Batumelebi | ხელვაჩაურში VI-XI საუკუნეების მარანი აღმოაჩინეს ხელვაჩაურში VI-XI საუკუნეების მარანი აღმოაჩინეს – Batumelebi
RU | GE  

ხელვაჩაურში VI-XI საუკუნეების მარანი აღმოაჩინეს

 

ხელვაჩაურის მუნიციპალიტეტში, სოფელ კაპნისთავში ხასან კახიძემ საკარმიდამო ნაკვეთში  მარანი 2 კვირის წინ აღმოაჩინა. 

 

 ძეგლი ზღვის დონიდან 220-230 მ-ზე მდებარეობს. 11 ქვევრი, რომელიც საუკუნეების განმავლობაში მიწით ამოივსო 128 კვ/მეტრზეა განთავსებული, მარანი VI-XI საუკუნეებს განეკუთვნება.


ქვევრების ფორმით დასტურდება, რომ ჭურჭელი არის როგორც ქართული, ასევე სავარაუდოდ ბიზანტიური სტილის.


არქეოლოგები ამ დროისათვის ეგრეთწოდებულ „მარნის უბანში“ და იქვე, შედარებით ქვევით მდებარე ობიექტზე ე.წ. ყურღელეში მუშაობენ, სადაც ბრინჯაოს ხანის საყოფაცხოვრებო ნივთებია ნაპოვნი.


ძეგლის აღმოჩენით კიდევ ერთხელ დასტურდება, რომ აჭარის რეგიონს აქვს ღვინის წარმოების მრავალსაუკუნოვანი ტრადიციები.


დღეს კაპნისთავში აჭარის მთავრობის თავმჯდომარე არჩილ ხაბაძე, აჭარის კულტურის მინისტრი და მთავრობის სხვა წარმომადგენლები იმყოფებოდნენ. 


ნეტგაზეთის მასალების სხვა გამოცემებში გადაბეჭდვის წესი
"ბათუმელები"