Batumelebi

სამართალდამცველებმა ბრალდებულის პირადი ჩხრეკისას 25,74 გრ ნარკოტიკული საშუალება ამოიღეს, რომელიც ექსპერტიზის დასკვნით ჰეროინს შეიცავს. დაკავებული აღიარებს ჩადენილ დანაშაულს.

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს (საქართველოს სსკ-ს 260-ე მუხლის მე-3 ნაწილის „დ“ ქვეპუნქტით).

სკოლის მოსწავლეებმა ერთი კვირის განმავლობაში მოაგროვეს მაკულატურა, ჩააბარეს და აღებული ფულით ბავშვთა სახლის აღსაზრდელებისთვის იყიდეს საჩუქრები. მოსწავლეები ბავშვთა სახლში გაკვეთილების შემდეგ ავიდნენ და რამდენიმე საათს გაჩერდნენ.

ლუკაშენკომ აღნიშნა რომ, პოლიტიკურ თემებზე საქართველოსა და ბელარუსს არანაირი უთანხმოება არ აქვთ და რომ ამ ეტაპზე საქართველოსთან მიმართებაში ნომერ პირველი – სავაჭრო-ეკონომიკური ურთიერთობებია. 

“მე და საქართველოს პრეზიდენტმა გუშინ და დღეს განვიხილეთ ეს პრობლება.  უფრო სწორად არა პრობლემა, არამედ კონკრეტული საკითხი. ჩვენ ბელარუსში ასეთი მიდგომა გვაქვს – როდესაც საკმაოდ მაღალ დონეზე აგვყავს სავაჭრო-ეკონომიკური ურთიერთობები, მაშინ ვწყვეტთ საელჩოს გახსნის საკითხს. რატომ? იმიტომ, რომ ჩვენს საელჩოებს რამდენიმე განსხვავებული ფუნქცია აქვთ, ვიდრე, მაგალითად, რუსეთის ან საქართველოს საელჩოებს. მაგალითად, საგარეო საქმეთა სამინისტრო საგარეო ეკონომიკური კავშირებით არის დაკავებული, ამიტომ საგარეო საქმეთა სამინისტროში სავაჭრო-ეკონომიკური საკითხები ნომერ პირველი საკითხია” – განაცხადა ლუკაშენკომ. მისივე თქმით, საქართველოსა და ბელარუსს შორის 200 მილიონიან სასაქონლო ბრუნვას ვარაუდობენ და სწორედ ამიტომაც არის აუცილებელი საქართველოში ბელარუსის დიპლომატიური წარმომადგენლობა.

ამ ეტაპზე სავაჭრო ბრუნვა საქართველოსა და ბელარუსს შორის 60-70 მილიონი ლარია.

საქართველოს პრეზიდენტმა გიორგი მარგველაშვილმა აღნიშნა, რომ საქართველო და ბელარუსი სხვადასხვა მიმართულებით ითანამშრომლებენ, მათ შორის ყველაზე მნიშვნელოვანი კი, ეკონომიკური პროექტები იქნება:

”ჩვენ ვიმუშავებთ ბევრი მიმართულებით, მათ შორის ძალიან მნიშვნელოვანია ეკონომიკური პროექტები, რომლებზეც ჩვენ ვსაუბრობთ, ამ ეკონომიკური პროექტების უკან დგას ის ფაქტი, რომ ბელარუსი აღრმავებს თავის ურთიერთობას საბაჟო კავშირის მიმართულებით და საქართველო ამაღლებს თავის ეკონომიკურ კავშირებს ევროკავშირის მიმართულებით, მაგრამ კიდევ უფრო მნიშვნელოვნად ამ ურთიერთობის უკან დგას ის ფაქტი, რომ ჩვენ პატივს ვცემთ ჩვენს არჩევანს და ამ არჩევანიდან ვცდილობთ, მაქსიმალური შედეგი მოვუტანოთ ჩვენს ქვეყნებს” – თქვა მან. მისივე თქმით, საქართველოსა და ბელარუსის სხვადასხვა ბლოკებში გაერთიანებას ის უყურებს, როგორც შესაძლებლობებს და არა როგორც – ბარიერების შემქმნელ ფენომენს.

”მინდა ასევე ხაზი გავუსვა, რომ პრეზიდენტ ლუკაშენკოს სახით, საქართველომ დაინახა ნამდვილი მეგობარი. მეგობარი, რომელიც პატივს სცემს ქვეყანას, მის სახელმწიფოებრიობას, მის სუვერენიტეტს და ამ წინაპირობებზე დაყრდნობით ფიქრობს მაქსიმალური ურთიერთობების გაღრმავებას და მაქსიმალურად საერთო, მშვიდობიანი გარემოსთვის ერთობლივ მუშაობას. ბელორუსის პრეზიდენტის როლი პოსტსაბჭოთა სივრცეში ძალიან მნიშვნელოვანია იმიტომ, რომ სწორედ, მინსკი გახდა ის ადგილი, სადაც ბევრი პროცესი თავის მშვიდობიან გამოსავალს ჰპოვებს”, – აღნიშნა გიორგი მარგველაშვილმა.

დღევანდელ შეხვედრაზე ხელი მოეწერა ქალაქ ბრესტსა და ბათუმს შორის დამეგობრების მემორანდუმს. მემორანდუმს ხელი ბრესტის აღმასრულებელი კომიტეტის თავმჯდომარემ ალექსანდრე როგაჩუკმა და ბათუმის მერმა გიორგი ერმაკოვმა მოაწერეს. გიორგი ერმაკოვის თქმით, ქალაქების მერებმა ისაუბრეს იმ ურთიერთობების შესახებ, რომლებიც შესაძლოა ჩამოყალიბდეს ბრესტსა და ბათუმს შორის – ძირითადად ტურიზმის მიმართულებით.

მემორანდუმის ხელმოწერამდე ალექსანდრე ლუკაშენკო, დღევანდელი ვიზიტის ფარგლებში, აჭარის მთავრობის თავმჯდომარეს არჩილ ხაბაძესაც შეხვდა.

დისკუსიის მომხსენებლები იქნებიან ბათუმის მუნიციპალიტეტის მერის მოადგილე ბაგრატ მანველიძე,  
ბათუმის მუნიციპალიტეტის საკრებულოს საფინანსო და ეკონომიკური განვითარების კომისიის თავმჯდომარე – თენგიზ აფხაზავა და  ქალაქმგეგმარებელი, არქიტექტორი – ზურაბ ბაქრაძე.

საჯარო დებატებზე განხილული იქნება შემდეგი საკითხები: თუ როგორ იგეგმება და ვითარდება ბათუმი? როგორ უნდა გადაიჭრას დღევანდელი პრობლემები და როგორ აისახება ეს საბოლოოდ ქალაქის იერსახეზე? სად არის და როგორ მონაწილეობს აღნიშნულ პროცესებში საზოგადოება? როგორია ბატუმის მომავალი?

დისკუსიაზე დასწრება თავისუფალია.

მისამართი: ფარნავაზ მეფის ქუჩა # 62-64.

მომსახურება ითვალისწინებდა ენდოკრინოლოგის, უროლოგის, ლარინგოლოგის, ოფთალმოლოგის, ალერგოლოგის, ნევროპათოლოგის, კარდიოლოგის, და ექოსკოპისტის კონსულტაციას და სამედიცინო კვლევებს. 

აქცია, „N1 პოლიკლინიკის“ ინიციატივით და აჭარის დანდაცვის სამინისტროს და ქედის მუნიციპალიტეტის მხარდაჭერით გაიმართა. 

ბოლო ორი თვის განმავლობაში უფასო სამედიცინო აქცია აჭარის 5 მუნიციპალიტეტის 6 თემში ჩატრდა, მომსახურებით კი ჯამში 1297-მა პაციენტმა ისარგებლა.

მსვლელობაში სომხური დიასპორის ორასამდე წარმომადგენელი მონაწილეობდა.

ხელშეკრულებას ხელი ბათუმის მერმა გიორგი ერმაკოვმა და ბრესტის მერმა  ალექსანდრე როგაჩუკმა მოაწერეს.

ბრესტი ბელორუსის სამხრეთ-დასავლეთ ნაწილში მდებარეობს. ვიკიპედიას ცნობით, ქალაქის მოსახლეობა 322 ათასს აღემატება. 

დაძმობილების ხელშეკრულების ხელმოწერის ცერემონიამდე ალექსანდრე ლუკაშენკო აჭარის მთავრობის თავმჯდომარეს არჩილ ხაბაძეს შეხვდა.  შეხვედრას აჭარის მთავრობის წევრები ესწრებოდნენ.

დღევანდელი ვიზიტის ფარგლებში დაგეგმილი იყო ბელარუსის დელეგაციის წევრების, საქართველოს ვიცე-პრემიერ გიორგი კვირიკაშვილისა და აჭარის სოფლის მეურნეობის მინისტრის ზაურ ფუტკარაძის მიერ  ქობულეთში არსებული აგროსერვისცენტრის სანერგე მეურნეობის მონახულება, თუმცა პროგრამაში შეტანილი ცვლილებების გამო ქობულეთში წასვლა აღარ მოხერხდა. პროგრამაში ცვლილების გამო ბელარუსის ოფიციალურმა დელეგაციამ ვერც ბათუმის ბოტანიკური ბაღის დათვალიერება ვერ მოახერხა. 

ბელარუსის პრეზიდენტი საქართველოში სამდღიანი ვიზიტით იმყოფებოდა. ვიზიტის ფარგლებში ალექსანდრე ლუკაშენკო საქართველოს პრეზიდენტ გიორგი მარგველაშვილს, პრემიერ-მინისტრ ირაკლი ღარიბაშვილსა და საქართველოს პატრიარქ ილია მეორეს შეხვდა. 

ქედის მუნიციპალიტეტის საკრებულოში ახალგაზრდა მეცნიერთა კავშირის კონკურსის – „საკრებულოს საუკეთესო წევრი“  გამარჯვებული „ერთიანი ნაციონალური მოძრაობის“ წევრი ვაჟა ბოლქვაძე გახდა, შუახევში კი, საკრებულოს საუკეთესო წევრად პარტია „ქართული ოცნების“ დეპუტატი ფატი ჭაღალიძე დასახელდა.

„ობიექტურად მიმაჩნია არასამთავრობო ორგანიზაციის შეფასება, თუმცა ამის მოლოდინი არ მქონდა,  რადგან უმცირესობაში ვართ, ვფიქრობდი, გამოკითხვით საუკეთესოდ არ დაგვასახელებდნენ, თუმცა შეფასებისას სხვა ნიუანსებიც ჰქონდა არასამთავრობო ორგანიზაციას“ – ამბობს ვაჟა ბოლქვაძე.

„ინტელექტის“ პროექტების კოორდინატორი დავით არძენაძე აცხადებს, რომ საკრებულოს საუკეთესო წევრები გამოვლინდა სხვა მუნიციპალიტეტებშიც, თუმცა მათი ვინაობა საკრებულოს სხდომებზე გახდება ცნობილი.

„ინტელექტის“ პროექტების კოორდინატორის თქმით,  საკრებულოს საუკეთესო წევრების გამოვლენა მათი საქმიანობის მონიტორინგის საფუძველზე მოხდა.

 „საუკეთესო დეპუტატის გამოსავლენად ქედის, შუახევის, ხელვაჩაურის, ქობულეთისა და ხულოს მუნიციპალიტეტების საკრებულოებიდან გამოვითხოვეთ და შევისწავლეთ საკრებულოს სხდომისა და კომისიის სხდომის ოქმები. საუკეთესო წევრები მუნიციპალიტეტების საკრებულოებში კრიტერიუმების საფუძველზე გამოვლინდა. კრიტერიუმები იყო საკრებულოს სხდომებსა და კომისიის სხდომებზე დასწრება, აქტიურობა, მოხსენებები სხდომებზე, ინიცირებული საკითხების რაოდენობა, შუამდგომლებები ზემდგომ ორგანოებში, მოსახლეობის დახმარება  – შუამდგომლობა, საკრებულოს წევრების რეკომენდაციები.   საკრებულოს საუკეთესო წევრი გამოვავლინეთ ყველა მუნიციპალიტეტში“ – აცხადებს დავით არძენაძე.  

არასამთავრობო ორგანიზაციამ გამარჯვებულ დეპუტატებს დიპლომები და ფასიანი საჩუქრები გადასცა.

ბელარუსის ოფიციალურ დელეგაციას აჭარის მთავრობის თავმჯდომარე არჩილ ხაბაძე, მთავრობის წევრები და ბათუმის მერი გიორგი ერმაკოვი დახვდნენ.

ვიზიტის ფარგლებში დღეს დაგეგმილია შეხვედრა აჭარის მთავრობის თავმჯდომარესთან. ასევე, სასტუმრო „შერატონში“ გამართულ ცერემონიაზე ხელი მოეწერება ბრესტისა და ბათუმის დამეგობრების ხელშეკრულებას.

ბელარუსის პრეზიდენტის 3-დღიანი ოფიციალური ვიზიტი ბათუმში სტუმრობით დასრულდება.

1985-2000 წლებში დაბადებულ ბენეფიციარები სამკომპონენტიანი ვაქცინით წითელაზე, წითურასა და ყბაყურაზე აიცრებიან. 

”ჩვენ მუნიციპალიტეტების დონეზე შევხვდით იმუნიზაციის  სახელმწიფო პროგრამის მიმწოდებელ იურიდიულ და ფიზიკურ პირებს, რომლებთანაც განვიხილეთ სხვადასხვა პრობლემატური საკითხები ზოგადად ვაქცინაციასთან დაკავშირებით. გუშინ და დღეს უნივერსიტეტის სტუდენტებს ჩავუტარეთ არაგეგმიური აცრები წითელაზე” – ამბობს საზოგადოებრივი ჯანდაცვის ცენტრის დირექტორის მოადგილე ნინო ნიჟარაძე.  

გარდა ამ კონტიგენტისა, აიცრებიან 2001 – 2009 წლებში დაბადებული ბავშვები, რომლებიც არიან აუცრელები ან არასრულად აცრილი, სამედიცინო პერსონალი და დაავადებულთან კონტაქტში მყოფი ადამიანები.

აცრა წითელაზე მთელი წლის განმავლობაში გაგრძელდება და იგი უფასოა.

უნივერსიტეტში აქამდე 60-მდე სტუდენტი აიცრა, მსურველების სიაში 200-მდე სტუდენტია.

გიორგი ერმაკოვმა დაახლოებით ორი კვირის წინ ხელი მოაწერა ბრძანებას ზონალურ შეთანხმებაზე თანხმობის შესახებ, რომლითაც კომპანია „BIC“-ი ბათუმში, ფარნავაზ მეფის #107-109-111-ში ე.წ K2 კოეფიციენტის გაზრდას 9,0-მდე ითხოვდა. ამ ადგილზე კომპანია მრავალბინიანი სახლის მშენებლობას გეგმავს. 

ამავე ქუჩის # 92-94-ში მდებარე 1296 კვ/მ არასასოფლო სამეურნეო მიწის ნაკვეთზე მრავალბინიანი სახლის აშენებაზე ნებართვა შპს „ბათუმი 2012“-მაც მიიღო. მშენებლობა 2016 წლის 30 მარტამდე უნდა დასრულდეს.

მრავალფუნქციური საცხოვრებელი კომპლექსის აშენებას გეგმავს ბათუმში, შავშეთის ქუჩის #24-ში მდებარე 3317 კვ/მ მიწის ნაკვეთზე შპს „ოთხი ძმა“. ამ კოპანიამ განაშენიანების კოეფიციენტის გაზრდა 4,8-მდე მოითხოვა და თანხმობა მიიღო.

ზონალურ შეთანხმებაზე დადებითი პასუხი მიიღო შპს „მომავლის სახლმაც“, რომელიც მელიქიშვილისა და ფარნავაზ მეფის ქუჩების კვეთაში მრავალბინიანი საცხოვრებელი სახლის მშენებლობას გეგმავს. კომპანიამ ინტენსივობის კოეფიციენტის გაზრდა 6,3-მდე მოითხოვა.
შპს „რეალ-მშენმა“ სპეციალური ზონალური შეთანხმების თაობაზე მერიისგან თანხმობა ორი კვირის წინ მიიღო. კომპანია ბათუმში, ტბელ აბუსერიძის ქუჩაზე #53-55ბ-ში მდებარე 1091 კვადრატულ მეტრ ფართობზე მრავალფუნციური დანიშნულების ობიექტს აშენებს. კომპანიამ განაშენიანების ინტენსივობის კოეფიციენტის 4,8-მდე გაზრდა მოითხოვა და თანხმობაც მიიღო. კომპანიის დირექტორის ზაურ გოგიტიძის თქმით, ეს იმას ნიშნავს, რომ 11-სართულიან შენობას კიდევ 3-4 სართული დაემატება.

თანხმობა მიიღო შპს „სანდრომაც“ – კომპანია ბათუმში, გუდიაშვილის ქუჩის #16-ში მრავალბინიან საცხოვრებელ სახლს ააშენებს.
ინტენსივობის კოეფიციენტის გაზრდა ითხოვა შპს „ლიონმაც“, კომპანია მახინჯაურში, 600 კვ.მეტრზე მრავალბინიან საცხოვრებელ სახლს აშენებს, კომპანიამ ე.წ. K2 კოეფიციენტის 3,3-მდე გაზრდა მოითხოვა.

ამ პროექტებიდან რამდენიმეს განხორციელება იმ ზონაშია დაგეგმილი, სადაც განაშენიანების ინტენსივობას ბათუმის საკრებულოს დადგენილება არეგულირებს.

ბათუმის ცენტრალურ ნაწილში მშენებლობის რეგულაციები ბათუმის საკრებულომ 2013 წელს გაამკაცრა და ე.წ. ზონალური მოსაკრებელი შემოიღო. ამ იდეის ავტორი მაშინ ქალაქის მთავარი არქიტექტორი გიორგი რამიშვილი იყო. იგი მიიჩნევდა, რომ ქალაქის ცენტრში მშენებლობის ინტენსივობის კოეფიციენტის გაზრდისთვის მოსაკრებლის დაწესება დეველოპერების გარეუბნებით დაინტერესებას წაახალისებდა. რეგულაციას თავიდანვე გამოუჩნდნენ მოწინააღმდეგეები, რომლებიც მიიჩნევდნენ, რომ ეს არათუ წაახალისებდა მშენებლობებს გარეუბნებში, არამედ რეგიონი დაკარგავდა ინვესტორებს, რომლებიც ქალაქის ცენტრში მშენებლობებით იყვნენ დაინტერესებულნი. საკრებულომ მაშინ მოწინააღმდეგეების მოსაზრებები არ გაითვალისწინა.

საკრებულოს დადგენილების მიხედვით, განაშენიანების ინტენსივობის გადასახადი დაწესდა ბათუმში, გოგებაშვილისა და ჭავჭავაძის ქუჩის კვეთასთან არსებული წრიულიდან გრიბოედოვის ქუჩის კვეთამდე, ჭავჭავაძისა და გრიბოედოვის ქუჩების კვეთიდან ნინოშვილის ქუჩის კვეთამდე, გრიბოედოვისა და ეგნატე ნინოშვილის ქუჩების კვეთიდან სულიკო ჟღენტის ქუჩის კვეთამდე, სულიკო ჟღენტის ქუჩის ორივე მხარეს, გოგებაშვილის ქუჩების კვეთიდან ჭავჭავაძის ქუჩების კვეთაში არსებულ წრიულამდე, გოგებაშვილის ქუჩის ორივე მხარეს, სანაპირომდე.

დადგენილების მიხედვით, ქალაქის ცენტრში განაშენიანების ინტენსივობის კოეფიციენტის გაზრდა ზონალური მოსაკრებლის გადახდას ითვალისწინებს. საზოგადოებრივ საქმიან ზონაში განაშენიანების კოეფიციენტი 3,0-ა, რაც მაქსიმუმ 7 სართულის მშენებლობას ითვალისწინებს, ხოლო საცხოვრებელ ზონაში – 2.2, რაც 5 სართულის მშენებლობას გულისხმობს, რეკრეაციულ ზონაში მშენებლობა დაუშვებელია.

უკვე გაცემული მშენებლობის ახალი ნებართვების მიხედვით კი, ბათუმის ცენტრალურ ნაწილში, რომლის მშენებლობებისგან განსატვირთადაც საკრებულომ ორი წლის წინ რეგულაცია შემოიღო, მაღლივი შენობების აგების ტენდენცია გაგრძელდება. ყველა მშენებელი კომპანია კი, ზონალურ მოსაკრებელს არ გადაიხდის. მოსაკრებელზე შეღავათებს მიიღებენ ის კომპანიები, რომლებიც ახალი კორპუსების აშენებას გეგმავენ მთავრობის პროგრამის ფარგლებში, რომელიც ქალაქში არასტანდარტული საცხოვრისის ჩანაცვლების მიზნით ახალი კორპუსის მშენებლობას ითვალისწინებს. გარდა ამისა, ბათუმის საკრებულოს გადაწყვეტილებით, მოსაკრებლისგან თავისუფლდება დეველოპერი, რომელიც 30-მილიონიან ინვესტიციას განახორციელებს: მაგალითად, კომპანია „BIC“-ი, რომელიც ბათუმში, ფარნავაზ მეფის #107-109-111-ში მრავალბინიანი სახლის მშენებლობას გეგმავს, მონაწილეობს `ბათუმში არასათანადო-არასტანდარტული საცხოვრისის ლიკვიდაციის სახელმწიფო პროგრამაში~. ამ პროგრამაში მონაწილე კომპანიები კი შეღავათებით ისარგებლებენ – ზონალური მოსაკრებლისგან თავისუფლდებიან. ამ კომპანიამ კოეფიციენტის გაზრდა 9,0-მდე მოითხოვა და თანხმობაც მიიღო.

„K2-ის გაზრდისას გათვალისწინებული უნდა იყოს სხვისი – მშენებლობის ზონაში მცხოვრებლების ან მოპირდაპირე ნაკვეთების მფლობელების ინტერესებიც. თუ განაშენიანების გეგმა დამუშავდება, შესაძლოა ერთ კონკრეტულ მიწის ნაკვეთზე მივიღოთ ობიექტები, რომლებსაც ექნებათ გადაჭარბებული კოეფიციენტები. ეს უნდა დაბალანსდეს სხვა მიწის ნაკვეთების ხარჯზე. იმას არ ითვალისწინებენ, რაც არის ყველაზე მნიშვნელოვანი. მე არქიტექტორი ვარ და მშენებლობას ვემხრობი, მაგრამ ეს უნდა იყოს გონივრულ ფარგლებში“, – ამბობს ბათუმის ყოფილი მთავარი არქიტექტორი გიორგი რამიშვილი.

არქიტექტორის მოსაზრებით, რეგულაციების დაწესება ერთ კონკრეტულ ზონაში კი არა, მთელ ქალაქშია საჭირო: „2013 წელს მოსაკრებლის დაწესებით, ქალაქის ცენტრალურ ნაწილში ე.წ. ავანტიურისტული პროექტები შევაჩერეთ. მენაშენეს აღარ უღირდა ცენტრში აშენება, რადგან დიდ მოგებას ვეღარ ნახავდა. თანაც რეგულაცია მოსაკრებლის გადახდის შემთხვევაშიც ითვალისწინებს პარამეტრების დაცვას: გადასახადი არ ნიშნავს იმას, რომ აუცილებლად უნდა მიიღოს დეველოპერმა თანხმობა. თბილისში მთელ ქალაქზეა რეგულაცია დაწესებული. ვფიქრობ, ამაზე ჩვენც უნდა ვიმსჯელოთ“.

რას ფიქრობენ ქალაქის ცენტრალურ ნაწილში რაგულაციებს მიღმა წამოწყებულ ახალ მშენებლობებზე საკრებულოში? საკრებულოს წევრი ზაურ ახვლედიანი: „ბოლოს ორი შეხვედრა ჩავატარეთ ფრაქცია რესპუბლიკელებმა ამ თემაზე არქიტექტორებთან ერთად. დეველოპერებსაც ველოდით, თუმცა ისინი ნაკლებად ესწრებიან მსგავს შეხვედრებს. ვისაუბრეთ რეგულაციებზე, რომლებსაც ქართული კანონმდებლობა არ ითვალისწინებს, თუმცა ითვალისწინებენ საერთაშორისო კონვენციები, რომლებზეც მიერთებულია საქართველო. ჩვენს მოსაზრებებს, რომ რეგულაციები მოვიყვანოთ საკანონმდებლო დონეზე, ჰყავს მომხრეებიც და მოწინააღმდეგეებიც, როგორც დეველოპერებში, ასევე არქიტექტორებშიც. რეგულაციებთან დაკავშირებით ივლისამდე ჩამოვყალიბდებით, მაგრამ პირველ ეტაპზე არა მგონია ეს შეეხოს კოეფიციენტებს. ჯერ საკანონმდებლო ჩარჩო უნდა მომზადდეს.“

ბათუმში გასული წლის ბიუჯეტის შემოსულობებში ზონალური მოსაკრებლის გადასახადმა მილიონამდე ლარი შეადგინა (ერთ კვადრატულ მეტრზე _ 150 ლარი). ეს იმას ნიშნავს, რომ დეველოპერს რეგულაციის მოქმედების შემთხვევაშიც კი, მშენებლობის წამოწყება მაინც ცენტრალურ ნაწილში ურჩევნია. ქალაქის ამ ნაწილში კვადრატული მეტრი ბინის ფასი 700-1000 დოლარია.

საბა ამბობს, რომ მეცხრეკლასამდე ქიმიას ჩვეულებრივ საგნად აღიქვამდა და მის მიმართ განსაკუთრებული სიყვარული არ გამოუჩენია, თუმცა ცოტა ხნის წინ მისი ინტერესი ამ საგნის მიმართ შეიცვალა. „დღეს უკვე ქიმიას ისე ვუყურებ, როგორც თანამედროვე სამყაროში წარმატების მიღწევის ერთ-ერთ საშუალებას, რადგან ქიმია ყველგანაა“ – ამბობს საბა. 

საბამ ქიმიაში მიღწეული წარმატების შემდეგ მომავალ პროფესიაზე ფიქრიც დაიწყო. ამ ეტაპზე ბიოინფორმატიკით და გენური ინჟინერიითაა დაინტერესებული, თუმცა ამ ორს შორის რომელზე გააკეთებს არჩევანს, ჯერ არ იცის. ამბობს, რომ საბოლოო გადაწყვეტილების მისაღებად ორი წელი ჯერ კიდევ წინ აქვს.

„გენური ინჟინერია საკმაოდ პერსპექტიულია საქართველოში. არის ეროვნული ღეროვანი უჯრედების ცენტრი, აგრარულ და თავისუფალ უნივერსიტეტებსაც აქვთ მსგავსი მიმართულებები და როგორც ვიცი, უცხოელი სპეციალისტებიც ჩამოჰყავთ. თუ ამ მიმართულებით წავალ, ალბათ ამ უნივერსიტეტებს ავირჩევ ან უცხოეთში ვისწავლი“.

საბა ამბობს, რომ მისი ქიმიაში წარმატება გარდა სკოლის პედაგოგისა, მშობლებისა და პირადი ინტერესის დამსახურებაა:

„ვერ ვიტყვი, რომ სკოლაში ქიმიის სწავლისთვის კარგი პირობებია, ქიმიას ნამდვილად სჭირდება პრაქტიკა, რადგან მხოლოდ თეორიით ძნელია მოსწავლეს გააგებინო, რატომ სწავლობს ქიმიას. მით უმეტეს ბათუმის სკოლებში, სადაც ერთ-ორ ლაბორატორიაში თუ იქნება ცდის ჩატარების შესაძლებლობა. მეც ერთი-ორჯერ ვარ სულ ლაბორატორიაში ნამყოფი. მესმის, რომ ლაბორატორიის შენახვა ძვირი სიამოვნებაა, მაგრამ ეს კაბინეტებიც მხოლოდ იმიტომ არ უნდა იყოს, რომ უბრალოდ ლაბორატორია ეწეროს“ – ამბობს საბა.

მისი თქმით, სიყვარული საბუნებისმეტყველო საგნების მიმართ მათემატიკოსი მშობლების დამსახურებაა: „რა თქმა უნდა, არ გამოვრიცხავ ჩემი პედაგოგის ნანა პაპუნაიშვილის როლს. მან შემაყვარა საგანი და დამატებითაც ვმეცადინეობ მასთან. ცალკე მეცადინეობის დადებითი მხარე ის არის, რომ მასწავლებელი მეტ ყურადღებას გითმობს, თანაც შემიძლია ერთი კვირა კარგად ვიმეცადინო და შემდეგი კვირა საერთოდ დავისვენო. მნიშვნელოვანია თვითგანვითარებაც, რადგან ქართულ ენაზე არ არის ახალი ლიტერატურა ქიმიაში, ამაზონიდან ვიწერ და ინგლისურენოვან წიგნებს ვკითხულობ“.

საბა ამბობს, რომ საბუნებისმეტყველო საგნებზე მოთხოვნა რომ გაიზარდოს, ამისთვის სახელმწიფომ მის პოპულარიზაციას უნდა შეუწყოს ხელი.

„ცუდია, რომ არც ერთ ტელევიზიაში არ არის სამეცნიერო, შემეცნებითი გადაცემები, რამაც შეიძლება დაგაინტერესოს. არც ლიტერატურაა ხელმისაწვდომი, შესაბამისად, ვერც მასწავლებლები ვითარდებიან და ვერც მოსწავლეები, დღემდე საბჭოთა პერიოდში ნათარგმნი ლიტერატურით სარგებლობენ. მეტი აქტიურობაა საჭირო როგორც მოსწავლეების, ასევე სახელმწიფოს მხრიდანაც. მესმის, რომ მასწავლებლებიც ნაკლებად იხარჯებიან, რადგან დაბალია ანაზღაურება.

იმას, რა წარმატებასაც მე მივაღწიე ამ ეტაპზე, შეიძლება მიაღწიო თეორიითაც, თუ კარგად ისწავლი, მაგრამ შემდეგ ეტაპებზე, მარტო თეორიით ძნელია წარმატების მიღწევა. უფრო მაღალი ეტაპები პროექტების მომზადებას ითვალისწინებს, რისთვისაც მე ჯერ არ ვარ მზად“.

საბა ამბობს, რომ ქიმიის გარდა მათემატიკა და ხატვაც აინტერესებს. მოსწონს გრაფიკაში მუშაობა: „3D მოდელირება მომწონს და კომპიუტერში ვხატავ ხოლმე. ვმუშაობ ხელითაც. სპორტისთვის მეტ-ნაკლებად ვიცლი, ზოგჯერ მივდივართ კლასელები და ფეხბურთს ვთამაშობთ. კომპიუტერთან მეც ვზივარ, ისევე როგორც სხვა მოზარდები. ფეისბუქში რომ შეხვალ, ვეღარ აღწევ თავს, თუმცა ვახერხებ იმასაც, რომ სასარგებლო ინფორმაციაც მივიღო“.

საბა ამჯერად საერთაშორისო ოლიმპიადისთვის ემზადება. ნაკრები თბილისში უნდა შეირჩეს. პირველი ოთხეული გაემგზავრება ბაქოში საერთაშორისო ოლიმპიადაზე, რომელიც ზაფხულში უნდა გაიმართოს, მეორე ოთხეული კი, რეზერვში იქნება. საბა ამბობს, რომ პირველ ოთხეულში მოხვედრის იმედი აქვს.

გიული 33 წლისაა და საკუთარი შვილებიც ჰყავს. პატარა ბიჭი მას შემდეგ შეეძინა, რაც აღსაზრდელად ორი ბავშვი – 4 და 6 წლის და-ძმა აიყვანა. გიული ამბობს, რომ ეს საჩუქარი მან სხვისი შვილების სიყვარულის სანაცვლოდ მიიღო. 

„რაც ეს ორი პატარა ავიყვანე, ჩემს ცხოვრებაში ყველაფერი წინ წავიდა. სულ მინდოდა, რომ ანას გვერდით კიდევ ყოფილიყვნენ ბავშვები. მეც სახლში ვიყავი, არ ვმუშაობდი და ვიფიქრე, ამ ბავშვების აღზრდით კარგ საქმეს გავაკეთებდი“.

გიული საკუთარ და მინდობილი ბავშვების ემოციებზე გვიყვება: „ისინი დედიკოს მეძახიან, დედას კი, სახელით მიმართავენ. ამაზე ბიოლოგიურ დედას რეაქცია აქვს და ცრემლი ერევა ხოლმე, მაგრამ ვამშვიდებ და ვეუბნები, –  ნუ გეშინია, თქვენზე ყოველთვის ვესაუბრები მათ-მეთქი. ბავშვებსაც ვეუბნები, რომ მას დედა დაუძახონ და უყვარდეთ“.

პატარა და-ძმა საკუთარ ოჯახში ძალადობის მსხვერპლი გახდა. დედა ალკოჰოლდამოკიდებულია, მამა კი არ ჰყავთ. „დედა ძმასთან ცხოვრობს, რომელსაც ფსიქიკური პრობლემები აქვს. ალბათ სცემდნენ ბავშვებს, რადგან თავდაპირველად დიდი სტრესის ქვეშ იყვნენ. ოთახში მარტო ვერ ვტოვებდი. „არ დაგვტოვო დედიკოო“ – ყვიროდნენ და ყველაფრის ეშინოდათ. ახლა უკეთესად არიან, საბავშვო ბაღშიც დადიან და მათთან ფსიქოლოგიც მუშაობს“, – ამბობს გიული.

ბიოლოგიურ დედას ბავშვების ნახვის უფლება თვეში ერთხელ აქვს, თუმცა, როგორც გიული ამბობს, ბავშვები ამასაც განიცდიან: „წასვლა არ უნდათ, მაშინვე ტირილს იწყებენ. დედაც ძალიან მეცოდება. არ ვიცი, რაიმე სარეაბილიტაციო პროგრამაში არის თუ არა ჩართული და ცდილობს თუ არა, რომ სასმელზე აღარ იყოს დამოკიდებული“.

ოთახში, სადაც უამრავი სათამაშოა, სამივე პატარა ერთად იძინებს: „ანა მეოთხეკლასელია და მათ ფორტეპიანოზე სიმღერებსაც ასწავლის. ზღაპრებსაც ხშირად უკითხავს და-ძმას, რადგან ძალიან უყვართ“.

სახელმწიფოს თითო ბავშვზე თვეში 400 ლარი აქვს გათვალისწინებული. გიული ამბობს, რომ ლარის ინფლაციის პირობებში ცდილობს მაქსიმალური გააკეთოს ბავშვებისთვის: „ბავშვს ბევრი რამე სჭირდება – ჩაცმა, კარგი საკვები, კარგი განათლება, დასასვენებლადაც ხომ უნდა წაიყვანო. ზოგჯერ, როცა მესმის „ფულის გამო აიყვანე“, მაჟრიალებს, რადგან ადამიანებს ვერ წარმოუდგენიათ, რომ შეიძლება სხვისი შვილიც შეიყვარო და საკუთარივით გაზარდო. მე, უბრალოდ, ბავშვის საჭიროებებიდან გამომდინარე ვამბობ ამას“.

სახლი ნათელი და მზიანია. მწვანე ეზოში პატარა ძაღლი ყეფს, ეზოს კუთხეში პატარა ველოსიპედიც დგას.

„ზღვაზე რომ ჩავიყვანე, გაგიჟდნენ, „სად ვართ, ეს რა არის?“- გვეკითხებოდნენ. არაფერი არ იცოდნენ. ელემენტარული, კოვზის დაჭერაც არ იცოდა ბიჭმა, ისეთ პირობებში იზრდებოდნენ. ახლა ძალიან შეცვლილები არიან. წელს ბიჭი სკოლაში მიდის… მათ სიყვარული აკლდათ და ვფიქრობ, რომ ოჯახში მათ ეს სიყვარული დაინახეს.“

გიული ამბობს, რომ ერთადერთი, რასაც წინასწარ განიცდის, იმ აზრთან შეგუებაა, რომ პატარა და-ძმა ერთ დღეს მათ ოჯახს დატოვებს.
სოციალური მომსახურების სააგენტოს მეურვეობა-მზრუნველობისა და სოციალური პროგრამების დეპარტამენტის უფროსის მარი წერეთლის განცხადებით, მინდობით აღზრდის პროგრამა საქართველოში საკმაოდ წარმატებულია.

„როცა დეინსტიტუციონალიზმის პროცესში 45 ბავშვთა სახლი დაიხურა, ბავშვების ნახევარი ბიოლოგიურ ოჯახში დაბრუნდა, ნაწილი მცირე საოჯახო ტიპის სახლებში გადავიდა, დიდი ნაწილი კი მინდობით აღზრდაშია, რამაც, ვფიქრობ, ყველაზე კარგად იმუშავა“.

არსებობს სამი ტიპის მინდობით აღზრდა: რეგულარული, გადაუდებელი და ნათესავთან მინდობით აღზრდა. განსხვავებულია ბავშვებისთვის გათვალისწინებული სახელმწიფო დახმარებაც. ნათესაურ მინდობით აღზრდაში განთავსებულ ჯანმრთელ ბავშვზე სახელმწიფო თვეში 200 ლარს იხდის, შეზღუდული შესაძლებლობის მქონე ბავშვის აღზრდაში კი – 300 ლარს.

არანათესაურ მინდობით აღზრდაში განთავსებული შშმ ბავშვის აღზრდისთვის სახელმწიფოს დღეში 20 ლარი აქვს გათვალისწინებული, იმდენივე თანხაა განსაზღვრული გადაუდებელი მინდობით აღზრდის შემთხვევაშიც.

მარი წერეთლის თქმით, „აღნიშნული სერვისებით ის ბავშვები და მოზარდები სარგებლობენ, რომლებიც ხდებიან ძალადობის მსხვერპლნი ან მათზე ბიოლოგიური მშობლები უარს ამბობენ.

სახელმწიფოს მიაჩნია, რომ ყველაზე კარგია, როცა ბავშვი ნათესავის ოჯახში იზრდება, „რადგან ასეთი ოჯახი ბავშვისთვის გენეტიკურად ბიოლოგიური გარემოა“. თუმცა, როგორც სტატისტიკა აჩვენებს, ყველაზე მეტი ბავშვი მაინც არანათესაურ მინდობით აღზრდაში იმყოფება.
არის შემთხვევები, როცა მინდობილი ოჯახებიც იცვლება, მაგრამ როგორც მარი წერეთელი ამბობს, მსგავსი ფაქტები არც თუ ისე ხშირია.

ბავშვთა მინდობით აღზრდის პროგრამაზე სახელმწიფო ბიუჯეტში 2015 წელს ექვსი მილიონი ლარია გათვალისწინებული. 

მინდია ქარცივაძე ახლაც პატიმრობაში იმყოფება. მისი ოჯახის წევრების თქმით, მინდიას ის არ აპატიეს, რომ პოლიციელებს უჩივლა და ჩივილიდან მესამე დღეს მეორედ დააკავეს, ამჯერად დანის ტარებისა და მუქარისთვის.

ახალგაზრდა იურისტთა ასოციაციის იურისტი გიორგი ხიმშიაშვილი, რომელიც მინდია ქარცივაძის უფლებებს იცავს, ამბობს, რომ სახელმწიფო უკვე წლებია ვერ არკვევს, სად და რა ვითარებაში მიიღო ქარცივაძემ სხეულის მძიმე დაზიანება, რაც ექსპერტიზის დასკვნითაც დადგენილია. იურისტის თქმით, სამმართველოს აღრიცხვის ჟურნალში დაკავებულის დაზიანების შესახებ არაფერია აღნიშნული, მაშინ როდესაც სამმართველოდან წინასწარი დაკავების იზოლატორში გადაყვანილი ქარცივაძის დასახმარებლად (სხეულზე არსებული სხვადასხვა დაზიანების გამო) იზოლატორის ხელმძღვანელი იძახებს სასწრაფო დახმარებას და მიმართავს პროკურატურას.

საქმის მასალებით, მინდია ქარცივაძე ბათუმში, გორგილაძის ქუჩაზე, სასაზღვრო პოლიციის შენობის მიმდებარედ დააკავეს. ნასვამ მდგომარეობაში მყოფი საზოგადოებრივ წესრიგს არღვევდა. პოლიციის მე-2 განყოფილებაში ქარცივაძეს წელსზევით შიშველს გადაუღეს ფოტო და ვიდეო, გაჩხრიკეს და ამოიღეს ნივთები: ქამარი, კრიალოსანი, ჯვარი, საფულე, დანა.
დაკავებულის ძმის მამუკა ქარცივაძის თქმით, მინდიას დაკავების შესახებ მეორე დღეს შეატყობინეს, როცა ის სასამართლოში გადაჰყავდათ: `დარეკა პოლიციელმა, რომ მიგვეტანა ტანსაცმელი. მანამდე მინდიას არ მისცეს საშუალება დაერეკა ოჯახში ან ადვოკატთან. მე სასამართლო პროცესის დამთავრების შემდეგ ვნახე ჩემი ძმა, სასტიკად იყო ნაცემი. გამოვიძახეთ ადვოკატი, სახალხო დამცველის წარმომადგენელი აჭარაში და მოვითხოვეთ ექსპერტიზის ჩატარება”.

მინდია ქარცივაძის ოჯახის წევრების თქმით, განყოფილებაში მიყვანის შემდეგ მას ერთ-ერთმა პოლიციელმა მიმართა უხეშად, რის გამოც მინდიამ პოლიციელს შეაგინა. ამიტომ ის პოლიციელებმა სასტიკად სცემეს. მინდიას თქმით, ის უფროსის კაბინეტში სცემეს და იქვე გაუპატიურებით ემუქრებოდნენ.
მინდია დააკავეს ქალაქის ცენტრალურ ქუჩაზე, შუქნიშანთან, სადაც დამონტაჟებულია სათვალთვალო კამერები. დაკავების ადგილის მიმდებარედ განთავსებულია სასაზღვრო პოლიციის შენობა და აფთიაქი „ჯი-პი-სი“. პოლიციას საქმეში არ უდევს სათვალთვალო კამერებიდან ამოღებული მტკიცებულები, რითაც დადგინდებოდა, უწევდა თუ არა დაკავების დროს მინდია პოლიციელებს წინააღმდეგობას. აფთიაქში მტკიცებულების ამოსაღებად მისულ გიორგი ხიმშიაშვილს უთხრეს, რომ პოლიცია იყო მისული სათვალთვალო კამერების ჩანაწერების სანახავად. უცნობია, პოლიციამ აფთიაქიდან ამოიღო თუ არა რაიმე მტკიცებულება, რადგან საქმეში სათვალთვალო კამერების ჩანაწერი არ ჩანს. დაცვის მხარის მიერ მოპოვებული მტკიცებულებით მხოლოდ ის ირკვევა, რომ პოლიციას მტკიცებულებასთან შემხებლობა ჰქონდა. დაკავებულის ოჯახის წევრები ვარაუდობენ, რომ პოლიციამ შეგნებულად წაშალა მტკიცებულება, რადგან ბრალდებული არც ნაცემი იყო და არც შიშველი მანამ, ვიდრე დააკავებდნენ.

ადმინისტრაციული პატიმრობიდან მესამე დღეს მინდია ქარცივაძის წინააღმდეგ პოლიციამ სისხლისსამართლებრივი დევნა დაიწყო და ის დააპატიმრეს. გამოძიება დაიწყო პოლიციელების მხრიდან დაკავებულის სავარაუდო ცემის ფაქტზეც.
ამ ამბიდან დაახლოებით ორი წელია გასული.
გენერალური ინსპექციის მოკვლევის საფუძველზე ხომ არ შეუჩერებია შინაგან საქმეთა სამინისტროს დროებით უფლებამოსილება იმ თანამშრომლებისთვის, რომლებსაც პატიმარი ცემასა და არაადამიანურ მოპყრობაში ადანაშაულებს? – “ბათუმელების” ამ კითხვას უწყებაში ასე უპასუხეს: „ამ დროისთვის გამოძიებას აწარმოებს პროკურატურა. შესაბამისად შინაგან საქმეთა სამინისტროს გენინსპექციის მოკვლევა და შედეგი დამოკიდებული იქნება იმაზე, თუ რას დაადგენს პროკურატურა“.

მინდია ქარცივაძის საქმეზე სახალხო დამცველს ადვოკატმა მიმართა გასული წლის ოქტომბერში, სადაც მიუთითებდა აჭარის პროკურატურაში მიმდინარე საქმის გამოძიების გაჭიანურებაზე. ბრალდებულის ძმა სახალხო დამცველთან შეხვედრას ამ დღეებში ისევ გეგმავს. მინდია ქარცივაძე და მისი ოჯახი დამნაშავის დასჯას მოითხოვენ. პატიმარი ცემასა და არაადამიანურ მოპყრობაში ბათუმის მე-2 განყოფილების რვა პოლიციელს ადანაშაულებს.

 როგორც ქედის, ხულოსა და შუახევის მუნიციპალიტეტებში აცხადებენ აპრილის თოვს მოსახლეობისთვის პრობლემები არ შეუქმნია.