მთავარი,სიახლეები

„ოცნება“, ენმ, „პატრიოტთა ალიანსი“ ? – წინასწარი მონაცემები

10.10.2016 • 1600
„ოცნება“, ენმ, „პატრიოტთა ალიანსი“ ? – წინასწარი მონაცემები

ცენტრალური საარჩევნო კომისიის ინფორმაციით, 2016 წლის 10 ოქტომბრის დილის 8 საათისთვის დათვლილია უბნების 99,92%. პროპორციული სისტემით კი, ცესკოს წინასწარი მონაცემებით, 5%-იანი ბარიერი 8 ოქტომბრის საპარლამენტო არჩევნებში გადალახა ორმა პარტიამ, ერთს კი ხმების 5% აქვს მიღებული:

  • „ქართული ოცნება – დემოკრატიული საქართველო“ – 48,6%
  • „ერთიანი ნაციონალური მოძრაობა“ [ენმ] – 27,14%
  • „დავით თარხან-მოურავი, ირმა ინაშვილი – საქართველოს პატრიოტთა ალიანსი, გაერთიანებული ოპოზიცია“ – 5%

თუმცა, იმავე ცესკოს მონაცემებით [ცხრილის სახით] აღნიშნულია, რომ „პატრიოტთა ალიანსმა მიიღო 88 032 ხმა, ხოლო სულ დათვლილია 1 762 975 ხმა. ამ მონაცემების მიხედვით კი, „პატრიოტთა ალიანსს” მიღებული აქვს დათვლილი ხმების 4,99337 პროცენტი და არა 5%.

„ბათუმელებმა“ გუშინ, 9 ოქტომბრის საღამოს 12 საათვისაც ვერ გაარკვია ცესკოსგან, თუ რატომ ჭიანურდებოდა დარჩენილი 22 უბნის [საღამოს 8 საათის მონაცემებით] დათვლა, რაზედაც პასუხი ვერ მივიღეთ [ამ დროს „პატრიოტთა ალიანსს“ მიღებული ქონდა ხმების 4,99%].

ჩვენ, წუხელ დავუკავშირდით რამდენიმე ოლქის წარმომადგენელს, რომელთა ზოგი უბნის შედეგი და ოქმი არ ქონდა ცესკოს გამოქვეყნებული. ოლქებში გვითხრეს, რომ მათ შევსებისთანავე ყველა ოქმის ელექტრონული ვერსია დაუყოვნებლივ ატვირთეს სპეციალურ პროგრამაში და ამასთან, მათთვის უცნობია, თუ რატომ არ არის გამოქვეყნებული ზოგი უბნის შედეგი თუ ოქმი ცესკოს გვერდზე. „ალბათ ტექნიკური ხარვეზებია, არ ვიცით“ – გვიპასუხეს ოლქებში.

ცესკოს მონაცემებით, ამ დროისთვის ხმების:

  • 4,61% [ცესკოს ცხრილის სახით მონაცემებში ჩვენი გადამოწმებით 4,61464%] აქვს მიღებული „ირაკლი ალასანია – თავისუფალ დემოკრატებს“,
  • 3,54% [3,53504%] – „ნინო ბურჯანაძე – დემოკრატიულ მოძრაობას“,
  • 3,45% [3,44780%] – „პაატა ბურჭულაძე – სახელმწიფო ხალხისთვის“.
cx

ცესკოს მონაცემები ცხრილის სახით / 10.10.2016, 08:00 სთ

 

გადაბეჭდვის წესი


ასევე: