ბათუმელები
ლელა დუმბაძე
როგორ ხვდება ბათუმი ახალ წელს
<!** Image 1 align="" width="300" height="512" >
ბათუმს, წინა წლებთან შედარებით, 2013 წლისთვის მოკრძალებული საახალწლო პროგრამა ექნება. ქალაქი, რომელიც განებივრებული იყო მსოფლიოში ცნობილი მომღერლების კონცერტებით, წელს მხოლოდ ადგილობრივი ფოლკლორული ანსამბლებისა და საბავშვო ჯგუფების შემოქმედებით უნდა დაკმაყოფილდეს. ახალი ხელისუფლება მიიჩნევს, რომ მსგავსი ფუფუნებისთვის ბიუჯეტის ფული არ უნდა იხარჯებოდეს.
ლელა დუმბაძე
საზოგადოებრივი ჯანდაცვის ცენტრმა გასული წლის პროექტები შეაჯამა. დაგეგმილი და გაწეული საქმიანობის შესახებ საზოგადოების ინფორმირებულობის მიზნით დემოკრატიული ჩართულობის ცენტრში დისკუსია გაიმართა. საზოგადოებრივი ჯანდაცვის ცენტრი მომავალ წელს სამი ძირითადი პროგრამის განხორციელებას აპირებს. ესენია _ ეპიდზედამხედველობის განხორციელების და ჯანსაღი ცხოვრების წესის ხელშეწყობის პროგრამა, რომლის ბიუჯეტი 71 700 ლარია; მოსახლეობის ავადობის აქტიური გამოვლენის პროგრამა 130 000 ლარით დაფინანსდება. პროგრამა ორ ნაწილად იყოფა, მეორე ნაწილში ბიუჯეტი 195 400 ლარს შეადგენს. პროგრამა ითვალისწინებს დაავადებების ადრეულ გამოვლენასა და სკრინინგს.
ლელა დუმბაძე
ბარცხანაში, საწარმოო გამონაფრქვევებისა და თეთრად შეღებილ მდინარეში გასულ კვირას აღებული სინჯის ლაბორატორიული ანალიზის შედეგები უკვე ცნობილია: აჭარის სოფლის მეურნეობის სამინისტროს ლაბორატორიამ დაადგინა, რომ ბარცხანაში ადგილი აქვს გარემოს ზენორმატიულ დაბინძურებას.
<!** Image 1 align="" alt="ზეთის საწარმო ბარცხანაში" sub="ზეთის საწარმო ბარცხანაში" width="300" height="261" >
ლელა დუმბაძე
„ბათუმობის„ დღესასწაულზე ბათუმის მერიას ერთი დღით ორი უცხოელი ფოტოგრაფის დაქირავება 25 650 ლარი დაუჯდა. თითოეული მათგანის ჩამოყვანა სასტუმროს, კვების და ჰონორარის ჩათვლით მერია 12 825 ათასი ლარი დაუჯდა. მერიის მიერ საკრებულოსთვის მიწოდებულ დოკუმენტში არ არის აღნიშნული უცხოელი ფოტოგრაფების ვინაობა, საზოგადოებას არც ამ ფოტოგრაფების ნამუშევრები უნახავს. ბათუმელი ფოტოგრაფების აზრით, ერთდღიანი მუშაობისთვის აღნიშნული თანხა არარეალურია.
<!** Image 1 align="" width="400" height="576" >
პროფესიით ბიოლოგი მაია ჩხატარაშვილი 24-ე წელია საჯარო ბიბლიოთეკაში, პერიოდიკის განყოფილების მთავარი ბიბლიოთეკარია. მისი ყოველი სამუშაო დღე ახალი პრესის გაცნობით, დალაგებით და მკითხველისთვის მიწოდებით იწყება.
მანანა ქველიაშვილი
გასულ კვირას არასამთავრობო ორგანიზაცია „თავისუფალ ჟურნალისტთა სახლის“ ორგანიზებით მაჭახლის ხეობაში კულტურული ტური მოეწყო. ტური ნაწილია პროექტის „კულტურის განვითარება _ თემის განვითარების წყარო“, რომელსაც ევროკავშირის დაფინანსებით უკრაინული არასამთავრობო ორგანიზაცია „ეკოარტი“ და ქართული არასამთავრობო ორგანიზაცია „პოსტ ფაქტუმი“ ერთობლივად ახორციელებს. აჭარიდან პროექტში „თავისუფალ ჟურნალისტთა სახლია“ ჩართული. ტურის ფარგლებში მაჭახლის ხეობაში მდებარე ორი სოფლის, ქვედა და ზედა ჩხუტუნეთის კულტურული ტრადიციების გაცნობა მოხდა.
მანანა ქველიაშვილი, თიკო მირცხულავა
ჭოროხზე დაგეგმილი ჰიდროელექტროსადგურის კასკადების პროექტი ჭოროხის პირას მცხოვრები მოსახლეობისათვის ნომერ პირველ პრობლემად იქცა.
„აგვასახლებენ?“ , „სად უნდა წავიდეთ?“, „კომპენსაციას მოგვცემენ?“, „მართალია, რომ ამბობენ ჰესის აშენების შემდეგ მოსავალი აღარ მოვაო?“ _ ეს ის კითხვებია, რაც მოსახლეობას აწუხებს, თუმცა მასზე პასუხის გამცემი არავინაა.
მანანა ქველიაშვილი
გურამ საფარიძემ გადადგომის შესახებ განცხადება დღეს დაწერა. ამის შესახებ ინფორმაციას „ბათუმელებთან“ ხელვაჩაურის საკრებულოს აპარატის უფროსი ნაირა მჟავანაძე ადასტურებს: „მისი განცხადება გადადგომის შესახებ დავარეგისტრირე და თავმჯდომარეს შევუტანე. განცხადებაში მიზეზებზე არაფერი უწერია, მაგრამ მე როგორც ვიცი სხვა სამსახურში გადადის. არ გამიგია, რომ მის მიმართ რაიმე ზეწოლა იყო ახლანდელი ხელისუფლებისგან“.
აჭარის ოთხი მუნიციპალიტეტის გამგებლებმა არჩილ ხაბაძის, აჭარის მთავრობის თავმჯდომარის მხრიდან ზეწოლაზე პირველად 5 ნოემბერს განაცხადეს. ცოტა ხნის წინ კი „ქართული ოცნების“ აქტივისტები ქობულეთის გამგეობის შენობაში შეიჭრნენ.
გურამ საფარიძემ ნოემბრის ბოლო რიცხვებში „ბათუმელებს“ განუცხადა, რომ გადადგომას არ აპირებდა. მას იმედი ჰქონდა, რომ „ნაცმოძრაობა“ თვითმმართველობის მორიგ არჩევნებამდე, ანუ 2014 წლამდე, „მმართველ ძალად დარჩება ხელვაჩაურში“.
ზეწოლას გამორიცხავს ხელვაჩაურის საკრებულოს თავმჯდომარე მალხაზ ფარტენაძეც. მისი თქმით, ამ დილით ესაუბრა გამგებელს, რომელმაც უთხრა, რომ „თუ საჭირო დარჩა დაწერდა განცხადებას გადადგომაზე“.
„ბათუმელების“ ინფორმაციით, ხელვაჩაურში ხვალისთვის დაგეგმილი საკრებულოს სხდომაზე ოპოზიცია გურამ საფარიძის გადაყენების საკითხის დასმას გეგმავდა. ხელვაჩაურის საკრებულოში ნაციონალური მოძრაობის ფრაქცია უკვე უმცირესობაშია.
გურამ საფარიძე სატელეფონო ზარებს არ პასუხობს.
<!** Image 1 align="middle" alt="ხელვაჩაურის საკრებულოს თავმჯდომარე მალხაზ ფარტენაძე და ყოფილი გამგებელი გურამ საფარიძე " sub="ხელვაჩაურის საკრებულოს თავმჯდომარე მალხაზ ფარტენაძე და ყოფილი გამგებელი გურამ საფარიძე " width="400" height="370" >
გურამ საფარიძემ გადადგომის შესახებ განცხადება დღეს დაწერა. ამის შესახებ ინფორმაციას „ბათუმეელბთან“ ხელვაჩაურის საკრებულოს აპარატის უფროსი ნაირა მჟავანაძე ადასტურებს: „მისი განცხადება გადადგომის შესახებ დავარეგისტრირე და თავმჯდომარეს შევუტანე. განცხადებაში მიზეზებზე არაფერი უწერია, მაგრამ მე როგორც ვიცი სხვა სამსახურში გადადის. არ გამიგია, რომ მის მიმართ რაიმე ზეწოლა იყო ახლანდელი ხელისუფლებისგან“.
აჭარის ოთხი მუნიციპალიტეტის გამგებლებმა არჩილ ხაბაძის, აჭარის მთავრობის თავმჯდომარის მხრიდან ზეწოლაზე პირველად 5 ნოემბერს განაცხადეს. ცოტა ხნის წინ კი „ქართული ოცნების“ აქტივისტები ქობულეთის გამგეობის შენობაში შეიჭრნენ.
გურამ საფარიძემ ნოემბრის ბოლო რიცხვებში „ბათუმელებს“ განუცხადა, რომ გადადგომას არ აპირებდა. მას იმედი ჰქონდა, რომ „ნაცმოძრაობა“ თვითმმართველობის მორიგ არჩევნებამდე, ანუ 2014 წლამდე, „მმართველ ძალად დარჩება ხელვაჩაურში“.
ზეწოლას გამორიცხავს ხელვაჩაურის საკრებულოს თავმჯდომარე მალხაზ ფარტენაძეც. მისი თქმით, ამ დილით ესაუბრა გამგებელს, რომელმაც უთხრა, რომ „თუ საჭირო დარჩა დაწერდა განცხადებას გადადგომაზე“.
„ბათუმელების“ ინფორმაციით, ხელვაჩაურში ხვალისთვის დაგეგმილი საკრებულოს სხდომაზე ოპოზიცია გურამ საფარიძის გადაყენების საკითხის დასმას გეგმავდა. ხელვაჩაურის საკრებულოში ნაციონალური მოძრაობის ფრაქცია უკვე უმცირესობაშია.
გურამ საფარიძე სატელეფონო ზარებს არ პასუხობს.
აჭარის ტელევიზიის დროებითი ბიუჯეტი დამტკიცდა გასულ კვირას, მთავრობის სხდომაზე. ტელევიზიის წარმომადგენლის ვახტანგ ქავთარაძის განცხადებით, აჭარის ტელევიზიის ბიუჯეტში 923 ათასი ლარის ეკონომია გაჩნდა.
„დაგეგმილი იყო სტუდიის რემონტი, რომელიც არ განხორციელდა, შემცირდა ოფისის და მივლინებების, გადამცემი სადგურების და ელექტროენერგიის ხარჯები, რის შედეგადაც ტელევიზიის ბიუჯეტი 5 მილიონი ლარიდან ოთხ მილიონ ლარზე ჩამოვიდა. გარდა ამისა, მზადდება ორი საახალწლო გადაცემა, რომელზეც გამოცხადებული იყო ტენდერი და გაიმარჯვა „თი ბი სი სტუდიამ“.
სატენდერო თანხა შეადგენდა 860 ათას ლარს, ტენდერის შედეგად კი ეს თანხა 84 ათას ლარზე დავიდა“ – განაცხადა ვახტანგ ქავთარაძემ.
აჭარის ტელევიზიის წარმომადგენელმა მთავრობას ტელევიზიის უშტატო თანამშრომლებზე გასაცემი ე.წ „მე-13 ხელფასის“, სულ 145 ათასი ლარის დამტკიცება სთხოვა, რაზეც მთავრობა დათანხმდა. წინააღმდეგი მხოლოდ აჭარის ფინანსთა და ეკონომიკის მინისტრი, გიორგი თავართქილაძე იყო. მისი განცხადებით, „მე-13 ხელფასი“ მანკიერი პრაქტიკაა, რომელზეც უარი უნდა ვთქვათ:
„ეს ასე ვეღარ გაგრძელდება. შეუძლებელია ტელევიზიაში 46 შტატი იყოს და 150 კაცი უშტატოდ მუშაობდეს. ეს არ არის მიზანშეწონილი, უნდა ჩამოყალიბდნენ და განსაზღვრონ, რამდენი თანამშრომელია საჭირო ტელევიზიისთვის“.
მთავრობის თავმჯდომარის, არჩილ ხაბაძის განცხადებით, რადგან ტელევიზიის სტატუსი ჯერ განსაზღვრული არ არის, ხელისუფლება არ მიიღებს კონკრეტულ ზომებს, „ვთანხმდებით იმაზე, რომ უშტატო თანამშრომლებზე პრემიების გაცემის საკითხი არასწორია, მაგრამ იმედია დეკემბერში თუ არა, თებერვალში მაინც გადაწყდება ტელევიზიის სტატუსის საკითხი და სამომავლოდ შტატების საკითხიც დარეგულირდება“.
სამკილომეტრიანი საბაგირო გზა, რომელიც ბათუმს ფერიის მთაზე მდებარე გასართობ კომპლექს `არგოსთან~ დააკავშირებს, გაზაფხულზე უნდა გაიხსნას. კომპანია `ჰესტოკ ბათუმის“ ტექნიკური ზედამხედველი პაატა მჟავანაძე ამბობს, რომ საბაგიროს ტესტირებამ წარმატებით ჩაიარა და ტექნიკურ წუნს ადგილი არ ჰქონია. მისი განცხადებით, ტექნიკური ტესტირება ავსტრიულმა კომპანია „დობერმაიერმა“ ჩაატარა: `პროექტი დობერმაიერმა დაამუშავა და შესაბამისად ტექნიკურ შემოწმებასაც ის აწარმოებდა. რადგან საბაგირო მაღალი რისკის ობიექტია, ტესტირების გარეშე ვერ გავუშვებდით. ტესტირებას ეკონომიკის სამინისტროს წარმომადგენლები და ჟურნალისტებიც ესწრებოდნენ. ასევე ექსპერტი, ტექნიკური უნივერსიტეტის პროფესორი, დავით პატარაია“.
პაატა მჟავანაძის განცხადებით, ტესტირების დასკვნები ეკონომიკის სამინისტროს ჩაჰბარდა. „დასასრულებელია მხოლოდ სადგურის მოპირკეთება, რომელიც აპრილისთვის დასრულდება“.
კომპანია „ჰესტოკ ბათუმმა“ აჭარის მთავრობის 14 დეკემბრის სხდომაზე ფერიის მთაზე ეკლესიის მშენებლობის საკითხი დააყენა. კომპანიას, აჭარის ეკონომიკის სამინისტროსთან გაფორმებული ხელშეკრულების პირობების თანახმად, ფერიის მთაზე დანგრეული ეკლესიის სანაცვლოდ ახალი ეკლესია უნდა აეშენებინა. ეკლესიის მშენებლობაზე ერთი მილიონი დოლარი უნდა დახარჯულიყო. როგორც კომპანიის ხელმძღვანელი გიორგი ქავჟარაძე „ბათუმელებთან“ საუბარში აცხადებს, საპატრიარქოსთან ეკლესიის მშენებლობისთვის საჭირო თანხების გადარიცხვაზე შეთანხმება მიღწეულია:
„საპატრიარქოს განცხადება 7 ნოემბერს გავუგზავნეთ, თანხმობაც მივიღეთ და მემორანდუმიც გაფორმებულია. საპატრიარქო ჩვენგან მიიღებს ერთ მილიონ დოლარს, თანხა 31 დეკემბრამდე ჩაირიცხება მათ ანგარიშზე. ამის შემდეგ თვითონ გადაწყვეტენ, ვის ააშენებინონ ეკლესია. ალბათ მათ უფრო ეყოლებათ სპეციალისტები, ჩვენ მშენებლები არ ვართ, მხოლოდ ინვესტიციაზე ვმუშაობთ“.
რაც შეეხება ტერიტორიას, თუ სად აშენდება ეკლესია, ისევ ფერიას მთაზე თუ სხვაგან, გიორგი ქავჟარაძის განცხადებით, ამაზე სახელმწიფო და ეკლესია უნდა შეთანხმდნენ.
სამსახურს, რომელმაც აჭარის მთავრობის თავმჯდომარის, არჩილ ხაბაძის უსაფრთხოება უნდა დაიცვას, ამჟამად აჭარის დაცვის მთავარი სამმართველო ჰქვია. ეს სამსახური, რომელსაც არჩილ აბაშიძე ხელმძღვანელობს, 2 ოქტომბრის არჩევნების შემდეგ შეიქმნა.
სამსახური, რომელიც ლევან ვარშალომიძის უსაფრთხოებას უზრუნველყოფდა, სახელმწიფო დაცვის სპეციალური სამსახურის ქვემდებარე იყო, რომელიც თავის მხრივ პრეზიდენტ მიხეილ სააკაშვილს ემორჩილებოდა. არჩევნებამდე აჭარაში ამ უწყებას ვახტანგ კაზაზიშვილი ხელმძღვანელობდა.
არჩევნების ჩატარების შემდეგ სამსახური სტრუქტურულად შეიცვალა: გაჩნდა ორი ახალი სამმართველო – „დასავლეთის რეგიონული დაცვის მთავარი სამმართველო~ და `აჭარის დაცვის მთავარი სამმართველო“.
„დასავლეთის“ სამსახურში მოადგილედ ვახტანგ კაზაზიშვილი დაინიშნა, ხოლო ხელმძღვანელად წინა სტრუქტურაში ერთ-ერთი განყოფილების ხელმძღვანელი მამუკა დარჩია. გარდა ამისა, ბრძანების შესაბამისად, დაცვის სამსახურში დასაქმებულთა ძირითადი შემადგენლობაც სწორედ „დასავლეთში“ გადავიდა.
დაუდასტურებელი ინფორმაციით, არჩევნების შემდეგ დასავლეთის რეგიონულ სამმართველოში გადავიდნენ აჭარის კუდის უფროს თემურ პატარიძე და სხვა მაღალი თანამდებობის პირები. არჩილ აბაშიძე ამბობს, რომ ამ მხრივ სიტუაცია უკვე შეიცვალა. „თავიდან იყო ეს ტენდენცია, მაგრამ როცა ინტენსიურად დაიწყეთ ამაზე წერა ჟურნალისტებმა, მერე შეწყდა. შემიძლია გითხრათ, რომ ახლა ეს ადამიანები დაცვის სამსახურში აღარ ირიცხებიან“.
<!** Image 2 align="left" alt="ტალგატ ბაიტაზიევი, ბათუმის ნავთობტერმინალის დირექტორი" sub="ტალგატ ბაიტაზიევი, ბათუმის ნავთობტერმინალის დირექტორი" width="300" height="574" >
ბათუმის ნავთობტერმინალს ახალი დირექტორი ჰყავს. ტალგატ ბაიტაზიევი ამ თანამდებობაზე 12 დეკემბერს დაინიშნა.
პრესსამსახურის ხელმძღვანელი გალინა გოთუა ახალი დირექტორის დანიშვნის თაობაზე განცხადებას ავრცელებს. ტექსტს „ბათუმელები“ უცვლელად ბეჭდავს: „ყაზტრანსოილის“ გადაწყვეტილებით, ბათუმი ინდასტრიალ ჰოლდინგის და მისი შესაბამისი კომპანიების ახალ ხემძღვანელად დაინიშნა ტალგატ ბაიტაზიევი. ტალგატ ბაიტაზიევს ხემძღვანელობის დიდი გამოცდილება აქვს, ასევე აქვს ნავთობის და გაზის სფეროში მუშაობის გამოცდილება.
„მე მადლობას ვუხდი „ყაზტრანსოილის“ ხელმძღვანელობას ნდობისათვის. ბათუმის ნავთობტერმინალი და ბათუმის საზღვაო ნავსადგური მნიშვნელოვანია არა მარტო საქართველოსათვის, არამედ ყაზახეთისთვისაც, ვინაიდან ის ყაზახური ნავთობის ექსპორტის, სტრატეგიულ ალტერნატიულ საექსპორტო მიმართულებას წარმოადგენს. მე კარგად ვიცნობ ქართულ კულტურასა და ტრადიციებს. ჩვენ ყველაფერს გავაკეთებთ რათა განვავითაროთ ჩვენი აქტივები და შესაბამისად რეგიონი, რაც დადებითად აისახება როგორც კომპანიის თანამშრომლებზე, ასევე მფლობელი კომპანიის ინტერესებზე“, – განაცხადა ბათუმი ინდასტრიალ ჰოლდინგის გენერალურმა დირექტორმა ტალგატ ბაიტაზიევმა.
ჯგუფის წინა ხელმძღვანელი, აბაი ტურიკპენბაევი პროფესიულ საქმიანობას აგრძელებს „ყაზმუნაიგაზის“ს სისტემაში, ასტანაში.
<!** Image 1 align="left" alt="საზღვაო ჰოსპიტალი ბათუმში" sub="საზღვაო ჰოსპიტალი ბათუმში" width="300" height="1192" >
აჭარის ჯანდაცვის სამინისტროს ინფორმაციით, 28-29 დეკემბერს კლინიკა სს „საზღვაო ჰოსპიტალში“ 9 ექიმი უფასო კონსულტაციებს ჩაატარებს.
მოწვეულნი არიან:
მამოლოგი – გია ნემსაძე;
ონკოგინეკოლოგი – ირაკლი ცინცაძე;
სექსოპათოლოგი – გიორგი გოგბაიძე;
უროლოგი – დავით ქოჩიაშვილი;
პროქტოლოგი – თემურ აბულაძე;
ქირურგი – მერაბ კილაძე;
თავ-კისრის ონკოლოგი – ზურაბ დაბრუნდაშვილი;
ოფთალმოლოგი – მერაბ დვალი.
კლინიკის მისამართი: ბათუმი, მეილიქიშვილის ქ. 102 ბ
ჩაწერა წარმოებს წინასწარ, ტელ: 27-25-88
<!** Image 1 align="" alt="ვალერი თელია" sub="ვალერი თელია" width="300" height="300" >
შს სამინისტროს პრესცენტრის ხელმძღვანელი, ნინო გიორგობიანი ირწმუნება, რომ აჭარაში პოლიციის სამმართველოს უფროსს მედიასთან ურთიერთობა აკრძალული არ აქვს და ამას ის მოუცლელობის გამო ვერ ახერხებს. სწორედ ამით ახსნა გიორგობიანმა ვალერი თელიასთვის დასასმელი კითხების გადაგზავნა თავის ელფოსტაზე. რედაქცია ბოდიშს უხდის მკითხველს იმის გამო, რომ ზოგიერთ კითხვაზე გაცემული პასუხი არ არის სრულყოფილი. სამწუხაროდ, პრესცენტრის მიერ შემოთავაზებული ფორმა – წერილობითი ინტერვიუ რესპონდენტთან ჩაკითხვის შესაძლებლობას გამორიცხავს.
ცაგო კახაბერიძე
<!** Image 1 align="left" width="400" height="300" >
მუშაობის დაწყებიდან ოცდაამეერთე დღეს აჭარის გარემოს დაცვის სამმართველოს ახალმა ხელმძღვანელმა თანამშრომლების კარგად გაცნობა, ბიუჯეტის მზა პროექტის კორექტირება, რამდენიმე საქმიანი შეხვედრა, ორი მოადგილის შეცვლა, კიდევ ერთი ახალი თანამშრომლის აყვანა და საკუთარი კაბინეტიდან პრეზიდენტის ფოტოს გატანა მოასწრო.
დღეს ხულოს მუნიციპალიტეტის საკრებულოს უმრავლესობის ფრაქცია ორმა დეპუტატმა – თემურ ბოლქვაძემ და სულიკო გორგაძემ დატოვეს. ნოდარ თავართქილაძე – ხულოს საკრებულოს თავმჯდომარე ამბობს, რომ დეპუტატებმა ამ მოთხოვნით განცხადება დღეს შეიტანეს. „საკრებულო იმსჯელებს ამ საკითხზე და მიიღებს გადაწყვეტილებას. მე რამდენადაც ვიცი, ცალკე ფრაქციის შექმნა უნდათ“, – ამბობს ნოდარ თავართქილაძე.
ადგილობრივი თვითმმართველობის არჩევნების შემდეგ ნაციონალური მოძრაობა ხულოს საკრებულოში 19 წევრით იყო წარმოდგენილი. პირველი ოქტომბრის არჩევნების შემდეგ ფრაქცია მალევე დატოვა ორმა დეპუტატმა.
ინფორმაცია იმის შესახებ, რომ უმრავლესობის ფრაქცია დატოვეს ქედის საკრებულოშიც ბადრი დიასამიძე – ამ მუნიციპალიტეტის საკრებულოს თავმჯდომარე არ ადასტურებს.
<!** Image 1 align="left" alt="ზურაბ ადეიშვილი" sub="ზურაბ ადეიშვილი" width="300" height="305" >ყოფილ იუსტიციის მინისტრს, ზურაბ ადეიშვილს შს სამინისტრო დაკითხვაზე იბარებს. ამის შესახებ განცხადება შს სამინისტროს ვებ გვერდზეა განთავსებული. განცხადების შინაარს უცვლელად გთავაზობთ:
„შინაგან საქმეთა სამინისტროს ანტიკორუფციული სააგენტო, ხვალ 10 საათზე, იუსტიციის ყოფილ მინისტრს, ზურაბ ადეიშვილს მოწმის სახით დაკითხვაზე იბარებს. შესაბამისი უწყება ყვარლის რაიონის სოფელ მთისძირში უკვე ჩაბარდა ზურაბ ადეიშვილის ოჯახის წევრს შალვა ადეიშვილს. დაკითხვაზე არგამოცხადების შემთხვევაში ამოქმედდება კანონით გათვალისწინებული შესაბამისი ღონისძიებები“.
ცნობილია, რომ ზურაბ ადეიშვილმა საქართველო პირველი ოქტომბრის არჩევნებიდან მალევე დატოვა. უცხოეთში წასვლასთან დაკავშირებით ყოფილ მინისტრს არც ერთი საჯარო განცხადება არ გაუკეთებია.
საზოგადოების ჩართულობის ცენტრში აჭარის ა.რ. საზოგადოებრივი ჯანდაცვის ცენტრი მართავს შეხვედრას დაინტერესებულ მხარეებთან.
შეხვედრის მიზანია საზოგადოების ინფორმირება მიმდინარე წლის მიზნობრივი პროგრამების შესრულების შესახებ; სამოქალაქო სექტორთან და სხვა დაინტერესებულ დაწესებულებებთან ურთიერთკოორდინაციისა და უფრო ეფექტური თანამშრომლობის უზრუნველყოფა.
შეხვედრას დაესწრებიან: აჭარის ავტონომიური რესპუბლიკის ჯანმრთელობისა და სოციალური დაცვის მინისტრი, განათლების სამინისტროს, სოფლის მეურნეობის სამინისტროს, ფინანსთა სამინისტროს, მუნიციპალიტეტების, არასამთავრობო ორგანიზაციების, გარემოს დაცვის სამმართველოს წარმომადგენლები.
შეხვედრა დღეს, 14:00 საათზე გაიმართება ქალაქ ბათუმში.
ანონსი
ასოციაცია ,,თავისუფალ ჟურნალისტთა სახლი’’ 2012 წლის 20 დეკემბერს 16.00 საათზე, პრესკაფეში გამართავს დისკუსიას – თვითმმართველობის საქმიანობაში ახალაგაზრდობის ჩართვის მექანიზმის ზრდის შესაძლებლობები
დისკუსიაზე მომხსენებლის სტატუსით მოწვეული იქნება: იურისტი სულხან სალაძე.
დისკუსიის დროს წარმოდგენილი იქნება ინიციატივა, პეტიციის სახით ქალაქ ბათუმის საკრებულოში წარსადგენად
დისკუსიის მოდერატორი იქნება გაზეთ „ბათუმელების“ ჟურნალისტი ნანა კვაჭაძე.
დისკუსია იმართება მშვიდობის, დემოკრატიის და განვითარების კავკასიური ინსტიტუტის (თბილისი) და სოციალურ კვლევათა ინსტიტუტის(ჰააგე) მიერ, ნიდერლანდების საგარეო საქმეთა სამინისტროს სოციალური გარდაქმნის პროგრამის (მატრა) ფარგლებში.
შეხვედრა გადაიცემა ონლაინ რეჟიმში მისამართე www.presscafe.ge
ასევე მაყურებელს შესაძლებლობა ექნება გამოხატოს საკუთარი მოსაზრება და დასვას კითხვები facebook-ის გვერდის მისამართზე: თავისუფალ ჟურნალისტთა სახლი, ან skype-ს საშუალებით: presskafe.batumi
მისამართი: ბათუმის პრესკაფე (საბაჟოსა და მელაშვილის ქუჩების შესახვევი 2/1)
დამატებითი ინფორმაციისათვის დაუკავშირდით:
ასლან ჭანიძე – 593 39 71 55
ცაგო კახაბერიძე
სჭიდება თუ არა ახალ ფრაქციას მანქანა, რისთვისაც მუნიციპალიტეტის საკრებულომ ბიუჯეტში 15 000 ლარი გაითვალისწინა; ვისი კაბინეტია უფრო დიდი და ვის და რატომ უყიდა ან არ უყიდა საკრებულომ ლეპტოპი; სჭირდება თუ არა სახანძრო სამსახურს ახალი მანქანა და რატომ დგას ყველა სხდომაზე ტუალეტის შეკეთების საკითხი – ამ და სხვა თემებზე დღეს ხელვაჩაურის საკრებულოში სამი საათის განმავლობაში კამათობდნენ.
ნანა კვაჭაძე
კაროლინი 32 წლისაა. ქერა თმა და მხიარული ღიმილი აქვს, ასაკით უფრო უმცროსი გეგონებათ. სედრიკი 40-ისაა. საფრანგეთში სასკოლო ავტობუსის მძღოლი იყო მანამ, სანამ გადაწყვეტდა, რომ ეს არ იყო ის, რისი გაკეთებაც მას უნდოდა. ახლა ორივენი მოგზაურები არიან. მხრებზე დიდი ზურგჩანთები აქვთ, ფეხზე მოხერხებული ფეხსაცმელები აცვიათ და ათასობით კილომეტრს გადიან.
<!** Image 1 align="middle" width="600" height="2448" >
ტურიზმისა და კურორტების დეპარტამენტის მიერ 2012 წლის განმავლობაში ჩატარებულ იქნა სარეკლამო კამპანიები შემდეგ მიზნობრივ ქვეყნებში: თურქეთი, პოლონეთი, ისრაელი. განხორციელებულმა სარეკლამო კამპანიებმა ხელი შეუწყო პირველად რეგიონის ისტორიაში ევროპიდან ჩარტერული ტურისტული ავიაფრენების დანიშვნას.
<!** Image 2 align="left" width="600" height="2448" >
ინგა ხალვაში
რა ვიცი თანამედროვე სახვითი ხელოვნების შესახებ? ბევრი არაფერი. რაც მინახავს, ნაკლებად ორიგინალში, უფრო მეტად ფოტოებითა და ინტერნეტით, იმათ ჩემზე დიდი შთაბეჭდილება არ მოუხდენიათ. ამდენად შემფასებლად ვერ გამოვდგები. მხოლოდ ემოციების დონეზე თუ შემიძლია შთაბეჭდილებების გაზიარება. ამის მიზეზი, ვფიქრობ ის არის, რომ ამ დარგის ნიმუშებს იშვიათად ვხვდები და ინტერესიც ნაკლებია.
„20/12“ -ის პრემიერა „აპოლოში”
ნანა კვაჭაძე
12 რეჟისორი, 12 მოკლემეტრაჟიანი ფილმი წელიწადის თვეების მიხედვით – 17 დეკემბერს კინოთეატრ „აპოლოში” „თიბისი ბანკის“ მიერ დაფინანსებული მოკლემეტრაჟიანი ფილმების ალმანახის პრემიერა შედგება. პირველი, რვაწუთიანი ფილმის რეჟისორი შოთა გუჯაბიძეა. „ბოლო სადგური” – ასე ეწოდება სურათს, რომელშიც მთავარ როლებს ბერდია ინწკირველი და ზურაბ ქავთარაძე ასრულებენ.
ქობულეთის გამგეობის თანამშრომლების თქმით პოლიცია გამგებლის სასწრაფოდ გადადგომის მოთხოვნით გამგეობაში შეჭრილ პირებთან მოლაპარაკებებს აწარმოებს. ადგილზე იმყოფება აჭარის პოლიციის უფროსი ვალერი თელიაც. მისი თქმით, ამ დროისათვის ქობულეთის გამგეობაში უცხო პირები აღარ იმყოფებიან. უშუალოდ ვისი ორგანიზებით და ვინ შეიჭრა ქობულეთის გამგეობის შენობაში, დაიწყება თუ არა ინციდენტის მოკვლევა – ამ საკითზებზე პასუხისათვის ვალერი თელიამ შსს პრესსამსახურში გადაგვამისამართა.
შეგახსენებთ, რომ ქობულეთის გამგეობის შენობაში დღეს 100-150 -მდე ადამიანი შეიჭრა გამგებლის, თენგიზ ზოიძის გადადგომას მოთხოვნით.
ქობულეთის საკრებულოს თავმჯდომარის, ელგუჯა ბაგრატიონის თქმით გამგეობის შენობაში გამგებლის გადადგომას „ქართული ოცნების” მხარდამჭერები ითხოვდნენ. საკრებულოს თავმჯდომარის თქმით, არ არ უთქვამთ გამგებლის პოსტზე ვისი დანიშვნა უნდოდათ.
ანზორ თხილაიშვილმა, უმაღლეს საბჭოში ქობულეთის მაჟორიტარი დეპუტატი „ქართული ოცნებიდან” „ბათუმელებთან“ განაცხადა, რომ ინციდენტის შესახებ იცის, თუმცა ეს მისგან დამოუკიდებლად ხდება: „აბსოლუტურად დამოუკიდებლად ხდება ეს ყველაფერი, არ ვიცი ვისი ორგანზიებით, არა ვარ საქმის კურსში. არ ვაპირებ ამ პროცესებში ჩარევას, ვემიჯნები ამ პროცესებს. ჩემი აზრით ეს არის კანონდარღვევა.”
ირაკლი დარცმელიძე
ბათუმის „დინამოს“ მარცხენა გარემარბმა ნიკა დიასამიძემ უკვე მიიპყრო სპეციალისტთა ყურადღება. ნახევარმცველისთვის 12 შეხვედრაში 5 გოლის გატანა ურიგო შედეგი არ არის. „ბათუმელებისთვის“ ცნობილი გახდა, რომ დიასამიძით თბილისის „დინამო“ დაინტერესდა და, სავარაუდოდ, მეორე წრეს დედაქალაქურ კლუბში გააგრძელებს. თავად ფეხბურთელი ამ ფაქტს არც ადასტურებს და არც უარყოფს.
<!** Image 1 align="left" alt="ნიკა დიასამიძე" sub="ნიკა დიასამიძე" width="400" height="1333" >
ირაკლი დარცმელიძე
ბათუმის სასპორტო სკოლასთან არსებული ბავშვთა ფეხბურთის გუნდი იმერეთის ზონის გათამაშების ლიდერია. ტურნირი წარსულში ცნობილი ქართველი ფეხბურთელის გივი ნოდიას თასის გათამაშებაცაა და ბათუმელები მის მოპოვებასთან საკმაოდ ახლოს არიან.
„ბათუმელები“ გუნდის მთავარ მწვრთნელს, ავთანდილ კუნჭულიას ესაუბრა.
<!** Image 1 align="middle" width="500" height="720" >
ირაკლი დარცმელიძე
ბაქოში გამართულ საერთაშორისო ტურნირზე მშვილდოსნობაში აჭარის ნაკრებმა (მწვრთნელი თამაზ ფუტკარაძე) საერთო გუნდურ ჩათვლაში მესამე ადგილი დაიკავა როგორც გოგონათა, ასევე ვაჟთა შორის. ტარიელ ქადიძის, ტარიელ ბასილაძისა და არჩილ ფარსენაძის სამეულმა ბრინჯაო მოიგო.
<!** Image 1 align="middle" width="400" height="720" >
ირაკლი დარცმელიძე
<!** Image 1 align="left" alt="მუხრან ვახტანგაძე" sub="მუხრან ვახტანგაძე" width="300" height="300" >აჭარის ჭიდაობის ფედერაციას ამიერიდან მსოფლიო ჩემპიონი, სიდნეის ოლიმპიური თამაშების პრიზიორი მუხრან ვახტანგაძე უხელმძღვანელებს. ყოფილმა პრეზიდენტმა რაულ თავართქილაძემ, რომელიც ფედერაციას 2004 წლიდან თავკაცობდა, თანამდებობა საკუთარი სურვილით დატოვა. კენჭს სამი კანდიდატი იყრიდა: არჩილ არობელიძე, მამუკა ჟღენტი და მუხრან ვახტანგაძე. დელეგატებმა უპირატესობა ვახტანგაძეს მიანიჭეს.
ირაკლი დარცმელიძე
ბათუმში აჭარის პარაოლიმპიური კომიტეტი დაფუძნდა, რომელიც შეზღუდული შესაძლებლობების მქონე ადამიანებს გააერთიანებს და მათ სპორტში ჩართვაში შეუწყობს ხელს. კომიტეტის პრეზიდენტად გოჩა მუხაშავრია აირჩიეს, ვიცე-პრეზიდენტად – ლევან ჯიოშვილი და საქართველოს პარაოლიმპიური კომიტეტის გენერალური მდივანი ლევან ოდიშარია, გენერალური მდივანი კი ტიგრან ბირიუკოვი იქნება, რომელიც მის განკარგულებაში მყოფ დარბაზს დაუთმობს სპორტსმენებს..
<!** Image 1 align="middle" width="400" height="400" >
ქეთი ლაბაძე
სტუდენტების ჯგუფმა ბათუმის შოთა რუსთაველის უნივერსიტეტში დამოუკიდებელი კვლევა ჩაატარა. კვლევის მიზანი იყო სტუდენტების დამოკიდებულების გარკვევა თვითმმართველობის არჩევნებთან დაკავშირებით. კვლევის ორგანიზატორებმა 163 სტუდენტი გამოკითხეს, შედეგები ასე გამოიყურება: უნივერსიტეტის გამოკითხულ სტუდენტთა 50 პროცენტი ფიქრობს, რომ სტუდენტური თვითმმართველობის თავმჯდომარე ბათუმელი უნდა იყოს, მიუხედავად იმისა, რომ უნივერსიტეტში აჭარის მუნიციპალიტეტებიდან და საქართველოს სხვა რეგიონებიდან ჩამოსული სტუდენტებიც სწავლობენ.
რა ნიშნის მიხედვით ირჩევენ სტუდენტები მომავალ თავმჯდომარეს? გამოკითხვის შედეგად აღმოჩნდა, რომ სტუდენტების 5 პროცენტი თვითმმართველობის თავმჯდომარეს ნაცნობობით, 4 პროცენტი მეგობრის თხოვნით, 21 პროცენტი პირადი სიმპათიით, 22 პროცენტი აკადემიური მოსწრებით, 2 პროცენტი გარეგნობის მიხედვით, 48 პროცენტი პროგრამის მიხედვით, 6% პროცენტი კი სხვა კრიტერიუმით ირჩევს.
კითხვაზე, დღეს რომ არჩევნები ტარდებოდეს, ვის მისცემდით ხმას, თვითმმართველობის კანდიდატებს შორის ხმები ასე გადანაწილდა: გოჩა სურგულაძე -12%; ზურა მესხიძე – 29 %; გულო თურმანიძე – 26%; ლევან დუაძე – 19%; თავი შეიკავა – 14%.
გამოკითხული სტუდენტების 72 პროცენტი მიიჩნევს, რომ თვითმმართველობის თავმჯდომარეობის კანდიდატები არ უნდა იყვნენ რომელიმე პარტიის წარმომადგენლები, 2 პროცენტს მიაჩნია, რომ პარტიულობა საჭიროა, 26 პროცენტისათვის კი არა აქვს მნიშვნელობა.
თვითმმართველობის თავმჯდომარის ვიზუალური მხარე მნიშვნელოვანია 25 პროცენტისათვის, ნაკლებად მნიშვნელოვანი – 24 პროცენტისათვის, გარკვეულწილად -ასე ფიქრობს 35 პროცენტი. როგორი გარეგნობა ექნება თვითმმართველობის თავმჯდომარეს, ამას მხოლოდ 16 პროცენტისათვის არა აქვს მნიშვნელობა.
გამოკითხულ სტუდენტთა 50 პროცენტს მიაჩნია, რომ თავმჯდომარე უნდა იყოს ბათუმელი, 47 პროცენტისათვის არა აქვს მნიშვნელობა, ხოლო 2 პროცენტი ფიქრობს, რომ არ უნდა იყოს ბათუმელი.
გამოკითხვამ აჩვენა, რომ სტუდენტების 42 პროცენტს სურს მაღალი აკადემიური მოსწრების მქონე თვითმმართველობის თავმჯდომარე, 35 პროცენტისათვის არა აქვს მნიშვნელობა აკადემიურ მოსწრებას; თვითმმართველობის პრიორიტეტები ასე გადანაწილდა: მეცნიერება – 22%, ხელოვნება – 18%, სპორტი – 15%, გამოკითხული 45% პროცენტისათვის კი მნიშვნელობა არა აქვს პრიორიტეტებს.
თვითმმართველობის არჩევნების შესახებ სტუდენტების მხოლოდ 7 პროცენტი ფლობს ამომწურავ ინფორმაციას, 39 პროცენტი ფლობს საკმარის ინფორმაციას, 28 პროცენტი -ბუნდოვან ინფორმაციას, 17 პროცენტი არ ფლობს ინფორმაციას, ხოლო 6 პროცენტი არ არის დაინტერესებული უნივერსიტეტის თვითმმართველობის არჩევნებით.
გამოკითხვაში მონაწილეობდნენ როგორც ბაკალავრიატის სტუდენტები, ასევე მაგისტრანტები და დოქტორანტები. გამოკითხული სტუდენტების ასაკი 18-დან 23 წლამდეა, გამოკითხულთა 63 პროცენტი მდედრობითი სქესისაა, 37 პროცენტი -მამრობითი.
ბათუმის სახელმწიფო უნივერსიტეტში ერაზმუს მუნდუსის მეორე აქტივობის პროექტის „WEBB – მთელი ევროპა საზღვრებს მიღმა“ საინფორმაციო შეხვედრა გაიმართა. პრეზენტაცია გამართა ბოლონიის უნივერსიტეტის წარმომადგენელმა ფრანჩესკა მალტაურომ, რომელმაც გაცვლით პროგრამებზე ესაუბრა სტუდენტებს, აკადემიურ პერსონალსა და მკვლევარებს.
პროგრამა ითვალისწინებს როგორც ბათუმის სახელმწიფო უნივერსიტეტის სტუდენტების, მკვლევარებისა და აკადემიური პერსონალის მობილობას, აგრეთვე იმ პირთა მობილობასაც, რომლებსაც ერთი აკადემიური ხარისხი მოპოვებული აქვთ და მომდევნო ხარისხის მოპოვება სურთ რომელიმე ევროპულ უნივერსიტეტში.
პროექტი სრულად აფინანსებს გრანტის მფლობელის მასპინძელ უნივერსიტეტში მგზავრობისა და დაზღვევის ხარჯებს. ასევე სტუდენტები იღებენ ყოველთვიურ სტიპენდიას 1000-1500 ევროს ოდენობით, მკვლევარები – 1800 ევროს, აკადემიური პერსონალისთვის დასაშვებია მობილობა 1-3 თვის ხანგრძლივობით, თვიური ანაზღაურება – 2500 ევრო.
ბათუმის უნივერსიტეტის ექვსი სტუდენტი „ერაზმუს მუნდუსის გაცვლითი პროგრამით“ დაფინანსდა გიოტინგენისა და ვარშავის (პოლონეთი) სიცოცხლის შემსწავლელ უნივერსიტეტში, ასევე ერთმა პროფესორმა გაიარა სტაჟირება ტალინის უნივერსიტეტში.
ბათუმის უნივერსიტეტში პროგრამის კოორდინატორი ლელა თურმანიძე ამბობს, რომ სტუდენტების დაინტერესება უფრო და უფრო იზრდება: „სტუდენტები უფრო ადვილად ითვისებენ ყველაფერს, გონება უფრო ხალასია, დროსაც უკეთ ანაწილებენ, ერთი უცხო ენაც რომ ისწავლონ, შეუძლიათ ევროპის რომელიმე ქვეყანაში გაიღრმავონ ცოდნა. უცხო ენის შესწავლაში უნივერსიტეტიც ეხმარება, ენის შემსწავლელი ცენტრებია შექმნილი ამისთვის. ერაზმუს მუნდუსის მეორე ეტაპისთვის აპლიკანტთა შერჩევა ამჟამად მიმდინარეობს და უახლოეს დღეებში ცნობილი გახდება მომდევნო სტიპენდიანტების ვინაობა. ვიმედოვნებ, რომ სამი სტუდენტი მაინც შეძლებს სტიპენდიის მოპოვებას ჩვენი უნივერსიტეტიდან.
მესამე ეტაპი გამოცხადდება სადოქტორო დონეზე, საქართველოში გატარებული რეფორმის გამო, ასპირანტურიდან დოქტორანტურაზე რომ გადავიდა ჩვენთან სწავლება, ამას გარკვეული წყვეტა მოყვა, პროგრამაში თავისუფალი ადგილები ვერ აითვისეს საბჭოთა ქვეყნებმა, ამიტომ ცოტათი წესები შეიცვალა. იმ პირებს, რომელთაც დაიცვეს ხარისხი, შეუძლიათ კვლევა აწარმოონ საზღვარგარეთ“, – ამბობს ლელა თურმანიძე. მისი თქმით ამჟამად ბათუმის უნივერსიტეტში ხუთი გაცვლითი პროგრამა ფუნქციონირებს. ბათუმის უნივერსიტეტში კი „ერაზმუს მუნდუსის“ პროგრამით ორი პოლონელი სტუდენტი სწავლობს.
„ერაზმუს მუნდუსი“ არის თანამშრომლობისა და მობილობის პროგრამა უმაღლესი განათლების სფეროში, რომელიც მიმართულია ევროპული უმაღლესი საგანმანათლებლო სისტემის ხარისხის გაუმჯობესებისკენ. გაცვლით პროგრამაში მოხვედრის მსურველებმა აპლიკაცია უნდა შეავსონ პროექტის ვებგვერდზე https://www.unibo.it//WEBB/
<!** Image 1 align="left" alt="ბათუმის მე-9 საჯარო სკოლის მოსწავლეები" sub="ბათუმის მე-9 საჯარო სკოლის მოსწავლეები" width="600" height="576" >
ლელა დუმბაძე
შორენა, მეგი, სოფო, ჯაბა და მარიამი საჯარო სკოლის მოსწავლეები არიან. მათთვის სასკოლო ფილმების მომზადება ერთგვარი აზარტიც არის და თვითდამკვიდრების გარკვეული ფორმაც. „რატომ ვიღებთ სასკოლო ფილმებს? – ალბათ იმიტომ, რომ გვინდა, ის პრობლემები, რაზეც ჩვენ ვაკეთებთ აქცენტს, მოგვარდეს. საზოგადოებაც ჩვენ ირგვლივ შეიცვალოს. მართალია, მოსწავლის აზრს დღეს არ აქვს დიდი გავლენა, მაგრამ ჩვენ მაინც ვცდილობთ“ – ამბობენ მე-9 საჯარო სკოლის მოსწავლეები.
<!** Image 1 align="" width="300" height="300" >
აპირებს თუ არა ბათუმის შოთა რუსთაველის უნივერსიტეტი ჩივილს 2007 წლის 8 ნოემბერს უნივერსიტეტის მშვიდობიანი აქციის დარბევასთან დაკავშირებით? „თუ აღნიშნული ფაქტი არ იქნება გამოძიებული, უნივერსიტეტი ვერ მოიპოვებს ავტონომიურობას“, – ასე ფიქრობს გოჩა სურგულაძე. გოჩა სტუდენტური მოძრაობა „ალტერნატივას“ წევრია. „ალტერნატივას“ ერთ-ერთი მიზანი ამ ფაქტის გამოძიებაა: „მივმართეთ გენერალურ პროკურორს, არჩილ კბილაშვილს ამ ფაქტის გამოძიების თხოვნით. ყველა დამნაშავე უნდა დაისაჯოს, გამოძიება დაწყებული იყო ამ ფაქტთან დაკავშირებით, თუმცა ყველაფერი შეაჩერეს, სტუდენტები და ლექტორები იყვნენ დაშინებულები, ამიტომ საჭიროა ხელახლა დაიწყონ პროცესი“.
