Batumelebi | ირანის კონსული ბათუმში აჭარის მთავრობის თავმჯდომარეს შეხვდა ირანის კონსული ბათუმში აჭარის მთავრობის თავმჯდომარეს შეხვდა – Batumelebi
RU | GE  

ირანის კონსული ბათუმში აჭარის მთავრობის თავმჯდომარეს შეხვდა

 

აჭარის მთავრობის თავმჯდომარე არჩილ ხაბაძე ირანის ისლამური რესპუბლიკის გენერალურ კონსულს   ბათუმში აჰმად რეზა არზჯანის შეხვდა. შეხვედრა კონსულის დიპლომატიური მისიის დასრულებასთან დაკავშირებით  გაიმართა. არჩილ ხაბაძემ და აჰმად რეზა არზჯანიმ ირანისა და აჭარის ერთობლივად განხორციელებული პროგრამები და პროექტები განიხილეს.

 

აჰმად რეზა არზჯანი დიპლომატიურ მისიას აჭარაში 2010 წლიდან ასრულებს.  

„ შეხვედრაზე შევაჯამეთ განვლილი 3 წელი. აღვნიშნეთ, რომ ბევრი რამ გაკეთდა ამ პერიოდის მანძილზე და დაწყებულია გარკვეული პროექტის განხორციელება. ასევე, შეხვედრისას შევეხეთ რეგიონებს შორის ურთიერთობას. მიმაჩნია, რომ საინტერესო იქნება ახლო მომავალში აჭარის ავტონომიური რესპუბლიკის ირანის რომელიმე რეგიონთან დამეგობრება. ახალ კონსულთან გავაგრძელებთ აქტიურად მუშაობას და დაწყებულ საქმიანობას. ბატონი კონსულის მოღვაწეობა და ჩვენი ურთიერთობა პოზიტიური გახლდათ“- განაცხადა არჩილ ხაბაძემ შეხვედრის დასრულების შემდეგ. 

 

„40 წლიანი პაუზის შემდეგ, 4 წლის წინ, მოხდა საკონსულოს აღდგენა. მას შემდეგ  ვმუშაობ აჭარაში და ჩემი მისია დასრულებულია. სწორედ ამიტომ ბატონ არჩილს გამოსამშვიდობებლად შევხვდი. მოხარული ვარ, რომ ჩვენი ურთიერთობები და თანამშრომლობა ვითარდება და ღრმავდება- აღნიშნა აჰმად რეზა არზჯანიმ

 

 

 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"