ტურიზმის დეპარტამენტის სტატისტიკა ტურისტები რაოდენობაზე




ტურიზმისა და კურორტების დეპარტამენტის მიერ 2012 წლის განმავლობაში ჩატარებულ იქნა სარეკლამო კამპანიები შემდეგ მიზნობრივ ქვეყნებში: თურქეთი, პოლონეთი, ისრაელი.  განხორციელებულმა სარეკლამო კამპანიებმა ხელი შეუწყო პირველად რეგიონის ისტორიაში ევროპიდან  ჩარტერული ტურისტული ავიაფრენების დანიშვნას.

2012 წელს პოლონეთიდან განხორცილედა 16 ავიაფრენა. პოლონეთიდან ტურისტების საერთო რაოდენობამ შეადგინა 22 288 ტურისტი, რაც გასულ წელთან შედარებით 937%-იან ზრდას მიუთითებს. ისრაელიდან განხორცილედა 20 ავიაფრენა, ხოლო ტურისტების საერთო რაოდენობამ შეადგინა – 29 132 ტურისტი,  რაც გასულ წელთან შედარებით 193%-ით მეტია. 2012 წლის მიზნობრივი პროგრამის ფარგლებში ტურიზმის დეპარტამენტმა ორგანიზება გაუწია შემდეგ სარეკლამო საინფორმაციო ტურებს უცხოელი ჟურნალისტებისა და ტურ-ოპერატორებისათვის: უკრაინა, რუსეთი, პოლონეთი, ისრაელი, თურქეთი, ბელორუსია. ასევე პროგრამის ფარგლებში დამზადებული იქნა 18 სახეობის სარეკლამო საინფორმაციო მასალა. აჭარის რეგიონის ტურისტული პოპულარიზაციის მიზნით, მიმდინარე წელს დეპარტამენტი წარმოდგენილი იყო 15-მდე ტურისტულ გამოფენებსა და კონფერენციებზე.

 

ზემოაღნიშნულიდან გამომდინარე, რეგიონში ჩამოსული ტურისტების რაოდენობის სტატისტიკური ანალიზით 2012 წლის 17 დეკემბრის მდგომარეობით აჭარაში სულ ჩამოვიდა  1 483 493  ტურისტი,  რაც 2011 წლის იგივე პერიოდთან შედარებით 18,7 %-ით  მეტია. მათ შორის 743 076  შიდა ტურისტი და 740 417 უცხოელი ტურისტი. თუმცა უნდა აღინიშნოს, რომ წელს შიდა ტურისტების რაოდენობამ იკლო 7%-ით, მაგრამ უცხოელ ტურისტთა რიცხვი 63%-ით გაიზარდა. ბოლო 3 თვის მონაცემებით  (ოქტომბერი – დეკემბერი) რეგიონში ჩამოსული ტურისტების რაოდენობა შემცირებულია, ამ დროისათვის ჩამოსულია 80 000 ტურისტი, რაც  გასული წლის იგივე პერიოდთან შედარებით 68 %-ით ნაკლებია.

 

შიდა ტურიზმის ხელშეწყობის პროგრამის ფარგლებში რეგიონის მასშტაბით დეპარტამენტმა ორგანიზება გაუწია გადამზადების კურსებს ტურისტული ობიექტების წარმომადგენელთათვის, ასევე მომზადებულია რეგიონის ტურისტული ნიშნულების სისტემის პროექტი, ჩატარდა „ტურიზმის კვირეული“, სოფელ ჩაისუბანში მოეწყო ახალი ტურისტული მიმართულების „ფრინველებზე დაკვირვების“ ადგილის ინფრასტრუქტურა და ასევე ჩატარდა პირველი საერთაშორისო ფრინველებზე დაკვირვების ფესტივალი.

 

ასევე, სათამაშო ტურიზმის განვითარების მიზნით, 2012 წლის სექტემბერში პირველად ბათუმში გაიმართა „კაზინოს ინვესტორთა საერთაშორისო კონგრესი“, რომელშიც მონაწილეობა 20 ქვეყნის 120-მდე წარმომადგენელმა მიიღო.

 

2013 წლისათვის, რეგიონში ტურისტთა რაოდენობის ზრდის მიზნით დეპარტამენტი აწარმოებს მოლაპარაკებებს მიზნობრივი ბაზრების: პოლონეთის კომპანია „იტაკასთან“, ისრაელის კომპანია „ეშეტ ტურთან“ და ყაზახეთის კომპანიებთან 2013 წელს ამ ქვეყნებიდან ჩარტერული ტურისტული ფრენების გაორმაგებული რაოდენობით დანიშვნასთან დაკავშირებით. 



 


2012 წელს ტურისტების რაოდენობის შესახებ შემაჯამებელი ინფორმაცია მომზადებულია აჭარის ტურიზმისა და კურორტების დეპარტამენტის მიერ 


ნეტგაზეთის მასალების სხვა გამოცემებში გადაბეჭდვის წესი
Nana Kvachadze