Batumelebi | ”ტბაში წელამდე რომ შეხვიდეთ, შეიძლება ჭურვს დაადგათ ფეხი” – სამხედრო ტექნიკა მწვანე ტბაში ”ტბაში წელამდე რომ შეხვიდეთ, შეიძლება ჭურვს დაადგათ ფეხი” – სამხედრო ტექნიკა მწვანე ტბაში – Batumelebi
RU | GE  

”ტბაში წელამდე რომ შეხვიდეთ, შეიძლება ჭურვს დაადგათ ფეხი” – სამხედრო ტექნიკა მწვანე ტბაში

 

აჭარაში, ხულოს მუნიციპალტეტში მდებარე მწვანე ტბაში იარაღია ჩაძირული. ეს ინფორმაცია „ბათუმელებთან“ „წყალქვეშა ცურვის ასოციაციის“ ხელმძღვანელმა დავით ნიკოლეიშვილმა დაადასტურა. მისი თქმით, მწვანე ტბაში ჩაძირული იარაღი აქ პირველად 2006 წელს ნახეს, თუმცა მას შემდეგ ტბის განნაღმვა არ მომხდარა.  

 

მწვანე ტბა. ფოტო: wikipedia
მწვანე ტბა. ფოტო: wikipedia

„ჩვენ გუშინ ასულები ვიყავით მწვანე ტბაზე, სამთო დაივინგისთვის ეს ტბა საინტერესოა.

როგორც ვიცი აბაშიძის დროს ატარებდნენ აქ საწვრთნელ ვარჯიშებს, ნაწილს ტექნიკისას აფეთქებდნენ, ნაწილს ყრიდნენ ტბაში და წლების განმავლობაში ბევრი იარაღი დაგროვდა. გუშინ მწვანე ტბაზე იყო ხულოს პოლიციაც ამოსული, მათ გვითხრეს, რაღაც გაწმენდითი სამშაოები ჩავატარეთო, მაგრამ დაბალ სიღრმეზეც კი ბევრია იარაღია და არის შემთხვევები, როცა არა აკვალანგისტებს, არამედ ტურისტებსაც კი უპოვიათ იარაღი. 

ტბაში წელამდე, მკერდამდე რომ შეხვიდეთ, შეიძლება ჭურვს დაადგათ ფეხი. მე მეგონა, რომ გაუვნებელყოფილი იქნებოდა, თუმცა ასე არ არის.  

ეს არ არის ახალი ამბავი, ადრეც იყო, ტელევიზიაში, CNN-ზეც კი აჩვენეს, მაგრამ ახლაც  იარაღია, რაც ხელს გვშლის კვლევების ჩატარებაში,“ – ამბობს დავით ნიკოლაიშვილი. 

 

მწვანე ტბა ხულოში, ზღვის დონიდან 2058 მეტრზე მდებარეობს. 

  

ნეტგაზეთის მასალების სხვა გამოცემებში გადაბეჭდვის წესი
"ბათუმელები"