Batumelebi | აჭარის განათლების სამინისტრომ დაფინანსება 394 სტუდენტს გაუგრძელა აჭარის განათლების სამინისტრომ დაფინანსება 394 სტუდენტს გაუგრძელა – Batumelebi
RU | GE  

აჭარის განათლების სამინისტრომ დაფინანსება 394 სტუდენტს გაუგრძელა

 

აჭარის  განათლების, კულტურისა და სპორტის სამინისტრომ „სტუდენტთა დახმარების“ პროგრამის ფარგლებში 2012, 2013 და 2014 წელს დაფინანსებული სტუდენტებიდან 2014-2015 სასწავლო წლის მეორე (გაზაფხულის) სემესტრისათვის დაფინანსება გაუგრძელა 394 სტუდენტს, რომლებმაც გადალახეს 71%-იანი ბარიერი და ბოლო (შემოდგომის) სემესტრის განმავლობაში არ ჰქონდათ F და FX შეფასება. 

 

დაფინანსება მიიღეს ბათუმის შოთა რუსთაველის, ივანე ჯავახიშვილის უნივერსიტეტების, საზღვაო აკადემიისa და სხვა უმაღლესი სასწავლებლების სტუდენტებმა. 


2015 წლის „სტუდენტთა დახმარების“ პროგრამის ფარგლებში სულ გათვალისწინებულია 951 სტუდენტის დაფინანსება. 


სტუდენტთა დახმარების ქვეპროგრამით გათვალისწინებული დაფინანსება გაიცემა შემდეგი კატეგორიის სტუდენტებზე: სტუდენტები მაღალმთიანი აჭარიდან: ქედა, შუახევი, ხულო; დედით ან მამით ობოლი, უდედმამო; მრავალშვილიანი ოჯახის წევრი: ოთხი და მეტი შვილი;  სოციალურად დაუცველი: 100 000 ქულა და ნაკლები.

 


ნეტგაზეთის მასალების სხვა გამოცემებში გადაბეჭდვის წესი
"ბათუმელები"