Batumelebi | ორთვიანი სტაჟირება ჯანდაცვის სამინისტროში შშმ პირებისათვის ორთვიანი სტაჟირება ჯანდაცვის სამინისტროში შშმ პირებისათვის – Batumelebi
RU | GE  

ორთვიანი სტაჟირება ჯანდაცვის სამინისტროში შშმ პირებისათვის

 

26 თებერვალს აჭარის ჯანმრთელობისა და სოციალური დაცვის სამინისტრომ არასამთავრობო ორგანიზაციებთან ურთიერთთანამშრომლობის მემორანდუმი გააფორმა. 

 

თანაშრომლობის დოკუმენტს ხელი მოაწერეს აჭარის ჯანდაცვის მინისტრმა ნუგზარ სურმანიძემ, „ახალგაზრდული ორგანიზაცია ცვლილებები თანაბარი უფლებებისათვის” თავმჯდომარემ თეიმურაზ კაკაბაძემ, „შეზღუდული შესაძლებლობების მქონე პირების უფლებებისათვის“ თავმჯდომარემ თამაზ მჟავანაძემ, „აბროგაცის” თავმჯდომარემ დავით ანანიძემ და „Art Way”-ს დირექტორმა ნინო ჩხაიძემ. მემორანდუმი სამინისტროში შეზღუდული შესაძლებლობს მქონე პირების სტაჟირებას ითვალისწინებს.


მემორანდუმის ფარგლებში სამინისტრო უზრუნველყოფს შეზღუდული შესაძლებლობების მქონე პირების სტაჟირებას  სამინისტროს აპარატის სტრუქტურულ ერთეულებში და სათანადო პირობების შექმნას მათი პროფესიული უნარ-ჩვევებისა და პრაქტიკული გამოცდილების შესაძენად.


სტაჟიორად მიიღება შესაბამისი უმაღლესი განათლების მქონე პირი ან/და უმაღლესი საგანმანათლებლო დაწესებულების სტუდენტი, რომელიც ფლობს სახელმწიფო ენას.


სტაჟირებისათვის კანდიდატთა შერჩევას მემორანდუმზე ხელმომწერი არასამთავრობო ორგანიზაციები უზრუნველყოფენ, შერჩეულ კანდიდატებს წარუდგენენ სამინისტროს.


შერჩეული შეზღუდული შესაძლებლობების მქონე პირები სამინისტროში სტაჟირებას ორი თვის ვადით გაივლიან. სტაჟირების დადგენილი პირობებით გავლის შემდეგ სტაჟიორს მიეცემა შესაბამისი სერტიფიკატი.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"