ბათუმელები
„სისტემა უნდა დაინგრეს!“, „ქალაქი ამბობს!“ „თავისუფლება, თანასწორობა, სოლიდარობა!“, „არა ძალადობას!“ – ეს ის სლოგანებია, რომლითაც სტუდენტურმა მოძრაობამ „ლაბორატორია 1918“ საზოგადოებას თავი დაამახსოვრა. მოძრაობა, რომელმაც ორი წლის წინ საზოგადოებრივი სოლიდარობის მუხტი ქვეყანაში საგრძნობლად აწია, დაიშალა. როდის ხდებიან სტუდენტები სოლიდარულები და რაში ხედავენ „ლაბორატორიის“ აქტივისტები ცვლილებების აუცილებლობას?
ბათუმელი მშვილდოსანი, მოქმედი სპორტსმენი და საქართველოს მშვილდოსნობის ეროვნული ფედერაციის პრეზიდენტი ხათუნა ნარიმანიძე ევროპის ვიცე-ჩემპიონი გახდა. ის, დღეს გამართულ ფინალში გერმანელ ვერონიკა ჰაიდნი-ჩკალოვასთან პირველი ადგილისთვის ბრძოლაში დამარცხდა.
ბათუმში, თანამედროვე ხელოვნების სივრცეში ოთხი ხელოვანის ირაკლი შონიას, კახაბერ ემირიძის, ამიკო ქავთარაძისა და ბექა ბოლქვაძის ნამუშევრები გამოიფინა. „სხვა ლანდშაფტი“ – ასე ქვია გამოფენას, სადაც ხელოვნების სამი მიმართულების – ფოტოს, ფერწერისა და მუსიკის სინთეზია წარმოდგენილი.
გამოფენა თანამედროვე ხელოვნების ცენტრში 20 მარტამდე გაგრძელდება.
<!** Image 4 align="" width="500" height="2056" >
შინაგან საქმეთა სამინისტროს ინფორმაციით ორი არასრულწლოვანი – 2003 წელს დაბადებული ბექა ო. და 2001 წელს დაბადებული ზაზა ს. ქვემო ქართლის სამხარეო მთავარი სამმართველოს რუსთავის საქალაქო სამმართველოს თანამშრომლებმა ქურდობის ბრალდებით რუსთავში დააკავეს.
აჭარის ტერიტორიაზე გზებს, რომლებიც, დანიშნულების მიხედვით სამ კატეგორიად იყოფა, ოთხი პატრონი ჰყავს. ყველაზე უფრო სტრატეგიული, რთული და მოუწესრიგებელი მონაკვეთი გოდერძის უღელტეხილზეა. მთლიანობაში კი, რეგიონში ადგილობრივი მნიშვნელობის გზებიდან მხოლოდ 10 პროცენტამდეა მოასფალტებული.
არასახიფათო მუნიციპალური ნარჩენების გადამამუშავებელი ქარხნ(ებ)ის მშენებლობის/მართვის უზრუნველსაყოფად ინვესტიციების მოზიდვის მიზნით სამთავრობო კომისია შეიქმნა.
რევაზ ლაღიძის სახელობის სამუსიკო სკოლა ძველ ბათუმში, გორგასალის ქუჩაზე მდებარეობს. შენობა, სადაც სასწავლებელია განთავსებული, 1917 წელს აშენდა. სკოლა კი 1976 წლიდან ფუნქციონირებს. დაახლოებით ათი წლის წინ ამ შენობაში სამხედრო კომისარიატიც ყოფილა განთავსებული, რის გამოც კედლებს მწვანე მაუდი გადააკრეს, რამაც კლასებში აკუსტიკა ჩაახშო. შენობაში სამუსიკო სკოლის დაბრუნების შემდეგ, კედლებს მაუდის ნაჭერი მოაშორეს და აკუსტიკაც აღდგა, თუმცა შენობა წლებია არ გარემონტებულა, მოძველებულია წიგნადი ფონდიც.
ქვეყნის მასშტაბით პროფესიულმა სასწავლებლებმა პროფესიული განათლების მიღების მსურველთა რეგისტრაცია დაიწყეს. გამონაკლისია ბათუმის პროფესიული კოლეჯი „ბლექსი“, რომელმაც მისთვის გამოყოფილი კვოტა საშემოდგომო მიღებაზე სრულად აითვისა. აჭარის რეგიონში სულ ორი პროფესიული სასწავლებელია. რა განათლებას იღებენ პროფესიულ კოლეჯებში, რომელ სპეციალობაზეა ყველაზე დიდი მოთხოვნა და ახერხებენ თუ არა დასაქმებას სტუდენტები სწავლის დამთავრების შემდგომ – „ბათუმელები“ ამ თემით დაინტერესდა.
გასაუბრება და განაცხადების მიღება დღეს, 28 თებერვალს, ბათუმის რუსთაველის სახელობის სახელმწიფო უნივერსიტეტის შენობაში მიმდინარეობს. პროცესი დღის ბოლომდე გაგრძელდება. ამ დროისთვის „ჰილტონში“ დასაქმებაზე 600-მა ადამიანმა გააკეთა განაცხადი. დასაქმების მსურველთა უმეტესობა სტუდენტია.
ბათუმის საკრებულოს წევრი ირაკლი მიქელაძე „ფეისბუქის“ საკუთარ გვერდზე ეხმაურება „ბათუმელების“ მიერ გამოქვეყნებულ ინფორმაციას, სადაც საუბარია მისივე მხრიდან სტიქიით დაზარალებულის მისამართით საკრებულოს სხდომაზე გაკეთებულ რეპლიკაზე: „ღმერთმა დასაჯა“ .
მესხეთის ქუჩიდან გადაყვანილი რვა თვის მდედრობითი სქესის ბავშვი ამ დროისთვის სოციალური მომსახურების სააგენტოს მზრუნველობის ქვეშ იმყოფება. შს სამინისტროს მიერ გავრცელებული ინფორმაციით, ის დედამ მიატოვა და თურქეთში წავიდა. სახლის მეპატრონე, სადაც მიტოვებული ქალი შვილებთან ერთად ცხოვრობდა, ამბობს, რომ ქალს მეორე შვილიც უნდა ჰყავდეს. სოციალური მომსახურების სააგენტოში აცხადებენ, რომ მეორე არასრულწლოვნის შესახებ მათ ინფორმაცია არ აქვთ.
ყველა, ვინც მიმდინარე წლის 1 იანვრამდე, საქალაქო ტრანსპორტით უბილეთოდ მგზავრობისთვის დააჯარიმეს და ჯარიმა დღემდე არ გადაუხდია, აღნიშნულ ჯარიმას აღარ გადაიხდის. შესაბამისი კანონი ძალაში დღეს შევიდა. 1 იანვრამდე დაჯარიმებული პირი არც იმ [დღემდე გადაუხდელ] საურავს გადაიხდის, რომელიც მას დააკისრეს ჯარიმის გადაუხდელობის გამო.
აჭარის განათლების, კულტურისა და სპორტის სამინისტრო მხატვრული მოკლემეტრაჟიანი და დოკუმენტური ფილმების წარმოების დაფინანსების მოსაპოვებლად კონკურსს აცხადებს.
დღეს, 27 თებერვალს, რვა თვის ბავშვი დედის გარეშე მიიყვანეს ანგისაში მდებარე “დედათა და ბავშვთა“ ცენტრში. ინფორმაცია „ბათუმელებს“ სასწრაფო სამედიცინო სამსახურში და ანგისის დედათა და ბავშვთა სახლში დაუდასტურეს, სადაც ბავშვი საპატრულო პოლიციამ გადაიყვანა.
უმაღლესი საბჭოს მომავალ სხდომაზე თავმჯდომარის, ავთანდილ ბერიძის გადაყენების საკითხი დღის წესრიგში არ იქნება – ამის შესახებ „ბათუმელებს“ ინფორმაცია უმაღლესი საბჭოს დეპუტატმა „ნაციონალური მოძრაობიდან“ პეტრე ზამბახიძემ დაუდასტურა.
გასულ კვირას ქობულეთის „შუქურას“ ხელმძღვანელი რევაზ ჩელებაძე ბრაზილიაში, ქალაქ კურიტიბაში იმყოფებოდა. ქობულეთელმა მწვრთნელმა იქაურ საფეხბურთო კლუბ „კურიტიბასთან“ თანამშრომლობაზე გააფორმა ხელშეკრულება და თავის გუნდში ოთხი ფეხბურთელი წამოიყვანა.
უმაღლესი საბჭოს წევრი „ნაციონალური მოძრაობიდან“ პეტრე ზამბახიძე დაანონსებული საკონსტიტუციო ცვლილების წინააღმდეგ გამოდის, მისივე ინფორმაციით ამ ცვლილების განხორციელების შემთხვევაში უმაღლეს საბჭოში ვიცე-სპიკერის პოსტის გაუქმება იგეგმება.
მეორე წრის მეოთხე ტურში, დღეს კალათბურთის სუპერლიგის ორი შეხვედრა გაიმართება. ბათუმის „ბათუმი“ბათუმის სასპორტო სკოლაში (ე.წ. ბასკო) თბილისის „შსს აკადემიას“ უმასპინძლებს. შეხვედრა 16:00 საათზე დაიწყება.
ამ წუთებში ქობულეთის საკრებულოს სხდომა იპოთეკარების თანდასწრებით მიმდინარეობს. იპოთეკარებმა ძალის გამოყენებით შეაღწიეს გამგეობის შენობაში. თვითმხილველის თქმით, პოლიციასთან დაპირისპირების დროს ჩაიმტვრა შენობის მთავარი შესასვლელის შუშები. „პოლიციამ ფეხებში ჩაგვიგდო, მაგრამ მერე გამგებელი ჩამოვიდა და შეგვიყვანა შენობაში“, – ყვება თვითმხილველი.
კარტოფილის კიბო ხულოს მუნიციპალიტეტის სამ სოფელში – დანისპარაულში, ბოძაურსა და დიდაჭარაში 2013-2014 წლებში გამოვლინდა. ეს ოფიციალური ინფორმაციაა. მეცნიერის თქმით კი, რომელიც უკვე წლებია აკვირდება კიბოს გავრცელებას, ის გაცილებით მეტ სოფელშია დაფიქსირებული. ამის მიუხედავად, დაავადების აღმოსაფხვრელად შესაბამისი სამუშაოები მუნიციპალიტეტში ამ დრომდე არ ჩატარებულა. კარტოფილის კიბო დაფიქსირებულია სვანეთშიც. კარტოფილის კიბო ადამიანზე არ გადადის, მაგრამ უსარგებლოს ხდის მიწას.
დღეს, 27 თებერვალს, ბათუმის შოთა რუსთაველის სახელმწიფო უნივერსიტეტში მწერალი, გრ.რობაქიძის უნივერსიტეტის პროფესორი, ხათუნა თავდგირიძე წაიკითხავს საჯარო ლექციას თემაზე – „არქაული და თანამედროვე მითოსური აზროვნება სოციალურ და პოლიტიკურ დისკურსში“.
ჯანდაცვის მსოფლიო ორგანიზაციის ინფორმაციით, ფეხით სიარული და მსუბუქი სირბილი საგრძნობლად ამცირებს ისეთი დაავადებების წარმოშობის რისკებს, როგორიცაა სწორი ნაწლავისა და სარძევე ჯირკვლის სიმსივნე, ჰიპერტონია, გულის იშემიური დაავადებები, ინსულტი და დიაბეტი. მათივე მონაცემებით არასაკმარისი ფიზიკური აქტივობით გამოწვეული დაავადებების გამო მსოფლიოში ყოველწლიურად 3,2 მილიონი ადამიანი იღუპება.
ეს სასამართლო პროცესი უკვე მეორედ პროკურორის მოთხოვნით გადაიდო. სახელმწიფოს სახელით პროცესზე პროკურორი ირაკლი დონდოლაძე მოქმედებს. წინა ჯერზე პროკურორმა პროცესის გადადება იმ მოტივით ითხოვა, რომ შესაძლოა ერთ-ერთ ბრალდებულს, 27 წლის მეზღვაურს ბრალი მოუხსნას. ამჯერადაც ბრალმდებელმა მთავარ პროკურორთან შესათანხმებლად ათდღიანი ვადა ითხოვა. საქმეში ორი ბრალდებულია, მათ ბრალი ედებათ დიდი ოდენობით ნარკოტიკული საშუალების ჯგუფურად შეძენა-შენახვა, რაც 14 წლამდე პატიმრობას ითვალისწინებს.
26 თებერვალს აჭარის ჯანმრთელობისა და სოციალური დაცვის სამინისტრომ არასამთავრობო ორგანიზაციებთან ურთიერთთანამშრომლობის მემორანდუმი გააფორმა.
ირაკლი ღარიბაშვილის განცხადებით, ფიზიკური პირებისთვის საცხოვრებელი ფართობის გაქირავებიდან მიღებული შემოსავალი ნაცვლად 20 პროცენტისა 5 პროცენტით დაიბეგრება. იურისტის განმარტებით ამ გადაწყვეტილებით მთავრობა ფიზიკური პირის მიმართ ამ დრომდე არსებულ ლოიალურ დამოკიდებულებას ამკაცრებს და შემდეგი ნაბიჯი იმ ფიზიკური პირების ადმინისტრირება იქნება, რომლებიც ბინას აქირავებენ. იურისტის, გიორგი ხიმშიაშვილის აზრით, ბინების დაქირავების ფასი კიდევ უფრო გაიზრდება.
უვადოდ თავისუფლებააღკვეთილ პატიმართა ნათესავებმა მორიგი საპროტესტო აქცია დღეს ბათუმში, #3 საპყრობილესთან გამართეს. პატიმრების ახლობლები ბათუმიდან, ქობულეთიდან, ქუთაისიდან, სამტრედიიდან და ბაღდათიდან პატიმრებისთვის სასჯელის გადახედვას მოითხოვენ.
2015 წლის ზაფხულში ბათუმში, გოგებაშვილისა და შავშეთის ქუჩების კვეთაში, 182-ნომრიანი სასტუმრო „LEOGRAND“-ი გაიხსნება. წინასწარი ინფორმაციით, სასტუმროში საპრეზიდენტო აპარტამენტები,საკონფერენციო დარბაზები, რესტორანი, კლუბი და სპა ცენტრი განთავსდება.
საქართველოს სტატისტიკის ეროვნულმა სამსახურმა მოსახლეობის 2014 წლის საყოველთაო აღწერის საველე სამუშაობიდან მიღებული მონაცემების დამუშავება დაიწყო. მონაცემთა საბოლოო დამუშავების შედეგად ცნობილი გახდება მოსახლეობის რიცხოვნობა, მათი სქესობრივ-ასაკობრივი სტრუქტურა, ეთნიკური შემადგენლობა, დასაქმების, განათლების, ჯანმრთელობის მდგომარეობა, საარსებო წყაროები, საცხოვრებელი პირობებისა და სასოფლო-სამეურნეო აქტიურობის შესახებ ინფორმაცია.
ჟილინის არხის რეკონსტრუქციის ხუთმილიონიანი პროცესი შეჩერებულია. მიზეზი – კონტრაქტორი ორგანიზაციის მხრიდან ვალდებულების შეუსრულებლობა. ბათუმის მერიამ შპს „ჰიდროსთან“ დადებული ხელშეკრულება გააუქმა. მერიის ახალი, წლის დასაწყისში გამოცხადებული კიდევ რამდენიმე ტენდერი ჩაიშალა. ბიუჯეტიდან დაფინანსებული სხვა პროექტების შესრულებაზე პროგნოზის გაკეთება რთულია, თუმცა არსებული სურათის მიხედვით, სავარაუდოდ, ბათუმის ბიუჯეტი ისევ გაირღვევა.
ამ წუთებში ეგრეთ წოდებულ „ოცნების ქალაქში“ მცოხვრებლებმა ბათუმი-ახალციხის საავტომობილო მაგისტრალი გადაკეტეს. აქციის მონაწილე ამბობს, რომ მათ ორი დღის წინ ელექტროენერგიის მიწოდება შეუწყვიტეს.
ხშირად გვესმის, რომ „პოლიტიკა ბინძური საქმეა“, ვერ გეტყვით ეს რამდენად ქართული ფენომენია, მაგრამ საქართველოს მოქალაქეებში პოლიტიკის ეს განსაზღვრება იმდენად ფეხმოკიდებულია, რომ ამას გეტყვის ბავშვიც და დიდიც. ასეთად არის სახელდებული დღეს საქართველოში პოლიტიკური საქმიანობა. თუ გავითვალისწინებთ იმას, რომ „სახელი საქმის ნახევარია“, ამ ლოგიკით ამ საქმის მიმართ უნდობლობა საფუძველშივე ძევს ამომრჩევლისთვის. ამავე ლოგიკით ვინც პოლიტიკას აკეთებს, ამავე დროს აკეთებს „ბინძურ საქმეს“, ან რატომაც არ გააკეთებს, ის ხომ ასეთ პროცესში მონაწილეობს. ასეთ დროს გამოჩნდე განსხვავებული არის ძალიან რთული, მაგრამ შესაძლებელი. ეს არის წარმოდგენა, რომელიც უნდა შეიცვალოს და მისი შეცვლა ალბათ ჩვენი თაობის პოლიტიკოსების ერთ-ერთი მთავარი გამოწვევაა.
ე.წ. „იაფი სახლის“ პროექტი და ბათუმში, ბენზეს დასახლებაში არსებული ბარაკების ათვისების ფორმები იყო საკითხი, რაზეც დღეს ბათუმის საკრებულოს სხდომაზე ყველაზე დიდხანს იკამათეს. საბოლოოდ საკრებულოს უმრავლესობამ გააუქმა მის მიერვე მხარდაჭერილი განკარგულება (10.112014.#170), რაც „იაფი სახლი-სტანდარტული საცხოვრისი თანაქალაქელებს“ ქვეპროგრამის ფარგლებში გათვალისწინებული სახლების მშენებლობისთვის ადგილის გამოყოფასა და მშენებლობასთან დაკავშირებული სხვა ღონისძიებების განხორციელებას ითვალისწინებდა.
დაპირისპირება ბიუჯეტში ცვლილების საკითხის განხილვისას „თავისუფალი დემოკრატების“ ფრაქციის თავმჯდომარის კობა ჩხეიძის მიერ ბიუჯეტის ნაშთზე დასმულ საკითხს მოჰყვა.
საქართველოს სასჯელაღსრულებისა და პრობაციის სამინისტროს ინფორმაციით, ბათუმის მესამე საპყრობილეში მყოფი პატიმრების განცხადების საფუძველზე გენერალურმა ინსპექციამ მოკვლევა დაიწყო.
საქართველოს პარლამენტის ვიცე-სპიკერმა, ბათუმის მაჟორიტარმა დეპუტატმა მურმან დუმბაძემ „ბათუმელებთან“ ინტერვიუში აღნიშნა, რომ ყოფილ პრემიერ-მინისტრთან, ბიძინა ივანიშვილთან ბათუმში მეჩეთის აშენების თემასთან დაკავშირებით დაეძაბა ურთიერთობა. „ივანიშვილი გამებუტა“ – აღნიშნა მურმან დუმბაძემ.
„ბათუმელების“ რედაქციაში თითქმის ყოველდღე შემოდის პატიმრების წერილები. ზოგი ადმინისტრაციას არაადამიანურ მოპყრობაში ადანაშაულებს, ზოგი საქმის ობიექტურად გამოძიებას ითხოვს. არიან პატიმრები, რომლებიც წერენ, რომ მათ არ აწვდიან კანონით გათვალისწინებულ მედიკამენტებს. ბევრი მათგანი მძიმედ არის ავად. ასახელებენ კონკრეტულ სახელებსა და გვარებს, ვინც მათი თქმით, პატიმრებს არაადამიანურად და დამამცირებლად ეპყრობა. ერთ-ერთი წერილის ავტორი სასწრაფოდ ითხოვდა ადვოკატს, მასთან იურისტის გაგზავნა საიამ მოახერხა. მე-3 დაწესებულებაში განთავსებულ პატიმრებს ახალგაზრდა იურისტთა ასოციაციის იურისტი, ჯაბა ზერეკიძე უკვე შეხვდა.
