საქართველოს პარლამენტის 2016 წლის 8 ოქტომბრის არჩევნებზე, „ნაციონალურმა მოძრაობამ“ „ქართულ ოცნებას“ 254 უბნის შედეგების მიხედვით 27 უბანზე მოუგო პროპორციული სისტემით. აჭარაში 94 უბნის შედეგები კი, ჯერ კიდევ დაუთვლელია.
ცესკოს მიერ გამოქვეყნებული წინასწარი მონაცემებით, „ნაციონალურმა მოძრაობამ“ „ოცნებას“ მოუგო:
- ბათუმის 68-ე ოლქში – 5 უბანზე [დათვლილია 34 უბანი, დასათვლელია – 7];
- ბათუმის 69-ე ოლქში – 1 უბანზე [დათვლილია 21 უბანი, დასათვლელია – 17];
- ქობულეთის 71-ე ოლქში – 3 უბანზე [დათვლილია 39 უბანი, დასათვლელია – 9];
- ხელვაჩაურის 72-ე ოლქში – 3 უბანზე [დათვლილია 36 უბანი, დასათვლელია – 14];
- ხულოს 73-ე ოლქის 15 უბანზე [დათვილია 100 უბანი, დასათვლელია – 30].
ამ დროისთვის დათვლილი უბნებიდან, ყველაზე მეტი ხმით „ნაციონალურმა მოძრაობამ“ „ოცნებას“ ქობულეთის 71-ე უბანზე მოუგო – 186 ხმით; ბათუმის 68-ე ოლქის N96 უბანზე კი – 168 ხმით, ამავე ოლქის სხვა უბანზე კი – 1 ხმით [N16].
ბათუმის 70-ე ოლქში, სადაც 24 უბნის ხმებია დათვლილი „ნაციონალურ მოძრაობას“ „ოცნებისთვის“ არც ერთში არ მოუგია. ამ ოლქში დასათვლელია 17 უბანი.
