Batumelebi | ფუტზალის აჭარის თასის მეოთხედფინალში ბათუმის დინამომ ”ფანები” 9:2 დაამარცხა ფუტზალის აჭარის თასის მეოთხედფინალში ბათუმის დინამომ ”ფანები” 9:2 დაამარცხა – Batumelebi
RU | GE  

ფუტზალის აჭარის თასის მეოთხედფინალში ბათუმის დინამომ ”ფანები” 9:2 დაამარცხა

 

 

საქართველოს ფუტზალის ჩემპიონატი 2015-თვის ბათუმში აჭარის რეგიონული თასის გათამაშება მიმდინარეობს. დღეს ბათუმის სახემწიფო უნივერსიტეტის სპორტულ დარბაზში მეოთხედფინალი გაიმართა, სადაც ფუტზალის გუნდმა ბათუმის „დინამომ“ ბათუმის „დინამოს“ ფანკლუბი „პირატები“ 9:2 დაამარცხა.

აჭარის რეგიონული პირველობა ფუტზალში 11 ოქტომბერს დაიწყო, სადაც 24 გუნდი მონაწილეობდა. მერვედფინალებიდან შეირჩა 16 გუნდი, რომელიც A და B ჯგუფებში გადანაწილდნენ. A ჯგუფში თამაშობდა „ნავთობტერმინალი“, სომხური დიასპორის გუნდი „ახბიური“, „კოკა-კოლა“ და ბათუმის სახელმწიფო უნივერსიტეტის გუნდი „ბსუ“. B ჯგუფში დაწყვილდნენ „პირატები“, „ბათუმის დინამო“, საზღვაო აკადემიის და ფინანსთა და ეკონომიკის სამინისტროს გუნდები.

მეოთხედფინალებში გავიდნენ A ჯგუფიდან ნავთობტერმინალი და ბსუ, ხოლო B ჯგუფიდან „დინამო ბათუმი“ და „პირატები“.

ნახევარფინალი 7 ნოემბერს ბათუმის სპორტულ-ახალგაზრდულ ცენტრში, მ. ლერმონტოვის ქ. #27 გაიმართება, სადაც ერთმანეთს შეხვდებიან დინამო ბათუმი – ბსუ და მეორე წყვილი „პირატები“ – „ნავთობტერმინალი“.

ფინალი 9 ნოემბერს ჩატარდება.

ტურნირის ორგანიზატორები არიან საქართველოს ფუტზალის ასოციაცია და აჭარის რეგიონალური ფუტზალის ასოციაცია.

აჭარის რეგიონალური ფუტზალის ასოციაციის პრეზიდენტის არტიომ ნაცაკანიანის თქმით, ფინალში პირველ და მეორე ადგილზე გასული გუნდები ფუტზალის საქართველოს ჩემპიონატ 2015-ში მიიღებენ მონაწილეობას, სადაც საპრიზო ფონდიც გათამაშდება.

აჭარის რეგიონის ტურნირის ფინალში კი ფეხბურთელები სხვასახვა ნომინაციებში გამოვლინდებიან.


ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი