიანების ტოტალური კონტროლის საშუალებაა და უკავშირდება აპოკალიფსის შესახებ ბიბლიურ წინასწარმეტყველებას. მოსარჩელეები რწმენის გამო უარს აცხადებენ ასეთი დოკუმენტების მიღებაზე, რჩებიან პირადობის მოწმობისა და პასპორტის გარეშე, რაც იწვევს სოციალური ცხოვრებისგან მათ სრულ იზოლირებას და უზღუდავს კონსტიტუციურ უფლებებს.
ამ მორწმუნეებს და ცალკეულ სასულიერო პირებს რომ დათანხმებოდა საპატრიარქო და ყოფილიყო სინოდის მოწოდება, გამართლებული იქნებოდა სადავო ნორმების შეჩერება?
„ჩიპიან“ პირადობას საქართველოს მართლმადიდებელი ეკლესიის სინოდი არ ეწინააღმდეგება.
___
ამავე თემაზე:
პირადობები “ჩიპების” გარეშე – საკონსტიტუციოს ახალი გადაწყვეტილება
