Tag Archives: ჰესები აჭარაში

ამ წუთებში შუახევის მუნიციპალიტეტის სოფელ ჩანჩხალოში საპროტესტო აქცია მიმდინარეობს. სოფლის მაცხოვრებლებმა ბათუმი-ახალციხის საავტომობილი გზა გადაკეტეს.  ისინი კომპენსაციას და სოფელში სასმელი წყლის აღდგენას მოითხოვენ. 

აჭარა, განსაკუთრებით რეგიონის მთიანეთი, მეწყრული პროცესებითაა ცნობილი. მეწყრული კერების გააქტიურებას აქ არაერთხელ მოჰყვა ტრაგიკული შედეგი. სად არის აჭარაში “ცხელი წერტილები”, რამდენად ინფორმირებულია ამ პროცესების შესახებ ხელისუფლება? – “ბათუმელები” აჭარის გარემოს დაცვის სამმართველოს გეოლოგიური სამსახურის უფროსს ტარიელ ტუსკიას ესაუბრა.

საქართველოს მთავრობამ პირდაპირი მიყიდვის წესით შპს „აჭარისწყალი ჯორჯიას“ 20588 კვ/მ სახელმწიფო მიწის ნაკვეთები კერძო საკუთრებაში გადასცა. მიწის ნაკვეთები კომპანიამ შუახევისა და სხალთის ჰიდროელექტროსადგურებისთვის უნდა გამოიყენოს.

„საერთაშორისო გამჭვირვალობა – საქართველო“ აჭარის მთავრობას მოუწოდებს, დროულად დაასრულოს სოფელ ჩანხალოში გეოფიზიკური კვლევა, რომლის შედეგებზე მოსახლეობისთვის დაზიანებული საცხოვრებელი სახლების სანაცვლოდ კომპენსაციის გადახდა ან მათი განსახლებაა დამოკიდებული – ამის შესახებ განცხადება დღეს, 24 იანვარს, ნათია ზოიძემ გააკეთა, „საერთაშორისო გამჭვირვალობა – საქართველოს“ წარმომადგენელმა აჭარაში.  

უკანასკნელი სამი თვეა შუახევის სოფელი ჩანჩხალო საპროტესტო რეჟიმში ცხოვრობს. მოსახლეობა სოფლიდან განსახლებასა და უსაფრთხოებას ითხოვს. ჩანჩხალოში „შუახევი ჰესისთვის“ საჭირო გვირაბი შენდება. სექტემბრიდან დღემდე სოფელში დაიბზარა სახლები, განვითარდა მეწყრული პროცესები. მოსახლეობა ამ ყველაფერს გვირაბის მშენებლობის გამო წარმოებულ აფეთქებებს უკავშირებს. კომპანია „აჭარისწყალი ჯორჯია“ ბრალდებებს უარყოფს. „შუახევი ჰესი და მის მშენებლობასთან დაკავშირებული პრობლემები ჩანჩხალოში“ – 5 დეკემბერს ამ თემაზე „საერთაშორისო გამჭვირვალობა-საქართველომ“ დისკუსია მოაწყო. ჩანჩხალოელებს ყველა პასუხისმგებელ პირთან შეხვედრის საშუალება სწორედ ამ დისკუსიაზე მიეცათ. 

შუახევში, სოფელ ჩანჩხალოში, იქ, სადაც „შუახევი ჰესისთვის“ საჭირო გვირაბი შენდება, მოსახლეობა გეოფიზიკურ დასკვნას ელოდება. სწორედ დასკვნის მოლოდინის გამო შეაჩერეს საპროტესტო აქციები და ჰესის მშენებელ კომპანია „აჭარისწყალი ჯორჯიას“ გვირაბში სამუშაოების ჩატარების უფლება მისცეს. კვლევის შედეგები მოსახლეობისთვის ცნობილი ერთ კვირაში უნდა გახდეს. თუმცა ჩანჩხალოს მკვიდრთ მის სანდოობასთან დაკავშირებით უკვე კითხვები აქვთ. 

დღეს, 5 დეკემბერს, სასტუმრო „რედისონში“ ანტიკორუფციული კვირეულის ფარგლებში „საერთაშორისო გამჭვირვალობა – საქართველო“ მართავს დისკუსიას თემაზე  „შუახევიჰესი და მის მშენებლობასთან დაკავშირებული პრობლემები ჩანჩხალოში“. 

შუახევში, სოფელ ჩანჩხალოს სკოლაში ახალი სასწავლო წელი ამ დრომდე არ დაწყებულა. მშობლები ბავშვებს სკოლაში არ უშვებენ. სოფელში „შუახევი ჰესისათვის“ საჭირო გვირაბის მშენებლობა მიმდინარეობს. აფეთქების ხმა დღეში რამდენჯერმე ისმის და როგორც მოსახლეობა ამბობს ყოველი აფეთქების შემდეგ სახლებზე ახალი ბზარები ჩნდება. ბზარები არის სკოლაზეც. სოფლის მცხოვრებნი ენერგეტიკის მინისტრთან, კახი კალაძესთან შეხვედრას ითხოვენ. 

დღეს შუახევის მუნიციპალიტეტის სოფელ ჩანჩხალოს მოსახლეობამ სოფელში მშენებარე გვირაბთან აქცია გამართა. მოსახლეობა სოფელში გააქტიურებულ მეწყერულ მოვლენებს ჰეასის მსენებლობას უკავშირებს. 

 დღეს საქართველოს ვიცე-პრემიერი, ენერგეტიკის მინისტრი კახი კალაძე და აჭარის მთავრობის თავმჯდომარე არჩილ ხაბაძე მშენებარე ,,შუახევიჰესზე“მიმდინარე სამუშაოებს გაეცნენ. სტუმრების შეფასებით სამუშაოების მიმდინარეობა ნორმალურია. ინფორმაციას ამის შესახებ, აჭარის მთავრობის პრესსამსახური  ავრცელებს.

დღეს აჭარის მთავრობის და “აჭარისწყალი ჯორჯია”-ს წარმომადგენლებმა შეხვედრა გამართეს ხულოს მუნიციპალიტეტის სოფელ პაქსაძეებისა და სოფელ გელაძეების მოსახლეობასთან, რომლის დროსაც შეთანხმება იქნა მიღწეული. ინფორმაციას ამის შესახებ აჭარის მთავრობის პრესსამსახური ავრცელებს. 

დღეს ხულოში, სოფელ კვატიაში ადგილობრივმა მცხოვრებლებმა აქცია გამართეს და   სოფელში დაგეგმილი ჰესის მშენებლობა გააპროტესტეს. ადგილობრივები ამბობენ რომ სოფელი მეწყერსაშიშ ზონაშია. მათივე თქმით  ჰესის აშენების შემდეგ  სახნავ-სათეს მიწებს და სავარგულებს დაკარგავენ. მოსახლეობა  კომპენსაციას ითხოვს. 

ხელვაჩაურში ჰესს, რომელსაც კომპანია „აჭარა ენერჯ 2007“ მდინარე ჭოროხზე აშენებს, სოფლები კირნათი, მარადიდი და  აჭარისწყალი ესაზღვრება. ჰესის აშენებით დაიტბორება აღნიშნული სოფლების მდინარისპირა ტერიტორია, რომლის ნაწილი მოსახლეობის საკუთრებაშია, ან ეგრეთ წოდებული “ბაბუის მიწაა”, რომელსაც წლების განმავლობაში სარგებლობდა.

ამ წუთებში ხულოს მუნიციპალიტეტის სოფელ ღურტის მოსახლეობა, ჰესის მშენებლობის წინააღმდეგ საპროტესტო აქციისთვის ემზადება. 

ადგილობრივთა განცხადებით, აქცია ჰესის მშენებლობის ადგილზე გაიმართება

ხელვაჩაურში,  სოფელ აჭარისწყალში  ამ წუთებში აქცია მიმდინარეობს. სამი სოფლის, კირნათის, მარადიდისა და აჭარისწყლის 300 მდე მცხოვრები  კომპანია „აჭარ ენერჯი 2007“ ის ოფისის წინაა შეკრებილი. მოსახლეობა ხელვაჩაურის მაჟორიტარ დეპუტატთან, ადგილობრივი თვითმმართველობისა და ჰესების მშენებარე კომპანიის წარმომადგენლებთან შეხვედრას ითხოვს.