ბათუმის რამდენიმე საარჩევნო უბანზე მარკირებიანი ამომრჩევლების მიერ ხმის ხელმეორედ მიცემის რამდენიმე მცდელობა დაფიქსირდა.
- #18 საარჩევნო უბანზე ამომრჩეველს არ მისცეს ხმის მიცემის უფლება, რადგან მას აღენიშნებოდა მარკირება.
- #29 უბანზე ამომრჩეველთან ნაკადის მარეგულირებლის თქმით, აღინიშნა ერთი ასეთი შემთხვევა. უბანზე საჩივარი აღნიშულ ფაქტთან დაკავშირებით არ დაწერილა, რადგან ამომრჩეველს არ მისცეს ხმის მიცემის საშუალება. მოგვიანებით „ბათუმელების“ რეპორტიორმა დააფიქსირა უბანზე მოსული ორი ქალი, რომელთაც ჰქონდათ მარკირება და ითხოვდნენ ხმის მიცემას.
- ბათუმში „თავისუფალი დემოკრატების“ მაჟორიტარი კანდიდატის კობა ჩხეიძის თქმით, მათმა წარმომადგენლებმა ბათუმის ერთ-ერთ უბანზე და ხელვაჩაურის #30-ე უბანზე, დააფიქსირეს ორი ადამიანი, რომლებიც ხელახლა აპირებდნენ ხმის მიცემას.
- აჭარაში „ერთიანი ნაციონალური“ მოძრაობის წევრის, პეტრე ზამბახიძის თქმით, #90 და ბათუმის #9 უბანზე დაფიქსირდა მარკირების მქონე ორი ამომრჩევლის ხმის ხელმეორედ მიცემის მცდელობა.
