ბათუმელები
აშშ-ის საზღვაო ძალების გემი “პორტერი” ბათუმში დღეს, 20 ოქტომბერს შემოვიდა. ოფიციალური დახვედრის ცერემონიალი დილით, 10 საათზე დაიწყო. ხომალდი მე-6 ფლოტში ირიცხება და მისი ამოცანაა „მშვიდობის, სტაბილურიბისა და ეკონომიკური კეთილდღეობის ხელშეწყობა ევროპისა და აფრიკის რეგიონებში”. ხომალდის ეკიპაჟთან დასახვედრად ბათუმში ჩამოვა საქართველოში ამერიკის შეერთებული შტატების ახალი ელჩი, იან კელი.
პოლიციელ თარაშ მუკბანიანის მკვლელობისთვის მოჭიდავე რამაზ დევაძეს სასამართლომ 12 წელი ახლახან მიუსაჯა. გასულ კვირას რამაზ დევაძის დედა – ნაზი ბერიძე და კიდევ ერთი ახლობელი (ვინაობას მისივე თხოვნით არ ვასახელებთ) “ბათუმელებს” დაუკავშირდნენ და ამ საქმესთან დაკავშირებულ ახალ დეტალებზე ისაუბრეს. “ბათუმელები” სტილის დაცვით გთავაზობთ მათ ინტერვიუს.
შს სამინისტროს პრესცენტრში „ბათუმელებს“ განუმარტეს, რომ დღეს, 19 ოქტომბერს, ბათუმში, „ნაციონალური მოძრაობის“ ოფისთან გამართული აქციის მონაწილეებს ადმინისტრაციული კოდექსი არ დაურღვევიათ. „ადმინისტრაციული სამართალდარღვევის ნიშნები არ გამოიკვეთა. დაკავებული არავინ არ არის“, – განაცხადეს შს სამინისტროს პრესსამსახურში.
ხვალ, 20 ოქტომბერს, ბათუმის საკრებულომ რიგგარეშე სხდომაზე საკრებულოს თავმჯდომარის მეორე მოადგილის შტატის დაშვების საკითხი უნდა განიხილოს. ამ მოწვევის საკრებულოს თავმჯდომარეს არჩევიდან დღემდე მეორე მოადგილე არ ჰყოლია. რა გახდა მეორე მოადგილის შტატის მოთხოვნის მიზეზი და სჭირდება თუ არა რეალურად საკრებულოს თავმჯდომარეს ორი მოადგილე? „ბათუმელები“ საკრებულოს თავმჯდომარის მოადგილეს ირაკლი ჩავლეიშვილს ესაუბრა.
ბათუმში საფეხბურთო სტადიონის მშენებლობას აჭარის მთავრობა ყოფილი მანქანათმშენებელი ქარხნის ტერიტორიაზე გეგმავს. ამის შესახებ აჭარის მთავრობის თავმჯდომარემ არჩილ ხაბაძემ, ბათუმის საკრებულოს წერილობით უკვე მიმართა და ამ ტერიტორიასთან დაკავშირებით 2015 წლის მარტში მიღებულ გადაწყვეტილებაში ცვლილების შეტანა სთხოვა. ეს გადაწყვეტილება თვითმმართველი ქალაქის ბათუმის საკუთრებაში არსებული ქონების, შემდგომში მისი პრივატიზების მიზნით, აჭარის მთავრობისთვის გადაცემას ითვალისწინებდა. მაშინ ამ ადგილით კომპანია „ბათუმი მოლ დეველოპმენტი“ იყო დაინტერესებული. კომპანია მთავრობას 30-მილიონიანი ინვესტიციის განხორციელების გარდა 1000 – მდე ადამიანის დასაქმებას ჰპირდებოდა.
დღეს, 19 ოქტომბერს, აჭარის მთავრობის თავმჯდომარე არჩილ ხაბაძე გაეროს ბავშვთა ფონდის (UNICEF) წარმომადგენლებს შეხვდა. შეხვედრაზე ისაუბრეს შშმ ბავშვების დაცვის რეფორმაზე, რომელსაც საქართველოს მთავრობა 2005 წლიდან ახორციელებს. ბავშვზე ზრუნვის სისტემის რეფორმა მიზნად ისახავს ოჯახში ზრუნვის მხარდამჭერი მომსახურებების განვითარებას.
დღეს, 19 ოქტომბერს ბათუმის საქალაქო სასამართლოში ყველა დაგეგმილი სასამართლო პროცესი გადაიდო. სასამართლოს მენეჯერის ინფორმაციით, მოსამართლეები თბილისში იუსტიციის მინისტრთან შესახვედრად იმყოფებიან.
დღეს, ბათუმში, მემედ აბაშიძის გამზირზე, ნაციონალური მოძრაობის ოფისთან რამდენიმე ადამიანი მივიდა და უზარმაზარი ლურსმნები დააჭედეს შენობის კარებს, რომელიც არის კულტურული მემკვიდრეობის ძეგლი. კულტურული მემკვიდრეობის ძეგლია კარიც. ნაციონალური მოძრაობის ბათუმის ოფისის წარმომადგენლების თქმით, იქვე იყო პოლიცია, მაგრამ მათ ძეგლის დაზიანებისთვის ხელი არ შეუშლიათ.
დღეს 19 ოქტომბერს, ბათუმში „ნაციონალური მოძრაობის“ ოფისის წინ ორგანიზაცია „თავისუფალი თაობას“ წევრებმა აქცია გამართეს. აქციის მონაწილეები „ნაციონალური მოძრაობის“ აკრძალვას მოითხოვენ.
ბათუმის შოთა რუსთაველის სახელობის უნივერსიტეტში ორგანიზაცია „მოქალაქეს“ პროექტის „სტუდენტები თვითმმართველობებისთვის“ მეორე ეტაპის პრეზენტაცია გაიმართა. პროექტს შეფასებისა და გამოცდების ეროვნული ცენტრი განახორციელებს. კონკურსისათვის რეგისტრაციის პროცესი 28 სექტემბერს დაიწყო და 10 ნოემბერს დასრულდება.
დღეს, 19 ოქტომბერს „ნაციონალური მოძრაობის“ წევრმა რეზო ხარაზმა აჭარის მთავრობის თავმჯდომარის არჩილ ხაბაძის ნათესავების დასაქმებასთან დაკავშირებით ბრიფინგი გამართა. მისი განცხადებით, ქობულეთის სანდასუფთავების უფროსად არჩილ ხაბაძის დეიდაშვილი რაულ ჩელებაძე დაინიშნა.
ბრიტანული ახალგაზრდული თეატრის Unicorn Theatre რეჟისორი ტარეკ ისკანდერი ბათუმში „ახალ სცენაზე“ სპექტაკლს – „ზამთრის ზღაპარი“ დადგამს. ბრიტანელი რეჟისორი ბათუმში აჭარის განათლების და კულტურისა სამინისტროს საშემსრულებლო ხელოვნების ხელშეწყობის პროგრამის ფარგლებში ჩამოვიდა.
შს სამინისტროს ინფორმაციით, სასაზღვრო პოლიციის საგამოძიებო-ოპერატიული მთავარი სამმართველოს, სახმელეთო საზღვრის დაცვის დეპარტამენტისა და სახელმწიფო უსაფრთხოების სამსახურის კონტრტერორისტული ცენტრის თანამშრომლებმა, ერთობლივად ჩატარებული ოპერატიულ-საგამოძიებო ღონისძიებების შედეგად, მეორე სამმართველოს (ახალციხე) N8 სასაზღვრო სექტორის (კატნატუ) დასაცავ მონაკვეთზე, თურქეთის რესპუბლიკის 2 და სომალის რესპუბლიკის 10 მოქალაქე საქართველოს სახელმწიფო საზღვრის უკანონოდ, ჯგუფურად გადაკვეთის მცდელობის ბრალდებით დააკავეს.
დღეს 19 ოქტომბერს, ბათუმის საკრებულოში აშშ-ის კოლორადოს ქალაქ გოლდენის მუნიციპალიტეტის დელეგაციასთან, საკრებულოს ნარჩენების მართვის მუდმივმოქმედმა კომისიამ შეხვედრა გამართა. გოლდენის დელეგაციის წევრებმა დღევანდელ შეხვედრაზე საზოგადოებასთან ურთიერთობის გეგმა წარმოადგინეს.
ბათუმის საკრებულოს წევრობაზე უარი გელა გვარიშვილმა თქვა, საკრებულოს წევრი „პატრიოტთა ალიანსიდან“ სხდომას რამდენიმე თვეა არ დასწრებია.
ერთი საათის წინ, ბათუმის პორტი საკრუიზო ხომალდმა Prinsendam-მა დატოვა, რომელიც სოჭის მიმართულებით გაემგზავრა. მსხვილი საკრუიზო ხომალდი, ბათუმის პორტში დღეს შემოვიდა.
ბათუმში ჩემი ცხოვრების პირველი თვრამეტი წელი გავატარე და ერთი წუთითაც არ მომბეზრებია აქ ყოფნა, იმიტომ, რომ მიყვარს, მიყვარს ისეთი, როგორიც არის, როგორიც მე აღმოვაჩინე. ჩემი ყოველი გასვლა სახლიდან იყო ახალი აივნის, ახალი კუთხის მაღაზიის, ახალი ყავახანის პოვნა და კადრებად დამახსოვრება.
ცოტა ხნის წინ, „ერთიანი ნაციონალური მოძრაობის” ბათუმის ოფისთან, წამების ამსახველი კადრების გავრცელებასთან დაკავშირებით, არასამთავრობო ორგანიზაცია „ჩვენი უფლებებისთვის” თავმჯდომარე თამაზ ბაკურიძემ და ასევე არასამთავრობო ორგანიზაცია „კორუფციასთან ბრძოლის საინფორმაციო ცენტრის“ ხელმძღვანელმა მერაბ ღოღობერიძემ, 50-მდე მხარდამჭერთან ერთად, აქცია გამართეს.
ფოტოები გადაღებულია ბოლო რამდენიმე დღის განმავლობაში.
წყალსაცავის მშენებლობა დიდაჭარის ხიდთან თაგოს მთის ხედი ხულოდან რიყეთის ხედი ჯვარიკეთიდან ჯვარიქეთის ტყე
დღეს, ბათუმის შოთა რუსთაველის სახელმწიფო უნივერსიტეტის თანამშრომლები, უნივერსიტეტის 80 წლის იუბილესთან დაკავშირებით, მთავრობის წარმომადგენლებმა ღირსების ორდენებითა და საპატიო სიგელებით დააჯილდოეს.
ბათუმის რუსთაველის სახელობის სახელმწიფო უნივერსიტეტში წელს სამი ძირითადი საგრანტო პროგრამა იმუშავებს. ესენია – Tempus-ი, Erasmus + და სტუდენტთა გაცვლითი პროგრამა Mevlana, რომელიც 2013 წლიდან ამოქმედდა. მიმდინარე წელს უნივერსიტეტში ახალი, ჟან მონეს პროგრამაც ამოქმედდება, რომელიც უცხოელი და ქართველი სტუდენტებისთვის ევროპული სამართლის საზაფხულო სკოლას მოიცავს. საზაფხულო სკოლის ფარგლებში ლექციები ბათუმის უნივერსიტეტში ჩატარდება.
ფოტოები გადაღებულია მაღალმთიან აჭარაში, შუახევის რაიონ სოფელ დღვანში.
დღეს ბათუმში, აღმაშენებლის ქუჩა #13-ში, სავაჭრო ცენტრ “ჯიბეს” პირველი ფილიალი გაიხსნა.
„ჯიბე” წარმოადგენს cash&carry ფორმატის პირველ საბითუმო სავაჭრო ცენტრს საქართველოში, სადაც რეგისტრაციის გავლის შემდეგ ემსახურებიან როგორც იურიდიულ , ასევე ფიზიკურ პირებს.
15-16 ოქტომბერს, ბათუმში, ბავშვთა მიმართ ძალადობის პრევენციის შესახებ კონფერენცია გაიმართა, სადაც ბავშვზე ძალადობის და უგულებელყოფის პრევენციაში, ჯანდაცვისა და განათლების სექტორის როლი განიხილეს.
ბათუმის შოთა რუსთაველის სახელმწიფო უნივერსიტეტი 16-17 ოქტომბერს 80 წლის იუბილეს აღნიშნავს. საიუბილეო ღონისძიებების ფარგლებში, უნივერსიტეტის პირველი კორპუსის, პირველ და მეორე სართულებზე, საუნივერსიტეტო ცხოვრების ამსახველი, საზოგადოებისთვის უცნობი ფოტოების გამოფენა მოეწყობა.
აგროსერვისცენტრში დასრულდა სამდღიანი ტრენინგი მესათბურეობით დაინტერესებული ფერმერების, კოოპერატივების წევრებისა და სპეციალისტებისთვის, რომელსაც ისრაელიდან მოწვეული ტრენერები ატარებდნენ. სოფლის მეურნეობის ექსპერტებმა გილად მარეკმა და რივკა ოფენბახმა, რომლებსაც სოფლის მეურნეობის დარგში 30-წლიანი გამოცდილება აქვთ, ტრენინგის მონაწილეებს სათბურებში მარწყვისა და ბულგარული წიწაკის მოვლა-მოყვანის, ასევე მავნებელ-დაავადებებთან ბრძოლის ღონისძიებების შესახებ თავიანთი გამოცდილება და ცოდნა გაუზიარეს. ტრენინგი, რომელიც ისრაელის საელჩოს მიერ მაშავის პროგრამის ფარგლებში დაფინანსდა, საქართველოში სასათბურე მეურნეობების განვითარების ხელშეწყობას, მესათბურე ფერმერებისა და მეწარმეების განათლების დონის ამაღლებას ისახავდა მიზნად.
2015 წლის 7 ოქტომბრის მონაცემებით, საქართველოში 100 წელს გადაცილებული 803 ადამიანი ცხოვრობს, მათგან 678 ქალია – ეს მონაცემები “ბათუმელებმა” საქართველოს საჯარო რეესტრიდან გამოითხოვა.
სატრანსპორტო ინფრასტრუქტურის მართვის სააგენტოს ინფორმაციით, დღეს ბათუმში პარკირების წესების დარღვევაზე ჯამში 200-მდე ადამიანია დაჯარიმებული. მათგან ყველაზე მეტი – 170 ადამიანი, პარკირების საფასურის გადახდის გარეშე დგომისთვის დაჯარიმდა. 10 – ნიშანში დგომის გამო, მხოლოდ 4 -ტროტუარზე დგომის გამო, 1- ტაქსის და სპეცტქნიკის პარკირების საფასურის გადაუხდელობის გამო, მხოლოდ – 1 დგომა-გაჩერების წესის დარღვევისთვის, 4 კი ავტობუსის გაჩერებაზე დგომის გამო.
გაერთიანებული ერების ორგანიზაციის, 2015 წლის ანგარიშის მიხედვით, მსოფლიოში 2-14 წლამდე ასაკის, დაახლოებით მილიარდი ბავშვი მშობლების და მზრუნველების მხრიდან, ფიზიკური დასჯის ობიექტია. მათ შორის, 84 მილიონი გოგონა ემოციური, ფიზიკური თუ სექსუალური ძალადობის მსხვერპლია. ბავშვზე ძალადობის პრობლემა საქართველოშიც აქტუალურია. მაგალითად, საქართველოს მოსახლეობის 60% ფიქრობს, რომ ბავშვის აღზრდისას ძალადობრივი მეთოდების გამოყენება უფრო შედეგიანია. ბავშვებთან მომუშავე პროფესიონალების დიდმა უმრავლესობამ კი (60%) არ იცის, რომ მათ ძალადობის შემთხვევების გამოვლენა და მასზე რეაგირება კანონით ევალებათ. ბავშვთა მიმართ ძალადობისა და უგულებელყოფის ფაქტების იდენტიფიცირებისა და პრევენციის გზებზე, დღეს, 15 ოქტომბერს, ბათუმში საქართველოს საზოგადოებრივი ჯანდაცვის ფონდის მიერ გამართულ კონფერენციაზე ისაუბრეს.
27-28 ოქტომბერს 12 საათიდან 17 საათამდე, ბათუმში „საქართველოს რეგიონული მედიის ასოციაცია ახალგაზრდებისთვის საარჩევნო უფლებებთან დაკავშირებით ორდღიან სემინარს გამართავს.
აჭარის კულტურული მემკვიდრეობის დაცვის სააგენტომ ფოტოკონკურსი გამოაცხადა თემაზე: „ხინოდან ხიხანამდე”.
ხვალ 16 ოქტომბერს, ბათუმში „თანამედროვე ხელოვნების სივრცე“ და მეჩითოვი-დეისაძის სახელოსნო, წარმოგიდგენთ ქართველი ფოტოგრაფის, იური მეჩითოვის ფოტოპროექტს – საქართველო ორ-ორ სურათად. ფოტოები გადაღებულია საქართველოში და მოიცავს 40 წლიან პერიოდს.
რ. შ. ოთხი თევზის უკანონოდ დაჭერის ბრალდებით დააკავეს. გამოძიების ვერსიით, ბრალდებულმა 2 კილოგრამი და 300 გრამი თევზი აკრძალულ ადგილას ბადით დაიჭირა, რითაც სახელმწიფო 47 ლარითა და 15 თეთრით აზარალა. ბრალდებულს მოსამართლემ აღკვეთის სახით გირაოს – ორი ათასი ლარის გადახდა დააკისრა და პატიმრობიდან გაათავისუფლა. ბრალდებული ამ თანხას ვერ იხდის, ამიტომ შესაძლოა ის ისევ დააპატიმრონ. მის უფლებებს ახალგაზრდა იურისტთა ასოციაცია იცავს.
ხულოში საფეხბურთო კლუბი ერთი წლის წინ შეიქმნა – კლუბს ”ხიხანი” ჰქვია და საქართველოს ეროვნული ჩემპიონატის მეორე ლიგაში ასპარეზობს. 6 ოქტომბერს ”ხიხანი” თავის სტადიონზე ჩემპიონატის ლიდერს – ”ეგრისს” შეხვდა და 3:0 დაამარცხა. ამ გამარჯვების შემდეგ ”ხიხანი” მეორე ლიგაში 14 ქულით მესამე ადგილზეა. კლუბის გენერალური სპონსორი ენერგოკომპანია ”აჭარისწყალი ჯორჯიაა”, რომლის მხარდაჭერის გარეშე საფეხბურთო კლუბი ”ხიხანის” მოცემულ მომენტში არსებობა წარმოუდგენელი იქნებოდა.
გამარტივებული ელექტრონული ტენდერის საშუალებით, ბათუმის სასპორტო სკოლა კალათბურთის ელექტროტაბლოს შეისყიდის. სასპორტო სკოლამ ტენდერი, სავარაუდო ღირებულებით 53 500 ლარზე, საქართველოს სახელმწიფო შესყიდვების სააგენტოს ვებგვერდზე 2015 წლის 22 სექტემბერს გამოაცხადა. ამჟამად მიმდინარეობს ხელშეკრულების მომზადება ტენდერში გამარჯვებულ შპს „ბაჩისთან“.
