შესყიდვების სახელმწიფო ვებგვერდზე განთავსებული სატენდერო პირობების მიხედვით ძროხა, რომელსაც სამინისტრო შეისყიდის ჯერსის ჯიშის, მერძეული ფორმის, უშობელი, 5 თვის მაკე უნდა იყოს და მისი ცოცხალი წონა არანაკლებ 350 კილოს, რძის წლიური მონაწველი 4000 კილოგრამს და რძეში ცხიმის შემცველობა არანაკლებ 4,8% უნდა შედგენდეს. ამასთანავე პირუტყვს თან უნდა ახლდეს: ჯიშის დამადასტურებელი სანიშენე ბარათი (პასპორტი), შესაბამისი სამსახურის მიერ გაცემული ჯანმრთელობის სერთიფიკატი, ხელმოწერილი და ბეჭედასმული ავტორიზირებული ვეტერინარის მიერ, წარმოშობის ქვეყანაში სამედიცინო შემოწმების (კარანტინი) შესახებ დამადასტურებელი ცნობა (სერთიფიკატი).
ელექტრონულ ტენდერში გამარჯვებულმა კომპანიამ, ძროხები სამინისტროს მიმდინარე წლის აგვისტო-სექტემბერში უნდა მიაწოდოს.
87 ცალი ძროხის შესყიდვაზე ტენდერი სამინისტრომ წელს მეორედ გამოაცხადა. პირველად ტენდერი 14 აპრილს გამოცხადდა, თუმცა ტენდერით მიმწოდებლები არ დაინტერესდნენ და ტენდერი არ შედგა.
დაინტერესებულ პირებს ტენდერში მონაწილეობის მიღება 6 ივნისიდან შეეძლებათ. ტენდერი 10 ივნისს 14:00 საათზე დასრულდება
ძროხებს სამინისტრო 2015 წლის პროგრამის „მეცხოველეობის დარგის განვითარების ხელშეწყობის“ ქვეპროგრამის „მაღალპროდუქტიული მერძევე მიმართულების პირუტყვით ფერმერთა და აგრომეწარმეთა უზრუნველყოფის ხელშეწყობის“ ფარგლებში შეისყიდის, სამინისტრო ჯერშის ჯიშის მაღალი წველადობის ძროხას ფერმერებს თანადაფინასებით გადასცემს.
