Batumelebi | კახა კალაძემ და არჩილ ხაბაძემ „შუახევიჰესის“ მშენებლობა მოინახულეს კახა კალაძემ და არჩილ ხაბაძემ „შუახევიჰესის“ მშენებლობა მოინახულეს – Batumelebi
RU | GE  

კახა კალაძემ და არჩილ ხაბაძემ „შუახევიჰესის“ მშენებლობა მოინახულეს

 

 დღეს საქართველოს ვიცე-პრემიერი, ენერგეტიკის მინისტრი კახი კალაძე და აჭარის მთავრობის თავმჯდომარე არჩილ ხაბაძე მშენებარე ,,შუახევიჰესზე“მიმდინარე სამუშაოებს გაეცნენ. სტუმრების შეფასებით სამუშაოების მიმდინარეობა ნორმალურია. ინფორმაციას ამის შესახებ, აჭარის მთავრობის პრესსამსახური  ავრცელებს.

2013 წლის 16 სექტემბერს „შუახევიჰესს“ საფუძვლი ჩაეყარა, რითაც დაბა შუახევში საქართველოში უმსხვილესი ინვესტიციის განხორციელება დაიწყო.

შ.პ.ს ,,აჭარისწყალი ჯორჯია“ აჭარის რეგიონში 185 მეგავატიანი სიმძლავრის ჰიდროელექტროსადგურს აშენებს. პროექტით გათვალისწინებულია სამი ძირითადი გვირაბის მშენებლობა: ჩრუხისწყალი-სხალთა, სხალთა-დიდაჭარა და დიდაჭარა-შუახევი. პროექტი ასევე ითვალისწინებს სხალთისა და დიდაჭარის კაშხლებისა და ასევე მდ. ჩირუხისწყალზე მცირე დამბის მშენებლობას.

აჭარისწყლის შენაკადებზე ჰიდროელექტროსადგურების მშენებლობას ინდური კომპანია  „Tata Power “ (40%), ნორვეგიული კომპანია  „Clean Energy Invest“ (40 %) და საერთაშორისო საფინანსო კორპორაცია  „IFC“ (20%) ახორციელებს.

ქვეყნის, რეგიონის მთავრობა დიდი სიმძლავრის ჰესის მშენებლობას განსაკუთრებულ მნიშვნელობას ანიჭებს, რადგან ეს მომავლის პროექტია, რომელიც ქვეყნის ენერგოდამოუკიდებლობას უზრუნველყოფს.

ამ დროისათვის ჰესზე დასაქმებულია 380 ადგილობრივი მუშახელი, სამუშაოების მატებასთან ერთად გაიზრდება ადგილობრივი მოსახლეობის დასაქმებულთა რიცხვი.

წინასწარი ვარაუდით 2017 წლიდან გამომუშავებული ენერგია საქართველოს ერთიან ენერგოსისტემაში სრული დატვირთვით ჩაირთვება. აქ გამომუშავებული ენერგია ზამთარში ქვეყანას მოხმარდება, ხოლო ზაფხულში მეზობელი ქვეყნების გავლით უცხოეთში გაიყიდება.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"