Author Archives: ბათუმელები

ჟურნალისტური ეთიკის ქარტიის საბჭო ეხმაურება 1 სექტემბერს ქედაში მომხდარ ინციდენტს, რომლის დროსაც, აჭარის საზოგადოებრივი მაუწყებლის ინფორმაციით, ტელეკომპანიის ჟურნალისტს სიტყვიერი და ფიზიკური შეურაცხყოფა მიაყენეს. აჭარის პროკურორის სახელზე ჟურნალისტ ლაშა ველიაძის მიერ გაგზავნილ მიმართვაში ნათქვამია, რომ სოფლის მეურნეობის მინისტრის მოადგილე გადამღებ ჯგუფს ხელს უშლიდა ინტერვიუს ჩაწერაში, სამინისტროს კიდევ ერთმა ჩინოვნიკმა მირზა სუქნიშვილმა კი ჟურნალისტს სიტყვიერი შეურაცხყოფა მიაყენა, რასაც ფიზიკური დაპირისპირებაც მოჰყვა.

2 სექტემბერს ხელვაჩაურში, პოლიციის გადასახვევთან, მკვლელობა მოხდა.  მოკლულია 45 წლამდე ასაკის ქალი, რომელიც ხელვაჩაურში მდებარე მაღაზიაში მუშაობდა. „ბათუმელების“ ინფორმაციით მკვლელობას თვითმხილველიც ჰყავს, მამაკაცი, რომელმაც ქალის მიშველება სცადა, ასევე დაჭრილია. 

აჭარის უმაღლეს საბჭოში დღეს, 4  საათზე,  ბიუჯეტში ცვლილებების შესახებ იმსჯელებენ, მათ შორის ბათუმში სტადიონისა და საავადმყოფოს მშენებლობისათვის გამოყოფილი თანხის ახალშექმნილ  შპს „სტადიონის“ კაპიტალში გადატანაზე.  

4 სექტემბერს ბათუმში, ანბანის კოშკის ტერიტორიაზე, ტერასა Gravity Chill Out-ი და კაფე-ბარი Gravity გაიხსნება.

დარჩება თუ არა ბათუმს ზუბალაშვილისა და ბარათაშვილის ქუჩების კვეთაში მდებარე გამწვანებული ადგილი, როგორც სკვერი, გაურკვეველია. საკათედრო ტაძრის მიმდებარე ტერიტორიას ოფიციალურად სკვერის სტატუსი ისედაც არ აქვს. შესაბამისად, მისი დანიშნულების შეცვლას, გასხვისებას თუ განადგურებასაც კი [ამ სიტყვის პირდაპირი მნიშვნელობით], კანონი არ კრძალავს.

გარღვეული ბიუჯეტი ბათუმის მერიისთვის „ჩვეულ ამბად“ იქცა. გასულ წელს მერიას ნაშთის სახით 30 მილიონზე მეტი ლარი მორჩა. წელს, პირველი კვარტლის შესრულების ანგარიშის მიხედვით კი, დაგეგმილი 11 მილიონი ლარი ვერ დახარჯეს. საკრებულო ხელს მერიისკენ იშვერს. მერია დუმს ან ყველაფერს ჩაშლილ ტენდერებს, იმ კონტრაქტორებს აბრალებს, რომლებმაც ვალდებულება ვერ შეასრულეს. ეს ყოველ კვარტალში მეორდება. ვინ არის შეუსრულებელ ბიუჯეტზე პასუხისმგებელი? – არჩეული მერი, არჩეული საკრებულო თუ ორივე ერთად? რა შეიძლება მოხდეს, თუ წლის ბოლოს ბიუჯეტში აუთვისებელი მილიონები გაიზრდება? – ამ საკითხზე „ბათუმელები“ სამოქალაქო საბჭოს წევრს ნათია აფხაზავას ესაუბრა.

ბათუმის დელფინარიუმთან ჩატარებულ აქციასთან დაკავშირებით საქართველოს ცხოველთა დაცვის ფედერაცია აქციის ამსახველ ვიდეომასალებსა და  განცხადებას ავრცელებს: “ნაცემია ცხოველთა შვიდი დამცველი. ერთ-ერთი ჩვენგანი თავდაცვის მიზნით ჯიბით ატარებს წიწაკის არომატის აირის გამშვებ საშუალებას და სწორედ ეს გამოიყენა იმ დროს,  როცა მას თავს დაესხა დელფინარიუმის დაცვა, რაც კარგად ჩანს ჩვენ მიერ გადაღებულ ვიდეოებში, რომლებსაც ახლა ვავრცელებთ. ყველა ფაქტი დაფიქსირებულია უკვე სასწრაფო სამედიცინო დახმარების, პოლიციისა და სამხარაულის სასამართლო ექსპერტიზის ბიუროს მიერ, ის ტყუილები და ბრალდებები, რაც ჟურნალისტებთან ილაპარაკა ჩვენზე დელფინარიუმის მენეჯერმა, კიდევ უფრო დაუმძიმებს მას მდგომარეობას.” – ნათქვამია განცხადებაში.

ხვალ, 2 სექტემბერს, აჭარის ჯანდაცვისდაცვის მინისტრი ნუგზარ სურმანიძე და მინისტრის პირველი მოადგილე ლევან გორგილაძე ხულოს მუნიციპალიტეტს ეწვევიან. ვიზიტის ფარგლებში მინისტრი და მოადგილე ხულოს მუნიციპალიტეტის გამგებელ ბესიკ ბაუჩაძესთან ერთად, დიოკნისისა და რიყეთის პირველადი ჯანდაცვის ცენტრებს მოინახულებენ, შეხვდებიან სამედიცინო პერსონალს და გაეცნობიან მათი საქმიანობის მიმდინარეობას.ანამატ

აჭარაში, ხულოს მუნიციპალტეტში მდებარე მწვანე ტბაში იარაღია ჩაძირული. ეს ინფორმაცია „ბათუმელებთან“ „წყალქვეშა ცურვის ასოციაციის“ ხელმძღვანელმა დავით ნიკოლეიშვილმა დაადასტურა. მისი თქმით, მწვანე ტბაში ჩაძირული იარაღი აქ პირველად 2006 წელს ნახეს, თუმცა მას შემდეგ ტბის განნაღმვა არ მომხდარა.  

სატრანსპორტო ინფრასტრუქტურის მართვის სააგენტოს ინფორმაციით, დღეის მონაცემებით,  ბათუმში პარკირების წესების დარღვევის გამო – 200 ადამიანი დაჯარიმდა. მათგან 2 – დგომის მეთოდის დარღვევის გამო, 29 – ნიშანში დგომის გამო, 3 – ტროტუარზე დგომის გამო, 166 კი პარკირების საფასურის გადახდის გარეშე დგომისთვის.

შსს სამინისტროს ცნობით, აჭარის მთავარი სამმართველოს თანამშრომლებმა, ოპერატიული ინფორმაციის საფუძველზე ჩატარებული საგამოძიებო ღონისძიებების შედეგად, ბათუმში მცხოვრები, 1990 წელს დაბადებული შმაგი შ. განსაკუთრებით დიდი ოდენობით ნარკოტიკული საშუალების უკანონო შეძენა-შენახვის და საქართველოში უკანონოდ შემოტანის ბრალდებით, სარფის საბაჟო გამშვებ პუნქტში დააკავეს.