Batumelebi

აჭარის უმაღლესმა საბჭომ კიდევ ერთი სასამართლო დავა წააგო

აქამდე ანალოგიური შინაარსის საჩივარი უმაღლესი საბჭოს წინააღმდეგ კიდევ ერთმა მეურვეობის კანდიდატმა – ბეჟან გობაძემ შეიტანა სასამართლოში. ისიც „ნაციონალური მოძრაობის“ მიერ იყო წარდგენილი ტელევიზიის მეურვის პოზიციაზე. მისი სარჩელი უკვე დააკმაყოფილა როგორც ბათუმის საქალაქო სასამართლომ, ისე ქუთაისის სააპელაციო სასამართლომ. უმაღლესი საბჭო სასამართლოს მეორე ინსტანციის გადაწყვეტილების გასაჩივრებასაც გეგმავს უზენაეს სასამართლოში, თუმცა მხარეებს სააპელაციო სასამართლოს განჩინება ჯერ არ ჩაბარებიათ.

ამ დროისთვის აჭარის ტელევიზიას სამი მეურვე ჰყავს, სამივე მათგანი მმართველმა კოალიციამ – „ქართულმა ოცნებამ“ წარადგინა და დაამტკიცა. კანონი აჭარის ტელევიზიისთვის ხუთი მეურვის ყოლას ითვალისწინებს.

„მოგზაურობა ძველ ბათუმში“ – წიგნის პრეზენტაცია სანაპიროზე

ახალ ხელმომწერებს ექნებათ შესაძლებლობა ზღვაზე უფასოდ გაისერნონ იახტით ან ქალაქის ქუჩებში ეტლით.

პრეზენტაციაზე გაიმართება წიგნში შესული ფოტოების გამოფენა. სანაპიროზე მოსულ სტუმრებს შეეძლებათ დააგემოვნონ ქვიშაზე მოხარშული ყავა, მოისმინონ ცოცხალ მუსიკა და გადაიღონ სამახსოვრო ფოტო საგანგებოდ მოწყობილ ფოტოატელიეში.

პრეზენტაციაზე დასწრება თავისუფალია.

„მოგზაურობა ძველ ბათუმში“ გაზეთმა „ბათუმელებმა“ 2014 წელს გამოსცა. წიგნი წარმოადგენს გაზეთ „ბათუმელებში“ სხვადასხვა დროს ძველ ბათუმზე გამოქვეყნებული სტატიებისა და ძველი ბათუმს ქუჩებისა და ისტორიულ ფაქტების ამსახველი ფოტოების კრებულს. წიგნი არ იყიდება, იგი საჩუქრად გადაეცემა მხოლოდ გაზეთი „ბათუმელების“ ხელმომწერებს.

სოფელ ღურტას მაცხოვრებელთა ღია წერილი, შუახევი ჰესის მშენებლობასთან დაკავშირებით

“ბათუმელები” მიმართვას უცვლელად გთავაზობთ:

საქართველოს პრეზიდენტს ბატონ გიორგი მარგველაშვილს, საქართველოს პრემიერ-მინისტრს ბატონ ირაკლი ღარიბაშვილს, სახალხო დამცველს ბატონ უჩა ნანუაშვილს, მსოფლიო ბანკს, ევროპის რეკონსტრუქციისა და განვითარების ბანკს, აზიის განვითარების ბანკს, არასამთავრობო ორგანიზაციებს, საზოგადოებას, ღ ი ა წ ე რ ი ლ ი

ბატონებო!
მოგმართავთ ულამაზესი და ძირძველი ქართული სოფლიდან, რომელიც უახლოეს რამდენიმე წელიწადში, დიდი ალბათობით, აღარ იარსებებს და მხოლოდ ნასოფლარის სახელით შემორჩება ისედაც დაცლილ-დაცარიელებულ საქართველოს მთიანეთის ისტორიას. ხოლო მშობლიურ გარემოდან იძულებით აყრილი გამრჯე და განათლებული მოსახლეობის ხვედრი და ბედი ძნელი განსაჭვრეტი არ უნდა იყოს. ჩვენ მთის ხალხი ვართ, მთის მკაცრ პირობებსა (აქ შვიდი თვე ზამთარია) და ბუნებრივ საფრთხეებს შეგუებულნი, ზედმეტად არავის ვაწუხებთ. მიუხედავად იმისა, რომ 1970-80-იანი წლებიდან თითქმის ყოველ მეორე მოსახლეს გააჩნია გეოლოგიური დასკვნა და რეკომენდაცია, რომ აქ ცხოვრება უდიდესი რისკის
შემცველია.

1958 წელს ღურტის დასავლეთ ნაწილში განვითარებულმა მეწყერმა საცხოვრებელი სახლები და პირუტყვი ჩაიტანა; საბედნიეროდ ადამიანების გადარჩენა მოხერხდა. 1971 წლის 11 თებერვალს კი სოფლის შუაგულში, თოვლის ზვავმა 22 სიცოცხლე წაგვართვა და უდიდესი მატერიალური ზარალი მოგვაყენა… მას შემდეგ მოსახლეობის დიდი ნაწილი წინა ხელისუფლებებმა განარიდეს საფრთხეს და საქართველოს სხვადასხვა რეგიონებში განასახლეს, მაგრამ 170 კომლი ისევ ადგილზე ვართ და ბუნებრივ სტიქიას შეგუებულნი, კერიებს არ ვაქრობთ და მამა-პაპისეულ საფლავებს ვჭირისუფლობთ. თუმცა,ძველთან ერთად, არსებობს
აჭარის გეოლოგიური სამსახურის ახალი, 2013 წლის დასკვნებიც, რომლებიც ასევე ადასტურებენ, რომ მთელი ტერიტორია აქტიური მეწყერსაშიში (და ზვავსაშიში) ზონაა, საცხოვრებელი სახლები და მიწის სავარგულები-დახეთქილ დაბზარულია.

ყოველ გაზაფხულზე აქტიურდება ძველი და ახალი მეწყრული კერები, რამდენიმე დღის წინ დაიმეწყრა ღურტის საჯარო სკოლის მიმდებარე ტერიტორია-ჩასკდა სოფელში მოსასვლელი გზა და უკვე საფრთხე ემუქრება თვით სკოლის შენობასაც… ერთი სიტყვით სრულ იდილიაში ვცხოვრობთ… სამწუხაროდ, ეს „იდილია“ დაგვირღვია ე.წ. შუახევიჰესის პროექტმა, რომლის მიხედვითაც ჩვენი სოფლის ძირში 39 მეტრი სიმაღლის კაშხალი უნდა აიგოს და ამ სიმაღლის წყალი მიადგება 45-50 გრადუსი დახრილობის ისედაც დამეწყრილ
ფერდობებს, რომლებზეც ასევე დამეწყრილი სოფელია გაშენებული. ამას გარდა, საცხოვრებელი სახლებისა და სოფლის წყაროების ქვეშ, სოფლის მთელ პერიმეტრზე გაივლის 9 კმ სიგრძის გვირაბი, რომელიც აფეთქების მეთოდით უნდა გაიყვანონ და გასაგებია, რომ არამარტო სახლებს, არამედ წყლებსაც უნდა გამოვეთხოვოთ.

სამაგიეროდ წყლის შემცველობა მოიმატებს ჰაერში და გაზრდილი ტენიანობა (ისედაც ჩაკეტილ სივრცეში), კიდევ უფრო დაატენიანებს დამეწყრილ ფერდობებს, ხოლო ცივ სეზონზე ნისლის, ჭირხლისა და ლიპყინულის სახით ავნებს მოსავალსაც და ხეხილსაც. აღარაფერს ვამბობთ ჯანმრთელობის მოსალოდნელ გაუარესებაზე.

ბატონებო!
ჩვენ შეგუებულნი ვიყავით ბუნებრივ საფრთხეებს, მაგრამ ახლა ამ პროექტის გარემოზე, განსაკუთრებით ჩვენს საცხოვრისებზე გარედან ხელოვნური ზემოქმედებით გაზრდილმა საშიშროებამ დაუცველობის განცდა გაგვიჩინა და შიში დაგვეუფლა. შექმნილ მდგომარეობაზე ჩვენი წუხილი არავის ესმის და ჩვენი ხმა რჩება ხმად მღაღადებლისა უდაბნოსა შინა.

შუახევიჰესის პროექტს ახორციელებს შპს „აჭარისწყალი ჯორჯია“, რომელიც ცდილობს ყველა სიტუაცია თავის სასარგებლოდ გამოიყენოს და მაქსიმალურად უგულვებელყოს მოსახლეობის პრობლემები. ეს კომპანია ცრუობს, როდესაც აცხადებს, რომ სრულყოფილი კვლევები ჩაატარა, რადგან მის მიერ მოწვეულმა ინგლისურმა კომპანიამ მხოლოდ კაშხლის მიმდებარე მდინარის სანაპირო შეისწავლა კაშხლის მდგრადობის განსაზღვრის მიზნით, ხოლომიმდებარე ფერდობებისა და სოფლის ტერიტორიის მეწყრული კერების შეფასება
ჩატარდა დიდ ბრიტანეთში „აეროფოტო დეშიფრირებით“ 2005 წელს.

სოფლის საფუძვლიანი გეოლოგიური კვლევა კი არ ჩაუტარებიათ. კომპანია ცრუობს გვირაბთან დაკავშირებითაც და ამტკიცებს, რომ ყველაფერი შესწავლილია. სინამდვილეში მათ „კვლევებში“ გარკვევით წერია, რომ გვირაბის პერიმეტრი შესწავლილი არ არისო. ამავეს ადასტურებს ორი ექსპერტი, რომლებმაც ეს „კვლევები“ შეისწავლეს: „გვირაბების გაყოლებაზე კვლევები არ ჩატარებულა, მათი განლაგების ზონებში გეოლოგიური სტრუქტურების, ტექნიკური ნაპრალების და ლითოლოგიური აგებულების შესახებ ინფორმაცია ემყარება არსებული გეოლოგიური ლიტერატურის მონაცემებს“-ო. გაურკვეველია, რომელ „არსებულ მონაცემებს“ გულისხმობენ მაშინ, როდესაც საერთოდ უგულვებელყოფილია ერთადერთი, რეალურად არსებული აჭარის გეოლოგიური სამსახურის ბოლო 34 წლიანი დასკვნები და რეკომენდაციები, რომელთა მიხედვითაც, ასეთი მაშტაბის პროექტები, არამარტო ჩვენს სოფელს, მთლიანად ზემო აჭარას დაანგრევს.

ზემოთნახსენები იგივე ექსპერტები რეკომენდაციას იძლევიან, რომ სასურველი იყო გვირაბების ღერძის გასწვრივ გაკეთებულიყო 2-3 ჭაბურღილი სიღრმეში ისეთი პარამეტრების დასადგენად, რაც მხოლოდ ჭაბურღილითაა შესაძლებელი. კომპანია ცრუობს, როდესაც თვალში ნაცარს გვაყრის, თითქოს აფეთქებებს „ვერც კი ვიგრძნობთ“ და ჩვენს სახლებს და საუკუნოვან სასაფლაოს, რომლებიც გვირაბის
თავზე ვერტიკალურად 80 მეტრზე მდებარეობს, არაფერი ემუქრება.

ამ დროს კი ექსპერტები წერენ, რომ: „შეზღუდულ ინფორმაციაზე დაყრდნობით, გვირაბის პირველი 100 მეტრი მოხვდება „ძლიერ ცუდი“ ქანების ზონაში, ხოლო რამდენიმე ასეული მეტრი „ცუდ“ გრუნტებში გაივლის,“ რომ „გვირაბის პარალელურად და
სუბპარალელურად შეინიშნება რღვევის (მეწყრული) ზონები,“ რომ „გვირაბის განთავსების ტერიტორიის ზოგ ადგილას, მეოთხეული ნალექების მნიშვნელოვანი სიმძლავრის გამო, ქანების ძაბვამ შეიძლება გამოიწვიოს კლდის გახეთქვა და დასკდომა“ და ასე შემდეგ. აქედან გამომდინარე, ძნელი არ უნდა იყოს იმის განსაზღვრა, თუ რა ბედი შეიძლება ეწიოს წყალსატევისა და გვირაბის თავზე
განლაგებულ სოფელს, მის სასმელსა და სარწყავ წყლებს…

რას გვთავაზობს კომპანია ე.წ. შემარბილებელი ღონისძიებების სახით?ერთადერთ რამეს- დაკვირვებას (მონიტორინგს) ორ ადგილას დამონტაჟებული მოწყობილობით და თუ რამე შეგვემთხვა, შემდეგ შესწავლა-რეაგირებას. ერთი სიტყვით, ექსპერიმენტის ობიექტად აქციეს ამხელა სოფელი…

შექმნილ სიტუაციას კიდევ უფრო ამძაფრებს და მეტ ტრაგიზმს სძენს ის ფაქტი, რომ ავტონომიური და ცენტრალური ხელისუფლების წარმომადგენლები კომპანიის ადვოკატებად გვევლინებიან და ხალხის მოსმენა არ უნდათ. უფრო მეტიც: 8 მარტს, შეხვედრის საბაბით მოყვანილ (თვითონ მოიყვანეს) 50-მდე კაცსა და ქალს 200-მდე პოლიციელი დაგვახვედრეს და დაგვარბიეს. მოყვანილი და გამზადებული ჰყავდათ სპეცდანიშნულების რაზმიც. ან შეხვედრაზე მიწვევა რას ნიშნავდა, ან რატომ დაგვარბიეს, ან სპეცრაზმი რისთვის სჭირდებოდათ?

ყოველივე ამის შემდეგ არ უნდა ამოგვეღო ხმა, არ გამოგვეხატა პროტესტი? გავაპროტესტეთ კიდეც, მაგრამ ავტონომიური და ცენტრალური ხელისუფლების წარმომადგენლები ხმაშეწყობილად გაიძახიან პროცესი მართულიაო. ბატონებო, სირცხვილია! მარიონეტები ნუ გგონივართ, ჩვენ მთის ხალხი ვართ. ერთადერთი ძალა, რომელიც გვმართავს უფალია. ამას ემატება ჩვენი ოჯახების
ინტრესები და პასუხისმგებლობა მომავალი თაობის წინაშე, ეს არის და ეს. ვიღაცების ბიზნესინტერესებს ვერ შევეწირებით და არ შევეწირებით. იძულებული ვართ თვითონ დავიცვათ საკუთარი ოჯახები ყველა შესაძლო საშუალებით.

ჩვენ არ შევეხებით კომპანიის ტერიტორიას (შესყიდულს), მაგრამ სოფლის ტერიტორიაზე არც ტექნიკას და არც მუშახელს არ გავატარებთ. ერთ სანტიმეტრ მიწასაც კი ვეღარ შეისყიდის კომპანია ჩვენგან. რადგან აზრი დაკარგა ყოველგვარმა მოლაპარაკებამ და კომპანიისა და
ხელისუფლების მხრიდან ურთიერთობა ვაჭრობას დაემსგავსა, ღიად ვაცხადებთ:

ბატონებო, ჩვენ არ ვვაჭრობთ საკუთარი ოჯახებით, ამავე დროს ყველა ღონეს ვიხმართ, რომ საფრთხე ავაცილოთ ცოცხალ და მიცვალებულ ოჯახის წევრებს. ჩვენ არ ვიყიდებით! რადგან ხელისუფლება არ გვისმენს,ბოიკოტს ვუცხადებთ ადგილობრივი
თვითმმართველობის არჩევნებს და შემდგომ არჩევნებზე ისეთ ხელისუფლებას ავირჩევთ, რომელიც ჩვენს ოჯახებს დაიცავს და გაუფრთხილდება. მოგმართავთ მსოფლიო ბანკის, ევროპის განვითარებისა და რეკონსტრუქციის
ბანკისა და ყველა საერთაშორისო საფინანსო ინსტიტუტების მესვეურებს:

ბატონებო, ვიცით თქვენთან რამდენად დაცულია ადამიანის უფლებები. ჩვენ, ძველ
ევროპელებს, გვინდა ისტორიულ ოჯახში დაბრუნება და თავისუფალი, დაცული
სამყაროს ფასეულობებითა და ღირებულებებით ვისარგებლოთ.

სოფელ ღურტას მაცხოვრებელთა ღია წერილი, შუახევი ჰესის მშენებლობასთან დაკავშირებით “მწვანე ალტერნატივამ” გაავრცელა

აქცია “ოცნების ქალაქში”

ისინი შიშობენ, რომ ბარაკებიდან გასახელბა ემუქრებათ. ამის საფრთხე მას შემდეგ შეამჩნიეს რაც აჭარის მთავრობის თავმჯდომარისგან საბავშვო ბაღისა და სამედიცინო პუნქტის გახსნაზე უარი მიიღეს იმ მოტივით რომ ტერიტორია სახელმწიფოს ეკუთვნის და ინვესტიციისთვის არის განკუთვნილი.

მოსახლეობა აცხადებს რომ ბარაკებს არ დატოვებენ მანამ, სანამ სახელმწიფო ობიექტურად არ შეისწავლის მათ სოციალურ მდგომარეობას და არ გაუწევს შესაბამის დახმარებას.

„ეს ტერიტორია თურმე საივესტიციოდ ყოფილა გამზადებული. მოსახლეობა არ ეწინააღმდეგება ინვესტიციებს ამ ტერიტორიაზე, მაგრამ ეს მოხდება მას შემდეგ, როცა იქნება ობიექტური დასკვნა ვინაა სოციალურად დაუცველი და ვის ჭირდება დახმარება. წინააღმდეგ შემთხვევაში არც ერთი ოჯახი აქედან გამსვლელი არ არის. ვითხოვთ რომ ინვესტორებმა და სახელმწიფომ გაითვალისწინოს მოთხოვნა“ – განაცხადა აქციის ორგანიზატორმა და სოციალურად დაუცველთა მხარდამჭერმა თამაზ ბაკურიძემ.

ფოტორეპორტაჟი ბათუმის საპყრობილიდან

ციხის ეზო

საპყრობილეს ეზოში რეაბილიტაციამდელი ფოტოები გამოფინეს

ღილაკი საკნებში, რომლითაც პატიმრები ადმინისტრაციას უკავშირდებიან

სამედიცინო პუნქტი

მესამე საბყრობილეში მხოლოდ მართლმადიდებლური სამლოცველო ოთახია. სოზარ სუბარმა ბათუმელებთან განაცხადა, რომ სურვილის შემთხვევაში, სხვა აღმსარებლობის პატიმრებსაც გამოუყოფენ სალოცავ ოთახს.

საკანებში ცალკე სივრცე გამოიყო საპირფარეშოებისთვის სადაც შესაძლებელია შხაპის მიღებაც.

სასჯელაღსრულებისა და პრობაციის მინისტრის, სოზარ სუბარის განმარტებით, ერთ პატიმარზე გათვლილია 4 კვ.მ ფართი. საპყრობილეში მოთავსდებიან როგორც ბრალდებული, ასევე მსჯავრდებული პირები. გათვლილია ორი საკანი ქალებისთვის.

№3 დაწესებულებაში ასევე მოეწყო ხანგრძლივი პაემნების ოთახები;

საპყრობილის დერეფნებსა და შენობის მიმდებარე ტერიტორიაზე დამონტაჟებულია ვიდეოთვალი. სათვალთვალო კამერები აკონტროლებენ ასევე მაღალი რისკის მქონე პატიმრების საკნებსა და კარცერებს

რეაბილიტირებული საპყრობილე დღეს სასჯელაღსრულების მინისტრმა სოზარ სუბარმა და აჭარის მთავრობის თვმჯდომარემ, არჩილ ხაბაძემ გახსნეს.

ქედაში საარჩევნო ოლქის კომისია სხდომას მართავს

სხდომა ქედაში 1 საათზე დაიწყო და ამ დროისათვის კომისიამ კენჭისყრით საუბნო კომისიის წევრები 16 უბანზე გამოავლინა.

ქედის საოლქო საარჩევნო კომისიის თავმჯდომარე ალი ნაკაშიძე აცხადებს, რომ თვითმართველობის არჩევნებში კომისიის წევრების პოსტზე მხარდაჭერას მხოლოდ ის კონკურსანტები ვერ მიიღებენ, რომლებმაც საპრეზიდენტო არჩევნებში შეცდომები დაუშვეს.

`ქედაში 31 საარჩევნიო უბანია, კომისიამ დღეს 31 უბანზე 186 წევრი უნდა შეარჩიოს, სულ 462 განაცხადია შემოტანილი.

კომისიამ იმსჯელა ამ კანდიდატებზე, კომისიის წევრებზე (კომისიის თავმჯდომარე, მდივანი, რეგისტრატორი), რომლებმაც გასულ წელს საპრეზიდენტო არჩევნებში შეცდომები დაუშვეს და გაფრთხილება მიიღეს. ერთხმად გადავწყვიტეთ მხარი არ დავუჭიროთ მათ. რაც შეეხება სერთიფიცირებულ კადრებს, ჩვენ გვჭირდება ასეთი ადამიანები და ყველა მათგანს მხარს ვუჭერთ“ – აცხადებს ალი ნაკაშიძე.

რაც შეეხება კომისიის დანარჩენ წევრებს, რომლებსაც პოლიტიკური პარტიები ნიშნავენ, მათი ვინაობა ხვალ გახდება ცნობილი.

დღეს ქობულეთის მუზეუმში უცნობი ხელნაწერები გამოიფინება

ხელნაწერები საგამოფენოდ ჟურნალისტმა ზურა ბაუჟაძემ შეარჩია. ჟურნალისტის თქმით ხელნაწერთა უმრავლესობა ათეული წლების განმავლობაში უცნობი იყო საზოგადოებისათვის, რამდენიმე მათგანი კი მხოლოდ მკვლევართა ვიწრო წრისათვის იყო ხელმისაწვდომი.

„საზოგადოდ, ცნობილი ფაქტია, რომ საუკუნეეების განმავლობაში აჭარაში განვითარებული ისტორიული პროცესების გამო, წერილობითი ძეგლების თითქმის არ შემორჩენილა. აქედან გამომდინარე, ეს გამოფენა განსაკუთრებულ მნიშვნელობას იძენს.

გამოფენაზე წარმოდგენილ ხელნაწერთა ნიმუშებს შორისაა მე-15 საუკუნის თეთროსნის (ხუცუბნის) მინიატურებიც, რომლებიც შუასაუკუნეების ქართული მინიატურის ისტორიისათვის უმნიშვნელოვანეს მონაპოვრად არის აღიარებული,“ – ამბობს ზურა ბაუჟაძე.

გამოფენა „უცნობი ხელნაწერები“ მოიცავს ქართული დამწერლობის ევოლუციის ყველა ეტაპს. მასზე წარმოდგენილია ასომთავრულით, ნუსხურით, მხედრულით და დედაბრული ხელით ნაწერი ტექსტების ნიმუშები. აღსანიშნავია „ჩურუქსის დავთარიც“ (ქობულეთის), რომელიც ოსმალური დამწერლობის ნიმუშია, ამჟამად ინახება თურქეთის პრემიერის არქივში და 1803-1806 წელსაა შექმნილი. „ჩურუქსის დავთარი“ ქართველი მეცნიერებისათვის დღემდე უცნობი ძეგლია, თუმცა, მნიშვნელოვანი დოკუმენტია აჭარის რეგიონის ისტორიის შესწავლისათვის, რადგანაც წარმოადგენს იმდოროინდელი ქობულეთის მხარის მოსახლეობის და ეკონომიკური მდგომარეობის დაწვრილებით და უზუსტეს აღწერილობას.

ხელნაწერთა ნიმუშები რომლებიც დღეს გამოფენაზე იქნება წარმოდგენილი, ქობულეთის მუზეუმს საქართველოს ხელნაწერთა ეროვნულმა ცენტრმა ურთიერთთანამშრომლობის მემორანდუმის საფუძველზე გადასცა.

გამოფენა №3 დაწესებულებაში

სამინისტროს ინფორმაციით, დღესვე დაწესებულების ეზოში გამოეფინება ძველის ციხის ამსახველი ფოტოები, რომელიც სარემონტო სამუშაოების დაწყებამდეა საკნებში გადაღებული.

ბათუმის N3 დაწესებულება 2013 წლის მარტში დაიხურა, მსჯავრდებულები კი სხვადასხვა დაწესებულებაში მოათავსეს. დაწესებულების მთავარი პრობლემა გადატვირთულობასთან ერთად, გაუსაძლისი საცხოვრებელი პირობები, ანტისანიტარია და მოუწესრიგებელი ინფრასტრუქტურა იყო. დაწესებულებაში არ არსებობდა გათბობის სისტემა, მწყობრიდან იყო გამოსული წყალ-კანალიზაციისა და ვენტილაციის ქსელი, არ არსებობდა შესაბამისი ინფრასტრუქტურა გრძელვადიანი პაემნებისათვის.

სამინისტროს მიერ გავრცელებულ პრესრელიზში წერია, რომ გარემონტდა საკნები, სადაც დამონტაჟდა გათბობის სისტემა, რომელიც დაწესებულებაში აქამდე არ არსებობდა, მოეწყო პირადი ნივთებისთვის განკუთვნილი კარადები, საკანში სივრცე გამოიყო საპირფარეშოებისთვის, სადაც შესაძლებელია შხაპის მიღებაც, მანამდე საპირფარეშო, ფაქტობრივად არ იყო კედლებით შემოსაზღვრული. 3 ოთახი დაეთმო სამედიცინო პუნქტს, რომელიც ციხის დახურვამდე ერთ ოთახში იყო განთავსებული.

ოთახებში მოეწყო პირველადი ჯანდაცვის და სანიტარული განყოფილებები, ასევე სტომატოლოგიური კაბინეტი, რომელიც მანამდე ციხეში არ არსებობდა. გაიმართა სამრეცხაო შესაბამისი ტექნიკითა და საუთოო განყოფილებით. ციხის დახურვამდე მსჯავრდებულებს ჰიგიენური ნორმების დაცვა და სარეცხის გარეცხვა საკნებში უხდებოდათ.

გარემონტდა და მოეწყო ამანათების მიმღები, სატელეფონო საუბრების, ხანმოკლე პაემნებისა და ადვოკატთან შეხვედრებისთვის განკუთვნილი ოთახები; გაიმართა და კეთილმოეწყო ინფრასტრუქტურა ხანგრძლივი პაემნისთვის, რომლის განხორციელება აქამდე შეუძლებელი იყო დაწესებულებაში; განახლდა სამლოცველო და ბიბლიოთეკა; კარები აღიჭურვა სპეციალური ორმაგი ელექტრონული საკეტით და ხმოვანი გამოძახების სისტემით.

აიგო შემზღუდავი ღობეები და კოშკურები, განახლდა აკრძალული საკვალე ზოლის შიდა ღობე და გარე კედელი, კედელს კი დაემატა დამცავი ზოლები; ასფალტი დაიგო დაწესებულების ცენტრალურ შესასვლელში, კეთილმოეწყო შიდა ეზო. განახლდა და ნაწილობრივ გადაიხურა სასეირნო ეზო, სადაც დამონტაჟდა სკამი და სავარჯიშო ძელი.

გარემონტდა საკონტროლო საგუშაგო. დაწესებულების ეზოში არსებულ შენობაში 8 საკანი გამოიყო სამეურნეო ნაწილში დასაქმებული პატიმრებისთვის; გაიმართა საკანალიზაციო სისტემა.

დაწესებულებაში ამოქმედდება საზოგადოებრივი მისაღებიც, რომელიც მოემსახურება პატიმრების ოჯახის წევრებსა და ინტერესების დამცველებს.

დაწესებულება გათვლილია 230-მდე პატიმარზე.

უფასო სამედიცინო გამოკვლევები

პაციენტებს კონსულტაციას გაუწევენ ალერგოლოგი, მედიცინის მეცნიერებათა დოქტორი მარიამ ბეზარაშვილი და ექიმი ალერგოლოგი ნანა ფენჩიძე.

აქცია ჩატარდება საქართველოს ალერგოლოგიის და კლინიკური იმუნოლოგიის ასოციაციის ეგიდით.

მისამართი: ქ. ბათუმი, ტაბიძის ქუჩა N2ა

აჭარაში სირბილის შეჯიბრებაში 8 ჩემპიონი გამოვლინდა

პრიზიორი სპორტსმენები მძლეოსნობაში და აჭარის მძლეოსნობის ფედერაციის წარმომადგენლები

შეჯიბრება აჭარის მძლეოსნობის ფედერაციამ აჭარის სპორტისა და ახალგაზრდობის საქმეთა დეპარტამენტის მხარდაჭერით ჩაატარა.

პირველ მეორე და მესამე ადგილზე გასულებს თასები, მედლები და დიპლომები გადასცეს.

როგორც მძლეოსნობის ფედერაციის გენერალური მდივანი კახა ხომერიკი ამბობს 24 გამარჯვებულიდან მწვრთნელები ნაკრები გუნდის ჩამოსაყალიბებლად 10 სპორტსმენს შეარჩევს, რომლებიც მაისში საქართველოს ჩემპიონატზე იასპარეზებენ.

გუშინ სპორტსმენები 100 და 400 მეტრის გარბენაში შეეჯიბრნენ ერთამანეთს.

200 მეტრზე სირბილში გამარჯვებულები:

გოგონებში:

მარი გამგონეიშვილი (შედეგი 31 წამი და 70 მეასედი)

მარი მეჯიდოვი (33.00)

აგატა ჩიბურდანიძე (33.72)

ვაჟებში:

დათო თითმერია (27.34)

თორნიკე კურტანიძე (27.36)

ნიკა ხოზრევანიძე (28.50)

800 მეტრზე სირბილში გამარჯვებულები:

გოგონებში:

ანა მიქაძე (2.50.17)

მარი გიორხელიძე (3.21.00)

მეგი ქათამაძე (3.42.00)

ვაჟებში:

მალხაზ აბაშიძე (2.39.72)

ზაზა ვარშანიძე (2.40.00)

ბაჩანა აბაშიძე (2.41.10)

ხვალიდან ბათუმის N3 დაწესებულება ამოქმედდება

სასჯელაღსრულებისა და პრობაციის სამინისტროს ინფორმაციით, რეაბილიტირებულ და გარემონტებულ დაწესებულებაში, რომელიც 230-მდე პატიმარზეა გათვლილი, კეთილმოეწყო საკნები, დამონტაჟდა გათბობის სისტემა, რომელიც აქამდე არ არსებობდა, კარები აღიჭურვა სპეციალური, ორმაგი ელექტრონული საკეტებით და ხმოვანი გამოძახების სისტემით, რომელიც დაცვისა და უსაფრთხოების მაღალ დონეს ქმნის.

შეიქმნა შესაბამისი სივრცე სამედიცინო სერვისის განსახორციელებლად, პირველადი ჯანდაცვისა და სანიტარულ განყოფილებასთან ერთად მოეწყო სტომატოლოგიური კაბინეტი; გაიმართა ხანგრძლივი პაემნისთვის განკუთვნილი ინფრასტრუქტურა, რომელიც დაწესებულებაში არ მოქმედებდა, ისევე როგორც სამრეცხაო. ამჟამად დაწესებულებაში შესაბამისი ტექნიკით აღიჭურვა სამრეცხაო ოთახი, განახლდა კვების ბლოკი, ევროპული სტანდარტების შესაბამისად აიგო შემზღუდავი ღობეები, კოშკურები, დამონტაჟდა დამცავი ბადეები, გაიმართა სავენტილაციო და საკანალიზაციო სისტემები.

დაწესებულებაში ამოქმედდება საზოგადოებრივი მისაღები, რომელიც პატიმართა ოჯახის წევრებსა და ინტერესების დამცველებს მოემსახურება.

მერიამ შშმ პირებისთვის საკურორტო-რეაბილიტაციის პროგრამა დაიწყო

ბათუმის მერიის ჯანმრთელობისა და სოციალური დაცვის სამსახურის, ჯანმრთელობის განყოფილების უფროსის მარინა რუხაძის განცხადებით პროგრამაში ჩართულები იქნებიან 18-25 წლის 55 პირი, 40 ცერებრალური დამბლით დაავადებული და 15 სხვა სახის დიანგონოზის მქონე პირი.

„პროგრმა ითვალისწინებს ურეკისა და ბორჯომის კურორტებზე 15 დღის განამვლობაში შშმ პირების ტრანსპორტირებას, სამკურნალო მასაჟს, თერაპიას. ორი კვირას შშმ პირები დასასვენებელ სახლში და ადაპტირებულ გარემოში გაატარებენ, უზრუნველყოფილი იქნებიან დღეში სამჯერადი კვებით“.

პროგრამაში მონაწილეებს შეუძლიათ ერთი თანმხლები პირის წაყვანაც, რომლის მგზავრობობის, კვების, ღამის თევის ხარჯებს პროგრამა ანაზღაურებს.

59 900 ლარიან პროგრამას „შეზღუდული შესაძლებლობების მქონე პირთა საკურორტო სამკურნალო რეაბილიტაცია“ ბათუმის მერია ახორციელებს.

პირველი ნაკადი 20 ივნის გაემგზავრება. როგორც მარინა რუხაძე განმარტავს შშმ პირთა საკურორტო რეაბილიტაცია გასულ წელსაც მოქმედებდა და მომავალშიც იქნება. წელს კი შშმ პირებს საკურორტო რეაბილიტაციის გავლა სექტემბრამდე შეეძლებათ.

პროგრამით სარგებლობის მსურველებმა განცხადებით ბათუმის მერიას უნდა მიმართოს.

ხუთი წელი სახურავის ძიებაში

„ხუთი წელია სახურავის დახურვას ვითხოვ. წინა ხელისუფლებასაც მივმართე და ახალსაც, არჩილ ხაბაძის სახელზეც მქონდა განცხადება გაგზავნილი, მაგრამ დახმარება არ გამიწიეს. მთავრობაში მეუბნებიან, გამგებელმა შეადგინოს აქტი და შემდეგ დაგეხმარებითო, გამგებელი ამბობს, დასახმარებელ პირთა სია უკვე შევსებულია და თქვენ ვერ ჩაგვსვამთ, ფული არ არისო“- გვეუბნება რესპონდენტი.

ჟუჟუნა საითაძე ამბობს, რომ ოჯახი თორმეტსულიანი და სახლის გადახურვის შესაძლებლობა არ აქვთ:

„ოჯახში მარტო მე ვმუშაობ. შემოსავალი ცოტა გვაქვს. მეუღლის დასაქმებასაც ვითხოვდი, მეოთხე კატეგორიის მძღოლია, თუმცა სამსახური ვერ იშოვა. სახლი დასხმულია, რადგან გადახურული არ იყო, ბეტონი ჩამოწვა და საშიში მდგომარეობაა. სახლში სამი ბავშვი ცხოვრობს, მეშინია არ ჩამოინგრეს“.

ფესტივალი “ბათუმური გაზაფხული” [პროგრამა]

6 მაისი, 19:00 საათზე – ჯგუფუ «ბანის» კონცერტი

9 მაისი, 19:00 საათზე – ამერიკაში მოღვაწე ცნობილი ქართველი პიანისტისა და კომპოზიტორის ლევან შენგელიას და მუსიკოსი ირაკლი შარაძის შემოქმედებითი საღამო.

მონაწილეობენ: ლევან შენგელია, ირაკლი შარაძე, ანი ლომაძე, ვაჟა ტუღუში, ირაკლი ჯანაშია, გიორგი მოისწრაფიშვილი, მალხაზ ირემაძე, ჯგუფი სითი ბენდი, ფოლკ ბენდი და ბალეტი.

12 მაისი, 19:00 საათზე – მუსიკალური საღამო “ქართული ცეკვა – ცამდე აყვანილი ხელოვნება”

მონაწილეობენ: ქალაქ ბათუმის მერიის ხელოვნებისა და კულტურის ცენტრის ენვერ ხაბაძის სახელობის სახელმწიფო ქორეოგრაფიული ანსამბლი “ბათუმი”;

ბათუმის, ვახტანგ ჭაბუკიანის სახელობის საბალეტო სკოლის მოსწავლეები;

ბათუმის სახელმწიფო მუსიკალური ცენტრის კვარტეტი “ნოტა”; ანსამბლი ”ბერმუხა”; ირაკლი კახიძე, აჩიკო გოგიტიძე, ლელა სიხარულიძე, ირაკლი შარაძე, აჩიკო ბერიძე, მარიამ გუდავა.

17 მაისი, 19:00 საათზე – მუსიკალურ საღამოს “სიყვარულს გიხსნით ბათუმო”.

მონაწილეობენ: აჩიკო გოგიტიძე, ნიკა ბერიძე, აჩიკო ბერიძე, გიორგი ბერიძე, მუსიკოსი ირაკლი შარაძე, ბათუმის სახელმწიფო მუსიკალური ცენტრის კაპელა, სიმფონიური ორკესტრი, ბათუმის ვახტანგ ჭაბუკიანის სახელობის საბალეტო სკოლის მოსწავლეები.

კაპელის კონცერტმაისტერი – თამარ თოფურიძე

კაპელის კონსულტანტი – ქეთევან მანელიშვილი

საბალეტო სკოლის პედაგოგი – ეკატერინე ღლონტი

დირიჟორი – მამუკა ალაფიშვილი

18 მაისი, 19:00 საათზე – საქართველოს ხალხური სიმღერისა და ცეკვის სახელმწიფო დამსახურებული აკადემიური ანსამბლი “ერისიონი” – ქართული ლეგენდა.

ლიტველი ბლოგერები ბათუმში

ტურის ფარგლებში გაკეთდება აჭარა-ბათუმის შესახებ სარეკლამო სტატიები, სპეციალურ ბლოგებზე პოპულარიზაციას გაუწევენ ბათუმის ტურისტულ მიმართულებას ლიტვაში.

აჭარის ტურიზმისა და კურორტების დეპარტამენტი წელს პირველად ახორციელებს სარეკლამო კამპანიას ლიტვაში. ახალი მიზნობრივი ბაზრით დაინტერესებას ხელი შეუწყო ქუთაისის აეროპორტში იაფფასიანი რეგულარული ფრენების შემოღებამ.

წელს დეპარტამენტი ასევე მონაწილეობას ღებულობდა ბალტიისპირეთის ქვეყნების ტურისტულ გამოფენებში, სადაც მუდმივად ჩანდა დიდი ინტერესი აჭარა-ბათუმის მიმართ. სარეკლამო კამპანიებისა და სხვადასხვა მარკეტინგული ღონისძიებების შედეგად 2014 წლის სეზონისათვის ლიტველი ტურისტების რიცხვი რეგიონში საგრძნობლად გაიზრდება.

ტურიზმის დეპარტამენტის შეთავაზება ბიზნეს სექტორს

27 აპრილიდან 7 მაისამდე ტრენინგები ჩაუტარდებათ სოფლად არსებული სასტუმრო-სახლების მეპატრონეებს ხუთივე მუნიციპალიტეტის მასშტაბით. გადამზადება თეორიულ და პრაქტიკულ ნაწილს მოიცავს, რომლის ფარგლებშიც გაეცნობიან სასტუმრო-სახლებისათვის არსებულ სტანდარტებსა და მოთხოვნებს, მიიღებენ პრაქტიკულ რჩევებს. გადამზადების კურსებს 55 უკვე დასაქმებული ადამიანი გაივლის.

ინფორმაცია აჭარის ტურიზმის დეპარტამენტი ავრცელებს.

სეზონის აქტიურ ფაზაში შესვლამდე დეპარტამენტი ტრენინგებს ტურიზმის სფეროში დასაქმებული კადრებისათვის რამდენიმე მიმართულებით ატარებს. ამ ეტაპზე გადამზადდა კვების ობიექტების მიმტანები, სასტუმროთა საშუალო რგოლის მენეჯერები, სოფლად არსებული სასტუმრო სახლების მეპატრონეები. უახლოეს დღეებში იგეგმება სასტუმროებში დასაქმებული პერსონალის გადამზადება ჰაუზქიფინგის მიმართულებით, რაც 2014 წლის გადამზადების კურსების სიახლეს წარმოადგენს.

2014 წლის მანძილზე დეპარტამენტი 250-მდე სერვისის სფეროში დასაქმებული კადრის გადამზადებას გეგმავს.

აქცია შშმ პირების უფლებების მხარდასაჭერად

ღონისძიების ფარგლებში დაგეგმილია სხვადასხვა ტიპის აქტივობა. ღონისძიება არის დასკვნითი ეტაპი პროექტისა „საზოგადოებაში შშმ პირების ინტეგრაციის პირველი ნაბიჯი”.

განხორციელებული პროექტის შესახებ ორგანიზაცია ანგარიშს დემოკრატიული ჩართულობის ცენტრში წარმოადგენს, სადაც გაიმართება დოკუმენტური ფილმის ჩვენებაც.

რეჟიმი ადამიანების წინააღმდეგ

ალეკო სარიშვილი

„დედაჩემი ლომაძე იყო და მისი ოჯახიც მახინჯაურში ცხოვრობდა. მამა და ბაბუა, ჩვენზე ცოტათი ადრე, სხვა ბრძანებით გაასახლეს. მამის დაკავების შემდეგ, მე და დედა ბებიასთან ვიყავით, თუმცა ლომაძეების გასახლებაც დაიწყეს და ჩვენც მათ გავყევით“, – იხსენებს დედის მონათხრობს ალეკო სარიშვილი. 1944 წლის ოქტომბერში მახინჯაურიდან ორი ეშელონი გავიდა. გადასახლება შეეხოთ დედის არასრულწლოვან ძმებს და სხვა ნათესავებსაც.

„ბაბუაჩემი შეძლებული კაცი იყო. ფინგანად მუშაობდა და ვაჭრობდა კიდეც. იმ დროს ცხენის ყოლაც სიმდიდრედ ითვლებოდა. მიწები იყიდა და თავისი ხელით გააშენა ბაღები. მაგრამ ხომ იცით, კომუნისტებს მდიდარი ადამიანები არ უყვარდათ. ყველას აკულაკებდნენ, ალბათ ჩემი ოჯახიც ამიტომ გაასახლეს“.

ერთთვიან გაუსაძლის მგზავრობის მძიმე დღეებს დედის ნაამბობიდან იხსენებს. „საშინელი იყო, როგორც მიყვებოდნენ. ანტისანიტარია, სიცივე და შიმშილი. მეც გავმხდარვარ ავად, მაგრამ მაინც გადავრჩენილვარ. საბნები ჰქონია წამოღებული და იმაში მფუთავდა დედა. ყველა ვერ უძლებდა, ბევრი ადამიანი გარდაცვლილა, მოხუცები, ბავშვები. როცა ვაგონი ჩერდებოდა, რაღაც წუთებში უნდა მოესწროთ მკვდრების დამარხვა, თუ ვერ მოასწრებდნენ, იქვე, გზაზე ტოვებდნენ. ხალხი ისეთ დღეში ყოფილა, ოღონდ დასრულდეს ეს გზა და თუნდაც ჯოჯოხეთში მიგვიყვანონო, ასე ამბობდნენ თურმე“.

გადასახლებულებისთვის ახალი განსაცდელი ყაზახეთში დაიწყო. „საქონლის თავლებში შეგვასახლეს. მე დედის ნათესავებთან ერთად ვიყავი. მამა და ბაბუა სულ სხვა რაიონში იყვნენ. მხოლოდ ერთი წლის შემდეგ მივაწვდინეთ ხმა. მამა ჩამოვიდა, ბაბუა კი იქ დარჩა და გარდაიცვალა კიდეც. მისი საფლავი არასდროს მინახავს, არ ვიცით სად არის.

დედამ ბევრი რამ გადაიტანა. როგორც ამბობენ, წისქვილის ქვა არ დაბრუნებულა მხოლოდ მის თავზე, არც მამა ჰყავდა გვერდით. ავად გახდა, თუმცა გადაიტანა. პირველ წლებში ძალიან გვიჭირდა ცხოვრება. არც ექიმი, არც პირობები. შემდეგ ბიძებმა მძღოლებად დაიწყეს მუშაობა, დედა და ბებიაც მუშაობდნენ კოლმეურნეობაში და ბოლო წლებში საკვები გაგვიჩნდა. ყაზახეთში და-ძმა შემეძინა, წამოსვლის წინ კი დედას ტყუპებიც გაუჩნდა, თუმცა ერთი მაშინვე გარდაიცვალა. დაბრუნების შემდეგ მალე პატარა ძმაც გარდაიცვალა“.

ალეკო სარიშვილი სკოლის წლებსაც იხსენებს. ამბობს, რომ ქართულად საუბარი უჭირდა და სამშობლოში დაბრუნების შემდეგ მეოთხე კლასში ჩატოვეს. „მშობლები ცდილობდნენ ენა არ დამვიწყებოდა, თუმცა მაინც მიჭირდა საუბარი. სკოლა სახლიდან ორი კილომეტრით შორს იყო, არც სწავლის დონე იყო მაღალი“.

მახინჯაურში ალეკო სარიშვილის დედა და მისი ოჯახი უფრო ადრე დაბრუნდა, მამა კი ერთი წლის შემდეგ დააბრუნეს. ოჯახში უცხო ადამიანები დახვდათ და ცხოვრებაც მათთან ერთად გააგრძელეს: „რვასულიანი ოჯახი იყო, გარეთ ხომ არ გავაგდებდით. ერთი წლის შემდეგ ვთხოვეთ, რომ სხვაგან გადასულიყვნენ, ჩვენ მიწა ჩამოგვაჭრეს და იმ ოჯახს მისცეს. გაპარტახებული დაგვხვდა ბაბუას მოვლილი ბაღები და სკებიც, მხოლოდ ორი ოჯახი იყო შემორჩენილი“.

ალეკო სარიშვილი კრიტიკულია სტალინის რეჟიმის მიმართ: „ეს იყო რეჟიმი ადამიანების წინააღმდეგ. რაღაც საშინელი მანქანა“, – გვეუბნება ის. – „ადამიანის ღირსებას არ უნდა შეეხო. სტალინს მისტირიან… მე არასოდეს ვიტყვი მასზე კარგს, რადგან ჩემს ოჯახს ბევრი ცუდი გაუკეთა. ამ ბოლოს ისეთ რამეებს წერენ, სულ შეცვალეს მისი ბიოგრაფია. მისმა რეჟიმმა ყველაზე მეტად ქართველები დასაჯა. ნახევარი ქერჩში დაიღუპა, ათასობით კი გადასახლებაში ვიტანჯებოდით. რუსებისთვის გააკეთა კარგი, მაგრამ საქართველოს რა დაუტოვა?“.

უგზო-უკვლოდ დაკარგულთა ოჯახების ტრავმა

“ოთხი წლის წინ ქართული და აფხაზური მხარეები შეთანხმდნენ, რომ შექმნილიყო საკოორდინაციო მექანიზმი 1992-1993 წლების კონფლიქტის შედეგად გაუჩინარებულ პირთა ბედ-იღბლის გასარკვევად. წითელი ჯვრის საერთაშორისო კომიტეტი გამოვიდა ინიციატივით, შეესრულებინა თავმჯდომარის როლი ამ პროცესში, საჭირო ტექნიკური მხარდაჭერის ჩათვლით. მაგრამ ამ ოჯახების სარეაბილიტაციო კომპონენტი სახელმწიფოს თავის თავზე არ აუღია და არც ახლა იღებს”, – ამბობს წამების მსხვერპლთა ფსიქოსოციალური და სამედიცინო რეაბილიტაციის ცენტრის ექიმი-ფსიქოთერაპევტი სოფო ტაბაღუა.

სოფო ამბობს, რომ ძირითადი საკითხი, რაზეც გაუჩინარებული პირების ოჯახებთან უწევთ მუშაობა, ახლობელი ადამიანის გაუჩინარებით გამოწვეული ორაზროვანი დანაკარგი და მისი შედეგებია. ორაზროვანი დანაკარგი – ფსიქოლოგიური ტრავმის განსაკუთრებული სახეა, ამ დროს ადამიანი ფიზიკურად არ არის, მაგრამ ფსიქოლოგიურად რჩება. “ორაზროვან დანაკარგს მტანჯველი გაურკვევლობა ახასიათებს, რომელსაც თან ახლავს გაუჩინარებულის ბედ-იღბლის ბუნდოვანებით გამოწვეული შფოთვა და შიში. ეს არის მდგომარეობა იმედსა და უიმედობას შორის. მტანჯველი გაურკვევლობის შედეგია აქტიური ძიება ან შესაძლო იმედგაცრუებისგან თავის არიდება, მაგალითად, ფსიქოლოგთან საუბრის დროს ერთ-ერთი დაკარგულის დედამ აღნიშნა: “თქვენს ზარს არ ვუპასუხე, მეგონა შვილის ნეშთი მოგქონდათ””.

ასეთ დროს ოჯახის წევრებს ბრალეულობის განცდა უჩნდებათ _ მიიჩნევენ, რომ თუ არ განაგრძობენ “აქტიურ” ძებნას, ამით დაკარგული მიტოვებულად ჩაითვლება. ოჯახის წევრის გაუჩინარების შემდეგ ოჯახების მხრიდან ძებნის პროცესი ქაოსურია, ეს განსაკუთრებით აფხაზეთის ომის შემდეგ ჩანდა, როცა დაკარგულის ნახვის ძლიერი სურვილის გამო ოჯახის წევრები ხშირად შეთხზული ისტორიებისა და ფულის გამოძალვის მსხვერპლი ხდებიან. ეს მათ მორალურ და მატერიალურ ზიანს კიდევ უფრო ზრდის – „გაცილებით მძიმეა ძიების გზაზე მიღებული იმედგაცრუებები, ვიდრე თავად გაუჩინარება“ – იხსენებს სოფო ერთ-ერთი დედის სიტყვებს, რომელსაც ერთადერთი შვილი ჰყავს გაუჩინარებული.

ფსიქოთერაპევტის თქმით, ამ დროს ჩნდება გამოგლოვების სიძნელე – “როცა ნეშთი არ არის ნაპოვნი და დასაფლავებული, არ არის ჩატარებული კულტურალურად მიღებული რიტუალები – გამოგლოვების პროცესი ირღვევა”. უგზო-უკვლოდ დაკარგულთა გამოგლოვების სირთულეს აჩვენებს იმ პაციენტის მაგალითი, რომელიც შვილის ცხედრის არ არსებობის გამო სხვის მიცვალებულებს ტიროდა. ,,გაუჩინარებულის დედა უცხო პროცესიებს აედევნებოდა ხოლმე და ეს იყო მისი გლოვის რიტუალი’’, – ყვება სოფო.

ოჯახებისთვის გაძნელებულია რელიგიური რიტუალების ჩატარებაც. “რაც საკმაოდ მნიშვნელოვანია ჩვენი პოპულაციისთვის. ხშირად გვესმის ფრაზა – არ ვიცი, სად დავანთო სანთელი, ცოცხლებთან თუ მიცვალებულებთან. ამ საკითხზე პასუხი არც სასულიერო პირებს აქვთ’’ , – ამბობს სოფო.

გარდა იმისა, რომ ოჯახში ახალი როლისა და პასუხისმგებლობის აღების სირთულეები ჩნდება, ისინი იძულებული ხდებიან საკუთარ თავზე აიღონ გაუჩინარებული ადამიანის ფუნქცია, ორაზროვანი ხდება მათი სტატუსიც – მაგალითად, ქალმა არ იცის, არის თუ არა ის ქვრივი. ასეთი გაორება ხდება დოკუმენტაციური თვალსაზრისითაც – არის გაუჩინარებულის მოლოდინში და შესაძლოა იღებდეს მისი გარდაცვალების პენსიას.

ფსიქოთერაპევტი ამბობს, რომ ხშირად ამ ადამიანების მუდმივად თანმხლები წუხილი სხვა ემოციებსა და გრძნობებს ბლოკავს – ,,მათ უჭირთ სოციუმთან კომუნიკაცია და ხშირად ისინი თვითიზოლაციაში ექცევიან. გარდა ამისა, დაკარგულთა ოჯახის წევრებში საკმაოდ მაღალია სომატური დაავადებების სიხშირე, განწყობა ავადმყოფობისადმი’’, ამიტომ ძალიან მნიშვნელოვანია ამ ოჯახებს დავანახოთ, რომ საზოგადოება მათ გვერდითაა და რომ მათი წუხილი დავიწყებული არ არის.

საზაფხულო სკოლები მოსწავლეებისთვის

აჭარის განათლების სამინისტრო ერთადერთ საზაფხულო სკოლას – „თურქეთის სამეცნიერო ბანაკს“ უწევს ორგანიზებას. სამეცნიერო ბანაკში მონაწილეობის მიღების უფლება აჭარის ავტონომიური რესპუბლიკის ტერიტორიაზე მოქმედ საჯარო და კერძო სკოლების მოსწავლეებს აქვთ.
სამეცნიერო ბანაკი ყოველწლიურად თურქეთის ქალაქ იზმირში იმართება. ბანაკში წამსვლელი მოსწავლეების შერჩევა ინგლისურ ენაში ჩატარებული ტესტირების საფუძველზე ხდება. პროგრამა 2011 წლიდან ხორციელდება.

მეათეკლასელი მარიამ შოთაძე ერთ-ერთია იმ მოსწავლეთაგან, ვინც სამეცნიერო ბანაკში მიიღო მონაწილეობა. მარიამი ამბობს, რომ ბანაკი ერთდროულად ცოდნის მიღების, გართობისა და დასვენების კარგი საშუალებაა.

„ბანაკმა ბევრი რამ მომცა. პირველ რიგში, მივიღე დიდი გამოცდილება ინგლისურ ენაში, შევიძინე უამრავი უცხოელი მეგობარი, გავეცანი სხვადასხვა ქვეყნის კულტურას, მეტი ცოდნა მივიღე სამეცნიერო დარგებში, გართობაზე საერთოდ აღარაფერს ვამბობ,“ – ამბობს მარიამი.
როგორც აჭარის განათლების სამინისტროში განმარტავენ, ბანაკი „მიზნად ისახავს ინტერაქტიული ღონისძიებებით ახალგაზრდების მეცნიერებითა და ტექნოლოგიებით დაინტერესების ხელშეწყობას“.

ბანაკი ექვსდღიანია და დატვირთულ საგანმანათლებლო-შემეცნებით პროგრამას მოიცავს. სამეცნიერო ბანაკის მონაწილეთა ტრანსპორტირების ხარჯებს სამინისტრო ანაზღაურებს. თურქეთის სამეცნიერო ბანაკი წელს ქალაქ იზმირში 22-28 ივნისს გაიმართება და მასში მონაწილეობას აჭარაში მცხოვრები 10 მოსწავლე მიიღებს. კონკურსში მონაწილეობის მიღება მე-8-9-10 კლასის მოსწავლეებს შეუძლიათ. წელს ბანაკში მონაწილეები უკვე შეარჩიეს. სამინისტრომ შესარჩევი კონკურსი გასული წლის დეკემბერში ჩაატარა.

თურქეთის სამეცნიერო ბანაკის ვებგვერდია: https://www.gftse.org/ კიდევ ერთი საზაფხულო სკოლა, სადაც მოსწავლეებს სწავლა შეუძლიათ, ბაქსვუდის საზაფხულო სკოლაა.

ბათუმის მეექვსე საჯარო სკოლის მეათე კლასის მოსწავლე ანნა ტურიაშვილი ბაქსვუდის სკოლაში მოხვედრის გზებზე გვიყვება.
„ბაქსვუდის საზაფხულო სკოლაში მოხვედრისთვის საჭიროა მოხვდე საგნობრივი ოლიმპიადის გამარჯვებულთა ოცეულში ნებისმიერ საგანში. მე რუსული ენის ოლიმპიადის ოცეულში მოვხვდი, გავიარე სამი ტური (მესამე ტური თბილისში ტარდება) და შემდეგ შემატყობინა სკოლის ადმინისტრაციამ, რომ შემეძლო სრულიად უფასოდ 21 დღით წავსულიყავი ბაქსვუდის საზაფხულო სკოლაში,“ – ამბობს ანნა.
მისი თქმით, საზაფხულო სკოლამ მნიშვნელოვნად გააუმჯობესა მისი ინგლისური ენის ცოდნა და მეტი სტიმული მისცა.

„ბაქსვუდის სკოლაში არის ერთი წარწერა „Buckswood prepairing for life”. ამ სკოლამ მართლაც მომამზადა ცხოვრებისათვის და უდიდესი გამოცდილება მომცა. 21 დღე გავატარე აქტიურ და წარმატებულ მოსწავლეებთან, რაც ჩემთვის მოტივაცია იყო, რომ გავმხდარიყავი უფრო წარმატებული. ამ სკოლამ მომიხსნა ყველანაირი კომპლექსი, რაც პუბლიკის წინაშე გამოსვლისას ექმნება ადამიანს. სრულიად გავიხსენი და ალბათ რომ არა ბაქსვუდი, ახლა არ ვიქნებოდი კარგი თანატოლ-განმანათლებელი და აქტიური მოქალაქე. ამასთან, შევიძინე უამრავი მეგობარი საქართველოს მასშტაბით,“ – ამბობს ანნა ტურიაშვილი.

გარდა ზემოთ აღნიშნული სკოლებისა, უამრავი სკოლაა, სადაც შეიძლება საზაფხულო არდადეგები შინაარსიანად გაატაროთ. ზოგი მათგანი უფასოა, ზოგიც – ფასიანი.

ინფორმაცია საზაფხულო სკოლების შესახებ შეგიძლიათ მოიძიოთ ვებგვერდზე: www.ell.ge ვებგვერდი მათაც გამოადგებათ, ვისაც სწავლა საზღვარგარეთის ტოპუნივერსიტეტებში ან კოლეჯებში სურთ. აპლიკაციების გაგზავნა 9-დან 18 წლამდე ასაკის ახალგაზრდებს შეუძლიათ. საზაფხულო სკოლები ფასიანია. საზაფხულო პროგრამები მოიცავს ინტენსიური ენის შესწავლას, ცხოვრებას, სამჯერად კვებას, ექსკურსიებს და გასართობ შემეცნებით აქტივობებს. არჩეული ქვეყნისა და სკოლის მიხედვით ერთი კვირის ღირებულება საშუალოდ 650-1100 ფუნტი/ევროს შეადგენს.

International Youth Association Quant- თავის ოფიციალურ ფეისბუქგვერდზე პერიოდულად აქვეყნებს სხვადასხვა კურსის შესახებ ინფორმაციას. კურსებში მონაწილეობა უფასოა. მოსწავლეებმა განაცხადები უნდა შეავსონ, შესარჩევი ტური გაიარონ და შერჩევის შემთხვევაში სხვადასხვა თემატურ კურსებს გაივლიან.

ასევე ვებგვერდზე: www.libra.ge შეგიძლიათ იპოვოთ სხვადასხვა კურსი. 14-15, 16-18 წლის ასაკობრივი ჯგუფებისთვის სხვადასხვა აკადემიური საზაფხულო პროგრამაა ლონდონში, მათ შორის: ხელოვნება და დიზაინი, ბიზნესი და ფინანსები, სამართალი, პოლიტიკა და საერთაშორისო ურთიერთობები, მედიცინა. პროგრამაში მონაწილეობა ფასიანია.

რას ითხოვს კრივის კლუბი

„უფულობაზე არ ვწუწუნებთ, ჩვენ ვმუშაობთ, მაგრამ ბათუმს, სადაც ჩატარდა გიორგი კანდელაკის ბრძოლა ამერიკელ მოკრივესთან, არ შეიძლება არჰქონდეს კრივის კლუბი“ – ამბობს გივი კერესელიძე. ის კლუბს ორგანიზატორობას უწევს და „FIGHT CENTER“-ის ერთერთი დამფუძნებელია.

„როცა ახალი ხელისუფლება მოვიდა, მერიას თხოვნით მივმართეთ, დაგვხმარებოდნენ ბათუმის მუნიციპალური კრივის კლუბის შექმნაში. საქართველოს კრივის ფედერაციამ ბათუმის საკრებულოს მისწერა წერილი. მერიამ უპასუხა, რომ კლუბის დაფინანსების წყარო არ აქვთ. სიმბოლური თანხა – 15 ათასი ლარი გვინდა წელიწადში, ჩვენთვის ყველაზე მთავარი ამ შემთხვევაში სტატუსია“.

კითხვაზე, რატომ არის მნიშვნელოვანი კრივის კლუბი იყოს მუნიციპალური, გივი კერესელიძე განმარტავს, რომ ინვესტორებს ამით მეტი ნდობა უჩნდებათ. „ყველას დავუმტკიცებთ, რომ შეგვიძლია უფრო მეტი შედეგის მიღწევა, ოღონდ გარდა მშობლების მხარდაჭერისა, გვჭირდება ქალაქის მხარდაჭერაც“, – ამბობს „FIGHT CENTER“-ის ხელმძღვანელი და მწვრთნელი გელა აბაშიძე.

საქართველოს მოკრივეთა ნაკრებ-ში აჭარიდან სამი სპორტსმენი ასპარეზობს: 22 წლის გელა აბაშიძე, 19 წლის დავით გორგილაძე და 22 წლის მარიკა ხორავა. მარიკა ხორავა მსოფლიო ჩემპიონატის მონაწილეა. გივი კერესელიძე ამბობს, რომ კლუბის გახსნის შემდეგ უფრო მეტი ბავშვი დაინტერესდება სპორტით და ბათუმ-ში წარმოდგენილი იქნება ქალთა კრივი, რომლის მონაწილეც იქნება მსოფლიო პრიზიორი.

„გავმართავთ დიდებში შეხვედრებს – ბათუმსა და ტრაპზონს, ბათუმსა და ერევანს, ბათუმსა და დონეცკს შორის. ადრე კრივი იყო ჩაფხუტებით. ერთი წელია მოიხსნა ჩაფხუტები და კრივი გახდა ნამდვილი შერკინება. ჩავატარებთ შეჯიბრებებს ზაფხულში და ტურისტულ სეზონს შევმატებთ ხალისს“, – ამბობს გივი კერესელიძე.

ამჟამად კრივის კლუბს სპორტული დარბაზი საზღვაო სასწავლო ცენტრ „ანრისგან“ აქვს ნაქირავები და თვეში 500 ლარს იხდის. აქ ვარჯიში ყოველდღე მიმდინარეობს. გარდა ნაკრები 17 სპორტსმენისა, 31 ახალგაზრდაა კრივით დაინტერესებული. კლუბის წევრ 48 მოკრივეს შორის რვა ქალია. კლუბის წევრები საწევროს სახით 20 ლარს იხდიან. გოჩა აბაშიძე ამბობს, რომ ეს თანხა საიჯარო გადასახადსა და სპორტული ინვენტარის შეძენას ხმარდება. იმ შემთხვევაში, თუკი მერია მათ მხარდაჭერას აღმოუჩენს, სპორტსმენების გადასახადი განახევრდება.

ბათუმის მერიის განათლების, კულტურის, ტურიზმისა და სპორტის სამსახურის უფროსი მამუკა თამაზაშვილი ამბობს, რომ ამ ეტაპზე შეუძლებელია კრივის კლუბის დაფინანსება, რადგან ამის სახსრები არ არსებობს:

„ბათუმის მერია ცხრა სპორტულკლუბს აფინანსებს. გარდა კრივისა, მძლეოსნობის ფედერაციას და სპორტის სხვა სახეობასაც ჰქონდათ შემოტანილი დაფინანსების მოთხოვნა. ჩემი აზრით, სამომავლოდ ყველა კლუბი უნდა დაფინანსდეს კერძო სექტორიდან და ეს არ უნდა იყოს მუნიციპალიტეტების დასაფინანსებელი. ამ ეტაპზე სხვა ახალი კლუბისდაფინანსება არ განიხილება “.

„პატრონი რომ გვყოლოდა“

ტურნირზე დაახლოებით 300 სპორტსმენი მონაწილეობდა, მათ შორის, კავკასიის სამი ქვეყნიდან, ასევე დაღესტნიდან და ირანიდან. ბათუმიდან წასულმა სამივე სპორტსმენმა საპრიზო ადგილები მოიპოვა -40 კილოგრამ წონით კატეგორიაში ოქროს მედლის პრიზიორი გახდა თემურ ოსეფაშვილი, ხოლო 70 კილოგრამ წონით კატეგორიაში – გოგიტა ღვინიაშვილი. ვერცხლის მედალი კი 60 კილოგრამ წონით კატეგორიაში მიხეილ ოგანესოვს შეხვდა.

ახალგაზრდა სპორტსმენებს აჭარის ნაკრებიდან ამზადებდნენ თემურ დანელია, მერაბ და სანდრო ტუღუშები.

თემურ დანელია ამბობს, რომ თბილისში კავკასიის ქვეყნების პირველობაზე ბათუმიდან 10 სპორტსმენს უნდა მიეღო მონაწილეობა, მაგრამ მხოლოდ იმ სამმა შეძლო ამის გაკეთება, ვინც მგზავრობისა და თბილისში ბინადრობის დაფინანსება თავადვე მოახერხა. „თბილისში ორ დღეს დავრჩით. თითოეულს 150-150 ლარი მაინც დასჭირდა,“ – ამბობს თემურ დანელია.

თემურ დანელიას თქმით, მათი ფედერაციის უსახსრობის შესახებ ცნობილია აჭარის განათლების კულტურისა და სპორტის სამინისტროსთვის, მაგრამ, როგორც თემურ დანელია ამბობს, მათ უთხრეს, რომ კიკბოქსინგი არ არის პრიორიტეტული და ამიტომ ვერ დააფინანსებენ. „არ ვიცი, რანაირად შეიძლება გავხადოთ ჩვენი სახეობა პრიორიტეტული; რას ნიშნავს პრიორიტეტული, ვერ მივხვდი. შედეგები არავისზე ნაკლები არ გვაქვს, გადახედონ ბოლო ორი-სამი წლის მონაცემებს, რასაც მივაღწიეთ ჩვენი წვალებით, არავისზე ნაკლები შედეგი არ გვაქვს.“

თემურ დანელიას კოლეგის, სანდრო ტუღუშის თქმით, კიკბოქსინგი არ არის ოლიმპიური სახეობა, მაგრამ აჭარის სპორტის სამინისტრო ისეთ სახეობებსაც აფინანსებს, რომლებიც არ არის ოლიმპიური სახეობა: „პატრონი არ გვყავს და იმიტომ. ჩვენი ფედერაციის პრეზიდენტიც მთავრობაში რომ იყოს, ისიც დარეკავდა და ალბათ ჩვენც გამოგვიყოფდნენ რამეს.“

კიკბოქსინგის ფედერაციის თავმჯდომარე თემურ კახიძეა. ადრე ის ბათუმის საკრებულოს დეპუტატი იყო. მწვრთნელები ამბობენ, რომ იმ დროს ორი ისეთი შეჯიბრიც კი ჩაატარეს, რომ „ტელევიზიებმა პირდაპირ ეთერში გადასცეს.“ `ერთი შეჯიბრი ბათუმში ჩავატარეთ, ერთი – ქობულეთში. მაშინაც თემურ კახიძემ ისესხა 3 ათასი ლარი. ეს ვალი დღემდე გადასახდელი აქვს. გვეუბნებიან, რომ კარგია მსგავსი შეჯიბრების მოწყობა, მაგრამ სპორტსმენები რომ მოიწვიო, სასტუმროსა და კვების ფული ხომ მაინც უნდა გქონდეს,“ ამბობს სანდრო ტუღუში.

თემურ დანელიას 12 მოსწავლე ჰყავს. ის ოფიციალურად ხელვაჩაურის მუნიციპალიტეტის სპორტსკოლაში მუშაობს, – ხელფასსაც ხელვაჩაურში უხდიან. ამბობს, რომ ბევრ ბავშვს უფასოდ ამეცადინებს. კითხვაზე, თუ შემოსავალი არ გაქვთ, მაშინ რატომ არ ანებებთ ბავშვების წვრთნას თავს, თემურ დანელია პასუხობს: „მე ამხანაგი მყავდა _ სასამართლო სამედიცინო ექსპერტი, რუსი კაცი იყო. მას ვკითხე, რატომ მუშაობდა ამ პროფესიით და იცით რა მითხრა, _ `კტო ჟე იმ პამოჟეტ, ესლი ნი მი,“ – ანუ მკვდრისთვის ზუსტი ექსპერტიზის ჩატარებას გულისხმობდა. ასეა ჩვენი საქმეც.“

მაქსიმალური წარმატება, რასაც კიკბოქსინგში სპორტსმენი აღწევს, მსოფლიო ჩემპიონობაა. და ეს რას აძლევს მას? – თემურ დანელია კითხვას ასე პასუხობს: „არაფერი. ჯანმრთელი ვარ, ბევრი ჩემი ტოლა მამაკაცი იმის ნახევარსაც ვერ გააკეთებს, რასაც მე. უბრალოდ, დაზღვეული ხარ, რომ ბავშვები არ გაიკეთებენ წამალს. სხვა თვალსაზრისით, ჩვენი სპორტსმენები დიდად სასარგებლო საქმეს აკეთებენ, მაგალითად ჯარში, სპეცრაზმში. კედლებზე სირბილის ჩათვლით ყველაფერი იციან. ბევრი მადლობა მოგვსვლია ჯარიდან – ჩვენი ბიჭები ისეთ ნაწილებში მსახურობენ, რაც ძალიან გამოსადეგია ქვეყნისთვის და ბიჭებისთვისაც.“

და მაინც, ვის სურს ვარჯიში კიკბოქსინგში _ თემურ დანელიას თქმით, `15-16 წლის ბიჭებს, მათ, ვისაც თვალები „ამოფინგალებული“ აქვთ, მიზანი – უნდათ ისწავლონ ჩხუბი თავის დასაცავად. მაგრამ კიკბოქსინგი მხოლოდ თავდაცვა არ არის, ბავშვებმა ასევე იციან რა, როგორ და რა შემთხვევაში უნდა გამოიყენონ.“

50 მილიონი ლარი სოფლებისთვის და კორუფციის რისკი

მთავრობის გადაწყვეტილება ერთ პირთან მოლაპარაკების გზით შესყიდვაზე იმას ნიშნავს, რომ სოფლის მხარდაჭერის პროგრამის ფარგლებში გათვალისწინებული სამუშაოების შესასრულებლად კომპანიის შესარჩევად ელექტრონული ტენდერი არ გამოცხადდება. შესაბამისად, პროგრამის ფარგლებში ბიუჯეტიდან გამოყოფილი თანხის დასახარჯად ისეთი კონკურენტული გარემო ვეღარ შეიქმნება, როგორიც ელექტრონული ტენდერის გამოცხადების შემთხვევაშია შესაძლებელი.

ელექტრონული ტენდერი რამდენიმე კომპანიას შორის კონკურენციის პირობებში სახელმწიფოს საშუალებას აძლევს, შეარჩიოს მეტი კომპეტენციის მქონე, გამოცდილი კომპანია; ელექტრონულ ტენდერზე თანხის დაწევის შესაძლებლობა კი ბიუჯეტის თანხის დაზოგვის საშუალებას იძლევა.

„წინა წლებში შესრულებული სამუშაობის მონიტორინგმა აჩვენა, რომ ამ პროგრამის ფარგლებში ჩატარებული სამუშაოების ხარისხი მაინცადამაინც მაღალი არ არის. ამის გათვალისწინებით პროგრამის კონკურენტული სივრციდან გამოსვლა გამოიწვევს ხარისხის კიდევ უფრო გაუარესებას. ამიტომ მივიჩნევ, რომ სახელმწიფო თანხის სატენდერო სივრციდან გამოყვანა ძალიან დიდი შეცდომაა,“ – ამბობს არასამთავრობო ორგანიზაცია „ინტელექტის“ ხელმძღვანელი ლევან გობაძე.

საქართველოს მთავრობის განკარგულებით (#471), რომელსაც პრემიერ-მინისტრი ირაკლი ღარიბაშვილი აწერს ხელს, პროგრამის ფარგლებში გამარტივებული წესის გამოყენების გადაწყვეტილება „საზოგადოებრივი მნიშვნელობის ღონისძიებების შეზღუდულ ვადებში შეუფერხებლად ჩატარების მიზნით“ არის ახსნილი.

რამ განაპირობა „ვადების შეზღუდვა“ მაშინ, როცა საქართველოს მთავრობა ამ პროექტს უკვე წლებია ახორციელებს და, შესაბამისად, მისი დროში გაწერის საშუალებაც აქვს, ამ კითხვაზე „ბათუმელებმა“ მთავრობის კანცელარიაში პასუხი ვერ მიიღო. კანცელარიიდან რეგიონალური განვითარებისა და ინფრასტრუქტურის სამინისტროში გადაგვამისამართეს.

შესყიდვის გამარტივების მიზნით მთავრობისთვის რეგიონალური განვითარებისა და ინფრასტრუქტურის სამინისტროს მიუმართავს. ამ სამინისტროს მიზნობრივი პროგრამების სამმართველოს უფროსის, გიორგი ცინცაძის განმარტებით, `გამარტივებული შესყიდვა მიზანშეწონილია იმ გარემოებით, რომ პროგრამით განსახორციელებელი პროექტების საერთო რაოდენობა წლების მიხედვით 5-7 ათასი პროექტის ფარგლებში მერყეობს. 2013 წლის პროექტების საერთო რაოდენობა არის 6919. შესაბამისად, 50 მილიონ ლარზე გადაანგარიშებით, თითოეული პროექტის საშუალო ღირებულება 7-9 ათას ლარს არ აღემატება. პროექტების გარკვეული ნაწილის ღირებულება კი არ აღემატება 2, 3, 4 ათას ლარსაც კი. ამ ღირებულების შესყიდვებს კანონმდებლობა ისედაც გამარტივებულად ითვალისწინებს, მაგრამ წლის განმავლობაში ერთგვაროვანი შესყიდვების ხასიათიდან გამომდინარე, მუნიციპალიტეტებს უწევთ შესყიდვების განხორციელება შესაბამისი სატენდერო პროცედურით, რაც ხშირად იწვევს მცირე ღირებულების პროექტების ჩავარდნას, განსაკუთრებით მაღალმთიან და რთული გეოგრაფიული რელიეფის სოფლებში. გამარტივებული შესყიდვის უფლებამოსილება უადვილებს მუნიციპალიტეტებს მცირე ღირებულების პროექტებზე კონტრაქტორის მოძებნას და შესაბამისი ღონისძიებების შეზღუდულ ვადებში განხორციელებას.“

არასამთავრობო ორგანიზაციები კი არ გამორიცხავენ, რომ დროში შეზღუდვა მოახლოებულ თვითმმართველობის არჩევნებს უკავშირდებოდეს. პროგრამით გათვალისწინებული სამუშაოების წამოწყება, რაც ძირითადად სოფლებში ინფრასტრუქტურულ სამუშაოებს ითვალისწინებს, წინასაარჩევნო პერიოდს ემთხვევა.

წელს სოფლის მხარდაჭერის პროგრამის ფარგლებში 50 მილიონამდე ლარი დაიხარჯება, აქედან აჭარის მუნიციპალიტეტებისთვის 4 790 127 ლარია გათვალისწინებული. თანხა მუნიციპალიტეტებში მოსახლეობის რაოდენობის მიხედვით ნაწილდება. აჭარის მუნიციპალიტეტებში ყველაზე მეტი – მილიონ 403 258 ლარი ქობულეთს შეხვდა. ხელვაჩაურის მუნიციპალიტეტი კი, პროგრამის ფარგლებში, მილიონ 322 903 ლარს მიიღებს.

დროში გაყინული ფული

3 მილიონი ევრო შეღავათიანი სესხი ევროპის რეკონსტრუქციის ბანკისგან (“EBRD~) და 5,4 მილიონი ევრო გრანტი საერთაშორისო ორგანიზაცია „SIDA“ – სგან აჭარის მთავრობამ ნარჩენების მართვის პროექტის განხორციელების მიზნით მიიღო. პროექტი აჭარაში თანამედროვე სტანდარტების შესაბამისი ნაგავსაყარის მოწყობასა და ბათუმსა და ქობულეთში არსებული არასტანდარტული ნაგავსაყარების კონსერვაციას ითვალისწინებს.

საერთაშორისო ორგანიზაციებთან ნაგავსაყარის მშენებლობის დაფინანსებაზე მოლაპარაკება აჭარის მთავრობამ 2010 წლიდან დაიწყო, თუმცა პროექტის განხორციელება დროში გაიწელა. აჭარის მთავრობამ სპეციალური კომისიის შექმნის მიუხედავად საპროექტო დოკუმენტაციის შემუშავება ვერ შეძლო _ შესაბამისად, სესხის სახით გამოყოფილი სამი მილიონი ევროდან თანხა საერთოდ არ აუთვისებია.

ორგანიზაციასთან დადებული ხელშეკრულების თანახმად, მიმღები ვალდებულია სესხის აუთვისებელ ნაწილზე თანხის 0,5 პროცენტი გადაიხადოს წლიურად. შესაბამისად, ამის გამო აჭარის მთავრობამ 2011-2012 წლებში 84 ათასი ლარი გადაიხადა. სახელმწიფო აუდიტის სამსახურს ეს ყველაფერი 2012 წლის ანგარიშში აქვს აღწერილი. აუდიტორი თავის დასკვნაში წერს, რომ ეს ხარჯი შესაბამისი სტრუქტურების არაეფექტური მუშაობით იყო გამოწვეული და თანხა ბიუჯეტიდან არამიზნობრივად დაიხარჯა.

ახალი ხელისუფლების მოსვლის შემდეგ, მყარი ნარჩენების მართვის პროექტის მართვა შესაბამისი სამთავრობო კომისიის ხელმძღვანელს – აჭარის ფინანსთა და ეკონომიკის მინისტრს – დავით ბალაძეს ჩააბარეს. სამინისტროს ვებგვერდზე გამოქვეყნებული ინფორმაციით, მინისტრი გასული წლის 8 აპრილს, კომისიის სხვა წევრებთან ერთად, პროექტის დამფინანსებლებსა და საკონსულტაციო ორგანიზაციებს შეხვდა. შეხვედრაზე პროექტის დაჩქარების გადაწყვეტილება მიიღეს.

რა ეტაპზეა ამ დროისთვის პროექტი და დაიწყო თუ არა თანხის ათვისება? – ამ კითხვაზე „ბათუმელებმა“ ფინანსთა და ეკონომიკის სამინისტროში ამომწურავი პასუხი ვერ მიიღო. უწყების პრესსამსახურის ინფორმაციით, „პროექტი ნაგავსაყარის ადგილის მონაცვლეობის გამო იყო შეჩერებული და ბოლო ერთი წლის მანძილზე პროექტში ჩართულ ყველა მხარესთან აქტიური კომუნიკაციის შემდეგ განახლდა.“

კითხვაზე, დაიწყო თუ არა ნაგავსაყარის მშენებლობისთვის გამოყოფილი სესხის ათვისება, პასუხი არც პრესსამსახურს და არც ფინანსთა და ეკონომიკის მინისტრის მოადგილეს, ბესო ბოლქვაძეს აქვს.

„პროექტი გაჩერებული არ არის. ეს ძალიან დიდი პროექტია, ზეპირად პასუხს ვერ გაგცემთ. წერილობით სჯობს, ასეთია მინისტრის პოზიცია,“ – უთხრა მინისტრის მოადგილემ „ბათუმელებს“ სატელეფონო საუბარში.

პროექტის გაჭიანურების მიზეზად ნაგავსაყარის მშენებლობისთვის შერჩეული ადგილის მონაცვლეობა სახელდება. თავდაპირველად ნაგავსაყარის მშენებლობას აჭარის მთავრობა ჩაქვის მუნიციპალიტეტის ტერიტორიაზე გეგმავდა, რასაც ადგილობრივი მოსახლეობა შეეწინააღმდეგა.

აჭარის გარემოს დაცვის სამმართველოს სპეციალისტის, ნოდარ კონცელიძის ინფორმაციით, ამჟამად საპროექტო სამუშაოები მიმდინარეობს: „საკონსულტაციო კომპანია „სვეკო“ მუშაობს პროექტირებაზე, დოკუმენტაცია მზად უნდა იყოს 2014 წლის აგვისტოში. შემდეგ კომპანიის შესარჩევად გამოცხადდება ტენდერი. სატენდერო პერიოდის გასვლის შემდეგ კი დაიწყება მშენებლობა. პროექტის გაჭიანურება ადგილის შეცვლის საჭიროებამ გამოიწვია.“

აჭარის გარემოს დაცვისა და ბუნებრივი რესურსების სამმართველოს ოფიციალურ საიტზე, ქობულეთის მუნიციპალიტეტის სოფელ ცეცხლაურში ნაგავსაყარის მშენებლობის დაწყების თარიღად 2014 წლის ივლისია მითითებული.

ბათუმში ახალი პროექტი ,,ჩემი ქუჩა – საქართველო” ამოქმედდა

პროექტი ,,ჩემი ქუჩა – საქართველო” მოქალაქეებს ბათუმში ინფრასტრუქტურისა და სერვისის სფეროში არსებული პრობლემების ვებგერდზე დაფიქსირების საშუალებას აძლევს.

პროექტის მუშაობის პრინციპი ასეთია: მოქალაქის მიერ ვებგვერდზე განთავსებულ ინფორმაციას ავტომატურად მიიღებს ბათუმის მერიის ადმინისტრაცია. პროექტზე პასუხისმგებელი პირი – მერიის თანამშრომელი პრობლემას შეატყობინებს შესაბამის სამსახურს. პრობლემის მოგვარების შემდეგ, პასუხისმგებელი პირი ინფორმაციას განათავსებს ვებგვერდზე, სადაც წითლად მონიშნული პუნქტი მწვანე ფერით შეიცვლება.

თუკი პრობლემის აღმოფხვრა დროულად ვერ ხერხდება, ვებგვერდზე აიტვირთება ინფორმაცია მოგვარების ვადების შესახებ და პუნქტი ყვითელი ფერით მოინიშნება.

პროექტის მიზანია ხელი შეუწყოს ქალაქში არსებული პრობლემების ოპერატიულად მოგვარებასა და მოსახლეობის მაქსიმალურ ინფორმირებას.

ვებგვერდის მისამართი – www.chemikucha.ge

აჭარის ჩემპიონატი მძლეოსნობაში ხვალ დასრულდება

აჭარის ჩემპიონატი გოგონებსა და ვაჟებს შორის ჩატარდა. ეთმანეთს აჭარის მასშტაბით 30 გოგო და 30 ბიჭი შეეჯიბრნენ. გამოვლინდნენ პირველ მეორე და მესამე ადგილზე გამარჯვებულები. სულ 12 გამარჯვებული. ყველა მათგანი ბათუმიდანაა.

100 მეტრი ყველაზე სწრაფად – 13 წამში მარი გამგონეიშვილმა გაირბინა. მან ერთი წამით გაუსწრო აგატა ჩიბურდანიძეს, რომელმაც პირველი ადგილი 400 მეტრზე სირბილში აიღო და მანძილი 24 წამზე გაირბინა.

ფინიშთან მისვლა ერთი წამით დაასწრო დაჩი ჯაფარიძემ დათო თითბერიას და პირველი ადგილი მოიპოვა 100 მეტრის გარბენაში.

ვაჟებში 400 მეტრი შვიდ წამზე თორნიკე კურტანიძემ დაფარა და პირველი აგდილიც მოიპოვა.

ჩეპიონატი ხვალაც გაგრძელდება და სპორტსმენები ერთმანეთს 200 და 800 მეტზე სირბილში შეეჯიბრებიან. შეჯიბრება ხვალ იმავე ადგილას 16:00 საათზე გაიმართება.

მძლეოსნობის ფედერაციის ვიცე პრეზიდენტის კახა ვაჩეიშვილის, თქმით: „გამარჯვებულებს აჭარის სპორტისა და ახალგაზრდობის საქმეთა დეპარტამენტი ფასიან საჩუქრებს გადასცემს. ხვალინდელი შეჯიბრის შემდეგ გამარჯვებულებით აჭარის ნაკრები დაკომპლექტდება და საქართველოს ჩემპიონატზეგაემგზავრება.

საქართველოს ჩემპიონატი მძლეოსნობაში რომელიც 23 ან 25 მაისს ჩატარდება“.

აჭარის ჩემპიონები მძლეოსნობაში 100 მეტრის გარბენაში გახდნენ

გოგონებს შორის:

მარი გამგონეიშვილი (შედეგი: 13 წამსა და 79 მეასედში გაირბინა 100 მეტრი)
აგატა ჩიბურდანიძე (14:90)
მარი მეჯიდოვი (14:96)

ვაჟებს შორის :

დაჩი ჯაფარიძე (11:78)
დათო თითმერია (12:49)
ნიკა ხოზრევანიძე (12:99)

აჭარის ჩემპიონები მძლეოსნობაში 400 მეტრის გარბენაში

გოგონებს შორის

აგატა ჩიბურდანიძე (შედეგი: ერთ წუთში, 24 წამსა და 20 მეასედში გაირბინა 400 მეტრი)
ანა მიქაძე (01:26:06)
მარი სრაბიანი (01:27:38)
ვაჟებს შორის
თორნიკე კურტანიძე (01:07:41)
ზაზა ვარშანიძე (01:11:10)
მალხაზ აბულაძე (01:11:90)

სოფლის ექიმებსა და ექთნებს ხელფასები გაეზრდებათ

აჭარის ჯანდაცვის მინისტრის მოადგილე, ლევან გორგილაძე ამბობს, რომ სამედიცინო დოკუმენტაციის სამინისტროს მიერ შეძენა მნიშვნელოვანი დანახარჯებისგან გაათავისუფლებს სოფლის ექიმებს: „ეს ნიშნავს, რომ მათ აღარ მოუწევთ იმ დოკუმენტაციის შესყიდვა, რისი შეძენაც აქამდე თავიანთი ხარჯით უწევდათ, იქნება ეს „ფორმა ასი,“ ამბულატორიული ბარათი, საკანცელარიო საქონელი თუ სხვა რამ.“

სახელმწიფო კომუნალურ გადასახადებს მუნიციპალიტეტების მხოლოდ პირველადი ჯანდაცვის ცენტრებისთვის დაფარავს, რომლებიც რამდენიმე სოფელს ემსახურებიან. თემის სამედიცინო პუნქტები კი კომუნალურ ხარჯებს ძველებურად, თავიანთი ხარჯით გადაიხდიან.

აჭარის ჯანდაცვის მინისტრის მოადგილის თქმით, აჭარის სოფლის 170 ექიმი და 111 ექთანი, გარდა ხელფასის 30 პროცენტით გაზრდისა, მიმდინარე წლის განმავლობაში ყოველთვიურად სახელფასო დანამატსაც მიიღებს, მთაში მომუშავე ექიმები – 300 ლარს, ბარში მომუშავე ექიმები კი – 150 ლარს.

პირველი მაისიდან საქართველოს ჯანდაცვის სამინისტრო ასევე უზრუნველყოფს ექიმის ჩანთის ცენტრალიზებულ შესყიდვას, რაც სოფლის ექიმის მიერ ჩანთაზე გასაწევ ხარჯს 50 პროცენტით შეამცირებს. `მათ ერთჯერადად გადაეცემათ მედიკამენტების ჩანთა, შემდეგ კი დახარჯული მედიკამენტების შესავსებად მუნიციპალიტეტი ყოველთვიურად გამოყოფს საჭირო თანხას,“ – განაცხადა ლევან გორგილაძემ.

წელს აჭარის ჯანდაცვის სამინისტრო მაღალმთიანი მუნიციპალიტეტების მედპუნქტებისთვის 21 მაღალი გამტარობის ავტომობილის შეძენასაც გეგმავს. ამ ეტაპზე აჭარის ჯანდაცვის სამინისტრომ გარკვეულ შეთანხმებას მიაღწია გაეროს განვითარების ფონდთან, რომელიც ავტომობილების შესაძენად საჭირო თანხის 60 პროცენტს დააფინანსებს.

ლევან გორგილაძის თქმით, თემის სამედიცინო პუნქტის ექთნებისთვის წელს გადამზადების კურსებიც იგეგმება.

სოფლის ექიმებს ხელფასს აქამდე სახელმწიფო და სადაზღვევო კომპანიები უხდიდნენ. მინისტრის მოადგილის თქმით, ახლა სადაზღვევო კომპანიები გადიან ამ საქმიანობიდან და სოფლის ექიმებს მთლიანად სახელმწიფო დააფინანსებს.

ბათუმის მერია 9 მაისისთვის ემზადება

სატენდერო დოკუმენტაციის მიხედვით გამარჯვებულმა კომპანიამ 9 მაისისადმი მიძღვნილი საზეიმო ბანკეტის „მაღალ დონეზე ორგანიზება მუსიკალური გაფორმებით“ უნდა უზრუნველყოს. საბანკეტო სუფრა კი 80 ადამიანზე უნდა იყოს გათვალისწინებული.

სატენდერო დოკუმეტაციითაა განსაზღვრული საზეიმო ვახშმის მენიუც.

9 მაისს ყოფილი საბჭოთა კავშირის ქვეყნები 1941-1945 წლებში სამამულო ომში ნაცისტურ გერმანიაზე გამარჯვებას აღნიშნავენ. შესაბამისად, 9 მაისი დასვენების დღედ არის გამოცხადებული – საქართველოში, აზერბაიჯანში, სომხეთში, ბელორუსში, ყაზახეთში, ყირგიზეთში, მოლდავეთში, რუსეთში, ტაჯიკეთში, ტურქმენეთში, უზბეკეთსა და უკრაინაში.

ამ დღის ფართოდ აღნიშვნა საბჭოთა კავშირში სამამულო ომიდან 20 წლის შემდეგ, ბრეჟნევის ხელმძღვანელობის დროს დაიწყეს. ამავე 1965 საიუბილეო წელს გამარჯვების დღე არასამუშაო დღედ გამოცხადდა.

წიგნი, რომელიც მოსამართლეებს ზღუდავს

260-გვერდიანი სახელმძღვანელო წინადადებები სისხლის სამართლის სასამართლო პრაქტიკის პრობლემატურ საკითხებზე, 2007 წელს უზენაესი სასამართლოს თავმჯდომარის კოტე კუბლაშვილის ბრძანებით გამოიცა. რეკომენდაციები სისხლის სამართლის კოდექსით გათვალისწინებულ მხოლოდ იმ დანაშაულზეა, რომელიც სტატისტიკურად ყველაზე ხშირად ხდება: ქურდობა, ძარცვა, ყაჩაღობა, თაღლითობა, გამოძალვა, მითვისება ან გაფლანგვა. ცეცხლსასროლი იარაღის, საბრძოლო მასალის, ფეთქებადი ნივთიერებების ან ასაფეთქებელი მოწყობილობის შეძენა, შენახვა… ხულიგნობა, ნარკოტიკული ნივთიერების გამოყენება… სამსახურებრივი გულგრილობა, სიყალბე, ქრთამის აღება ან მიცემა, სამსახურებრივი უფლებამოსილების გადამეტება ან ბოროტად გამოყენება…

აი, რას წერს კოტე კუბლაშვილი მოსამართლეებს წიგნის შესავალში: „ძვირფასო მოსამართლეებო, სასამართლო რეფორმის ერთ-ერთი უმთავრესი მიზანია ერთგვაროვანი სასამართლო პრაქტიკის ჩამოყალიბება…

დემოკრატიულ სახელმწიფოებს ამ მხრივ ჩვენთან შედარებით უდიდესი უპირატესობა აქვთ: ეს არის რამდენიმეწლიანი გამოცდილება და ამ ათწლეულების განმავლობაში ჩამოყალიბებული და მუდმივად განვითარებული სასამართლო პრაქტიკა, რომელიც ქვეყნდება კრებულის სახით… რეკომენდაციები კიდევ უფრო უწყობენ ხელს ნორმათა ერთგვაროვანი პრაქტიკის დამკვიდრებას და, შესაბამისად, მართლმსაჯულების სწრაფად განხორციელების საფუძველს ქმნის… ამასთან, ეს პრაქტიკა თანმიმდევრულად გამოყენებული იქნება საერთო სასამართლოების მოსამართლეების მიერ, არამედ ფაქტობრივად ასევე გაზიარებული უნდა იქნას პროკურორების მიერ“.

ნინო გვენეტაძე ქართულ-ამერიკული უნივერსიტეტის პროფესორია. 2006 წლამდე ის უზენაესი სასამართლოს წევრი იყო. მრავალი სამეცნიერო ნაშრომის ავტორი „ბათუმელებთან“ ამბობს, რომ ამ სახელმძღვანელოთი მოსამართლეები გააფრთხილეს ეხელმძღვანელათ „გაიდლაინით“. მისი მოსაზრებით, „მოსამართლე, რომელიც სისტემური მორჩილების რეჟიმში მუშაობდა, იძულებული გახდა უპირატესი ძალა მიენიჭებინა გაიდლაინებისთვის“.

გვენეტაძე ამბობს, რომ რეკომენდაციების გადმოღება ამერიკული მოდელიდან არაკონსტიტუციური არ არის, მაგრამ პრობლემად საქართველოში ის იქცა, რომ გაიდლაინები სარეკომენდაციო სახის კი არა, სავალდებულოდ შესასრულებელი გახდა: „პირდაპირ დაავალეს მოსამართლეებს ამ რეკომენდაციების შესრულება, ვეწინააღმდეგებოდი მის სავალდებულო ძალას და დღესაც ვფიქრობ, რომ ეს აზიანებს სასამართლოს დამოუკიდებლობას. იმედი მაქვს, მოსამართლეთა დამოუკიდებლობის ხარისხი თანდათან იზრდება. თუ მოსამართლე ეთიკური ნორმების დამცველია, ის არ გაიზიარებს ამ გაიდლაინს. ეს იყო ერთ-ერთი ხერხი, რომელიც დევნის ორგანოს პროგნოზირებად სასჯელს სთავაზობდა. პოზიტივი ამ გაიდლაინებით საზოგადოებამ ვერ ნახა, ნეგატივი კი ის იყო, რომ მოსამართლემ დაკარგა დამოუკიდებლობა.

ნინო გვენეტაძე ამის დასტურად კონკრეტულ მაგალითს ასახელებს: „მაგალითად, კოდექსში წერია, რომ ქურდობა ისჯება თავისუფლების აღკვეთით ვადით 3-დან 5 წლამდე. ეს კანონი მოსამართლეს აძლევს დისკრეციულ უფლებას თვითონ გადაწყვიტოს მიუსაჯოს 3 წელი, 5 თუ 3 წელი და 6 თვე. მაგრამ რეკომენდაციის შედეგად კოდექსით მინიჭებული უფლება მოსამართლეებს შეეზღუდათ. მაამებელი პოლიტიკიდან გამომდინარე იყო მოსამართლეთა კატეგორია, რომლებიც ამყარებდნენ არასწორ დამოკიდებულებას და სასამართლო დარბაზში ისე განმარტავდნენ ამ რეკომენდაციებს, როგორც სავალდებულოს“.

არასამთავრობო ორგანიზაცია „ახალგაზრდა იურისტთა ასოციაციის” იურისტს, გიორგი ხიმშიაშვილს სისხლის სამართლის სფეროში გაიდლაინების შექნა დაუშვებლად მიაჩნია: „ეს არის სენსიტიური თემა, უფრო მეტ სიღრმისეულ მიდგომას მოითხოვს, რადგან საქმე გვაქვს ადამიანის უფლებებთან და თავისუფლებებთან. მართალია, გაიდლაინი არ არის იურიდიული ძალის მქონე დოკუმენტი, თუმცა მან მიიღო კანონის სტატუსი, მოსამართლეები გადაწყვეტილებას გაიდლაინებზე დაყრდნობით იღებდნენ.“

ხიმშიაშვილის დაკვირვებით, ეს რეკომენდაციები მოსამართლეებს ვიწრო წრეში აქცევს: „გაიდლაინებმა ყველა დანაშაული, სიმძიმის მახასიათებლის გაუთვალისწინებლობით, ჭადრაკის ერთ დაფაში მოაქცია და თქვა, რომ ყველა უნდა დაისაჯოს. იშვიათად გვყავდა მოსამართლეები, რომლებიც გაიდლაინებით არ სარგებლობდნენ. სამოსამართლეო საქმიანობის ძალიან ვიწრო ჩარჩოებში მოაქციეს მოსამართლეები. გაიდლაინების გამოყენების აუცილებლობა იყო ზემდგომი მოსამართლეებისა და უზენაესი სასამართლოს „თხოვნა“, ვითომ ერთიანი პრაქტიკის დამკვიდრებისთვის. საბოლოო ჯამში მოსამართლე არ ასრულებდა იმ როლს, რაც ჰქონდა დაკისრებული სისხლის სამართლის კოდექსით -მოსამართლეს უნდა გამოერკვია ქურდობის ჩამდენი პირის ნიუანსები, მიზანი, გარემოება. მოსამართლეები კი ამას არ იკვლევდნენ, რადგან გაიდლაინებით ხელმძღვანელობდნენ“.

აკაკი თოიძე დღეს ადვოკატად მუშაობს, 10 წლის განმავლობაში ის მოსამართლე იყო. მისი აზრით, გაიდლაინებით მოსამართლეები „ჩარჩოში მოაქციეს“, `ხელისუფლებამ მოსამართლეები შებოჭა“ და კონტროლის მექანიზმი გააძლიერა: „კოტე კუბლაშვილი, ვინც ეს რეკომენდაცია შეადგინა, დღეს ისევ მართლმსაჯულების სათავეშია, ამიტომ, ვფიქრობ, სასამართლოში დღესაც არაფერი შეცვლილა – მოსამართლეების 90 პროცენტი ისევ ტყვეობაშია“.

გაიდლაინით ანუ მოსამართლის სახელმძღვანელოთი მიღებული გადაწყვეტილებით ამერიკის მოქალაქეებიც უკმაყოფილოები იყვნენ. ამიტომაც მოქალაქეებმა ამ რეკომენდაციებით მოსამართლის მიერ მიღებული გადაწყვეტილება უზენაეს სასამართლოში გაასაჩივრეს. ამერიკის უზენაესმა სასამართლომ საკითხის განხილვის დროს თქვა, რომ ეს არის რეკომენდაცია და არ შეიძლება ის სავალდებულოდ შესთავაზოს სასამართლომ პროცესის მონაწილეებს. უზენაესმა სასამართლომ კი ჩათვალა, რომ რეკომენდაციას აქვს არსებობის უფლება.

ინტერვიუ ბათუმის მერობის „ქართული ოცნების“ კანდიდატთან

უკვე დასახელდით მერობის კანდიდატად, რისი გაკეთება გინდათ როგორც არჩეულ მერს, რატომ უნდა გააკეთოს არჩევანი თქვენზე ამომრჩეველმა?

პრიორიტეტები მრავალფეროვანია: ინფრასტრუქტურა, სოციალური პროექტები, საბინაო კეთილმოწყობა, ჯანდაცვა. ჯანდაცვის სფეროში სიახლეებს ვეგემავთ. სხვა დანარჩენზე გუნდთან ერთად ჩამოვყალიბდები. მთავარი დაწყებული და დაგეგმილი ინფრსატრუქტურული პროექტების ბოლომდე მიყვანაა. შემგომი ფაზა უნდა იყოს ე.წ ქალაქის გარეუბნები, ჩემთვის ძალიან მტკივნეულია რომ ასეთი ტერმინი გვაქვს. ქალაქში არ უნდა იყოს გარეუბანი, ქალაქი უნდა იყოს ერთიანი. იგივე ინფრატრუქტურული სამუშაოები უნდა განხორციელდეს რაც არის ქალაქის ცენტრში. ამას პლიუს წყალგაყვანილობის სისტემა კანალიზაცია, სანიაღვრე არხები განათების ერთიანი სისტემა, გაზიფიცირება და ასე შემდეგ.

ყველაზე მთავარი პრობლემა ამორტიზირებული სახლებია, რომლებიც შეკეთებას საჭიროებს. უნდა შეიქმნას საბინაო ფონდი იმ დუხჭირ პირობებში მყოფი ოჯახებისთვის რომლებიც ვერ ახერხებენ საცხოვრებელი სახლების რეაბილიტაციას. პროექტებზე ამწუთასაც ვმუშაობთ. კიდევ ერთხელ უნდა გადავხედოთ იმ პროგრამებს , რომელიც გვაქვს და უფრო მეტი აქცენტი გავაკეთოთ სოციალურად დაუცველებზე.

სამშენებლო ობიეტებთან დაკავშირებით როდესაც ვაძლევთ ნებართვებს იქ აუცილებლად უნდა იყოს გათვალისწინებული სახლების დათბუნება, საჭიროა პანდუსების მოწყობა. რეკრეაციული ზონა აკლია ქალაქს, რაც შეიძლება მეტი სკვერი გამწვანებული ზონა უნდა გვქონდეს, რადგან გვაქვს ამბიცია ვიყოთ ტურისტული ქალაქი.

ბათუმში მიმდინარე მშეენებლობები ყოვეთვის იყო საზოგადოების უკმაყოფილების საგანი, განსაკუთრებით მაშინ როცა ეს ძველ ბათუმს ეხება

რა მშენებლობებიც დამხვდა იმაზე პასუხის გაცემა არ შემიძლია. არსებობს დადგენილი წესი და ვფირობ ნებართვების გაცემის შემთხვევაში ელექტრონული სისიტემა დავნერგოთ რათა გამარტივდეს დეველოპერებთან საქმიანობა. ეს ნიშნავს გამარტივდეს პირველადი დოკუმენტაციის მიღება არქიტექტურის სამსახურის მიერ. შემდეგ დამატებით შევქმნით არქიტექტირთა საბჭოს, რომელიც უფლებამოსილი იქნება გადაწყვეტილება მიიღოს და მისი ფინქცია არ იქნება მხოლოდ კონსულტაციის გაცემა. ეს საბჭო მიიღებს კოლექტიურ გადაწყვეტილებას. ქალაქს უნდა ქონდეს ურბანული განბვითარების გეგმა, არ უნდა შემდებოდეს საცხოვრებელი სახლები მარტივად, დაგეგმარება უნდა არსებობდეს. არქიტექტურული პროექტების შეთანხმების დროს ეზოს ფართები და პლიუს გამწვანების ზონა უნდა ჩაიდოს მოთხოვნებში. რეგულაციები გასამკაცრებელია.

თქვენ პირადად აქიტექტურული თვასაზრისით ბათუმის რომელი უბანი მოგწონთ?

მე შეიძლება რაღაც მომწონს ან არ მომწონს, ეს უნდა იყოს მოტივიორებული. მერს უნდა ყავდეს არქიტექრთა ჯგუფი რომელიც გაუწევს რეკომენდაციას, გადაწყვეტილებები ერთპიროვნულად არ უნდა მიიღებოდეს. სპეციალისტმა უნდა მიიღოს გადაწყვეტილება. ქალაქის სხვადასხვა უბანს სხვადასხვა შენობა-ნაგებობა უხდება. წარმოიდგინეთ ძველ ბათუმში, გამსახურდიას ქუჩაზე, რომ თორმეტსართულიანი სახლი ავაშენოთ, ის კუთხე რაც ბათუმისთვის დამახასიათებელი და კოლორიტული იყო დაკარგავს თავის იერსახეს. ჩვენ ჩვენს მოსაზრებებს გავაცნობთ ქალაქს.

ამ ყველაფერზე ალბათ თქვენი კონკურენტებიც ისაუბრებენ, ვის მიიჩნევთ მთავარ კონკურენტად?

მე ახლა წინასაარჩევნო კამპანიას არ ვეწევი, როცა კანონის მოთხოვნიდან გამომდინარე მივიღებ თანამდებობიდან გადადგომის გადაწყვეტილებას , ამის შემდეგ ჩემს მოსაზრებებს გავაჟღერებ.

როდის აპირებთ გადადგომას?

მერწმუნეთ სამართლებრივ ჩარჩოებს არ გავცდები.

ბულვარის მერიის მართვაში დაბრუმების საკითხზე რას ფიქრობთ?

ქალაქის საკრებულომ უკვე მიიღო გადაწყვეტილება. მიმაჩნია, რომ ამ ეტაპზე საკურორტო სეზონის წინ, როცა უკვე ჩატარებულია ტენდერები და პროექტების განხორციელებაა დაწყებული შეიძლება ბევრი სამართლებრივი პრობლემა შეიქმნას, ამიტომ ვაპირებ საკრებულოს ვთხოვო რომ საქმის წარმოება წლის ბოლოდე გადაიდოს. სხვა დანარჩენი ჩემი გადასაწყვეტი არ არის, საკრებულო იმსჯელებს.

თვითმმართველობის შესახებ კოდექსის მიხედვით ხალხის მიერ არჩეული მერი შესაძლებელია საკრებულოს ერთმა მესამედმა გადააყენოს, ამაზე რას ფირობთ?

დღეს პრემიერმაც ბრძანა, რომ ბარიერის ზრდა მისი ინიციატივა იყო, ანუ კანდიდატმა ორმოცდაათ პროცენტიანი ბარიერი უნდა გადალახოს, რომ ის მერად აირჩიონ. ნდობის ვოტუმი მოსახლეობის მხრიდან იქნება ძალიან მაღალი. რაც შეეხება ჩანაწერს მერის გადაყენებაზე, ეს მოხდება მაშინ თუ მერის მხრიდან სამაერთლებრივ გადაცდომებს ექნება ადგილი. მიუხედავად იმისა რომ არჩეულია მერი მაინც მოხელედ ითვლება.

ბათუმში წელს კრუიზით პირველი იახტა შემოვიდა

ტურისტებს ტურისტული კომპანია „აჭარა ტური“ მოემსახურება. კომპანიის შიდა ტურიზმის მთავარი ტუროპერატორის ლარისა გავრილიუკის თქმით: „გემზე იმყოფებიან ამერიკული ინტელიგენციის წარმომადგენლები. მათ შორის არის ცნობილი მუზეუმის „მეტროპოლიდან ნიუ-იორკში“ წარმომადგენელი.

დღეს ტურისტები მოინახულებენ გონიოს ციხესიმაგრეს, ბათუმის ბოტანიკურ ბაღს, ასევე ხელოვნების მუზეუმს. ხვალ კი ქუთაისს – ბაგრატსა და გელათს“

ტურისტები ბათუმს ხვალ 17:00 საათზე დატოვებენ. იახტა ბათუმიდან სოჭში გაემგზავრება.

როგორც „ინფლოტ ჯორჯიას“ [რომელიც ნავსდგურში გემების დახვედრას უზრუნველყოფს] საზღვაო მენეჯერმა ემილია სააკიანმა განმრტა, ოქტომბრის ბოლომდე ბათუმში კიდევ 26 საკრუიზო გემი შემოვა.

ბათუმში ექსპერიმენტული მუსიკის ფესტივალი გრძელდება

ბათუმის მერობის კანდიდატი „ქართული ოცნებიდან“

გიორგი ერმაკოვი ბათუმის მერის მოვალეობას 2013 წლის თებერვლიდან ასრულებს, მის მოადგილედ დანიშვნას ყოფილმა მერმა ჯემალ ანანიძემ თავად მოაწერა ხელი. ერმაკოვის დანიშვნიდან მოკლე დროში კი მან თანამდებობა დატოვა. მანამდე ცოტა ხნით ადრე ვრცელდებოდა ინფორმაცია, რომ გიორგი ერმაკოვის ბათუმის მერად დანიშვნის დირექტივა საკრებულომ პრემიერ ირაკლი ღარიბაშვილისგან მიიღო.

მერიაში დანიშვნამდე გიორგი ერმაკოვი შპს ,,თეგეტამოტორსის“ ბათუმის ფილიალის დირექტორად მუშაობდა.

მანამდე კი ის სხვადასხვა დროს საქართველოს ფინანსთა სამინისტროს შემოსავლების სამსახურის უფროსის აპარატის რეგიონული კოორდინატორი, გარემოს დაცვისა და ბუნებრივი რესურსების სამინისტროს გარემოს დაცვის ინსპექციის აჭარის ბიუროს უფროსი, შსს დაცვის პოლიციის დეპარტამენტის აჭარის სამმართველოს უფროსის მოადგილე, სამმართველოს უფროსი, შსს აჭარის კორუფციის წინააღმდეგ ბრძოლის სამსახურის უფროსი და შსს კორუფციის წინააღმდეგ ბრძოლის მთავარი სამმართველოს – განყოფილების უფროსი იყო.

დამთავრებული აქვს თბილისის ივანე ჯავახიშვილის სახელობის სახელმწიფო უნივერსიტეტის იურიდიული ფაკულტეტი.

ჰყავს მეუღლე და ერთი შვილი.

საკრუიზო ხომალდი ბათუმის ნავსადგურში

„Black Sea Cruises Line“ -ზე 100 უცხოელი ტურისტი იმყოფება, რომლებსაც სხვადასხვა საექსკურსიო პროგრამით მომსახურებას გაუწევს ადგილობრივი ტურისტული კომპანია „Ajara Tour“.

აჭარის კურორტებისა და ტურიზმის დეპარტამენტის პრესსამსახურის ინფორმაციით საკრუიზო ტურიზმის სტატისტიკის მიმართულებით დადებითი ტენდენცია შეინიშნება.

2012 წელს 10-მდე საკრუიზო ხომალდის სტუმრობდა რეგიონს, 2013 წელს მისი რიცხვი 16-მდე გაიზარდა, 2014 წელს კი 26 საკრუიზო გემის შემოსვლაა დაგეგმილი.

ადვოკატები საჯარო რეესტრის თანამშრომლების დაკავებას აპროტესტებენ

ადვოკატებმა პარლამეტს მიმართეს მოთხოვნით პროკურატურის წარმომადგენლები პარლამენტში დაიბარონ და მოსთხოვონ განმარტებები საჯარო რეესტრის თანამშრომლების დაკავებაზე.

„ეს იყო სოლიდარობის აქცია, რომ საზოგადოებისთვის მიგვეწოდებინა ინფორმაცია თუ რატომ დააკავეს ხელვაჩაურის საჯარო რეეესტრის თანამშრომლები, რას ედავებიან მათ. ჩვენ მივიჩნევთ , რომ საქართველოს პროკურატურამ ისინი უკანონოდ დააპატიმრა.

ამ აქციით კიდევ ერთხელ გავაჟღერეთ, რომ გვსურს შევხვდეთ საქართველოს პარლამენტის შესაბამის კომიტეტს, რომელსაც ჩვენს ხელთ არსებულ მტკიცებულებებს გადავსცემთ, რათა საქართველოს პარლამენტმა დაიბაროს მოსმენაზე საქართველოს მთავარი პროკურატურის წარმომადგენლები. ადგილი აქვს უდანაშაულო პირების მიმართ სისხლის სამართლის დევნას და მათი უფლებების უხეშ დარღვევას“- განაცხადა ადვოკატმა ირაკლი შავაძემ „ბათუმელებთან“.

ადვოკატები უახლოეს დღეებში პარლამენტს წერილობითაც მიმართავენ.

გადაადგილების პრობლემა ბათუმში

როგორია ბათუმის ავტოტრანსპორტის მუშაობის გრაფიკი დღეს?

გასვლა დილის 06: 15 წუთზე იწყება, ღამის 10 საათისთვის ასრულებენ მუშაობას, ეს გაზაფხულის გრაფიკია. როცა ზაფხულის სეზონზე გადავალთ გრაფიკებიც გაიზრდება, დაახლოებით ერთი ან საათ ნახევრით გვიან დაასრულებს მუნიციპალური ტრანსპორტი მუშაობას.

ხომ არ არის განსხვავებული გრაფიკი შემოერთებულ ტერიტორიებზე?

როგორც ვიცი საღამოს იქ უფრო ადრე ამთავრებენ მუშაობას, რადგან არ დგას საჭიროება. მაგრამ ზაფხულში სავარუდოდ ეს ვადები გაიზრდება. გრაფიკები ჩვენ გადმოცემული გვაქვს საკრებულოდან და იმ გრაფიკებითა და ინტერვალებით ვხელმძღვანელობთ.

თქვენ ამბობთ , რომ არ დგას ამის საჭიროება, კვლევა ჩაატარეთ თუ როგორ განსაზღვრეთ, რომ საჭიროება არ დგას?

მარკეტინგის სამსახური გვაქვს ცალკე, რომელიც ყოველთვის ამოწმებს მგზავრთა ნაკადს, დილიდან საღამომდე აღიწერება მგზავრთა ნაკადი, ასე რომ ზაპირად არაფერს ვამბობ.

დაახლოებით რა ვადაში გეგმავთ ზაფხულის დროზე გადასვლას?

სავარუდოდ მაისის შუა რიცხვებიდან , ან შეიძლება 1 მაისიდანაც გადაიხედოს გრაფიკები, ჯერ არ დგას ამის საჭიროება და ზაფხულში უკვე, როცა სეზონი დაიწყება, ტურისტების ჩამოსვლის შემდეგ გრაფიკებიც გადაიხედება.

ზაფხულში რომელ საათამდე გადაიწევა დრო?

ეხლა მაგასაც შევისწავლით, შეიძლება 12- მდე.

თქვენ , როგორც ახალი ხელმზღვანელი რის შეცვლას გეგმავთ?

– მაისის შუა რიცხვებში ელექტრონულ ბარათებზე გადავალთ , ბარათებს ლიბერთი ბანკი დაარიგებს. იგეგემება ასევე მგზავრთა აღწერის ავტომატური სისტემის დანერგვა, ყველა ავტობუსში იქნება დანადგარი, რომელიც დაითვლის მგზავრთა ნაკადს.

აქვს თუ არა ავტოტრანსპორტს ავტობუსების საკამრისი რაოდენობა, თუ კიდევ არის დამატების საჭიროება?

არ არსებობს პარკი, რომელიც არ საჭიროებს განახლებას.

ეგრეთ წოდებული ყვითელი ავტობუსების გამონაბოლქვი სერიოზულად აზიანებს გარემოს , ამბობენ, რომ სპეციალური ფილტრის დაამონტაჟების შემთხვევაში ზიანი სერიოზულად შემცირდება, აპირებთ ამის გაკეთაბას?

ეგ კითხვა უპასუხოდ დავტოვოთ, ვმუშაობთ ჯერ და რა ზომებს მივიღებთ, რა შედეგამდე მივალთ მაგას წინასწარ ვერ გეტყვით. ვსწავლობთ ამ საკითხს სრული დატვირთვით.