Author Archives: ბათუმელები

პარკირების წესების დარღვევის ამსახველი ფოტოები, გადაღებულია ბოლო რამდენიმე დღის განმავლობაში.

„საერთაშორისო გამჭვირვალობა – საქართველო“ ბათუმის მერიის პროგრამასთან – „იაფი სახლი – სტანდარტული საცხოვრისი თანაქალაქელებს” – დაკავშირებით განცხადებას აქვეყნებს. ორგანიზაცია მიიჩნევს, რომ პროგრამა ხარვეზებით მიმდინარეობს. 

12-14 ოქტომბერს, 11-დან 16 საათამდე, აგროსერვის ცენტრის ქობულეთის ოფისში ისრაელიდან მოწვეული ექსპერტები მესათბურეობით დაინტერესებულ ფერმერებსა და სპეციალისტებს ტრენინგებს ჩაუტარებენ. ტრენინგზე დასწრება ნებისმიერ მსურველს შეუძლია. დამატებითი ინფორმაციის მიღება შესაძლებელია ნომერზე 514 64 40 40.  

7 ოქტომბერს ბათუმის დემოკრატიული ჩართულობის ცენტრში ნარკოდამოკიდებულთა ადვოკატირების კამპანიის პრეზენტაცია გაიმართა. ორგანიზატორების თქმით,  კამპანია არ ემსახურება ნარკოდამოკიდებულების არც დეკრიმინალიზაციას და არც ლეგალიზაციას, მისი მთავარი მიზანია პრობლემის გარშემო სადისკუსიო სივრცის შექმნა.  

ლევან სამხარაულის სახელობის ექსპერტიზის ბიუროს ავტომანქანა ბათუმში დღეს, 7 ოქტომბერს, აბაშიძის ქუჩაზე, ველობილიკსა და ტროტუარზე იყო გაჩერებული. 

ბათუმში ტროტუარებზე, ველობილიკებსა და ავტობუსის გაჩერებებზე პარკირებულ მანქანებს ხშირად შეხვდებით, მათ შორის სახელმწიფო სამსახურების კუთვნილ ავტომანქანებსაც. მანქანის არასათანადო ადგილზე გაჩერების შემთხვევაში რეაგირების უზრუნველყოფა შპს „ბათუმის ავტოპარკინგის“ მოვალეობაა. ჯარიმის რაოდენობა, ადგილზე დაჯარიმების შემთხვევაში, 10 ლარია.  

საქართველოს მოქალაქეები სულ უფრო ნაკლებად ფიქრობენ, რომ ადგილობრივი თვითმმართველობების ორგანოები მათ ინტერესებს გამოხატავენ. მათ მწირი ინფორმაცია აქვთ  მუნიციპალიტეტების მიერ განხორციელებული აქტივობების შესახებ – ასეთია იმ სოციოლოგიური კვლევის შედეგი, რომელიც „კავკასიის კვლევითი რესურსის ცენტრმა“ (CRRC) 2015 წლის აპრილში ჩაატარა, ორგანიზაცია საერთაშორისო გამჭვირვალობა – საქართველოს“ დაკვეთით. CRRC-მა საქართველოს 1867 მოქალაქე გამოკითხა. “საერთაშორისო გამჭვირვალობა – საქართველოს” კვლევის შედეგები დღეს ორგანიზაციის ბათუმის ოფისში რეგიონული წარმომადგენლობის კოორდინატორმა მალხაზ ჭკადუამ გააცნო ჟურნალისტებს. 

შინაგან საქმეთა სამინისტროს საპატრულო პოლიციის დეპარტამენტის მიერ გავრცელებული განცხადების თანახმად, ხვალ, 7 ოქტომბერს, ბათუმში, სამების სახელობის ტაძრის კურთხევასთან დაკავშირებით, 14:00 საათიდან 02:00 საათამდე, ბარცხანის დასახლებიდან სოფელ სამების მიმართულებით, ტაძრის კურთხევაზე დასწრების მსურველთათვის, ასევე ადგილობრივი მოსახლეობისთვის, ავტომანქანებით გადაადგილება იკრძალება.