Batumelebi

„საგამოცდო პროცესი მშვიდ გარემოში მიმდინარეობს. პირველ სესიაზე 57 სექტორი გვაქვს, ასევე 57 სექტორია მეორე  სესიაზეც. დილის სესიაზე 948 აბიტურიენტმა გაიარა რეგსიტრაცია. 16 აბიტურიენტი გამოცდაზე არ გამოცხადდა,“ – უთხრა „ბათუმელებს“ ბათუმის საგამოცდო ცენტრის ხელმძღვანელმა მანუჩარ ლორიამ.

მეორე სესიაზე, რომელიც დღის 14:00 საათზე დაიწყება  ბათუმის საგამოცდო ცენტრში 845 აბიტურიენტია რეგისტრირებული.

ერთიანი ეროვნული გამოცდებზე  წელს 36 000 – მდე აბიტურიენტია დარეგისტრირებული.

„ფრანგული პოეზიის ათასწლეული“ IX საუკუნის საგმირო ეპოსის – „სიმღერა რონალზე“ – ფრაგმენტის თარგმანით იწყება და 20-საუკუნის ავტორის, ლეოპოლდ სედარ სანგჰორის ლექსით სრულდება. კრებულში 80-ზე მეტი ფრანგი პოეტის 250-მდე ლექსია თავმოყრილი.

„პოლ ვერლენი და სხვა ფრანგი სიმბოლისტები“ გამომცემლობა „აჭარამ“ გამოსცა. წიგნში  ქართულ თარგმანებთან ერთად ლექსები ფრანგულ ენაზეა მოცემული.

ბადრი თევზაძეს მკითხველი იცნობს როგორც პოეტს, მთარგმნელსა და წიგნის – „პარიზში წასვლას რა უნდა?!“ – ავტორს. ამ მხატვრულ-დოკუმენტური კრებულისთვის ავტორს 2000 წელს „ლომისის“ პრემია მიენიჭა, 2006 წელს კი საფრანგეთში, კინოსტუდია „ლა ფემისში“ რეჟისორმა თ. გრენადმა  წიგნის მიხედვით გადაიღო 20 წუთიანი დოკუმენტური ფილმი „ქართველი ტარტარენის ნაკვალევზე“.

2008 წელს ბადრი თევზაძე საფრანგეთის კულტურის სამინისტროსა და წიგნის საერთაშორისო სახლის სტიპენდიით ორი თვით იმყოფებოდა საფრანგეთში, ფრანგული პოეზიის ანთოლოგიაზე სამუშაოდ.

ღონისძიებაში მონაწილეობდნენ  „ზუგდიდის ახალგაზრდული ცენტრის“  წევრებიც.

ადვოკატირების კამპანია ტარდება ბათუმის საპატრულო პოლიციასთან ერთად. მისი მიზანია საზოგადოების ცნობიერების ამაღლება ქვეითად მოსიარულეთა უფლებებისა და საგზაო უსაფრთხოების დასაცავად. აქტივობა ხორციელდება პროექტის ფარგლებში „ეროვნული ინტეგრაციის გაძლიერება საქართველოში“ (ANI), რომელსაც ახორციელებს საქართველოს გაეროს ასოციაცია (UNAG), ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით.

მემორიალური დაფა, რომელიც იუწყება, რომ 1913 წელს ამ ადგილას აშშ-ს საკონსულო მდებარეობდა, ბათუმში საგანგებოდ ამ დღისთვის ჩამოსულმა აშშ-ს ელჩმა საქართველოში, რიჩარდ ნორლანდმა გახსნა არჩილ ხაბაძესთან, ბათუმის საკრებულოს თავმჯდომარესთან, ირაკლი ჩავლეიშვილთან და ავთანდილ ბერიძესთან ერთად.

„რამდენიმე მიზეზით არის ჩემთვის მნიშვნელოვანი ეს დღე. პირველ რიგში მახსენდებიან ის კოლეგები ძველი დროიდან, რომელთაც თავიანთი ცხოვრება დაუთმეს დიპლომატიურ და საკონსულო სამსახურს. ისინი ბათუმში, ამერიკის შეერთებული შტატებიდან ათასობით მილის დაშორებით, ისინი წარმოადგენდნენ აშშ-ს ინტერესებს. მათ შორის იყვნენ უილიამ სტიუარდი, უილიამ მასტერსონი, ჯეიმს ჩემბერსი. ვფიქრობ ჩემს კოლეგებზე, რომლებიც იგივე სამუშაოს ასრულებდნენ ამ ქალაქში, ამ ადგილას, ზუსტად ასი წლის წინ. გარდა ამისა, ეს აჩვენებს ბათუმის მნიშვნელობას, რომელიც მდებარეობს გზაჯვარედინზე, არის საერთაშორისო და კოსმოპოლიტური ქალაქი და დღეს იგი კვლავ ასრულებს ამ ფუნქციას ახალი აბრეშუმის გზაზე.

საბჭოთა კავშირის დროს ბათუმში ჩამოსვლა უცხოელისათვის ძალიან რთული, ხოლო ამერიკელისათვის ფაქტიურად შეუძლებელი იყო. მახსენდება სტუდენტობის წლები, როცა მქონდა სურვილი ვსტუმრებოდი ბათუმს, მაგრამ მითხრეს – დაივიწყე. დღევანდელი დღე ჩანს იმ გადმოსახედიდან, როგორც საოცრება.

და კიდევ ერთ მიზეზი, რის გამოც მნიშვნელოვანია ეს დღე, ეს გახლავთ საქართველოსა და აშშ-ს ურთერთობები.  როცა 1886 წელს ბათუმში გაიხსნა საკონსულო და დაექვემდებარა ოდესაში მდებარე საკონსულოს, ეს იყო კიდევ ერთი ასახვა იმისა, რომ აშშ-ში იცოდნენ, რომ საქართველო იყო განსხვავებული დანარჩენი ცარისტული რუსეთისგან.“  – აღნიშნა რიჩარდ ნორლანდმა მემორიალური დაფის გახსნისას.

მემორიალური დაფის დამზადებისა და განთავსების ხარჯები ამერიკის საელჩომ გაიღო.

ბანკები, საჯარო ბიბლიოთეკა, აჭარის მთავრობა, ბათუმის მერია, მუზეუმები, კინოთეატრი – ეს იმ ორგანიზაციების მოკლე ჩამონათვალია, რომელთაც პანდუსი არ გააჩნიათ, შესაბამისად შშმ პირებს აქ შესვლა დამოუკიდებლად არ შეუძლიათ.

„ცვლლებები თანაბარი უფლებებისთვის“ შშმ პირთა ახალგაზრდული ორგანიზაციაა, რომლის მიზანია შეზღული შესაძლებლობის მქონე (შშმ) პირების ღირსების, უფლებებისა და თავისუფლების დაცვა;  შშმ პირთა საკითხებზე მომუშავე ინსტიტუტების გააქტიურება;  საზოგადოებაში შეზღუდულ შესაძლებლობებზე ცნობიერების ამაღლება;  ახალგაზრდა შშმ პირების უფლებებისა და თავისუფლების დაცვისათვის, მათი ნიჭისა და უნარის განვითარებისათვის და საზოგადოებაში ინტეგრაციისათვის ხელის შეწყობა; შშმ პირების ჩართვა კულტურულ პროცესებში და შშმ პირთა განათლების დონის ამაღლების ხელშეწყობა.

25 ივნისი მეზღვაურთა საერთაშორისო დღეა. ამ დღესთან დაკავშირებით ბათუმში საზღვაო აკადემიის კურსანტები აღლუმს გამართავენ. საზღვაო სატრანსპორტოს სააგენტოს ინფორმაციით საქართველოში 18 ათასი მეზღვაურია. 

მეზღვაურთა  დღე საერთაშორისო საზღვაო ორგანიზაციის (IMO) რეზოლუციის შესაბამისად 2011 წლიდან აღინიშნება. 

ოფიციალურ წერილს ხელს აჭარის პროკურატურის საგამოძიებო ნაწილის უფროსი გამომძიებელი გიორგი კვარაკვახიძე აწერს.

ჯაბა ანანიძემ პროკურატურას გამოძიების დაწყების მოთხოვნით მიმართა. ჟურნალისტს მიაჩნია, რომ უმაღლესი საბჭოს დეპუტატმა, მედეა ვასაძემ მისი უფლებები დაარღვია, რადგან ცდილობდა მის დაშინებასა და დაშანტაჟებას.

სწორედ ამიტომ პროკურატურას ჟურნალისტმა გამოძიების დაწყების მოთხოვნით მიმართა, სსკ-ის 154-ე მუხლით გათვალისიწნებული დანაშაულის ჩადენისთვის, რაც ნიშნავს ჟურნალისტისათვის პროფესიულ საქმიანობაში უკანონოდ ხელის შეშლას, ასევე სსკ-ის 157-ე მუხლის გამოძიების მოთხოვნით, რაც პირადი  ან ოჯახური საიდუმლოს ხელყოფას ნიშნავს. ჟურნალისტი ჯაბა ანანიძე ითხოვდა ასევე გამოძიების დაწყებას სსკ-ის 158-ე მუხლით, რაც კერძო კომუნიკაციის საიდუმლოების დარღვევას გულისხმობს და სსკ-ის 159-ე პირადი მიმოწერის, ტელეფონით საუბრის ან სხვაგვარი ხერხით შეტყობინების საიდუმლოების დარღვევას.

იმის გამო, რომ აჭარის პროკურატურამ გამოძიება არ დაიწყო, ამ გადაწყვეტილებას ახალგაზრდა იურისტთა ასოციაციის იურისტები მთავარ პროკურატურაში გაასაჩივრებენ.

საია ჯაბა ანანიძის ინტერესებს იცავს. 

ტარიელ მანველიძე ქედის მუნიციპალიტეტის დანდალოს თემში მაჟორიტარობის კანდიდატად „ქართული ოცნებიდან“ იყო წარდგენილი. მას არჩევნები საინიციატივო ჯგუფის მიერ წარდგენილმა დამოუკიდებელმა კანდიდატმა, გენად არძენაძემ ასი ხმით მოუგო.

სახელისუფლებო გუნდის დამარცხებული კანდიდატი ამბობს, რომ საინიციატივო ჯგუფის მიერ წარდგენილი, დამოუკიდებელი კანდიდატის გამარჯვება მის სასარგებლოდ სოფლის რწმუნებულების მუშაობამ განაპირობა. მისი თქმით, რწმუნებულებმა სოფელში დამოუკიდებელი კანდიდატის სასარგებლოდ აგიტაცია გაწიეს.

ტარიელ მანველიძის ინფორმაციით, საინიციატივო ჯგუფის მიერ წარდგენილი კანდიდატი გენად არძენაძე სინამდვილეში საქართველოს პარლამენტის ვიცე-სპიკერის მურმან დუმბაძის კანდიდატურა იყო და სოფლის რწმუნებულებმა მისი მხარდაჭერის დავალებაც მისგან მიიღეს.

`საკითხი, რომ დამოუკიდებელი კანდიდატების უკან ასევე „ქართული ოცნების“  წევრი მურმან დუმბაძე იდგა, რწმუნებულები კი მათ სასარგებლოდ მუშაობდნენ, შტაბში რამდენჯერმე დავაყენეთ, თუმცა უშედეგოდ“, – ამბობს ტარიელ მანველიძე.

ტარიელ მანველიძის ინფორმაციით, არჩევნები „ქართული ოცნების“ კანდიდატმა იმავე მიზეზით წააგო წონიარისის თემშიც. „ამბობენ სხვა რაიონებშიც ანალოგიური ვითარება იყოო“, – დასძენს ყოფილი კანდიდატი.

სოფელ დანდალოს რწმუნებული ისრაფილ მანველიძე ამ ინფორმაციას არ ადასტურებს: „თქვენ კარგად იცით, რომ რწმუნებული დამოუკიდებელია და არავისი დახმარების უფლება არ აქვს. ასე არ ყოფილა.“

სოფელ წონიარისის რწმუნებულმა ამირან წულუკიძემ კი „ბათუმელებთან“ სატელეფონო საუბარში თავდაპირველად თქვა: „ჩვენ ვმუშაობდით გამგებლის, პარტიისა და დამოუკიდებელი კანდიდატის სასარგებლოდ“, შემდეგ კი დააზუსტა, რომ „მხოლოდ 41-ის სასარგებლოდ მუშაობდა“.

13 მაჟორიტარული ოლქიდან ხულოში არჩევნები ორ ოლქში „ნაციონალური მოძრაობიდან“ წარდგენილმა მაჟორიტარობის კანდიდატმა, ორ ოლქში ნინო ბურჯანაძის „ერთიანი ოპოზიციის“ კანდიდატმა, ერთი ოლქში თარხან-მოურავის „პატრიოტთა ალიანსის“ წარმომადგენელმა მოიგო. 

ხულოს პირველ საარჩევნო ოლქში „ქართული ოცნების“  მაჟორიტარობის კანდიდატს ნოდარ ზოიძეს `ნაციონალური მოძრაობიდან“ წარდგენილმა ირაკლი ჯორბენაძემ 143 ხმით აჯობა. ზოიძემ მხოლოდ 262 ხმის მოგროვება შეძლო.

ნოდარ ზოიძე „ბათუმელებთან“ დამარცხების მიზეზს ასე ხსნის: „ალბათ ღირსეული კანდიდატი ის იყო და მოიგო“.

„არანაირი ხელშემშლელი მიზეზი არ გვქონია, ასე ხალხმა გადაწყვიტა“, – ამბობს დიდაჭარის თემის „ქართული ოცნების“ მაჟორიტარობის კანდიდატი მევლუდ წულუკიძე. იმავეს ამბობენ სხვებიც.

ხულოს „ქართული ოცნების“ შტაბის ხელმძღვანელის ჯამბულ ხოზრევანიძის თქმით, არჩევნების შედეგი განაპირობა პროცესის დემოკრატიულად წარმართვამ. მას სჯერა, რომ „ხალხმა ასე გადაწყვიტა.“

ქობულეთში ოცი მაჟორიტარული ოლქიდან სამ ოლქში არჩევნები „ნაციონალური მოძრაობიდან“ წარდგენილმა კანდიდატმა მოიგო, ორ ოლქში თარხან-მოურავის „პატრიოტთა ალიანსის“ მიერ წარდგენილებმა გაიმარჯვეს, ერთ ოლქში კი დამოუკიდებელმა კანდიდატმა გაიმარჯვა.

დამოუკიდებელი კანდიდატი სოსო ქათამაძე, რომელმაც ხუცუბნის თემში არჩევნები მოიგო, აიპი ქობულეთის გამწვანების ხელმძღვანელია. იგი ამბობს, რომ მის უკან არც ერთი პარტია და არც სახელისუფლებო გუნდის წარმომადგენელი არ დგას და მხარი „წარსულში გაკეთებული კარგი საქმეების გამო“ დაუჭირეს.

დამარცხებული კანდიდატების თქმით კი, რომლებსაც დიქტოფონთან საუბარი არ სურთ, `მურმან დუმბაძის კანდიდატები კოალიციამ საარჩევნო სიებში არ ჩასვა, რის გამოც განაწყენებულმა ვიცე-სპიკერმა ურჩია მათ დამოუკიდებელ კანდიდატებად დარეგისტრირებულიყვნენ. სოფლების რწმუნებულებს კი მათი მხარდაჭერის დავალება მისცა. რიგ უბნებზე დამოუკიდებელმა კანდიდატებმა არჩევნები მოიგეს, რიგ უბნებზე კი მათი ხმები „ქართული ოცნების“ კანდიდატებს დააკლდათ და სხვა პარტიებთან დამარცხდნენ.

 მურმან დუმბაძე: „დიახ, ჩემ მიერ ჩასმულმა დამოუკიდებელმა კანდიდატებმა მოიგეს. ეს იყო იმის დასადასტურებლად, რომ ამ გუნდს ჰყავს სერიოზული პოლიტიკური ძალა, აქტიური ადამიანები. ისინი გაატარებენ იმ პოლიტიკას, რასაც ატარებს კოალიცია „ქართული ოცნება“. ნამდვილი „ქართული ოცნების“ დამოუკიდებელი კანდიდატები არიან, რომლებმაც იმ ტერიტორიებზე არჩევნები მოიგეს.

დიახ, კადრების შერჩევისას როგორც ცენტრალურ, ასევე ადგილობრივ ოფისებში შეცდნენ. ჩვენ დავამტკიცეთ, რომ ისინი იყვნენ სუსტები და დამოუკიდებელმა კანდიდატებმა მოიგეს. ისინი მმართველ ძალასთან შეთანხმებულად იმუშავებენ.“

„ქართული ოცნების“ ბათუმის შტაბის ხელმძღვანელმა ირაკლი ჭეიშვილმა კი „ბათუმელებთან“ აღნიშნა: „რა ხდებოდა რაიონებში არ ვიცი, ჩვენ ბათუმში ყველა მაჟორიტარული ოლქი მოვიგეთ“.

მოსამართლე დავით მამისეიშვილს პროკურორმა შოთა ხორავამ უთხრა, რომ ტექნიკური ხარვეზის გამო დაკავებულს ბრალდება არასწორად აქვს წარდგენილი, ანუ სისხლის სამართლის 138-ე მუხლის მეხუთე ნაწილის ნაცვლად, მას სსკ-ის 138-ე მუხლის მეოთხე ნაწილით უნდა წარდგენოდა ბრალი (მეხუთე ნაწილი სსკ-დან ამოღებულია). ეს მუხლი სექსუალური ხასიათის ძალმომრეობითი მოქმედების სასჯელის ზომას განსაზღვრავს, დანაშაული კი ჩადენილია 14 წლამდე პირის მიმართ.

ტაქსის მძღოლს ასევე ბრალად ედება სსკ-ის 141-ე მუხლით გათვალისწინებული დანაშაულის ჩადენა. ანუ ძალადობის გარეშე გარყვნილი ქმედება დამნაშავისთვის წინასწარი შეცნობით, თექვსმეტი წლის ასაკს მიუღწეველთან, რაც ისჯება თავისუფლების აღკვეთით ვადით ხუთიდან შვიდ წლამდე.

მოსამართლე დავით მამისეიშვილმა პროკურორ შოთა ხორავას ყველა შუამდგომლობა დააკმაყოფილა და სასამართლოში წარდგენილი მტკიცებულებები საქმის მასალებს დაურთო. საქმეში ათზე მეტი მოწმეა დასაკითხი, ასევე საქმის მასალებში ინახება ექსპერტიზის დასკვნები, ბრალდებულის ავტომანქანიდან ამოღებული ნივთები…

მოსამართლემ სხდომაზე განმარტა, რომ საქმეში არსებული მტკიცებულებებით, ალბათობის მაღალი ხარისხით, ბრალდებულის გამამტყუნებელ განაჩენს გამოუტანენ. ბრალდებულის ადვოკატმა პროკურორის შუამდგომლობა კვალიფიკაციის შეცვლაზე გააპროტესტა. მან ასევე მოსამართლეს უთხრა, რომ ეს საქმე არ უნდა გადაეცეს სასამართლოს განსახილველად, რადგან საკმარისი მტკიცებულებები არ არსებობს იმისა, რომ განსასჯელმა დანაშაული ჩაიდინა.

ბრალდებული 76 წლისაა და ტაქსისტად მუშაობდა. მას 10 წლის არასრულწლოვან გოგონასთან, რომელიც მისი მეზობელი იყო, გაუკუღმართებული სქესობრივი კავშირის დამყარება ედება ბრალად.
ბრალის დამტკიცების შემთხვევაში წინასწარპატიმრობაში მყოფს თხუთმეტიდან ოც წლამდე პატიმრობა ემუქრება.

შეხვედრას ჟურნალისტები, ტელევიზიების ხელმძღვანელები და საზოგადოებასთან ურთიერათობის სამსახურის თანამშრომლები ესწრებოდნენ.

 2015 წლიდან ის ტელევიზიები, რომლებიც დეციმეტრული და მეტრული დიაპაზონით მაუწყებლობენ ვალდებული იქნებიან გადავიდნენ ციფრულ მაუწყებლობაზე, ციფრული სიგნალის მისაღებად კი მომხმარებელს, რომელსაც ძველი თაობის ტელევიზორი აქვს, სპეციალური მიმღების ყიდვა მოუწევს, რაც ახალი თაობის ტელევიზორის მესაკუთრეებს არ ეხებათ, ასევე არც იმ მომხმარებლებს, რომლებიც სიგნალს სატელიტური ანტენებით იღებენ.

ბათუმში მერობის კანდიდატებს შორის ხმების 45,17% „ქართული ოცნების“ კანდიდატმა გიორგი ერმაკოვმა მიიღო, რაც გამარჯვებისთვის საკმარისი არ არის. 17,62 ხმა დააგროვა „ნაციონალური მოძრაობის“ კანდიდატმა გიორგი დიასამიძემ. დარჩენილი 38% სხვადასხვა პოლიტიკური სუბიექტის მიერ წარდგენილ კანდიდატებზე გადანაწილდა.

გიორგი ერმაკოვსა და გიორგი დიასამიძეს შორის გამარჯვებულის გამოსავლენად ცენტრალური საარჩევნო კომისია (ცესკო) მეორე ტურს ჩაატარებს.

ცესკოს მიერ გამოქვეყნებული ბოლო მონაცემებით, ბათუმის 25-წევრიან საკრებულოში 17 წევრი „ქართული ოცნებიდან“ იქნება, ხოლო რვა წევრი – ოპოზიციიდან.

პროპორციული სიის მიხედვით, ბათუმში „ქართულმა ოცნებამ“ ხმების 42,43% (19 755 ხმა) მოაგროვა. მეორე ადგილზე 18,82%-ით „ნაციონალური მოძრაობა“ გავიდა. ამომრჩეველთა ხმების 9,84% მიიღო თარხან-მოურავის „საქართველოს პატრიოტთა ალიანსმა“.

ბათუმის საკრებულოში 8,82 პროცენტის მიღების შედეგად სიის პირველ ნომერს შეიყვანს ნინო ბურჯანაძის „ერთიანი ოპოზიცია“. 5,02 % მოაგროვა სალომე ზურაბიშვილის პარტიამ „საქართველოს გზა“. გარდა ამისა, ბათუმის ყველა მაჟორიტარულ ოლქში არჩევნები „ქართულმა ოცნებამ“ მოიგო.

ამ შედეგის მიხედვით, ბათუმის 25-წევრიან საკრებულოში მაჟორიტარული სიით შევლენ ჯაბა ბერიძე – კოალიციის მაჟორიტარობის კანდიდატი „თავისუფალი დემოკრატებიდან“, ბიზნესმენი ლევან კინწურაშვილი, ექიმი თემურ ორაგველიძე, თეიმურაზ ბასილაძე, ბათუმის საკრებულოს 2007-2010 წლების მოწვევის საკრებულოს წევრი, „რესპუბლიკელი“ თეიმურაზ ყურაშვილი კოალიციიდან, წინა მოწვევის საკრებულოს თავმჯდომარე, „რესპუბლიკელი“ ირაკლი ჩავლეიშვილი, კობა ჩხეიძე „თავისუფალი დემოკრატების“ წარმომადგენელი კოალიციიდან, ვაჟა რამიშვილი, ლაშა სირაბიძე და ირაკლი მიქელაძე.

როგორც გამარჯვებული, „ქართული ოცნება“ პროპორციული საარჩევნო სიით საკრებულოში კიდევ შვიდ წევრს შეიყვანს.

პროპორციული სიის მიხედვით, ბათუმის საკრებულოში შევლენ: აჭარის მთავრობის ადმინისტრაციის ყოფილი ხელმძღვანელი ირაკლი ჭეიშვილი, თენგიზ აფხაზავა, დიმა დარჩია, ნატალია ზოიძე, „რესპუბლიკელი“ ზაურ ახვლედიანი, ბიზნესმენი თამაზ თურმანიძე და ნინო ბერაძე.

პროპორციული სიის მიხედვით, ბათუმის საკრებულოში „ნაციონალური მოძრაობიდან“ გიორგი კირთაძე, ნოდარ დუმბაძე და ჯუმბერ კახიძე შედიან.

ცესკოს მონაცემებით, სალომე ზურაბიშვილის პარტიის „საქართველოს გზის“ შედეგების მიხედვით საკრებულოში საარჩევნო სიის პირველი ნომერი – ბიზნესმენი გია კაკაბაძე შევა (ინფორმაციას იმის შესახებ, რომ ის საკრებულოში არ აპირებს შესვლას, გია კაკაბაძე არ ადასტურებს), ხოლო ნინო ბურჯანაძის „ერთიანი ოპოზიციიდან“ –  გიორგი ცინცქილაძე. ბათუმის ოლქის თავმჯდომარის კახა ჯაიანის ინფორმაციით, სავარაუდოდ, სიის მეორე ნომერსაც შეიყვანს „პატრიოტთა ალიანსი“, ამ პარტიიდან საკრებულოში დავით თედორაძე და გელა გვარიშვილი შევლენ. „ერთიანობის დარბაზიდან“ კი რამაზ სურმანიძე შეძლებს საკრებულოში შესვლას.

ცესკოს მონაცემებით, ხელვაჩაურში ამომრჩეველთა ხმების 52% „ქართულმა ოცნებამ“ მიიღო. 18,62%-ით შემდეგ ადგილზე „ნაციონალური მოძრაობა“, 16,24 პროცენტით – ნინო ბურჯანაძის „ერთიანი ოპოზიცია“, 4,61 პროცენტით –  „საქართველოს პატრიოტთა ალიანსი“ გავიდა, სხვა პარტიებმა ბარიერი ვერ გადალახეს. არჩევნები ხელვაჩაურის 13-დან 12 ოლქში „ქართული ოცნების“ კანდიდატებმა მოიგეს, სარფის თემში კი გამარჯვება „ნაციონალური მოძრაობის“ კანდიდატს დარჩა.

ხელვაჩაურის 25-წევრიან საკრებულოში „ქართულ ოცნებას“ 18 წევრი ეყოლება, ნინო ბურჯანაძის                 „გაერთიანებულ ოპოზიციას“  – სამი წევრი, „ნაციონალური მოძრაობიდან“ ოთხი წევრი შევა, „პატრიოტთა ალიანსის“ სახელით კი ერთი წევრი იქნება ხელვაჩაურში დეპუტატი. ხელვაჩაურმა გამგებლად ნადიმ ვარშანიძე აირჩია.

ცესკოს მონაცემებით, გამგებლის თანამდებობას ქედაში „ქართული ოცნების“ კანდიდატი დავით დუმბაძე დაიკავებს. მან არჩევნებზე ხმების 52 პროცენტი,  ნინო ბურჯანაძის პარტიის მიერ დასახელებულმა კანდიდატმა – ზურაბ ავალიანმა კი  ხმების 22,64 პროცენტი მიიღო. რაც შეეხება მაჟორიტარობის კანდიდატებს, ცხრა მაჟორიტარული ოლქიდან მხოლოდ ორ მაჟორიტარულ ოლქში გაიმარჯვეს დამოუკიდებელმა კანდიდატებმა. დანარჩენ ოლქებში „ქართული ოცნების“ მაჟორიტარობის კანდიდატები ლიდერობენ.

პროპორციული სიის მიხედვით „ქართულმა ოცნებამ“ სიაში 52% მიიღო, „ნაციონალურმა მოძრაობამ“ – 22,29%, ნინო ბურჯანაძის „ერთიანმა ოპოზიციამ“ – 17,26 % 3, თარხან-მოურავის „პატრიოტთა ალიანსმა“ – 2% მოაგროვა.

მეორე ტური ხულოშიც იქნება. „ქართული ოცნების“ კანდიდატმა, მოქმედმა გამგებელმა, ბესიკ ბუაჩიძემ ხმების 49,7% და თარხან-მოურავის „პატრიოტთა ალიანსის“ კანდიდატმა ემზარ ბოლქვაძემ 31,7% მიიღო. ცესკო ამ ორ კანდიდატს შორის გამარჯვებულს მეორე ტურით გამოავლენს.

ხულოს ოლქში „ქართული ოცნების“ 9 მაჟორიტარმა კანდიდატმა გაიმარჯვა. „ნაციონალების“ კანდიდატებმა გაიმარჯვეს ორ ოლქში – დაბა ხულოსა და ხიხაძირში; დამოუკიდებელმა კანდიდატმა გაიმარჯვა ორ ოლქში – დეკანაშვილებსა და დიდაჭარაში;  ვაშლოვანში გამარჯვება მოიპოვა ნინო ბურჯანაძის კანდიდატმა.

ხულოს საკრებულოში პროპორციული სიით „ქართული ოცნება“ 9 წევრს შეიყვანს საკრებულოში, „ნაციონალურ მოძრაობას“ 3 მანდატი ექნება, 1 მანდატი – თარხან- მოურავის პარტიამ, 2 მანდატი კი – ნინო ბურჯანაძის „ერთიან ოპოზიციას“ შეხვდება.

ქობულეთში კოალიცია „ქართულმა ოცნებამ“ ხმების 45,36 პროცენტი მიიღო, 23,79 პროცენტი – „ნაციონალურმა მოძრაობამ“, 8,83 პროცენტი – ნინო ბურჯანაძის „ერთიანმა ოპოზიციამ“, 14,82 პროცენტი მიიღო თარხან-მოურავის „პატრიოტთა ალიანსმა“.

ქობულეთში, #34 უბანზე, მნიშვნელოვანი დარღვევების გამო არჩევნების შედეგები გააუქმეს. ამ უბანზე ცესკო განმეორებით არჩევნებს კვირას, 29 ივნისს ჩაატარებს.

გამგებლის ასარჩევად მეორე ტური გაიმართება ქობულეთშიც, ქართული „ოცნების კანიდატმა “  45, 85 % მიიღო,  „ნაციონალური მოძრაობის “ კანდიდატმა რევაზ ხარაზმა კი 23, 67% , მათ შორის გამარჯვებულს მეორე ტური გამოავლენს.

„

შუახევში „ქართულმა ოცნებამ“ ხმების 58,36 % მიიღო, „ნაციონალურმა მოძრაობამ“ – 18,74%, „ერთიანობის დარბაზმა“ –  5,41%, „პატრიოტთა ალიანსმა“ – 4,36 პროცენტი მიიღო.

ამ მონაცემების მიხედვით, შუახევის 24-წევრიან საკრებულოში „ქართული ოცნება“ რვა წევრს მაჟორიტარული ოლქებიდან და ცხრა წევრს პროპორციული სიით შეიყვანს საკრებულოში. „ნაციონალური მოძრაობიდან“ სამი წევრი შევა. ამას დაემატება ერთი წევრი ნინო ბურჯანაძის „ერთიანი ოპოზიციიდან“, ერთი წევრი „ერთიანობის დარბაზიდან“, ერთი წევრი „პატრიოტთა ალიანსიდან“ და ერთიც დამოუკიდებელი კანდიდატი.

შუახევის გამგებელი „ქართული ოცნების“ კანდიდატი ტარიელ ებრალიძე გახდება.

არასამთავრობო ორგანიზაციების შეფასებით, რომლებიც არჩევნებს აკვირდებოდნენ, ძირითადად ადგილი ჰქონდა პროცედურულ დარღვევებს და დამკვირვებელთა უფლებების შეზღუდვას ან შეზღუდვის მცდელობას.

ცესკო არჩევნების საბოლოო შედეგებს 26 ივნისს გამოაქვეყნებს. აქედან ორ კვირაში, 12 ან 13 ივნისს მეორე ტური გაიმართება. ახალარჩეული დეპუტატები 3 წელსა და 4 თვეს იმუშავებენ მუნიციპალიტეტების საკრებულოებში.