Batumelebi | მამაპაპისეული ნაკვეთი 17 ლარად მამაპაპისეული ნაკვეთი 17 ლარად – Batumelebi
RU | GE  

მამაპაპისეული ნაკვეთი 17 ლარად

ცაგო კახაბერიძე

 

17 ლარი ერთ კვადრატულ მეტრზე – ეს არი შეთავაზება კომპანიისგან, რომელიც რომელიც მდინარე ჭოროხზე ორ ჰიდორელექტრო სადგურს აშენებს. ამის შესახებ სოფლების, სიმონეთისა და ონტოფოს მოსახლეობას აჭარის ფინანსთა და ეკონომიკის მინისტრმა  დღეს ხელვაჩაურის გამგეობაში შეხვედრისას შეატყობინა.

კომპანია „აჭარ ენერჯი 2007“ მოსახლეობისგან იმ ნაკვეთების შესყიდვას ცდილობს, რომლებიც პროექტის მშენებლობის ფარგლებში ხვდებიან.  საქართველოს ენერგეტიკის სამინისტროსთან გაფორმებული ხელშეკრულების შემდეგ კომპანიამ გარემოს დაცვის სამინისტროსგან მშენებლობის ნებართვა ისე მიიღო, რომ მოსახლეობასთან ნაკვეთების შესყიდვის თაობაზე არ შეთანხმებულა და ეს საკითხი მოგვარებული არც დღეს აქვს.

აჭარის ფინანსთა და ეკონომიკის სამინიტროს ინფორმაციით  საქართველოს ეკონომიკისა და მდგრადი განვითარების სამინისტრომ ჰესის მშენებლობისათვის საჭირო ნაკვეთები „აჭარ ენერჯის“ მფლობელებს  2012 წლის 16 მარტს, საქართველოს პრეზიდენტის 2012 წლის 2 მარტის 02/03/04 განკარგულების საფუძველზე გადასცა. კომპანიისთვის გაფორმებულ ნასყიდობის ხელშეკრულებაში კი კომპენსაციების გაცემის ვალდებულება არ არსებობდა.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"