Batumelebi | მინისტრის მოადგილე: „ირაკლი ბარამიძე მოსახლეობის შეცდომაში შეყვანას ცდილობს“ მინისტრის მოადგილე: „ირაკლი ბარამიძე მოსახლეობის შეცდომაში შეყვანას ცდილობს“ – Batumelebi
RU | GE  

მინისტრის მოადგილე: „ირაკლი ბარამიძე მოსახლეობის შეცდომაში შეყვანას ცდილობს“

 

აჭარის სოფლის მეურნეობის მინისტრის მოადგილე, იოსებ აბულაძე „ნაციონალური მოძრაობის“ წევრს ირაკლი ბარამიძეს პასუხობს.  მინისტრის მოადგილეს განცხადებით,  ირაკლი ბარამიძე მოსახლეობის შეცდომაში შეყვანას ცდილობს.    

 

„ირაკლი ბარამიძის განცხადებებში არის სერიოზული უზუსტობები. ჯერ ერთი, ერთი ტონა სასუქი შესყიდულ იქნა 79 ლარად და ამ თანხას კი არ ემატება მოსახლეობის მიერ გადახდილი 30 ლარი, არამედ ამ ფასში შედის თანადაფინანსების ის 30 ლარიც.  

 

  2014 წელს,  მიზნობრივი პროგრამის განხორციელებამდე  სამინისტრომ ბაზარი შეისწავლა, მათ შორის, თურქეთის ბაზარიც, სადაც ერთი ტონა დეფეკაციური ტალახის ფასი 200 ლარი იყო.  ირაკლი ბარამიძეს კი უნდა მოსახლეობა შეცდომაში შეიყვანოს, რადგან დეფეკაციური ტალახი ადგილზე ღირს 10 ლარი, ჩვენ კი შევისყიდეთ ბათუმში შემოტანილი პროდუქტი, თან ტენდერში გამარჯვებული პირი ვალდებული იყო პროდუქტი სოფლის ცენტრებამდე  მიეტანა“.

 

იოსებ აბულაძის განცხადებით, დეფეკაციური ტალახი ქიმიურ მელიორაციას განეკუთვნება და მისი შეტანა ნიადაგში აუცილებელია.

 

„ლაბორატორიული კვლევის შედეგად 5 500 სინჯის აღება და შემოწმება მოხდა ყველა მუნიციპალიტეტში. გამოვლინდა, რომ ჩვენი ნიადაგები არის ზედმეტად მჟავიანი და ამიტომ არის აუცილებელი დეფეკაციური ტალახი“.

 

იოსებ აბულაძის თქმით, დეფეკაციური ტალახი მთლიანობაში ათას ჰექტარზე შევიდა.

 

„მოსახლეობის მოთხოვნა დიდია და რადგან ფერმერებმა ვერ შეძლეს მისი შემოტანა, ჩვენ მივაწოდეთ.  ეს ერთგვარი ხელშეწყობა იყო. ამ პროგრამის მიზნობრიობა შეამოწმა სახელმწიფო აუდიტმა და დარვევები რომ ყოფილიყო, აუდიტი აუცილებლად დააფიქსირებდა“ – ამბობს, მინისტრის მოადგილე.

 

ქიმიური მელიორაცია როგორც სამინისტროში აცხადებენ, ნიადაგს 9-10  წელიწადში ერთხელ სჭირდება.

 

 

 

იოსებ აბულაძე

 

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე, კომენტარი