Batumelebi | მურმან დუმბაძე ღარიბაშვილს: მის გონებაში, მენტალობაში პრობლემაა მურმან დუმბაძე ღარიბაშვილს: მის გონებაში, მენტალობაში პრობლემაა – Batumelebi
RU | GE  

მურმან დუმბაძე ღარიბაშვილს: მის გონებაში, მენტალობაში პრობლემაა

 

ირაკლი ღარიბაშვილი დღეს ჟურნალისტების კითხვებს პასუხობდა. პრესკონფერენციაზე მან აჭარის უმაღლეს საბჭოში განვითარებულ მოვლენებზე დასმულ შეკითხვასაც უპასუხა და უმაღლესი საბჭოს დეპუტატები: ჯემალ ფუტკარაძე და მედეა ვასაძე, ასევე მურმან დუმბაძე – საქართველოს პარლამენტის ვიცე-სპიკერი ღალატში დაადანაშაულა.


ბატონო მურმან, პრემიერ-მინისტრმა თქვენ და თქვენს თანამოაზრეებს მოღალატეები გიწოდათ..,

ეს არის ღრმა შეცდომა საქართველოს პრემიერ-მინისტრის. ის არის ქვეყნის პირველი პოლიტიკოსი  და ის უნდა იყოს არამარტო მისიანის პრემიერი, არამედ მისი პოლიტიკური ოპონენტის პრემიერ-მინისტრიც. ეს უნდა გააცნობიეროს ახალგაზრდა ღარიბაშვილმა. როგორც ჩანს, მას ჰყავს სუსტი მრჩევლები, ეს სიტყვა მას ერთხელ რომ წამოცდეს, გასაგებია აპატიებდი, მაგრამ პრაქტიკულად ეს სტანდარტია და მის გონებაში, მენტალობაში არის სერიოზული პრობლემა. მირჩევნია ის განვითარდეს და იმ ადამიანებთან, რომლებიც მასთან პოლიტიკურ კონკურენციაში არიან, კონკურენციით მოუგოს.

ვინც პოლიტიკურ ოპონენტს მოღალატეს  უწოდებდა, ის ხელისუფალი საქართველოში არ ცხოვრობს, მაგალითად,  ასლან აბაშიძე ოპონენტებს მოღალატეებს ეძახდა, ასე იქცეოდა მიხეილ სააკაშვილიც. მე მაქვს სურვილი, ირაკლი ღარიბაშილმა, როცა ის ხელისუფლებაში აღარ იქნება,  საქართველოში იცხოვროს.  


ხომ არ აპირებთ მიმართოთ სასამართლოს?

პატივისა და ღირსების შელახვა დაუშვებელია საქართველოს კონსტიტუციით, მაგრამ მე სასამართლოს გზით არ წავალ. გარდა იმისა, რომ პოლიტიკოსი ვარ, პროფესიით მასწავლებელი ვარ და მე ვასწავლი ირაკლი ღარიბაშვილს პოლიტიკურ ოპონენტებთან კონკურენციას. მე სასამართლო არ მაინტერესებს.

 

ნეტგაზეთის მასალების სხვა გამოცემებში გადაბეჭდვის წესი
ნათია როყვა