გუშინ, გვიან ღამით – 4-6 საათამდე პერიოდში, ბათუმში, გრიბოედოვის ქუჩაზე რამდენიმე მაღაზია დააყაჩაღეს. ამ დროისთვის უბანში გამორთული იყო ელქტროენერგია. წინასწარი ინფორმაციით, მათ შორის ერთ-ერთია სუპერმარკეტი “ნიკორა”.
„ენერგო-პრო ჯორჯიაში“ აღნიშნულ მისამართებზე ელექტროენერგიის გამორთვის შესახებ ინფორმაციას ადასტურებენ. კომპანიის საზოგადოებასთან ურთიერთობის სამსახურის ხელმძღვანელმა “ბათუმელებს” უთხრა, რომ “უბანზე მიმდინარეობდა სარემონტო სამუშაოები”.
შინაგან საქმეთა სამინიტროს ინფორმაციით, გამოძიება სისხლის სამართლის კოდექსის 179-ე მუხლით მიმდინარეობს, რაც დაყაჩაღებას გულისხმობს.
შს სამინისტროს ინფორმაციით, დადგენილია დამნაშავის ვინაობა და მიმდინარეობს სამძებრო სამუშაოები. შსს არ ასახელებს, რამდენი მაღაზია არის დაყაჩაღებული.