Author Archives: ბათუმელები

5 სექტემბერს საქართველოს ჟურნალისტური ეთიკის ქარტიის საბჭომ  განიხილა აჭარის კულტურული მემკვიდრეობის დაცვის სააგენტოს ხელმძღვანელის, მირანდა ჩარკვიანის საჩივარი გაზეთ „ბათუმელების“ მთავარი რედაქტორის ეთერ თურაძის მიმართ.

6 სექტემბერს, 21: 00 საათზე, ბათუმის სახელმწიფო მუსიკალურ ცენტრში ცნობილი ქართველი მეცო-სოპრანო, ანიტა რაჭველიშვილი იმღერებს. 

ქობულეთის საკრებულომ ქალაქ ქობულეთის ის ტერიტორიები განსაზღვრა, რომლის „ძაღლის ან სხვა შინაური ცხოველის მცირე ოდენობით ფეკალური მასით“ დაბინძურების შემთხვევაში, შინაური ცხოველის მეპატრონე,  საქართველოს კანონის შესაბამისად, 50 ლარით დაჯარიმდება.

სახალხო დღესასწაული „ბათუმობა“ დღის 12 საათზე დაიწყო ევროპის მოედანზე, სადაც „ბათუმობის“ ფარგლებში ფესტივალი „განდაგანა“ იმართება. ევროპის მოედანზე კონცერტი მიმდინარეობს, სადღესასწაულოდაა მორთული დუმბაძის ქუჩა, მოედანზე და აბაშიძის ქუჩაზე  აჭარაში არსებული კომპანიების ნაწარმის გამოფენა-გაყიდვა მიმდინარეობს. აქვეა სხვადასხვა გასართობი ბავშვებისათვის. 5-6 სექტემბერს, ბათუმობის ფარგლებში, სხვადასხვა ასაკის მაყურებლისთვის, თხუთმეტამდე ღონისძიება იგეგმება. 5 სექტემბრის განრიგი იხილეთ აქ. 

აჭარის მთავრობის თავმჯდომარე არჩილ ხაბაძე აჭარის ტელევიზიის ჟურნალისტსა და აჭარის სოფლის მეურნეობის სამინისტროს თანამშრომლებს შორის ინციდენტს გამოეხმაურა. არჩილ ხაბაძის თქმით, აჭარის სოფლის მეურნეობის მინისტრის მოადგილესა და აგროსერვისცენტრის ხელმძღვანელს დროებით უნდა შეუჩერდეთ უფლებამოსილება სიტუაციაში გარკვევამდე და თუ კი მათი მხრიდან დადასტურდება ჟურნალისტურ საქმიანობაში ხელშეშლა, მათ პასუხი უნდა აგონ კანონის წინაშე. 

8 სექტემბერს მოეწყობა „მარათონი სიცოცხლის გადასარჩენად 2015“ . აქციის ფარგლებში, ერას მოედანზე გაიმართება ბათუმის სკრინინგცენტრის სამედიცინო პერსონალის მიერ ორგანიზებული, უფასო კონსულტაციები სარძევე ჯირკვლის ნაადრევი გამოვლენის მეთოდების შესახებ. აქციის მიზანია ქალთა ცოდნის დონის ამაღლება ძუძუს დაავადებების ნაადრევი გამოვლენის მნიშვნელობისა და მეთოდების შესახებ.

ხულოს მუნიციპალიტეტის საკრებულოს „ქართული ოცნება-დემოკრატიული საქართველოს” ფრაქციის თავმჯდომარე ოთარ გელაძე „ოპოზიციურ მედიას“ საყვედურობს და „შერიგებისა და სიკეთის ქმნისკენ“ მოუწოდებს. ფრაქციის თავმჯდომარის კრიტიკა განსაკუთრებით „ტვ 25“-ს შეეხო. მედიის კრიტიკის გარდა ფრაქციის თავის ანგარიშში ოთარ გელაძე დიდ ადგილს უთმობს ყოფილი ხელისუფლების კრიტიკასაც, ხოლო ექსპრეზიდენტ სააკაშვილს „ღორს“ უწოდებს. ოთარ გელაძის ანგარიში ხულოს მუნიციპალიტეტის ვებგვერდზე გამოქვეყნდა. არასამთავრობო ორგანიზაცია „საერთაშორისო გამჭვირვალობა-საქართველოს“ აჭარის ოფისის ხელმძღვანელი მალხაზ ჭკადუა შეუფერებელს უწოდებს საკრებულოს ფრაქციის თავმჯდომარის განცხადებას.   

სატრანსპორტო ინფრასტრუქტურის მართვის სააგენტოს ინფორმაციით, დღეს, 14:00 საათის მონაცემებით, პარკირების წესების დარღვევისთვის ბათუმში 300-ზე მეტი ადამიანი დაჯარიმდა.

ახალგაზრდა იურისტთა ასოციაცია და ბათუმის მრჩეველთა საბჭო  ბათუმის მერისა და საკრებულოს თავმჯდომარის მიმართ საჯარო მიმართვას ავრცელებს, სადაც საუბარია 1-ელ სექტემბერს ქალაქის ბიუჯეტში შეტანილ ცვლილებაზე. კერძოდ, სამოქალაქო მრჩეველთა საბჭო და ახალგაზრდა იურისტთა ასოციაცია უარყოფითად აფასებს 2015 წლის 1-ელ სექტემბერს განხორციელებულ ბიუჯეტის ცვლილებას, განსაკუთრებით „ბათუმის არტ ფესტივალების ქალაქის“ ქვეპროგრამაში დამატებას და 400 ათასი ლარის გამოყოფას „რეკლამის საერთაშორისო ფესტივალის“ ორგანიზებისთვის.  

აჭარის ჯანმრთელობისა და სოციალური დაცვის სამინისტროში მინისტრის, მინისტრის მოადგილეებისა და დეპარტამენტების ხელმძღვანელები მოქალაქეებს ყოველდღიურად ხვდებიან.

ხვალ აჭარაში, უკრაინის ტერიტორიული მთლიანობისთვის მებრძოლი ჯარისკაცების შვილები ჩამოვლენ. 19 ბავშვი ორ მშობელთან ერთად, 2 კვირის განმავლობაში სარეაბილიტაციო ცენტრ “თანა”-ს ბაზაზე დასვენება-რებილიტაციის კურსს გაივლიან.

დღეს აჭარის განათლების მინისტრმა გიორგი თავამაიშვილმა  მოადგილე, ნათია სირაბიძე წარადგინა. მინისტრის ახალი მოადგილე კულტურის სფეროს მიმართულებას გაუწევს კოორდინირებას. 

5 სექტემბერს, 8:30 წუთზე, ბოტანიკური ბაღის ზღვისპირა პარკში ნაჩვენები იქნება გიორგი ვარსიმაშვილის ფილმი “პარიზული ოცნება”.

5-6 სექტემბერს, ბათუმობის ფესტივალის ფარგლებში, სხვადასხვა ასაკის მაყურებლისთვის, თხუთმეტამდე ღონისძიება იგეგმება:

ხვალ, 5 სექტემბერს, ხელვაჩაურის მუნიციპალიტეტის სოფელ ზედა კირნათში „ბათუმის რესპუბლიკური კლინიკური საავადმყოფოს“ ექიმები უფასო სამედიცინო აქციას ჩაატარებენ.

არასრულწლოვნის განზრახ მკვლელობის მცდელობაში ბრალდებულის საქმე ბათუმის საქალაქო სასამართლომ განსახილველად მიიღო. ბრალდებული 20 წლის მამაკაცია. მას სახელმწიფო დამამძიმებელ გარემოებაში მკვლელობის მცდელობას ედავება. ბრალდებულმა უარი განაცხადა ნაფიც მსაჯულთა სასამართლოზე.

ამერიკის შეერთებული შტატების ელჩის მოადგილე ნიკოლა ბერლინერი ბათუმში, საჯარო ბიბლიოთეკაში ამერიკულ კუთხეში ხვდება სტუდენტებს და სკოლის მოსწავლეებს. ორი ქვეყნის დიპლომატიურ ურთიერთობებზე დაიწყო შეხვედრისას საუბარი ელჩის მოვალეობის შემსრულებელმა. 

ახალი ელჩი საქართველოში დაახლოებით სამ კვირაში ჩამოვა, მანამდე კი ელჩის მოვალეობას მისი მოადგილე ასრულებს. 

თემის სამედიცინო პუნქტები 2016 წელს მართვაში მუნიციპალიტეტების გამგეობებს გადაეცემათ. აღნიშნულის შესახებ აჭარის ჯანდაცვის მინისტრის მოადგილეებმა – ლევან გორგილაძემ და ზურაბ თენიეშვილმა ხულოს მუნიციპალიტეტის გამგებელ ბესიკ ბაუჩაძესთან ერთად რიყეთისა და დიოკნისის თემების პირველადი ჯანდაცვის ცენტრების ექიმებთან გამართულ შეხვედრაზე ისაუბრეს. ინფორმაციას ამის შესახებ აჭარის ჯანდაცვის სამინისტრო ავრცელებს. 

“ბათუმელები” გთავაზობთ აჭარის სოფლის მეურნეობის მინისტრის კომენტარს სამინისტროს თანამშრომლებსა და აჭარის ტელევიზიის კორესპონდენტს შორის მომხდარი ინციდენტის შესახებ.

აჭარის ტელევიზიის საინფორმაციო სამსახურის უფროსი შორენა ღლონტი უარყოფს აჭარის სოფლის მეურნეობის სამინისტროს „აგროსერვის ცენტრის“ ექსტენციის სამსახურის უფროსის, მირზა სუქნიშვილის განცხადებას იმის თაობაზე, რომ აჭარის ტელევიზიის რეპორტიორი ლაშა ველიაძე ალკოჰოლის ზემოქმედების ქვეშ იმყოფებოდა იმ დროს, როცა ინციდენტი მოხდა ტელევიზიის გადამღებ ჯგუფსა და აჭარის სოფლის მეურნეობის სამინისტროს თანამშრომლებს შორის. შორენა ღლონტი ამბობს, რომ შემთხვევს დღესვე რეპორტიორსა და ოპერატორს სამხარაულის ექსპერტიზის ბიუროში ჩაუტარეს ექსპერტიზა და არც ერთი მათგანი არ იმყოფებოდა ალკოჰოლის ზემოქმედების ქვეშ. აჭარის ტელევიზიამ ინციდენტის გამოძიების თხოვნით უკვე მიმართა პროკურატურას. საქმის გამოძიებას ითხოვენ არასამთავრობო ორგანიზაციებიც. 

რეკლამის საერთაშორისო ფესტივალის ჟიურის თავმჯდომარე ბერლინის კრეატიული ლიდერობის სკოლის პრეზიდენტი (Berlin School of Creative Leadership) მაიკლ კონრადი იქნება. 

წელს მერია „ბათუმობასთან“ დაკავშირებით მოსახლეობასა და ჩამოსულ სტუმრებს ფერად დღესასწაულს ჰპირდება, რომელიც 5-6 სექტემბერს გაიმართება. დღესასწაულის ბიუჯეტი გასული წლისგან განსხვავებით 100 000 ლარით მეტი – 350 000 ლარი იქნება.