Batumelebi | დამოკიდებულება არ უდრის დანაშაულს! – ახალი კამპანია საქართველოში დამოკიდებულება არ უდრის დანაშაულს! – ახალი კამპანია საქართველოში – Batumelebi
RU | GE  

დამოკიდებულება არ უდრის დანაშაულს! – ახალი კამპანია საქართველოში

 

დღეს, 7 სექტემბერს, 12:00 საათზე, ბათუმის დემოკრატიული ჩართულობის ცენტრში ნარკოდამოკიდებულთა ადვოკატირების კამპანიის პრეზენტაცია გაიმართება. როგორც ორგანიზატორები აცხადებენ, „კამპანია არ ემსახურება ნარკოდამოკიდებულების არც დეკრიმინალიზაციას და არც ლეგალიზაციას, მისი მთავარი მიზანია პრობლემის გარშემო სადისკუსიო სივრცის შექმნა, საზოგადოებაში არსებული ინფორმაციული დეფიციტის შევსება, სხვადასხვა ქვეყნის მაგალითის შესწავლა, ექსპერტებისა და საქმეში ჩახედული სხვა პირების ჩართვა“. 

„- რა არის იმის მიზეზი, რომ ნარკოდამოკიდებულება საზოგადოების ლამის ყველა სფეროს ეხება, თუმცა დიდი ნაწილის მიერ აღიქმება კრიმინალად? რამდენად ეფექტური და შედეგების მომცემია ნარკოდამოკიდებულ პირთა დასჯა? რა უნდა გაკეთდეს ქვეყანაში ნარკოდამოკიდებულთა რიცხვის შესამცირებლად?“ – ეს ის კითხვებია, რომლებზე პასუხების ძიება მთელი კამპანიის პერიოდში გაგრძელდება.

 

დღევანდელ პრეზენტაციის დამსწრე საზოგადოებას აჩვენებენ კამპანიის ფარგლებში დამზადებული ვიდეორგოლს, რომელშიც მონაწილეობენ დუტა სხირტლაძე, რუსუდან გოცირიძე, მერსი სულხანიშვილი და სხვა ცნობილი სახეები… – წერია ორგანიზატორების მიერ გავრცელებულ პრესრელიზში. ორგანიზატორებისთვის ბევრი საკამათო თემის მიუხედავად,  ერთი რამ ცხადია:  “დამოკიდებულება არ უდრის დანაშაულს“.

 

“ადამიანები არ უნდა ისჯებოდნენ იმის გამო, რომ არიან ავად, ნარკოდამოკიდებულება კი ისეთივე დაავადებაა, როგორც ნებისმიერი სხვა”, – მიაჩნია AFEW Ukraine-ს წარმომადგენელს, ანასტასია შებარდინას

 

კამპანია ხორციელდება საერთაშორისო საქველმოქმედო ორგანიზაცია AIDS Foundation East West (AFEW – Ukraine) -ის მხარდაჭერით, პროექტის “Bridging The Gaps: Health and rights for key populations” ფარგლებში, ასევე ქართულ არასამთავრობო ორგანიზაციებთან – “თანადგომასთან” და “ბემონთან” თანამაშრომლობით.

 

ნეტგაზეთის მასალების სხვა გამოცემებში გადაბეჭდვის წესი
ბათუმელები