“თავისუფალი დემოკრატები” დღეს, 12 ოქტომბერს ჯაბა ბერიძემ დატოვა. იგი ბათუმის საკრებულოში ფრაქცია “თავისუფალი დემოკრატების” წევრი იყო.
“იმდენი რამ მოხდა ამ პარტიაში, იმდენმა დატოვა, უკვე მეც ვეღარ ვხედავ აქ საკუთარ თავს,” – უთხრა ჯაბა ბერიძემ “ბათუმელებს”. ამბობს, რომ ეს არჩევანი სხვადასხვა ფაქტორმა განაპირობა, მათ შორის, არჩევნების შედეგმა.
ჯაბა ბერიძე კატეგორიულად გამორიცხავს სხვა პარტიაში შესვლას. ამბობს, რომ საკრებულოში მუშაობას განაგრძობს, როგორც დამოუკიდებელი დეპუტატი: “უპარტიოდ უფრო მეტს შევძლებ. პოლიტიკა მაინც გზღუდავს რაღაცეებში, თან როდესაც ოპოზიციური პარტიის წევრი ხარ”.
კითხვაზე, დატოვა თუ არა “თავისუფალი დემოკარტები” პარტიის სხვა წევრემა ბათუმში, ჯაბა ბერიძე არ პასუხობს. მიიჩნევს, რომ განმარტებები ამ კუთხით პარტიის რეგიონულმა ლიდერმა, კობა ჩხეიძემ უნდა გააკეთოს. კობა ჩხეიძე დღეს სატელეფონო ზარებს არ პასუხობს.
ჯაბა ბერიძის ამ გადაწყვეტილებით ფრაქცია “თავისუფალი დემოკრატები” ბათუმის საკრებულოში იშლება, რადგან რეგლამენტის მიხედვით, ფრაქციაში მინიმუმ სამი წევრი მაინც უნდა იყოს. კობა ჩხეიძის გარდა, ამ ფრაქციის კიდევ ერთი წევრი – ნინო ბერაძეა. მან “ბათუმელებს” უთხრა, რომ ჯაბა ბერიძის გადაწყვეტილების შესახებ არაფერი იცოდა: “არც კობა ჩხეიძე მინხავს დღეს. ყველამ ინდივიდუალურად უნდა მიიღოს გადაწყვეტილება. მე მივიღე ეს გადაწყვეტილება და ვრჩები ამ პარტიაში”.
