რეკლამა,სიახლეები

კენჭის დაშლა ლაზერით ბათუმის საერთაშორისო ჰოსპიტალში

11.10.2016 • 7869
კენჭის დაშლა ლაზერით ბათუმის საერთაშორისო ჰოსპიტალში

ბათუმის საერთაშორისო ჰოსპიტლის უროლოგიური განყოფილება უახლესი, კვანტური ლაზერით იწყებს კენჭის დაშლის ოპერაციების ჩატარებას. შარდკენჭოვან დაავადებებზე, მათ გართულებასა და კვანტურ ლაზერზე ბათუმის საერთაშორისო ჰოსპიტლის უროლოგი თამაზ ირემაძე გვესაუბრა.

ბატონო თამაზ, რა იწვევს შარდკენჭოვან დაავადებებს?

შარდკენჭოვანი დაავადებების კონკრეტული მიზეზი დღემდე დადგენილი არ არის, რადგან მის განვითარებას მრავალი ფაქტორი უწყობს ხელს. ეს ძირითადად ნივთიერებათა ცვლის დარღვევის შედეგად ხდება, რომელსაც ხელს უწყობს როგორც კვება, ასევე გარემო პირობები, ცხელი კლიმატი. სამწუხაროდ, ჩვენი რეგიონი ერთ-ერთ ენდემურ კერად ითვლება შარდკენჭოვანი დაავადებებისათვის, შესაბამისად, შარდკენჭოვანი დაავადებების მქონე პაციენტები დიდი რაოდენობით გვყავს, განსაკუთრებით გაზაფხულზე და ზფხულში.

ანუ სეზონური გამწვავება ახასიათს ამ დაავადებას?

დიახ, თუმცა შემოდგომასა და ზამთარშიც ხშირად მოგვმართავენ პაციენტები.

რა ასაკში გვხვდება უფრო მეტად შარდკენჭოვანი დაავადებები?

ასაკობრივი ზღვარი ამ დაავადებას მაინცდამაინც არ ახასიათებს, თუმცა 30 წლის შემდეგ უფრო ხშირად გვხდება. ბავშვებსაც უვითარდებათ ხანდახან, მაგრამ შედარებით იშვიათად.

რა არის პირველი სიმპტომები?

შარდკენჭოვანი დაავადებები ტკივილით გამოვლინდება. შეიძლება ასევე გამოვლინდეს სისხლნარევი შარდით, მაგრამ პირველი სიმპტომი არის ტკივილი. ეს ძირითადად ხდება სითხეების ან ფიზიკური დატვირთვის შედეგად. ახასიათებს შეტევითი, მწვავე ტკივილი.

როგორ ხდება მკურნალობა?

დაავადებების მკურნალობის რამდენიმე მეთოდი არსებობს,- კონსერვატიული, იგივე მედიკამენტოზური მკურნალობა, ენდოსკოპიური ჩარევა, დისტანციური ლითოტრიფსია [დარტყმითი ტალღებით კენჭის დაშლა], კონტაქტური ლითოტრიფსია და ასევე, ღია ოპერაციები. ეს ყველაფერი არის გამომდინარე იქედან, თუ სად მდებარეობს კენჭი, რა ზომისაა. რაც უფრო პატარაა კენჭი, მით უფრო ვიხრებით კონსერვატიული მკურნალობისკენ, დღევანდელი გაიდლაინები მოგვიწოდებენ, რომ როცა კენჭის ზომაა 7 მმ-დე, სასურველია გარკვეული პერიოდი წარიმართოს მედიკამენტოზური მკურნალობა.

თამაზ ირემაძე ოპერაციაზე

თამაზ ირემაძე ოპერაციაზე

ბათუმის საერთაშორისო ჰოსპიტალში არის ქირურგიული დეპარტამენტი, რომელშიც შედის უროლოგიური მიმართულებაც, ეს მიმართულება მუშაობს სრული დატვირთვით, კეთდება როგორც ღია, ასევე ენდოსკოპიური ოპერაციები.

ამჟამად გვაქვს სიახლე, ლითოტრიფსიას გავაკეთებთ კვანტური ლაზერით, ეს არის იტალიური აპარატი, რომელიც მხოლოდ კენჭის დაშლისთვის გამიზნული აპარატია და მას მსოფლიოს წამყვან კლინიკებში იყენებენ. კვანტური ლაზერით კენჭის დაშლა ხდება უფრო სწრაფად და მარტივად.
როცა პაციენტს აქვს კენჭი, იქ ყოველთვის არის ქრონიკული საშარდე გზების ინფექცია, ამიტომაც აუცილებელია კენჭის მოშორება, რომ ანთებითი პროცესი ჩაცხრეს. რაც შეეხება გართულებებს, ეს შეიძლება იყოს აღმავალი ინფექციის ფონზე პიონეფროზი [თირკმლების ჩირქოვანი ანთება], ქრონიკული პიონეფრიტები, სეფსისიც კი შეიძლება გამოიწვიოს და პაციენტმა კენჭოვანი დაავადების ფონზე თირკმელიც კი შეიძლება დაკარგოს. ასე, რომ ექიმთან ვიზიტი და მკურნალობა აუცილებელია.

თამაზ ირემაძე ოპერაციაზე

თამაზ ირემაძე ოპერაციაზე

როგორ შეიძლება ავირიდოთ თავიდან შარდკენჭოვანი დაავადებები?

პროფილაქტიკა – ესაა დიდი რაოდენობით სითხის მიღება, რომ არ ჩამოყალიბდეს კენჭი საშარდე სისტემაში და დიეტა, რომელიც ინიშნება შარდის მჟავიანობის მაჩვენებლებიდან გამომდნარე. იზღუდება ხორცეული და ცხიმები.

რაც შეეხება ბალნეოლოგიურ კურორტებს, რომელ კურორტებს უწევთ რეკომენდაციას?

როცა არის მცირე ზომის კენჭები და მიმდინარეობს კონსერვატიული მკურნალობა, ასევე, ოპერაციის შემდგომ, ჩვენს პაციენტებს ვაძლევთ საირმეში წასვლის რეკომენდაციას, თუმცა ეს მაინც პაციენტის ფინანსურ შესაძლებლობებზეა დამოკიდებული.

ჰოსპიტლის ლოგო

მისამართი: ბათუმი,
გენერალ ასლან აბაშიძის ქუჩა #14
ტელეფონი: 0422 21 33 33
ელფოსტა: info@Bih.ge
ვებგვერდი: www.bih.ge

გადაბეჭდვის წესი


ასევე: