Author Archives: ბათუმელები

დღეიდან საქართველოს შინაგან საქმეთა სამინისტროს “112”-ის დეპარტამენტის ახალი, უფასო სერვისი – SMS და ვიდეოზარი, რომელიც მხოლოდ ყრუ და სმენადაქვეითებული პირებისთვის არის განკუთვნილი, 24 საათის განმავლობაში მთელს საქართველოში იქნება ხელმისაწვდომი. 

ბათუმში, ფიროსმანის ქუჩაზე მდებარე მრავალსართულიან სახლში აივნის მოაჯირი ჩამოიშალა. შემთხვევის შედეგად არავინ დაშავებულა. 

დღეს მერიის გარემოსდაცვითი და სანიტარიული ზედამხედველობის განყოფილების წარმომადგენლებმა ქალაქში მოქმედი სტომატოლოგიური კაბინეტების შემოწმება დაიწყეს. 

საქართველოს სპორტისა და ახალგაზრდობის საქმეთა სამინისტროს პროგრამის “საქართველოს მოხალისეს” ფარგლებში, 67 მუნიციპალიტეტიდან 134 მოხალისე შეირჩევა. კონკურსი ორ მოხალისეზე ხელვაჩაურის მუნიციპალიტეტშიც გამოცხადდა.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტზე დეკანის თანამდებობის დასაკავებლად არჩევნები გამოცხადდა. 

შს სამინისტროს ინფორმაციით, თბილისის ინტერპოლის ეროვნული ცენტრალური ბიუროსა და საპატრულო პოლიციის დეპარტამენტის აჭარის მთავარი სამმართველოს თანამშრომლებმა, ჩატარებული ერთობლივი ღონისძიების შედეგად, თურქეთის რესპუბლიკიდან საქართველოში შემოსვლისას ბრიუსელის ინტერპოლის მიერ 18.11.2014 წლიდან საერთაშორისო დონეზე ძებნილი, თურქეთის რესპუბლიკის მოქალაქე, 15.01.1977 წელს დაბადებული მუზაფერ უსტაბაში დააკავეს. 

პრემიერის მოწოდებაზე „ქამრების შემოჭრასთან“ დაკავშირებით არამხოლოდ აჭარის სამთავრობო სტრუქტურებში, არამედ თვითმმართველ ორგანოებშიც იმსჯელეს და შესაბამისი გადაწყვეტილება მიიღეს. მთავრობა ქამრებს ადმინისტრაციული ხარჯების ნაწილში შემოიჭერს და ცვლილება სახელფასო-საპრემიო პოლიტიკას არ შეეხება. სად წავა დანაზოგი? – ბათუმის მერიაში განმარტეს, რომ დანაზოგი ინფრასტრუქტურულ პროექტებზე გადანაწილდება. ეს იმ ფონზე, როცა მერია სწორედ ინფრასტრუქტურული პროექტებისთვის გამოყოფილ მილიონობით ლარს წლიდან წლამდე ვერ ხარჯავს. 

4 აპრილს ბათუმის საზღვაო ჰოსპიტალში კონსულტაციებს ჩაატარებს ოფთალმოლოგი, კლინიკა “ახალი მზერის” ხელმძღვანელი, პროფესორი მერაბ დვალი. 

ჩაწერის მსურველებმა დარეკეთ წინასწარ ნომერზე: 27 25 88

მისამართი: ბათუმი, მელიქიშვილის ქ. #102 ბ

ირაკლი ღარიბაშვილი დღეს ჟურნალისტების კითხვებს პასუხობს. პრესკონფერენციაზე მან აჭარის უმაღლეს საბჭოში განვითარებულ მოვლენებზეც ისაუბრა და განმარტა, რომ „კანონის ფარგლებში აჭარის უმაღლეს საბჭოში განვითარებული მოვლენები კონტროლის ქვეშ არის.”

 ადვოკატი და პროკურორი თანაბარი უფლებებით უნდა სარგებლობდნენ – ამას კანონი აწესებს. თუმცა ადვოკატები ამბობენ, რომ სახელმწიფო ბრალმდებლებთან შედარებით არათანაბარ პირობებში არიან, მაგალითად, კანონით პროკურორს ისიც კი შეუძლია, რომ ადვოკატის მიერ მოპოვებული მტკიცებულება სათავისოდ გამოიყენოს.

ბონის კულტურის სახლში თეატრალური დასის “ცისარტყელას” პრემიერა გაიმართა. დასის წევრები ინკლუზიური და ინტეგრირებული ჯგუფის  მოზარდები არიან. 

ხელვაჩაურის მუნიციპალიტეტის ვებგვერდზე გამოქვეყნებული ინფორმაციის თანახმად,  მუნიციპალიტეტში ახალი აგრარული ბაზარი დაიწყებს ფუნქციონირებას. ადგილობრივმა თვითმმართველობამ გადაწყვეტილება მიიღო და ტერიტორია შეარჩია, სადაც თანამედროვე ტიპის რკინის კონსტრუქციის ბაზარი მოეწყობა. 

25 მარტს ბათუმის კომუნალური ინფრასტრუქტურის რეაბილიტაციის პროექტის III ფაზის სამუშაოების ფარგლებში, ჩაქვის წყლის სისტემის რეაბილიტაცია დაიწყო – ინფორმაციას ამის შესახებ ბათუმის მერიის პრესსამსახური ავრცელებს. 

25 მარტს ქობულეთის მუნიციპალიტეტის სოფელ აჭყვისთავის სკოლის ოთხმა მოსწავლემ შიმშილობა განაახლა. ორი მოსწავლის მშობელი, პედაგოგი ხათუნა მენაბდე, რომელიც სკოლის დირექციამ რამდენიმე დღის წინ გაათავისუფლა სამსახურიდან, ამბობს, რომ მათი შიმშილობის მიზეზი ამჯერადაც იგივეა – მოსწავლეები მიიჩნევენ, რომ სკოლის დირექტორმა ისინი განზრახ შეიყვანა შეცდომაში და ექსტერნის გამოცდებზე არასწორი პასუხი შემოახაზვინა. ხათუნა მენაბდის თქმით, მოსწავლეები ითხოვენ დირექტორმა სკოლა დატოვოს. თუმცა აჭარის განათლების სამინისტროს აუდიტისა და ინსპექტირების განყოფილების შესწავლის შედეგად, ექსტერნის გამოცდებზე დირექტორის მხრიდან კანონდარღვევა არ იკვეთება.  

აჭარის  განათლების კულტურისა და სპორტის სამინისტრომ „აჭარაში კინოხელოვნების განვითარების ხელშეწყობის“  პროგრამის  ფარგლებში გამოცხადებული  სრულმეტრაჟიანი მხატვრული ფილმების დაფინანსების კონკურსში გამარჯვებული პროექტები დაასახელა. სამინისტროს ინფორმაციით, 2015 წელს სამი კინოპროექტი დაფiნანსდება, თითოეული 80 ათასი ლარით.   

აჭარის  განათლების, კულტურისა და სპორტის სამინისტრომ „სტუდენტთა დახმარების“ პროგრამის ფარგლებში 2012, 2013 და 2014 წელს დაფინანსებული სტუდენტებიდან 2014-2015 სასწავლო წლის მეორე (გაზაფხულის) სემესტრისათვის დაფინანსება გაუგრძელა 394 სტუდენტს, რომლებმაც გადალახეს 71%-იანი ბარიერი და ბოლო (შემოდგომის) სემესტრის განმავლობაში არ ჰქონდათ F და FX შეფასება. 

27 მარტს  „თავისუფალ ჟურნალისტთა სახლის“  ორგანიზებით ბათუმში, ხელოვნების სასწავლო უნივერსიტეტის საკონფერენციო დარბაზში გაიმართება დისკუსია –  „განათლება – წარმატების შესაძლებლობა ყველასთვის“ .  დისკუსიაზე მომხსენებლად მოწვეულია მწერალი, ლიტერატურული პრემია “საბა 2014”-ის მფლობელი – ტორესა მოსი [ვახტანგ მოსიაშვილი].

დღეს, 25 მარტს, ბათუმის რეფერალურ საავადმყოფოში სამშობიარო სახლიდან გადაყვანილი 29 წლის მაია ვერძაძე გარდაიცვალა. პაციენტს ორი ოპერაცია ჩაუტარდა სამშობიარო სახლში, რის შედეგადაც მისი მდგომარეობა დამძიმდა და იგი რეფერალურ საავადმყოფოში გადაიყვანეს. გარდაცვლილის ოჯახის წევრები ბათუმის სამშობიარო სახლის ექიმებს ადანაშაულებენ. 

დღეს, 25 მარტს, ბათუმის სამშობიარო სახლის წინ გარდაცვლილი პაციენტის ოჯახის წევრებმა ქუჩა გადაკეტეს. ისინი საავადმყოფოს დირექციასთან და იმ ექიმებთან შეხვედრას ითხოვდნენ, რომლებსაც ოჯახის წევრები 29 წლის ქალის გარდაცვალებაში ადანაშაულებენ. საავადმყოფოსთან მობილიზებულია საპატრულო პოლიცია.