Batumelebi | სამშობიარო სახლის დირექტორი: ოჯახის წევრებს არარეალური პრეტენზიები აქვთ სამშობიარო სახლის დირექტორი: ოჯახის წევრებს არარეალური პრეტენზიები აქვთ – Batumelebi
RU | GE  

სამშობიარო სახლის დირექტორი: ოჯახის წევრებს არარეალური პრეტენზიები აქვთ

 

დღეს, 25 მარტს, ბათუმის რეფერალურ საავადმყოფოში სამშობიარო სახლიდან გადაყვანილი 29 წლის მაია ვერძაძე გარდაიცვალა. პაციენტს ორი ოპერაცია ჩაუტარდა სამშობიარო სახლში, რის შედეგადაც მისი მდგომარეობა დამძიმდა და იგი რეფერალურ საავადმყოფოში გადაიყვანეს. გარდაცვლილის ოჯახის წევრები ბათუმის სამშობიარო სახლის ექიმებს ადანაშაულებენ. 

 

ნუკრი ბეჟანიძე
ნუკრი ბეჟანიძე

ბათუმის სამშობიარო სახლის დირექტორის, ნუკრი ბეჟანიძის განცხადებით, საავადმყოფომ უკვე მიმართა საქართველოს სამედიცინო საქმიანობის რეგულირების სააგენტოს, შეიწავლოს გარდაცვლილი პაციენტის საქმე. სწორედ სააგენტომ უნდა დაასკვნას, იკვეთება თუ არა საქმეში ექიმების ბრალი.  


„ველოდებით სააგენტოს დასკვნას და იმის მიხედვით გაირკვევა სიტუაცია. ჩვენ შეტყობინება გადავეცით და შეისწვალიან. ოჯახის წევრებს არარეალური პრეტენზიები აქვთ, ზოგიერთი ექიმი საერთოდ არ მონაწილეობდა ამ საქმეში და მათ მიმართაც აქვთ პრეტენზიები, ამიტომ რეგულირების სააგენტო გაარკვევს ამას“ – განაცხადა ნუკრი ბეჟანიძემ „ბათუმელებთან“.

 

საავადმყოფოს დირექტორი დღეს  გარდაცვლილი პაციენტის ოჯახის წევრებს არ შეხვედრია.

 

კითხვაზე, კონკრეტულად რამ გამოიწვია პაციენტის მდგომარეობის გართულება, ნუკრი ბეჟანიძე ამბობს, რომ ეს სერიოზული სიტუაციაა: „მძიმედ შემოვიდა თავიდან, ეს შემიძლია ვთქვა“ – ამბობს ნუკრი ბეჟანიძე.  

 

ნეტგაზეთის მასალების სხვა გამოცემებში გადაბეჭდვის წესი
ნანა კვაჭაძე