Author Archives: ბათუმელები

დღეს, 3 ოქტომბერს, ქედის გამგეობაში კონკურსის მესამე ეტაპი გასაუბრება მიმდინარეობს. 10 ვაკანტური პოზიციის დასაკავებლად 41 კონკურსანტი იბრძოლებს. კონკურსანტების ცოდნას კომისის ოთხ წევრი აფასებს.

შს სამინისტროს პრესსამსახურის ცნობით აჭარის პოლიციის დეპარტამენტის ბათუმის საქალაქო სამმართველოს პირველი განყოფილების თანამშრომლებმა, ოპერატიულ-საგამოძიებო ღონისძიებების შედეგად, თურქეთის მოქალაქეები – 1968 წელს დაბადებული მეთინ დ. პროსტიტუციისთვის ადგილის გადაცემის ბრალდებით, ხოლო 1983 წელს დაბადებული თამერ ი. პროსტიტუციისთვის ადგილის გადაცემაში დახმარების ბრალდებით ბათუმში დააკავეს.

შსს-ს აჭარის მთავარი სამმართველოს ქობულეთის რაიონული სამმართველოს თანამშრომლებმა, ავტომანქანის ქურდობის ბრალდებით, 1990 წელს დაბადებული, ამჟამად პირობითი მსჯავრის ქვეშ მყოფი ლაშა გ.  დააკავეს.

ცოტა ხნის წინ, ევროპის მოედანზე ჟურნალისტები და არასამთავრობო სექტორის წარმომადგენლები, ჯურნალისტი ნინო ინაიშვილის მხარდასაჭერად შეიკრიბნენ. ისინი შინაგან საქმეთა სამინისტროს ჟურნალისტზე ზეწოლის ფაქტის დაუყოვნებლივ გამოძიებას და კანონის დაცვისკენ მოუწოდებდნენ.

სატრანსპორტო ინფრასტრუქტურის მართვის სააგენტოს ინფორმაციით, დღეს ბათუმში პარკირების წესების დარღვევაზე უკვე 450 ადამიანია დაჯარიმებული, მათ შორის ყველაზე მეტი -390 მძღოლი, პარკირების საფასურის გადახდის გარეშე დგომის გამო დაჯარიმდა.

დღეს, 2 ოქტობერს, 3 საათზე, ევროპის მოედანზე, “თავისუფალ ჟურნალისტთა სახლი” ჟურნალისტ ნინო ინაიშვილის მხარდამჭერ აქციას გამართავს. აჭარის ტელევიზიის ჟურნალისტს, რომელმაც 30 სექტემბერს პოლიციას შეატყობინა ტელევიზიის კუთვნილი ავტომანქანის გატაცების შესახებ, ქობულეთის პოლიციის უფროსი – ზაქარია გურჩიანი სავარაუდო ბრალდებულის სასარგებლოდ ჩვენების შეცვლას სთხოვდა. 

1 ოქტომბერს მახინჯაურში არსებულ შშმ პირთა სარეაბილიტაციო ცენტრ „თანაში“ კერვის შემსწავლელი ოთახი გაიხსნა. 

როგორც “ბათუმელებს” შინაგან საქმეთა სამინისტროში განუმარტეს, ქობულეთის პოლიციის უფროსზე, ზაქარია გურჩიანის საქმეზე  გენერალურმა ინსპექციამ მოკვლევა დაიწყო. 

გუშინ, 30 სექტემბერს, ქობულეთში, აჭარის ტელევიზიის ქობულეთის ბიუროს ავტომანქანა გაიტაცეს. ამის შესახებ პოლიციას ტელევიზიის ჟურნალისტმა, ნინო ინაიშვილმა შეატყობინა. შეტყობინებიდან გარკვეულ პერიოდში, დაახლოებით ღამის 10 საათიდან სამი საათის განმავლობაში ჟურნალისტი  პოლიციის შენობაში იმყოფებოდა. ჟურნალისტი დაკითხეს, სადაც ის მოყვა თუ როგორ გაიტაცეს მანქანა. დაკითხვიდან გამოსულ ჟურნალისტს სამმართველოს ეზოში დახვდა ქობულეთის პოლიციის უფროსი – ზაქარია გურჩიანი და მას ჩვენების შეცვლა სთხოვა. პოლიციის უფროსთან ერთად პოლიციის ეზოში იმყოფებოდნენ სავარაუდო ბრალდებულის ახლობელი და მისივე ადვოკატი.

გუშინ, 30 სექტემბერს, ქობულეთში, აჭარის ტელევიზიის ქობულეთის ბიუროს ავტომანქანა გაიტაცეს. ამის შესახებ პოლიციას ტელევიზიის ჟურნალისტმა, ნინო ინაიშვილმა შეატყობინა. შეტყობინებიდან გარკვეულ პერიოდში, დაახლოებით ღამის 10 საათიდან სამი საათის განმავლობაში ჟურნალისტი  პოლიციის შენობაში იმყოფებოდა. ჟურნალისტი დაკითხეს, სადაც ის მოყვა თუ როგორ გაიტაცეს მანქანა. დაკითხვიდან გამოსულ ჟურნალისტს სამმართველოს ეზოში დახვდა ქობულეთის პოლიციის უფროსი – ზაქარია გურჩიანი და მას ჩვენების შეცვლა სთხოვა. პოლიციის უფროსთან ერთად პოლიციის ეზოში იმყოფებოდნენ სავარაუდო ბრალდებულის ახლობელი და მისივე ადვოკატი.

მიმდინარე სასწავლო წელს ბათუმის საზღვაო აკადემიამ გამოცხადებულ 550 ადგილზე 540 სტუდენტი მიიღო. აკადემიამ საზღვაო სპეციალობები ასი პროცენტით დააკომპლექტა. რის შეცვლას გეგმავს აკადემია სამომავლოდ და რა ღირს ტრენინგგემი, რომლის შეძენასაც აკადემია რამდენიმე წელია ცდილობს?

ბათუმში, დემეტრე თავდადებულისა და გორგასლის ქუჩების კვეთაში, ელექტროკარადა ღიაა და შიშველი სადენები ჩანს. ამ ტერიტორიაზე ორი სკოლაა: #1 საჯარო სკოლა და სასულიერო გიმნაზია, აქ ყოველდღიურად გადაადგილდებიან მოსწავლეები. ფოტო გადაღებულია დღეს, 1 ოქტომბერს. 

1 ოქტომბერს ხანდაზმულთა საერთაშორისო დღე აღინიშნება. 

სახელმწიფო უბნის ინსპექტორს ქრთამის სახით 300 ლარის აღებას ედავება. პროკურატურის მტკიცებით, ამ თანხით პოლიციელი მოსამართლესა და პროკურორთან საქმის მოგვარებას შეჰპირდა ნაცნობს. სამსახურებრივი მდგომარეობის გამოყენებით თაღლითობაში ბრალდებული ინსპექტორის წინასასამართლო სხდომა გასულ კვირას ბათუმის საქალაქო სასამართლოში გაიმართა. ბრალდებული პოლიციელი სასამართლო პროცესზე დუმილის უფლებით სარგებლობს. ის პატიმრობიდან გირაოს საფუძველზეა გათავისუფლებული.

30 სექტემბერს, დაახლოებით საღამოს 7 საათზე, მახინჯაურში ავტოავარია მოხდა. მახინჯაური-ბუკნარის ხაზზე მოძრავი #13 მუნიციპალური ავტობუსი და ტრაილერი ერთმანეთს შეეჯახა. არიან დაშავებულები.  

ხელვაჩაურის მუნიციპალიტეტის ბიუჯეტი 142 812 ლარით გაიზარდა ტენდერების შედეგად მიღებული ეკონომიის ხარჯზე. 

30 სექტემბერს შპს „სანდასუფთავებამ“ ბათუმში, გმირთა ხეივანისა და ბაგრატიონის კვეთაში პონები დაიჭირა. ქალაქის ტერიტორიაზე დაჭერილი პირუტყვი ადლიაში, სპეციალურ ფარეხში გადაჰყავთ, პირუტყვის გამოსახსნელად მეპატრონემ 20-დან 50 ლარამდე ჯარიმა უნდა გადაიხადოს. ბათუმის სანდასუფთავების სამსახურში ამბობენ, რომ საქონლის დაკავება ხშირად უწევთ. 29 სექტემბერს სამსახურის თანამშრომლებმა ძროხები დაიჭირეს ორბელიანის ქუჩაზე, ასევე ტაბიძისა და აღმაშენებლის კვეთაში. 

ფოტო შპს „სანდასუფთავების“ ფეისბუქგვერდიდან. 

სამთავრობო უწყების აუდიტის დეპარტამენტის ხელმძღვანელს თანამდებობაზე ნიშნავს და ათავისუფლებს იმავე უწყების ხელმძღვანელი, რომლის კონტროლიც ამ აუდიტორის კომპეტენციაა. შიდა აუდიტორის მიერ უწყებაში ან მასზე დაქვემდებარებულ ორგანიზაციაში გამოვლენილი გადაცდომა კი შესაძლოა უწყების თანამდებობის პირის გათავისუფლების ან მის მიმართ საქმის აღძვრის საფუძველი გახდეს.

30 სექტემბერს აჭარის უმაღლესი საბჭოს რიგგარეშე სხდომა კვორუმის არარსებობის გამო არ შედგა. სხდომაზე დასასწრებად რეგისტრაცია უმაღლესი საბჭოს 9 წევრმა გაიარა, რის გამოც საკანონმდებლო ორგანოს თავმჯდომარემ ავთანდილ ბერიძემ განმეორებითი რეგისტრაცია გამოაცხადა. 15 წუთის შემდეგ რეგისტრაციის შედეგები უცვლელი დარჩა.

ბათუმში მრავალსართულიანი კორპუსების ლიფტებს გამოცვლიან. ბათუმის მერიის ინფორმაციით, ამორტიზებული ლიფტები შეიცვალა მემედ აბაშიძის ქ. #60-ში, სადაც ორ სადარბაზოში ახალი ლიფტები დამონტაჟდა. 

აჭარის აგროსერვისცენტრის საზოგადოებასთან სამსახურის ინფორმაციით, ცენტრში ბულგარულის სადემონსტრაციო სათბური ამოქმედდა, სადაც ექვსი სხვადახვა ჯიშის ტკბილი წიწაკაა გაშენებული. ჰოლანდიური ჯიშის წითელი და ყვითელი ბულგარული წიწაკა ფერმერებისთვის ბულგარულის ახალი ჯიშების შესათავაზებლად და საჩვენებლადაა განთავსებული. აგროსერვისცენტრის ინფორმაციით, ბულგარულის სადემონსტრაციო სათბურში განთავსებული ჯიშების სამანდერი, კლაუდიო, კაპი, ცენტური, სნოუვაითი, კურსა და სუნდერი ერთი ნერგი საშუალოდ 3-4 კგ-მდე ნაყოფს იძლევა. ეს ჯიშები უხვმსხმოიარობით გამოირჩევა და თითოეული მათგანი ნაყოფს წლის განმავლობაში უწყვეტად იძლევა. 

29 სექტემბრიდან 3 ოქტომბრამდე აჭარაში პოლონეთის დელეგაცია იმყოფება. დელეგაციის შემადგენლობაში არიან სილეზიის სავოევოდოს რეგიონული პარლამენტის პრეზიდენტი გრეგორ ვოლნიკი, სილეზიის სავოევოდოს ვიცე-მარშალი და მმართველთა საბჭოს წევრი კაზიმირ კაროლჩაკი, რეგიონული პარლამენტის მრჩეველი მარტინა სტარკი-იაჟდჟიკი, მარშალის კაბინეტის დირექტორის მოადგილე დარია კოსმალა, საერთაშორისო თანამშრომლობის განყოფილების წარმომადგნელი კარინა ივანი და ქ. პეკარის მერი სლავა უმინსკა-დურაი.

29 სექტემბერს აჭარის უმაღლესი საბჭოს ბიუროს სხდომაზე ფრაქცია „დემოკრატიულმა აჭარამ“ უმაღლესი საბჭოს თავმჯდომარის მოადგილის თანამდებობაზე დეპუტატ სულხან ღლონტის კანდიდატურა წარადგინა. ეს თანამდებობა ვაკანტურია ცნობილი სკანდალის შემდეგ, როცა „ნაციონალურმა მოძრაობამ“ მმართველი გუნდის წევრი დავით ბაციკაძე გადააყენა. „ნაციონალური მოძრაობა“ დღეს აცხადებს, რომ სულხან ღლონტის კანდიდატურას მხარს დაუჭერს. ამ ორი ფრაქციის დეპუტატების ხმები კი საკმარისია იმისთვის (11 ხმა), რომ სულხან ღლონტი მოადგილედ აირჩიონ. რისი დასაწყისის მანიშნებელია ეს პროცესი – „ბათუმელების“ კითხვებს სულხან ღლონტმა უპასუხა.