Batumelebi | სად და როდის აიკრძალება ბათუმში მანქანით მოძრაობა – შს სამინისტროს განცხადება სად და როდის აიკრძალება ბათუმში მანქანით მოძრაობა – შს სამინისტროს განცხადება – Batumelebi
RU | GE  

სად და როდის აიკრძალება ბათუმში მანქანით მოძრაობა – შს სამინისტროს განცხადება

 

შინაგან საქმეთა სამინისტროს საპატრულო პოლიციის დეპარტამენტის მიერ გავრცელებული განცხადების თანახმად, ხვალ, 8 ოქტომბერს, ბათუმში, სამების სახელობის ტაძრის კურთხევასთან დაკავშირებით, 08:30 საათიდან 16:00 საათამდე, ბარცხანის დასახლებიდან სოფელ სამების მიმართულებით, ტაძრის კურთხევაზე დასწრების მსურველთათვის, ასევე ადგილობრივი მოსახლეობისთვის, ავტომანქანებით გადაადგილება აიკრძალება.

 

 

 

ავტომანქანებით გადაადგილება სოფელ სამების მოსახლეობისთვის ნებადართული იქნება 19:30-დან 22:00 საათამდე. ტაძრის კურთხევაზე დასწრების მსურველები ავტომანქანებს ბარცხანის დასახლებაში მდებარე ზეთის ქარხნის მიმდებარე ტერიტორიაზე მოწყობილ სპეციალურ ავტოსადგომზე გააჩერებენ.

 

8 ოქტომბერს, სამებას პატრიარქი ილია მეორე ეწვევა.

სამების ტაძრის მშენებლობა რვა წლის წინ დაიწყო. მშენებლობის ფინანსური მხარდამჭერი რუსეთში მცხოვრები ბიზნესმენი შალვა ბრეუსი იყო.

ნეტგაზეთის მასალების სხვა გამოცემებში გადაბეჭდვის წესი
ბათუმელები