Batumelebi

აჭარაში არჩევნების შედეგად ვერ გაირკვა გამარჯვებული მაჟორიტარი კანდიდატების ვინაობა, რადგან ერთი კანდიდატის გარდა ვერც ერთმა ვერ მოიპოვა ხმათა 50 პროცენტზე მეტი. მეორე ტურში გადადის ორი კანდიდატი, რომელთაც დააგროვეს ყველაზე მეტი ხმა.  ბათუმში, ისევე როგორც მთელ აჭარაში, მაჟორიტარულ ოლქებში ერთმანეთს მხოლოდ ორი – „ქართული ოცნებისა” და ნაციონალური მოძრაობის” კანდიდატები უპირისპირდებიან საქართველოს პარლამენტში და უმაღლეს საბჭოში მოსახვედრად.

 მეორე ტურში საქართველოს პარლამენტის არჩევნებში ბათუმში ერთმანეთს დაუპირისპირდებიან: 

#68 ბათუმის ოლქში:

#69 ბათუმის ოლქში:

#70 ბათუმის ოლქში:

 მეორე ტურში აჭარის უმაღლესი საბჭოს არჩევნებში ბათუმში ერთმანეთს დაუპირისპირდებიან: 

#68 ბათუმის ოლქში: 

69 ბათუმის ოლქში:

#70 ბათუმის ოლქში

ლევან ვარშალომიძემ ჟურნალისტებს ქობულეთის სხვადასხვა საუბნო საარჩევნო კომისიაში გადაღებული ვიდეო მასალა აჩვენა. მისი თქმით, ვიდეო პარტიის წარმომადგენლებმა გადაიღეს და მასზე გაყალბების სხვადასხვა შემთხვევაა დაფიქსირებული.

ლევან ვარშალომიძემ ყურადღება გაამახვილა კომისიის იმ წევრებზე, რომლებსაც ხმების დათვლის დროს ხელში საწერი კალმები უჭირავთ. მისივე მტკიცებით, ერთ-ერთ საუბნო კომისიაში ამომრჩეველმა ხმა მისცა მარკირების შემოწმების გარეშე, ასევე გადასატანი ყუთის კონვერტები გადაუთვლელად შეურიეს ძირითადი ყუთის კონვერტებს.

ქობულეთის საარჩევნო ოლქში „ბათუმელებს“ უთხრეს, რომ მხოლოდ 14 საჩივარი დაიწერა და განხილვაც დასრულდა. ოლქის თავმჯდომარის, გელა ხახნელიძის თქმით, „ნაციონალურ მოძრაობას“ ამ სავარაუდო დარღვევებზე, რაც პარტიამ დღეს გაასაჯაროვა, საჩივრით არ მიუმართავს.

„მამულიშვილთა კავშირი“ „აჭარის ოსმალთა ბატონობისაგან განთავისუფლების მემორიალის“ დადგმას ზუბალაშვილისა და ბარათაშვილის ქუჩების კვეთაში არსებულ სკვერში ისევ მოითხოვს. ანალოგიური მოთხოვნით კავშირმა ბათუმის საკრებულოს გასულ წელსაც მიმართა. რატომ ვერ განიხილა საკრებულომ „მამულიშვილთა კავშირის“ პეტიცია, უცნობია.

“3200 ხელმოწერა შარშან ჩავაბარეთ, არადა საკმარისი იყო 1200. მივიღეთ სიტყვიერი დაპირებები, მაგრამ არ მოხდა საკრებულოს სხდომაზე მისი განხილვა. როგორც ჩანს, საკმარისი არ აღმოჩნდა საკრებულოსთვის ჩვენს  მიერ შეტანილი ხელმოწერები. ამიტომ ჩვენ უკვე შევაგროვებთ ხელმოწერებს, სადაც აჭარის მოსახლეობის უმრავლესობა მოაწერს ხელს. მემორიალი უკვე მზად არის დასადგმელად სახალხო შემოწირულობებით“ – ამბობს ნიაზ ბოლქვაძე, „მამულიშვილთა კავშირის“ თავმჯდომარე.

„მამულიშვილთა კავშირი“ აპირებს სხვადასხვა ქუჩაზე მაგიდების დადგმას, სადაც გამვლელებს ექნებათ შესაძლებლობა, პეტიციას ხელი მოაწერონ.

ბათუმის საკრებულო ამ თემაზე განმარტების გაკეთებას ხვალისთვის აპირებს.

ამავე თემაზე:

ახალი მემორიალი სკვერის ხარჯზე

ბათუმის 79-ე საოლქო საარჩევნო კომისია ამ დრომდე განაგრძობს საჩივრების განხილვას. კომისიამ ხელახლა გადათვალა ბათუმის 70-ე მაჟორიტარული ოლქის 58-ე უბნის ბიულეტენები. აღმოჩნდა, რომ ბათილი და გაფუჭებული ბიულეტენების რაოდენობა საუბნო კომისიას ერთმანეთში აურევია. ასევე შემაჯამებელ ოქმში მონაცემი ისე შეცვალა, რომ შესწორების ოქმი არ გაუფორმებია. ოლქმა საუბნო კომისიის თავმჯდომარეს და მდივანს გაფრთხილება მისცა.

“ეს იყო ტექნიკური ხასიათის შეცდომა, რაც საარჩევნო სუბიქტების შედეგზე გავლენას ვერ მოახდენდა,” – ამბობს საოლქო კომისიის იურისტი, სულიკო შვენთიძე.

ვიდრე საოლქო კომისია საკითხს კენჭს უყრიდა, კომისიის თავმჯდომარე ციალა შავაძემ 58-ე უბნის კომისიის თავმჯდომარის ახსნა-განმარტება წაიკითხა, სადაც აღნიშნული იყო, რომ კომისიას საქმიანობაში ხელს უშლიდნენ და „ფსიქოლოგიურ ზეწოლას“ ახდენდნენ კონკრეტულად „სამართლიანი არჩევნების“  და „ნაციონალური მოძრაობის“ წარმომადგენლები.

„როცა დარღვევას ამართლებთ, ეს არის წამახალისებელი,“ – მიმართა კომისიის თავმჯდომარეს მადონა ბერიძემ, “სამართლიანი არჩევნების” აჭარა-გურიის კოორდინატორმა. მან სხვა შემთხვევებიც გაიხსენა, როცა მედიით ციალა შავაძემ ასევე “ფსიქოლოგიური ზეწოლა” მოიყვანა სხვა უბანზე მომხდარი დარღვევის გასამართლებლად: “ეს, მგონი, რაღაც ახალი ტერმინი გაჩნდა. თქვენი მხრიდან მსგავსი დამოკიდებულება, როცა მხოლოდ მინიმალური სანქციებით შემოიფარგლებით და ამართლებთ დარღვევას, არის წამახალისებელი ფაქტორი საუბნო საარჩევნო კომისიებისთვის. უბნებში ეუბნებოდნენ კიდეც ჩვენს დამკვირვებლებს, დაწერეთ საჩივრები, მაინც ვერაფერს დაგვაკლებთო. მაგალითად, ჩვენს დამკვირვებელს, ია ხასიას კომისიის თავმჯდომარემ უთხრა, რომ გამოიძახებდა პოლიციას…  თქვენი ეს დამოკიდებულება არ არის მიმართული იქეთკენ, რომ მინიმუმ საუბნო კომისიის წევრების კომპეტენცია გაიზარდოს”.

ხმაურიანი აღმოჩნდა კიდევ ერთი საქმის განხილვა – ბათუმის 85-ე უბანზე, სადაც ძირითადად პენიტენციური დაწესებულების თანამშრომლებმა და მსჯავრდებულებმა მისცეს ხმა [სპეციალური უბანი], შესწორების ოქმი შემაჯამებელ ოქმზე ადრეა შედგენილი.  კომისიამ ეს შეუსაბამობა უხეშ შეცდომად არ ჩათვალა და ამ შემთხვევაშიც, პასუხისმგებელი პირების მიმართ გაფრთხილება გამოიყენა. 85-ე უბნის საქმის განხილვის დროს, საოლქო კომისიის თავმჯდომარემ კომისიის სხვა წევრებს ოქმების სრულყოფილად გაცნობის შესაძლებლობა არ მისცა და მოითხოვა ოქმები დაუყონებლივ მისთვის მიეტანათ.

„იმიტომ, რომ თქვენ კომისიის თავმჯდომარე ხართ, არ გაძლევთ უპირატესობას კომისიის სხვა წევრებს ოქმების გაცნობის საშუალება არ მისცეთ,“ – მიმართა რეპლიკით ოლქის თავმჯდომარეს მადონა ბერიძემ.

“სამართლიანი არჩევნები” სასამართლოსთვის მიმართვას აპირებს. ბათუმის ოლქმა მას უარი უთხრა ბათუმის 69-ე ოლქის პირველი უბნის შედეგების ბათილად ცნობაზე. ამ შემთხვევაში, ყუთიდან ამოღებული ბიულეტენების რაოდენობა მნიშვნელოვნად აღემატებოდა სამაგიდო სიებში ამომრჩეველთა ხელმოწერების რაოდენობას. ბათუმის საოლქო კომისიამ ამ უბნის ბიულეტენების ხელახლა გადათვლაზე უარი თქვა.

მხოლოდ ბათუმში 7 უბნის შედეგების ბათილად ცნობას მოითხოვს “ახალგაზრდა იურისტთა ასოციაცია”.

ბათუმის საოლქო საარჩევნო კომისიამ საჩივრების განხილვა გუშინ, 11 ოქტომბერს დაიწყო.

„შუა უნდა გაიკრიფოს“ – ბიძინა ივანიშვილის ეს პირველი, დასამახსოვრებელი ფრაზა ოთხი წლის შემდეგაც შესაძლოა ბევრს გაახსენდეს, როცა არჩევნების შედეგს ნახავს. პარლამენტში, ასევე აჭარის უმაღლეს საბჭოში „შუა“ აღარ იქნება. პოლიტიკური მრავალფეროვნების ნაცვლად, საკანონმდებლო ორგანოში მმართველი ძალა დიდი ალბათობით საკონსტიტუციო უმრავლესობით იქნება წარმოდგენილი. რა რისკებს აჩენს მონოლითური საკანონმდებლო ორგანო, რა რესურსი აქვს ოპოზიციას იყოს ანგარიშგასაწევი და გააქტიურდება თუ არა პრორუსული პროპაგანდა? – „ბათუმელები“ ისტორიკოსს, ლაშა ბაქრაძეს ესაუბრა.

შუა უკვე გაკრეფილია. თქვენი აზრით, სად წავიდა ეს შუა და როგორ წარმოგიდგენიათ იმ პოლიტიკური პარტიების მომავალი, ვინც ე.წ. შუაში იდგა?

ჩემი აზრით, საპარლამენტო არჩევნების შედეგი პოლიტიკურ ლანდშაფტს სერიოზულად შეცვლის. პარტიები, რომლებიც ვერ მოხვდნენ საკანონმდებლო ორგანოში, დაინახავენ, რომ პოლიტიკური საქმიანობის ასე გაგრძელება შეუძლებელია. იმედი მაქვს, რომ ახალი ძალები გამოჩნდებიან პოლიტიკაში. მთავარი ახლა უფრო ის საშიშროებაა, რომ კონსტიტუციური უმრავლესობა ექნება ერთ პარტიას და ეს საფრთხე უაღრესად დიდია, მით უმეტეს ისეთი დამწყები დემოკრატიის მქონე ქვეყნისთვის, როგორიც საქართველოა. ნებისმიერი დაუბალანსებელი ხელისუფლება არის საშიშროება ყოველგვარი დემოკრატიული ინსტიტუტისთვის ქვეყანაში. არცერთი პარტია არაა მზად მსოფლიოში, რომ მარტო, ყოველგვარი დისკუსიის გარეშე, როგორც ჩვენ მივეჩვიეთ ქართულ პოლიტიკაში, მიიღოს კონსტიტუციური ცვლილებები. ვფიქრობ, ძალთა ბალანსი ყველაზე დიდი კითხვის ნიშნის ქვეშ დადგება.

რა რისკებს ხედავთ საკანომდებლო ორგანოს მონოლითურობაში?

ჩვენ რომ ნორმალური დემოკრატიის ქვეყანაში ვცხოვრობდეთ, ეს არ იქნებოდა ტრაგიკულად აღქმული. ტოტალური უმრავლესობა არის შემაშფოთებელი, თორემ სამი პარტია რომაა პარლამენტში და არა ისე, როგორც ეს 90-იან წლებში გვქონდა, როცა უამრავი პარტია გვყავდა, არ მიმაჩნია ტრაგიკულად… ამომრჩევლის აქტიურობა მიუთითებს იმაზე, რომ ქართველი ამომრჩეველი იმედგაცრუებულია, ის ვერ ხედავს არსებულ პარტიებს შორის მისი აზრის გამომხატველს, ან ყოველ შემთხვევაში, ამის შემსრულებელს…

ანუ შუაში მყოფმა პარტიებმა ვერ დაარწმუნეს ამომრჩეველი საკუთარ უპირატესობაში?

არანაირი გზავნილი იმ პარტიებს არ ჰქონდათ, რომლებიც გარეთ დარჩნენ და რომელზედაც შეიძლებოდა ფართო საზოგადოება წამოსულიყო. პოპულიზმზე არ ვლაპარაკობ, რაც ყველა პარტიას ახასიათებს საქართველოში. სამწუხაროდ ერთმანეთს ემსგავსებიან პარტიები. საზოგადოებისთვის ძალიან ძნელი გახდა გაარჩიონ ერთმანეთისგან პოლიტიკური ძალები. მაგალითად, „რესპუბლიკელებმა“, რომლებიც ხაზს უსვამენ იმას, რომ აქვთ დემოკრატიულად აშენებული პარტია, მათაც გაიზიარეს სხვების მიდგომა და ლიდერის სახელი ჩაწერეს პარტიის საარჩევნო დასახელებაში. ერთი შეხედვით თითქოს ეს პატარა დეტალია, მაგრამ მახასიათებელია.

პარტიის სახელწოდებებში ფიგურირებს ნინო ბურჯანაძე, დავით თარხან-მოურავი და არის დავით უსუფაშვილიც. ეს ერთმანეთზე დამსგავსება არის პარტიებისთვის ძალიან მიღებული, მათ არ აქვთ თავიანთი გამოყოფილი სახე, რის გამო უნდა მისცე, ვთქვათ, ხმა ამ პარტიას და არა – სხვას. ჩვენ არ გვაქვს საერთოდ ქვეყანაში გრძელვადიანი ხედვა, თუ როგორ შეიძლება ქვეყანა განვითარდეს. ეს არის სერიოზული პრობლემა, რადგან ვფიქრობ, რომ მსოფლიო კონტექტსში უნდა დავინახოთ საკუთარი თავი. საქართველოში ძირითადად მიმდინარეობს პრიმიტიული კინკლაობა ამა თუ იმ თემასთან დაკავშირებით. ჩვენი ქვეყანა სერიოზული პრობლემების წინაშე აღმოჩნდება და ამისთვის ეს პარლამენტი მზად არ იქნება.

პარლამენტში ყველაზე დიდი კვოტით შესული ორი პარტია იმართება არაფორმალურად. ვგულიხმობ მიხეილ სააკაშვილს და ბიძინა ივანიშვილს. ეს რა სახის პრობლემებს შექმნის?

არაფორმალური მმართველები იმდენად არ მაწუხებს, რამდენადაც ეს არაა ახალი. პრობლემა ისაა, რო არასაპარლამენტო ოპოზიციას არ აქვს შანსი, სერიოზული წინააღმდეგობა გაუწიოს უმრავლესობას. ოპოზიცია რ იქნება ანგარიშგასაწევი პოლიტიკური ძალა. კიდევ უფრო მეტად მარგინალიზაცია მოხდება ოპოზიციური პარტიების და არასასურველი არასამთავრობო ორგანიზაციების და მისი კუთხეში დაყენება. გამოჩნდა, რომ არაფორმალური მმართველობა ქართველმა ამომრჩეველმა ვერ აღიქვა პრობლემად.

რამდენად ელოდებით პრორუსული ძალების გააქტიურებას? ბარიერის ზღვარზეა „პატრიოტთა ალიანსი“ [ინტერვიუ ჩაწერილია არჩევნების წინასწარი შედეგების საბოლოო გამოქვეყნებამდე]. ასევე ალიანსი და ნინო ბურჯანაძის პოლიტიკური ჯგუფი შედიან აჭარის უმაღლეს საბჭოში.

აუცილებლად უნდა ველოდოთ პრორუსული ძალების გაძლიერებას და ამის შედეგები უკვე ვიწვნიეთ არჩევნებზე – პროევროპულ პარტიებს ბევრად უფრო ნაკლები შანსი მიეცათ საზოგადოების მხრიდან, ვიდრე შეიძლებოდა ჰქონოდათ. რუსული პროპაგანდა რუსული ფულით, რომელიც ტრიალებს ამ ქვეყანაში, ძალიან ბევრ რამეს ცვლის. ეს კიდევ უფრო გაძლიერდება. ამის ხელისშემშლელ ძალას პარლამენტში ვერ ვხედავ. „ქართული ოცნება“ განაგრძობს „დათბობის პოლიტიკას“, „ნაციონალები“ ბევრს ილაპარაკებენ ამაზე, მაგრამ საზოგადოება იქნება ინერტული, როგორც აქამდე იყო… სხვათა შორის, საპარლამენტო ტრიბუნის გამოყენება შეიძლება დიდად არც დასჭირდეთ პრორუსულ ძალებს, რადგან მათ აქვთ მედია და აქვთ სხვა საშუალებები. სრულიად შესაძლებელია, რომ 4 წლის შემდეგ ძლიერი, პრორუსული პოლიტიკური ჯგუფი გვყავდეს, რომელსაც ძალიან სერიოზული შანსები ექნება გადახაროს საქართველოს პოლიტიკა რუსეთისკენ უფრო ძლიერად, ვიდრე ამჟამად არის.

საუბრის დასაწყისში თქვენ ივარაუდეთ ახალი პოლიტიკური ძალების გამოჩენა. ახალი სახეების გამოჩენას ელოდებით, თუ არსებული პარტიების გაერთიანებას?

რეალობიდან გამომდინარე, გარკვეული გადაჯგუფებები უნდა მოხდეს პოლიტიკურ პარტიებს შორის, რომლებიც საქართველოში არსებობენ. პატარ-პატარა პარტიები ვერაფერს გააკეთებენ. შეიძლება სხვა ძალებიც გაჩნდნენ, რომლებიც უფრო რეალისტურ სურათს შესთავაზებენ ქართველ ამომრჩეველს და რომლებიც არ იქნებიან მსხვერპლი წარსულის, რაც საქართველოში ძალიან ბევრ პარტიას უკან ხევს… ყოველ შემთხვევაში, ვხედავთ, რომ საზოგადოების ინტერესი არჩევნების მიმართ იკლებს და იმის განცდაც, რომ არჩევნებში ამომრჩევლის ხმას აქვს რამე სერიოზული ფუნქცია. თუ ასე გაგრძლდება,. შემდეგ არჩევნებზე კიდევ უფრო მეტი ადამიანი არ მივა, რაც საბოლოო ჯამში ლეგიტიმაციის პრობლემასაც შექმნის.

,,სამართლიანი არჩევნებისა და დემოკრატიის საზოგადოება“ ბათუმში # 79 ოლქში რვა საარჩევნო უბნის შედეგების გაბათილებას და იმ საარჩევნო მოხელეების დასჯას ითხოვს, რომლებმაც ხმები საარჩევნო კოდექსით გათვალისწინებული პროცედურების დარღვევით დათვალეს.

„ დარღვევები მნიშვნელოვანია და ძირითადად დაკავშირებულია უბნის შედეგების ბალანსთან. შემაჯამებელი ოქმების მიხედვით მიღებული ხმებისა და ბათილი ბიულეტენების ჯამი აღემატება არჩევნებში მონაწილე ამომრჩეველთა რაოდენობას, ოქმებს ასევე აკლია აუცილებელი რეკვიზიტები. გამოვყოფდი ამ მხრივ #70.79.31.  უბნის ოქმებს, რომლებიც ხელმოუწერელია კომისიის წევრების მიერ. შემაჯამებელი ოქმი არის ინდივიდუალურ-ადმინისტრაციული აქტი, რომელზეც ხელმოწერა კომისიის ყველა წევრის მიერ არის სავალდებულო,“  – განმარტავს ,,სამართლიანი არჩევნებისა და დემოკრატიის საზოგადოების“ აჭარა-გურია-ფოთის რეგიონული კოორდინატორი მადონა ბერიძე.

სამართლიანი არჩევნების 4 საჩივარი ეხება 69.69.01. უბანზე ხმის დათვლის პროცესის დროს გამოვლენილ დარღვევებს; დათვლის პროცესის დროს შესაბამისი დოკუმენტაციის არდალუქვას; სპეცსიის ამომრჩევლებისათვის, კერძოდ, უბნის წევრებისათვის აჭარის პროპორციულ არჩევნებში მონაწილეობის უფლების შეზღუდვას; დათვლის პროცესის დროს არსებულ ქაოსსა და ოქმებში ბალანსის არ არსებობას – ამ ყველაფრის გათვალისწინებით, ორგანიზაცია 69.69.01. უბნის შემაჯამებელი ოქმის ბათილობას ითხოვს.

„სამართლიანი არჩევნები“ 8 უბნის შემაჯამებელი ოქმების ბათილობის პარალელურად, ამ უბნების კომისიების ხელმძღვანელი პირების დისციპლინურ პასუხისმგებლობასაც მოითხოვს.

ორგანიზაცია მოითხოვს #69.79.01, #70.79.54, #69.79.06, #68.79.04, #68.79.41, #70.79.31, #70.79.58 და #68.79.98 შემაჯამებელი ოქმების  გაბათილებას და შედეგების გადასინჯვას.
ორგანიზაციას ამ უბნების გარკვეულ ნაწილში ჰყავდა კენჭისყრის დღეს მუდმივი დამკვირვებელი.

21-წევრიან უმაღლეს საბჭოში ექვსი ადგილი მაჟორიტარებს ეკუთვნით, სადაც 8 ოქტომბერს არჩევნებზე გამარჯვებული ვერ გამოვლინდა – ბარიერი ვერც ერთი პარტიის კანდიდატმა ვერ გადალახა. შესაბამისად, მეორე ტური გაიმართება. დარჩენილ 15 მანდატს კი გადაინაწილებენ პარტიები, რომლებმაც 5%-იანი ბარიერი გადალახეს. ამ დროის მონაცემებით უმაღლეს საბჭოში შედიან „ქართული ოცნება“, „ერთიანი ნაციონალური მოძრაობა“, „ნინო ბურჯანაძე დემოკრატიული საქართველო“ და “პატრიოტთა ალიანსი“.

აჭარის უმაღლესი საარჩევნო კომისიის 2016 წლის 9 ოქტომბრის მონაცემებით, აჭარის უმაღლესი საბჭოს არჩევნებში ამომრჩეველთა პროპორციულად ხმების 44, 91 პროცენტი „ქართულმა ოცნებამ“ მიიღო. ეს მონაცემები პარტიას უმაღლეს საბჭოში რვა ან ცხრა კანდიდატის შეყვანის შესაძლებლობას მისცემს. „ოცნების“ პროპორციულ სიაში პირველია ნუგზარ სურმანიძე, აჭარის ყოფილი ჯანდაცვის მინისტრი, ის უკვე გამარჯვებულია.

საკანონმდებლო ორგანოში გადაინაცვლებს აჭარის მთავრობის აპარატის იურიდიული დეპარტამენტის უფროსი დავით გაბაიძეც. ახლა მას მიეცემა შესაძლებლობა აკონტროლოს მთავრობა, თუმცა როგორ გააკეთებს ამას და რამდენად პრინციპული იქნება ყოფილი კოლეგების მიმართ, ეს მომავალში გამოჩნდება.

უმაღლეს საბჭოში გადაინაცვლებს ბათუმის საკრებულოს ყოფილი თავმჯდომარე ირაკლი ჭეიშვილი. უმაღლესი საბჭოს წევრი გარანტირებულად გახდება ასევე, ცოტნე ანანიძე აჭარის საზოგადოებრივი მაუწყებლის დირექტორის ყოფილი მოადგილე და პოლიტიკური თოქ-შოუს წამყვანი. საკრებულოდან უმაღლეს საბჭოში გადაინაცვლებს ასევე დავით თედორაძე, საკრებულოს წევრი, რომელმაც პოლიტიკური გემოვნება არჩევნებამდე ცოტა ხნის წინ შეიცვალა და „პატრიოტთა ალიანსიდან“ „ოცნებაში“გადავიდა. უმაღლეს საბჭოში შესვლას შეძლებს ვლადიმერ მგალობლიშვილიც, აჭარის განათლების მინისტრის ყოფილი მოადგილე. მან ეს თანამდებობა „ოცნების“ სიის გასაჯაროვების შემდეგ დატოვა.

უკვე არსებული მონაცემებით, დავით ბაციკაძე მათ შორისაა, ვინც წინა მოწვევის საბჭოს წევრიც იყო და ამ მოწვევის უმაღლეს საბჭოშიც მოახერხა შესვლა. ის წინა მოწვევის უმაღლეს საბჭოში [2012-1016] კოალიცია „ქართული ოცნებიდან“ კონსერვატორების კვოტით შევიდა, ახლა კი „ქართული ოცნების“ სიით მონაწილეობდა არჩევნებში.

პროპორციულ სიაში მერვე ნომერია ნინო ჩხეტია, პოლიტიკური თოქ-შოუს ყოფილი წამყვანი აჭარის რადიოში, ამ დროის მონაცემებით უმაღლეს საბჭოში შესვლის შანსი მასაც აქვს. ჯერჯერობით ვერ დგინდება შეძლებს თუ არა უმაღლეს საბჭოში შესვლას „ქართული ოცნების“ პროპორციული სიის მეცხრე ნომერი გიორგი მანველიძე. მით უფრო ნაკლებია „ოცნების“ მეათე ნომრის ნატალია ზოიძის უმაღლეს საბჭოში შესვლის შანსი. თუ ეს ასე მოხდა, უმაღლესი საბჭოს ეს მეორე არჩევნები იქნება, როცა ნატალია ზოიძეს საკანონმდებლო ორგანოში შესასვლელად ხმების მცირე რაოდენობა დააკლდა.

სახელისუფლებო პარტიის შემდეგ მიღებული ხმების 29,63%-ით „ერთიანი ნაციონალური მოძრაობა“ ლიდერობს. ეს იმას ნიშნავს, რომ პარტია პროპორციული სიით უმაღლეს საბჭოში ხუთი წევრის შეყვანას შეძლებს, რაც მათ ფრაქციის შექმნის შესაძლებლობას მისცემს.

„ერთიანი ნაციონალური მოძრაობის“ პროპორციული სიის მიხედვით, უმაღლეს საბჭოში გარანტირებულად შევა აჭარის მთავრობის ყოფილი თავმჯდომარე, ლევან ვარშალომიძე, ის სიაში პირველია. უმაღლესი საბჭოს წევრი გახდება ბოლო მოწვევის უმაღლესი საბჭოს წევრი პეტრე ზამბახიძეც. სიის მესამე ნომერია აჭარის განათლების, კულტურისა და სპორტის ყოფილი მინისტრი გია აბულაძე, ის პარალელურად პარტიის მაჟორიტარობის კანდიდატია ბათუმის 70-ე ოლქში, თუ მან მაჟორიტარული ოლქი ვერ მოიგო, პროპორციული სიით უმაღლეს საბჭოში მაინც შევა. „ნაციონალური მოძრაობის“ პროპორციული სიით შევა უმაღლეს საბჭოში ბათუმის საკრებულოს ყოფილი წევრი და პარტიის ბათუმის მერობის კანდიდატი 2014 წლის თვითმმართველობის არჩევნებზე გიორგი დიასამიძე. სიაში მეხუთეა ელგუჯა ბაგრატიონი – ქობულეთის საკრებულოს წევრი და ბათუმის მაჟორიტარი დეპუტატობის კანდიდატი 68-ე ოლქში.

ამომრჩეველთა ხმების 6,08 პროცენტი მიიღო „ნინო ბურჯანაძე-დემოკრატიულმა მოძრაობამ“. ამ მონაცემებით ის უმაღლეს საბჭოში პროპორციული სიის პირველი ნომრის, გიორგი ცინცქილაძის შეყვანას შეძლებს.

პროპორციული სიის პირველ ნომერს დავით თარხან-მოურავს შეიყვანს უმაღლეს საბჭოში „პატრიოტთა ალიანსიც“, რომელმაც წინასწარი მონაცემებით ხმების 5,71% მოაგროვა.

რაც შეეხება მაჟორიტარულ არჩევნებს მაჟორიტარულ ოლქებში, აჭარის უმაღლესი საარჩევნო კომისიის ინფორმაციით, წინასწარი მონაცემებით, საუკეთესო შედეგი აქვთ „ქართული ოცნება – დემოკრატიული საქართველოსა“ და „ერთიანი ნაციონალური მოძრაობის“ კანდიდატებს. ექვსივე მაჟორიტარულ ოლქში საჭიროა მეორე ტურის ჩატარება, რადგან ვერც ერთი სუბიექტის კანდიდატმა ვერ გადალახა 50%-იანი ზღვარი.

აჭარაში არჩევნებზე მივიდა 162 076 ამომრჩეველი, რაც ამომრჩეველთა საერთო რაოდენობის 52,5%-ია.

საქართველოს პარლამენტის 2016 წლის 8 ოქტომბრის არჩევნებზე მხოლოდ ერთმა მაჟორიტარმა კანდიდატმა გადალახა 50%-იანი ბარიერი. ცესკოს წინასწარი მონაცემებით 73-ე მაჟორიტარულ ოლქში [ქედა, შუახევი, ხულო] „ქართული ოცნების“კანდიდატმა ანზორ ბოლქვაძემ ხმების 51,77% მიიღო. ამ დროისთვის მონაცემები დათვლილია ამ ოლქის 125 უბნის მიხედვით. ოლქში სულ 130 უბანია.

აჭარის სხვა მაჟორიტარულ ოლქებში მეორე ტური „ქართული ოცნებისა“ და „ნაციონალური მოძრაობის“ წევრებს შორის უნდა გაიმართოს. საქართველოს პარლამენტში მოსახვედრად შემდეგი კანდიდატები გააგრძელებენ ბრძოლას:

68-ე ოლქი [ბათუმი, 41 უბნიდან მონაცემები დათვლილია 34 უბნის მიხედვით]:

• ფატი ხალვაში [ქართული ოცნება] –  მიღებული ხმების რაოდენობა – 41,52%;
• მირდატ ქამადაძე  [ნაციონალური მოძრაობა] – 32,4%.

69-ე ოლქი [ბათუმი, 38 უბნიდან მონაცემები დათვლილია 32 უბნის მიხედვით]:

• ლევან ბეჟანიძე [ქართული ოცნება] – 39,85%;
• გიორგი კირთაძე [ნაციონალური მოძრაობა] – 26,76%.

70-ე ოლქი [ბათუმი,  40 უბნიდან მონაცემები დათვლილია 37 უბნის მიხედვით]:

• მუხრან ვახტანგაძე [ქართული ოცნება] – 44,46%,
• თეიმურაზ დუმბაძე [ნაციონალური მოძრაობა] -29,88%.

71-ე ოლქი [ქობულეთი, 48 უბნიდან მონაცემები დათვლილია 45 უბნის მიხედვით]:

• კობა ნაკაიძე [ქართული ოცნება] – 40,14%;
• ჯანსუღ ჯინჭარაძე [ნაციონალური მოძრაობა] – 24,8%.

72-ე ოლქი [ხელვაჩაური, 50 უბნიდან მონაცემები დათვლილია 46 უბნის მიხედვით]:

• ილია ნაკაშიძე [ქართული ოცნება] – 42,44%;
• მიშა ბოლქვაძე [ნაციონალური მოძრაობა] – 28,89%;

რაც შეეხა აჭარის უმაღლეს საბჭოს, 8 ოქტომბრის არჩევნებში, უსკოს წინასწარი მონაცემებით, ვერც ერთმა მაჟორიტარმა კანდიდატმა ვერ გადალახა ბარიერი. შესაბამისად, მეორე ტურში უმაღლესი საბჭოს მაჟორიტარი დეპუტატის მანდატის მოპოვებას შეეცდებიან:

68-ე ოლქი [ბათუმი, დათვლილია 23 უბანი , დასათვლელია 18 უბანი]:

• ვახტანგ წულაძე, „ქართული ოცნება – დემოკრატიული საქართველო“ – მიღებული ხმების რაოდენობა – 40% (5417);
• ელგუჯა ბაგრატიონი, “ერთიანი ნაციონალური მოძრაობა” – 33.61% (4552)

69-ოლქი [ბათუმი, დათვლილია 11 უბანი, დასათვლელია 27 უბანი]:

• ილია ვერძაძე, “ქართული ოცნება – დემოკრატიული საქართველო” – 42.66% (2842);
• ნინო ჯინჭარაძე, “ერთიანი ნაციონალური მოძრაობა” – 26.25% (1749).

70-ოლქი [ბათუმი, დათვლილია 23 უბანი; დასათვლელია 18 უბანი]:

• ნუგზარ სურმანიძე, “ქართული ოცნება – დემოკრატიული საქართველო” – 44.72% (6519);
• გია აბულაძე, “ერთიანი ნაციონალური მოძრაობა” – 29.35% (4279).

71-ოლქი [ქობულეთი, დათვლილია 48 უბანი, დასათვლელია 0 უბანი]:

• გიორგი რომანაძე, “ქართული ოცნება – დემოკრატიული საქართველო” – 43.38% (11565),
• მამული სურმანიძე, “ერთიანი ნაციონალური მოძრაობა” – 26.02% (6936).

72-ოლქი [ხელვაჩაური, დათვლილია 29 უბანი, დასათვლელია 21 უბანი]:

• მერაბ კარანაძე, “ქართული ოცნება – დემოკრატიული საქართველო” – 36.72% (4923);
• ქენან კახიძე, “ერთიანი ნაციონალური მოძრაობა” – 28.19% (3779).

73-ოლქი [ხულო, დათვლილია 101 უბანი, დასათვლელია 29 უბანი]:

• ხვიჩა შარაშიძე, “ქართული ოცნება – დემოკრატიული საქართველო” – 43.27% (9536);
• ნუგზარი ამაღლობელი, “ერთიანი ნაციონალური მოძრაობა” – 26.43% (5824).

აჭარის უმაღლესი საარჩევნო კომისიის ინფორმაციით, ამ დროისათვის დათვლილია 245 უბანი, დასათვლელი – 103 უბანი.

წინასწარი მონაცემებით აჭარის უმაღლესი საბჭო ოთხი პარტიით დაკომპლექტდება:

წინასწარი მონაცემებით, პროპორციული სისტემით აჭარის უმაღლეს საბჭოში ხმები ასე ნაწილდება:

„ქართული ოცნება” – 44.77% [46602 ხმა] – 

„ერთიანი ნაციონალური მოძრაობა” – 30.01% [31241 ხმა] 

„ნინო ბურჯანაძე – დემოკრატიული მოძრაობა” –  5.87% [6107 ხმა] 

“პატრიოტთა ალიანსი” – 5.77% [6003] 

აჭარაში არჩევნებზე გამოცხადდა 162 076 ამომრჩეველი, რაც ამომრჩეველთა საერთო რაოდენობის 52,5%-ია.

აჭარის უმაღლესი საარჩევნო კომისიის წინასწარი მონაცემებით, ამ დროისთვის 5-პროცენტიან ბარიერს უმაღლეს საბჭოში პროპორციული სისტემით შესასვლელად მხოლოდ ოთხი პარტია ლახავს.

ხმათა უმრავლესობით პირველ ადგილზეა “ქართული ოცნება” –  45.03% [5770 ხმა], მეორეზე – “ერთიანი ნაციონალური მოძრაობა” -29.22% [3745 ხმა], მესამეზე “პატრიოტთა ალიანსი” – 6.02% [772 ხმა], მეოთხეზე კი ნინო ბურჯანაძის პარტია – 5.92% [759 ხმა].

ამ დროისათვის აჭარაში დათვლილია 44 უბანი 304 უბნიდან, შესაბამისად, მონაცემები შესაძლოა შეიცვალოს.

უსკოს ინფორმაციით, 20:00 საათის მონაცემებით აჭარაში არჩევნებზე გამოცხადდა 162 076 ამომრჩეველი, რაც ამომრჩეველთა საერთო რაოდენობის (308 506) 52,5%-ია.
ამომრჩეველთა რაოდენობა ოლქების მიხედვით ასე გამოიყურება:

N79 – ბათუმის ოლქი (68,69,70) – 77, 998 ამომრჩეველი, 49%
N71 – ქობულეთის ოლქი- 27, 677 ამომრჩეველი, 56,1%
N72 – ხელვაჩაურის ოლქი- 24, 459 ამომრჩეველი, 50,8%
N73 – ხულოს ოლქი- 31, 942 ამომრჩეველი, 61,2%

უსკოს ინფორმაციით, მონაცემებში შესაძლოა შევიდეს მცირედი ცვლილება.

2012 წლის არჩევნებზე აჭარაში, 20:00 საათისთვის ამომრჩეველთა აქტივობა იყო – 183 345 ამომრჩეველი, ანუ ამომრჩეველთა საერთო რაოდენობის (304 930) – 60.1%:

N79 – ბათუმის ოლქი – 80 009 ამომრჩეველი, 59.73%
N80 – ქედის ოლქი – 11 237 ამომრჩეველი, 71.34%
N81 – ქობულეთის ოლქი – 39 841 ამომრჩეველი, 57.54%
N82 – შუახევის ოლქი – 9 759 ამომრჩეველი, 64.39%
N83 – ხელვაჩაურის ოლქი – 27 751 ამომრჩეველი, 59.56%
N84 – ხულოს ოლქი – 14 748 ამომრჩეველი, 60.85%