აჭარის მთავრობის ინფორმაციით, ბათუმში ახალი მრავალფუნქციური საცხოვრებელი კომპლექსის მშენებლობას ჩაეყარა საძირკველი, რომლისთვისაც 14 მილიონი დოლარის ინვესტიცია განსახორციელდება. მშენებლობის საძირკველში აჭარის მთავრობის თავმჯდომარემ არჩილ ხაბაძემ მშენებელ კომპანია შ.პ.ს. DS GROUP – ის მფლობელ სერგეი დავიდოვთან ერთად ხელი მოაწერა სერტიფიკატს, რომელიც სიმბოლურად საძირკველში კაფსულით ჩააგდეს.
კომპანია 26 სართულიანი ორი საცხოვრებელი კორპუსის მშენებლობას 3000 მ/კვ-ზე განახორციელებს, რომლის პირველ და მეორე სართულებზე კომერციული ფართები განთავსდება. საცხოვრებელ კომპლექსს ექნება თავისი ბაგა-ბაღი და სკოლა. მშენებლობაზე სულ მცირე 100 ადგილობრივი დასაქმდება. მშენებლობა 30 თვეში დასრულდება.
კომერციულ ფართში დაგეგმილია ბათუმში პუშკინის № 132-ში მდებარე სავაჭრო ცენტრ „მოსკოვის “ მოვაჭრეთა გადმოყვანა. მის ადგილას კი მიმდებარე ბარაკული შენობა-ნაგებობების აღება მოხდება და 8 000 მ/კვ ფართობზე კიდევ ერთი მრავალსართულიანი საცხოვრებელი კომპლექსი აშენდება.
სიმბოლური საძიკველის ჩაყრის დროს
