Batumelebi | „ჰილტონში“ დასაქმებაზე 600 განაცხადი შევიდა „ჰილტონში“ დასაქმებაზე 600 განაცხადი შევიდა – Batumelebi
RU | GE  

„ჰილტონში“ დასაქმებაზე 600 განაცხადი შევიდა

 

 

გასაუბრება და განაცხადების მიღება დღეს, 28 თებერვალს, ბათუმის რუსთაველის სახელობის სახელმწიფო უნივერსიტეტის შენობაში მიმდინარეობს. პროცესი დღის ბოლომდე გაგრძელდება. ამ დროისთვის „ჰილტონში“ დასაქმებაზე 600-მა ადამიანმა გააკეთა განაცხადი. დასაქმების მსურველთა უმეტესობა სტუდენტია. 

 

 „ბათუმის უნივერსიტეტში ტურიზმის მიმართულებით ექვსი დეპარტამენტი მუშაობს და განაცხადები თითქმის ყველა დეპარტამენტიდან არის შესული, ყველა მიმართულებაზე.  მეორე ეტაპზე ცნობილი გახდება, ვინ იქნება დასაქმებულთა სიაში და ვინ – არა. ამ ეტაპზე „ჰილტონს“ 400 თანამშრომელი სჭირდება“-  თქვა „ბათუმელებთან“ ტურიზმის ფაკულტეტის მასპინძლობის მენეჯმენტის დეპარტამენტის უფროსმა ირაკლი კორძაიამ.

 

 

ლელა შაინიძე  სტუდენტია, მას  რესტორანსა და მიმღებში სურს დასაქმდეს:  „ჩემთვის იმიტომ არის მნიშვნელოვანი  დასაქმება, რომ  სწავლის საფასური ჩემი შრომით გადავიხადო.  კონკურენცია ძალიან მაღალია, მაგრამ მაქვს ჩემი შესაძლებლობების იმედი და ალბათ ამიყვანენ“. 

 

სოფიკო რიჟვაძეც სტუდენტია. ისიც იმედოვნებს, რომ მაღალი კონკურენციის მიუხედავად, დასაქმებას შეძლებს: „როგორც ყველა აქ მყოფს, მეც მაქვს დასაქმების იმედი.“

 

გოგიტა გოგიძე   კომპიუტერული სისტემებისა და ქსელების სპეციალისტია და დასაქმების იმედი მასაც აქვს:  „იმედი მაქვს, რომ დავიწყებ მუშაობას“.

 

 

„ჰილტონში“ დასაქმებაზე 600 განაცხადი შევიდა

 

 

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე