ბათუმის საქალაქო სასამართლოში ყოფილ ქმარზე მოძალადე ქალის საქმე მოსამართლე ლაშა თავართქილაძემ განიხილა. მას უბნის ინსპექტორმა სთხოვა დამცავი ორდერის გაცემა, რაც იმას ნიშნავს, რომ ძალადობის მსხვერპლთან მიახლოებას მოძალადე უნდა მოერიდოს როგორც მის სამუშაო ტერიტორიაზე, ასევე სახლში.
როგორც უბნის ინსპექტორი მოსამართლეს მოუყვა, ისინი ორი წლის წინ განქორწინდნენ, ქონება სასამართლოს გზით არის გაყოფილი, თუმცა დავა მიწაზე ისევ გრძელდება. მისივე ინფორმაციით, მამაკაცმა 2015 წელს მეორე ცოლი შეირთო და ბავშვს ელოდება, თუმცა მას და მისი ოჯახის წევრებს შეურაცხყოფას მისი ყოფილი ცოლი კვლავაც აყენებს.
“შემომივარდა სახლში, ჩამიმტვრია ფანჯარა, გამოვიძახე პოლიცია, ერთხელ შინ დამხვდა, სახლის გასაღები ჰქონია და კარები გააღო. მეუბნება, რომ არ გამახარებს, მლანძღავს. მე ვტაქსაობ, 26 მაისს შევარდა ჩემს ბოსტანში, თავს დაესხა დედაჩემს, მიწაზე ჰყავდა გაგდებული, ზემოდან შედგა წიხლებით, გვაყენებს სიტყვიერ შეურაცხყოფას და მემუქრება. მე ფსიქოლოგიური ძალადობის მსხვერპლი ვარ, შემიძლია წაგაკითხოთ მესიჯები”, – უთხრა მოსამართლეს მამაკაცმა.
სასამართლო პროცესს ძალადობაში ბრალდებული ქალიც ესწრებოდა, რომელმაც ყოფილი ქმარი ღალატში დაადანაშაულა: “რაც მოყვა, ნაწილობრივ ტყუილია. ჩვენ ორი საერთო შვილი გვყავს -18 და 21 წლისანი არიან, ორივე ჩემთან ცხოვრობს. თავს მე დამესხნენ ჩემი ყოფილი მული და დედამთილი. მე ვარ მოძალადე? მე ისეთი ძლიერი ვარ, რომ ორი ქალი ვცემე? მე შეურაცხყოფას არ ვაყენებ არავის, პირიქით, მე ვარ შეურაცხყოფილი”.
მოსამართლე დაინტერესდა სამსახურებრივი მოვალეობის შესრულების დროს თუ ატარებდა ძალადობაში ბრალდებული ქალი იარაღს. მან უპასუხა, რომ იარაღის ტარება მას არ ევალება და არც იცის გამოყენება.
მოსამართლემ ძალადობაში ბრალდებულ ქალს ათი დღის განმავლობაში აუკრძალა მისი ყოფილი ქმრის სახლთან და სამსახურთან მიახლოება, წინააღმდეგ შემთხვევაში მოსალოდნელი სასჯელის ზომები გააცნო. მათ საერთო მიწის ნაკვეთი გაყოფილი აქვთ და მიწას ერთმანეთის მეზობლად ამუშავებენ.
2015 წლის 15 მაისის მონაცემებით, პოლიციის მიერ გამოცემული შემაკავებელი ორდერების რაოდენობა, რომელიც სასამართლომ დაამტკიცა არის 183. მათ შორის რამდენი იყო ქალი და რამდენი მამაკაცი, გაურკვეველია, რადგან სქესის მიხედვით სტატისტიკა შინაგან საქმეთა სამინისტროს მომზადებული არ აქვს.
„რაც უფრო კარგს მოვწევთ, მით უფრო კარგები ვიქნებით“, – ამბობს მარიხუანას დეკრიმინალიზაციის მოთხოვნით გამართული აქციის მონაწილე ელიონორ კუზანოვი. ის აქციის მონაწილე ოთხ გოგონათაგან ერთ-ერთია.
„ამ აქციაზე ბევრი ვერ მოვიდა, მიუხედავად იმისა, რომ ბევრი არის ამის გამო კანონით დასჯილი. მე აქ იმიტომ მოვედი, რომ მინდა ვცხოვრობდეთ ისეთ ქვეყანაში, თვითონ რომ აირჩიოს ადამიანმა ღვინის სახლი უნდა თუ წითელი ქუდი. თუ ბატონმა ზურაბ ჟვანიამ თქვა, რომ მე ვარ ქართველი და მაშასადამე ვარ ევროპელი და თუ ჩვენი აქცენტი მაგისკენ მიდის, რომ ევროპელები უნდა გავხდეთ, მაშინ მოვიქცეთ ისე, როგორც იქ იქცევიან, ერთ ასპექტში მაინც. მე ბევრ ქვეყანაში ვყოფილვარ და რაც ვნახე, მივხვდი, რომ ადამიანს უნდა ჰქონდეს არჩევანი. მე თუ უნდა მოვწიო და ამით არავის არ დავაზარალებ, ამის გამო რატომ უნდა დავისაჯო. რა ვქნათ ახლა, ვამტკიცოთ სიგარეტი ჯობია, ალკოჰოლი თუ მარიხუანა? ალკოჰოლი უფრო მავნე რომაა, ვიდრე მარიხუანა, მე მგონი ამას დიდი განათლება არ სჭირდება. არც ერთ ქვეყანაში არ არის ისეთი კანონი, რომ მარიხუანას მოწევისთვის 20-23 წლით დაგაპატიმრონ. ეს სირცხვილია.“
ფილმის ჩვენებას და დისკუსიას, ბათუმის რუსთაველის სახელობის სახელმწიფო უნივერსიტეტის, საზღვაო აკადემიის და ხელოვნების უნივერსიტეტის სტუდენტები ესწრებოდნენ.
ძეგლის აღმოჩენით კიდევ ერთხელ დასტურდება, რომ აჭარის რეგიონს აქვს ღვინის წარმოების მრავალსაუკუნოვანი ტრადიციები.
აბსოლუტურად აპოლიტიკური ადამიანი ვარ, თუმცა კარგად ვხედავ რაც ხდება ჩვენს ქვეყანაში, კარგიც და ცუდიც… ყველაზე ნათელი მხარე, რასაც ყველა ვხედავთ არის “პროგრესი” ჯანდაცვის საკითხებში და ამისი დიდი მადლიერი ვარ მე, ისევე როგორც უამრავი ჩვენი თანამემამულე. დღეს ადამიანები უსახსრობის გამო აღარ იღუპებიან, თუმცა რა და როგორ კეთდება სწორედ ეს არის ყველაზე ბნელი და მძიმე თემა… დღეს საქართველოში ძალიან დაბალ დონეზეა ონკოლოგია.
მარი თოიძე და ანა კობახიძე: „დღეს ძალიან საინტერესო კონცერტი იყო, საინტერესი სიმღერებით… იყო ის, რასაც მე ვუსმენ. ძალიან მომეწონა ჯგუფი „კალისო“ – როკს უკრავდნენ. იყო ატრაქციონები, რომელზეც გაერთობოდნენ უფრო პატარები. ასევე იყო გამოფენები, სადაც იყიდებოდა ბავშვების ნახატები. გაჭირვებული ბავშვებისთვის უნდა გადარიცხულიყო თანხა. ეს არის ჩემთვის ძალიან მნიშვნელოვანი, რადგან ასეთ ბავშვებზე უნდა ვიზრუნოთ ყველამ“.
სოფო ლორთქიფანიძე, თამუნა ბერიძე, ნატა გოგიტიძე, მარი მოისწრაფიშვილი, ცოტნე იაშვილი, ანა იაშვილი: „ბავშვი დაიკარგა და დავეხმარეთ მამას მის მოძებნაში. 7 წლის ბავშვი იყო, ვიპოვეთ და დაცვას ჩავაბარეთ, სახლში წაიყვანა. ამიტომ ცოტა დაღლილები ვართ.
ნინი გადილია: „პარიკი ვიყიდე დღეს – 8 ლარი ღირდა. საერთოდაც, დღეს ყველაფერი მომწონს, კონცერტია და თან ყველაფერი უფასოა. მე ატრაქციონებზე არ ვყოფილვარ, არც უფასო ნაყინი მიმიღია, მაგრამ მაინც მომწონს“.
პროექტ „ახალგაზრდული საკრებულოების ბათუმის ახალგაზრდული საკრებულოს“ მენეჯერი რევაზ ჟორჟიკაშვილი: „დაგეგმილი აქცია საქველმოქმედოა. ვეხმარებით პატარა ბარბარეს, რომელსაც 300 ლარი სჭირდება. ბათუმის 30 სკოლის მოსწავლეების ნახატები და ხელნაკეთი ნივთებია გამოფენილი. შემოსულია თანხა ზუსტად იმდენია, რამდენიც ოჯახს სჭირდებოდა – 300 ლარს გადავახტით ცოტათი.
ბათუმში მხატვრები დღეს ბავშვებს სახეებს უხატავდნენ. ეს სერვისი 3 ლარი ღირდა, მაგრამ მხატვრებთან ცოცხალი რიგი არ წყდებოდა.
აქვთ თუ არა შშმ პირებს კერძო სექტორში დასაქმების შესაძლებლობა, მაშინ როცა ქვეყანაში დასაქმება ერთ-ერთ მთავარ პრობლემადაა დასახელებული და შესაბამისად კონკურენციაც მაღალია? ამის გასარკვევად „ბათუმელებმა“ გასულ კვირას რამდენიმე კერძო კომპანია და ტურისტული ობიექტი გამოკითხა.
უნივერსიტეტის სტუდენტები ფრანგი მაყურებლის წინაშე კომედიური ჟანრის სპექტაკლით – „ნაფტალინი“ წარსდგნენ. სპექტაკლი ლაშა ბუღაძის პიესის მიხედვით რეჟისორებმა როინ დვალმა და გიორგი ფირცხალაიშვილმა დადგეს. 
სტუდენტები პარიზში ქართველთა კულტურის კერა „ლაზის“ მიწვევით, უნივერსიტეტისა და აჭარის სპორტისა და ახალგაზრდობის საქმეთა დეპარტამენტის მხარდაჭერით იმყოფებოდნენ. 
