Batumelebi | ბათუმის საოლქო საარჩევნო კომისიამ საჩივრების განხილვა დაიწყო ბათუმის საოლქო საარჩევნო კომისიამ საჩივრების განხილვა დაიწყო – Batumelebi
RU | GE  

ბათუმის საოლქო საარჩევნო კომისიამ საჩივრების განხილვა დაიწყო

დღეს, 11 ოქტომბერს, ბათუმის საოლქო საარჩევნო კომისიამ არასამთავრობო ორგანიზაციებისა და ნაციონალური მოძრაობის მიერ წარდგენილი საჩივრები განიხილა.

„საია“ და „სამართლიანი არჩევნები“, ასევე „ერთიანი ნაციონალური მოძრაობის“ იურისტი ბათუმის 69-ე ოლქის #1 უბნის შედგების გაბათილებას და ხელახალ გადათვლას ითხოვდნენ, ორგანიზაციების წარმომადგენლების განმარტებით, ამ უბანზე საარჩევნო ყუთში არსებული ბიულეტენები სამაგიდო სიაზე არსებულ ხელმოწერებს აღემატებოდა.

საოლქო კომისიამ გადათვლაზე უარი თქვა და მხოლოდ თავმჯდომარისა და მოადგილისთვის გაფრთხილების მიცემით შემოიფარგლა.

განიხილეს ასევე 70-ე ოლქის 58-ე უბანზე დარღვევებთან დაკავშირებული საჩივრები. „სამართლიანი არჩევნების“ კოორდინატორის, მადონა ბერიძის თქმით, ამ უბანზე კომისიის წევრებს არჩევანის გაკეთების უფლება შეეზღუდათ. გარდა ამისა შემაჯამებელ ოქმზე არ იყო დაფიქსირებული კომისიის წევრების ხელმოწერები. კომისიამ ამ უბნის შედგების ხელახალი გადათვლა გადაწყვიტა.

„სამართლიანი არჩევნები“ ბათუმის 79-ე ოლქის #1 უბანზე დარღვევებთან დაკავშირებით ოლქის მიერ მიღებული გადაწყვეტილების გასაჩივრებას გეგმავს.

საჩივრების განხილვა

საჩივრების განხილვა

ნეტგაზეთის მასალების სხვა გამოცემებში გადაბეჭდვის წესი
ავტორი