Tag Archives: ეკონომიკა

ბათუმში, ყოფილი ეროვნული ბანკის შენობა, აჭარის ფინანსთა და ეკონომიკის სამინისტრომ აუქციონზე კვლავ ვერ გაყიდა. ამჯერად ქონების საწყისი გასაყიდი ფასი 4 მილიონ 95 ათასი აშშ დოლარი იყო. აუქციონი არ შედგა. აუქციონი არ შედგა მაშინაც, როცა იგივე ქონება სამინისტროს 5 მილიონ 850 ათას აშშ დოლარად ჰქონდა აუქციონზე გატანილი [გასული წლის ნოემბერში]. ამჯერად, აუქციონის პირობის მიხედვით, მყიდველს შენობაში, ნასყიდობის …

Continue reading “ყოფილი ეროვნული ბანკის შენობა არ გაიყიდა”

 

მწვანე კონცხზე, ყოფილი სასოფლო-სამეურნეო ინსტიტუტის ტერიტორიაზე, რომლითაც  ბათუმის რუსთაველის უნივერსიტეტი სარგებლობდა, სასტუმრო კომპლექსი აშენდება. გამორიცხული არ არის ის ადგილიც გაიყიდოს, რომელზეც სასწავლებლის შენობა დგას. უნივერსიტეტში აცხადებენ, რომ ეს შენობა, სავარაუდოდ, ამორტიზებულია. სანაცვლოდ  აჭარის მთავრობა უნივერსიტეტს ჩაქვში უმაღლესი საბჭოს შენობას სთავაზობს. შენობათა გადანაცვლებაში ყველაზე გაურკვეველ სიტუაციაში უმაღლესი საბჭოა, რომელიც მთავრობას „ქალაქში გადმოყვანას“ სთხოვს. ტერიტორია, სავარაუდოდ, ბიძინა ივანიშვილთან დაკავშირებულმა ბიზნესჯგუფმა იყიდა.

 

აჭარის ფინანსთა და ეკონომიკის სამინისტროს ელექტრონულ აუქციონზე სამი ავტომანქანა ჰქონდა გამოტანილი: „VOLKSWAGEN JETTA”, „ვოლგა 3110“ და  „ტოიოტა პრადო“. აქედან პირველ ორ ავტომანქანაზე განმეორებით აუქციონი ამჯერადაც მიმდინარეობს, ხოლო მესამე ავტომანქანაზე სამინისტროს აუქციონი განმეორებით ჯერ არ გამოუცხადებია.

 

ვინ არიან ის კერძო ფიზიკური პირები თუ კომპანიები, რომლებიც სახელმწიფო ბიუჯეტში თანხას ნებაყოფლობით რიცხავენ, ანუ ისინი, რომლებიც მთავრობას გარკვეული ღონისძიებების დასაფინანსებლად ფულს ჩუქნიან? – ამ შინაარსის შეკითხვით საქართველოს ფინანსთა სამინისტროს მივმართეთ. სამინისტროს ერთ თვეზე მეტი დრო დასჭირდა იმისთვის, რომ „ბათუმელებისთვის“ პასუხის გაცემაზე უარი ეთქვა და ისიც დაუსაბუთებლად. არადა, ბოლო სამი წლის განმავლობაში სახელმწიფო და ადგილობრივ ბიუჯეტებში, იგივე სამინისტროს ინფორმაციით, 72 მილიონზე მეტი ლარია ჩარიცხული კერძო კომპანიებისა თუ ფიზიკური პირების მიერ. სამინისტრო ამ თანხის ხარჯვასაც არ ასაჯაროებს.

 

2015 წლის იანვარ-ოქტომბერში საქართველოში საქონლით საგარეო სავაჭრო ბრუნვამ – არაორგანიზებული ვაჭრობის გარეშე – 8121 მილიონი აშშ დოლარი შეადგინა, რაც წინა წლის მაჩვენებელზე 14 პროცენტით ნაკლებია.

 

 

ბათუმში, ევროპის მოედანთან,  მ. აბაშიძისა და კ. გამსახურდიას ქუჩების კვეთაში, მდებარე შენობა, რომელსაც კულტურული მემკვიდრეობის ძეგლის სტატუსი აქვს, აჭარის ფინანსთა და ეკონომიკის სამინისტროს აუქციონზე 5 850 000 აშშ დოლარად ჰქონდა გატანილი. ორი კვირის განმავლობაში აღნიშნული შენობით არავინ დაინტერესდა და შესაბამისად, აუქციონიც არ შედგა.

 

თამარის დასახლებასა და ბათუმში, ბარათაშვილის ქუჩაზე მდებარე საოჯახო მედიცინის ცენტრები აჭარის ფინანსთა და ეკონომიკის სამინისტრომ 388 ათას აშშ დოლარად გაყიდა. ახალმა მესაკუთრემ ორივე დაწესებულებაში დამატებით 800 ათასი ლარის ინვესტიციაც უნდა განახორციელოს. მანვე უნდა უზრუნველყოს  მოქმედ სამედიცინო დაწესებულებაში დასაქმებული სამედიცინო პერსონალის 100%-ით შენარჩუნება ხელშეკრულების გაფორმებიდან არანაკლებ ორი წლის ვადით, ხოლო ორივე დაწესებულებას სამედიცინო პროფილი უწყვეტად 20 წლის განმავლობაში უნდა შეუნარჩუნოს. 

 

2 ნოემბრიდან სახელმწიფო შესყიდვების სააგენტოს ელექტრონული ტენდერების გვერდზე სისტემის ახალი, სპეციალური მოდული – SMP გაჩნდა. სახელმწიფო შემსყიდველმა ორგანიზაციებმა, რომლებსაც სურთ განახორციელონ გამარტივებული შესყიდვა, თავიანთი გადაწყვეტილება სააგენტოს სწორედ ამ მოდულის გამოყენებით უნდა შეუთანხმონ. 

 

1 ნოემბრიდან ძალაში შევიდა სახელმწიფო შესყიდვების სააგენტოს თავმჯდომარის ბრძანება, რომლის მიხედვითაც შემსყიდველმა ორგანიზაციამ, გამარტივებული შესყიდვის შესახებ გადაწყვეტილება  სახელმწიფო შესყიდვების სააგენტოსთან უნდა შეათანხმოს. გადაწყვეტილება სააგენტოსთან თანხმდება სახელმწიფო შესყიდვების ერთიანი ელექტრონული სისტემის მეშვეობით. შემსყიდველმა ორგანიზაციამ ასეთი გადაწყვეტილება უნდა დაასაბუთოს.

 

საკონტროლო სალარო აპარატების რეალიზაციას ამიერიდან განახორციელებს ნებისმიერი კომპანია, რომელიც დადგენილ სტანდარტებს დააკმაყოფილებს. შემოსავლების სამსახურის ინფორმაციით,  2011 წელს გაფორმებული ხელშეკრულების შესაბამისად, ბაზარზე მონოპოლისტური გარემო იყო და მხოლოდ ერთი კომპანია – „ჯორჯიან სერვის ნეტვორკი“ ოპერირებდა. ბაზარზე ახალი აპარატების შემოტანის მიუხედავად, მეწარმეებს მუშაობის გაგრძელება  „ძველი“, ანუ მოქმედი აპარატებითაც შეეძლებათ. 

 

ბათუმში, რესპუბლიკური საავადმყოფოს ტერიტორიაზე, ახალი, 170-საწოლიანი საავადმყოფოს მშენებლობაზე გამოცხადებული ტენდერი 22 ოქტომბერს დასრულდა. მასში ოთხი პრეტენდენტი მონაწილეობდა. ტენდერში, სადაც შესყიდვის სავარაუდო ღირებულება 27 855 955 ლარი იყო, ყველაზე დაბალი შეთავაზება 22 172 764 ლარი დაფიქსირდა. აჭარის ფინანსთა და ეკონომიკის მინისტრმა დავით ბალაძემ ყველაზე დაბალი შეთავაზების მქონე პრეტენდენტი ტენდერის დასრულების მეორე დღეს  გამარჯვებულად დაასახელა, თუმცა კომისიას ამ კომპანიის ტექნიკური  დოკუმენტაცია შესწავლილი არ ჰქონდა. ამისთვის კომისიას 5 სამუშაო დღე აქვს, რაც პირველი ეტაპია ხელშეკრულების დადებამდე.

 

აჭარის სოფლის მეურნეობის სამინისტროს ინფორმაციით, მე-5 საერთაშორისო აგროსასურსათო პროდუქციის და ტექნოლოგიების გამოფენა-გაყიდვა „Agro Batumi 2015” ბათუმში, ყინულის სასახლეში სამ დღეს: 30- 31 ოქტომბერს და 1 ნოემბერს გაიმართება.  ფესტივალი  კომპანია GEONET EXPO-ს ორგანიზებით გაიმართება.   

 

სახელმწიფო აუდიტის სამსახური „ბათუმის წყლის“ მიერ ფინანსების კანონიერად და რაციონალურად ხარჯვას ეჭვქვეშ აყენებს. აუდიტის ანგარიშის მიხედვით, „ბათუმის წყალში“ თანამშრომლებზე საშვებულებო და ზეგანაკვეთური ანაზღაურების გაცემა კანონმდებლობის შეუსაბამოდ ხორციელდება. შპს „ბათუმის წყლის“ დამფუძნებელი და 100% წილის მფლობელი ბათუმის მერიაა, საშტატო განრიგს და თანამდებობრივ სარგოსაც ის ამტკიცებს. საწარმოს ბოლო ორი წლის შემოწმების მასალები აჭარის პროკურატურაში გადაიგზავნა. „ბათუმის წყლის“ ხელმძღვანელობა აუდიტის დასკვნას ძირითადად არ ეთანხმება.

 

კვარიათი-სარფის მონაკვეთზე გზისა და ნაპირდამცავი სამუშაოების დასრულების ვადა დაზუსტებული არ არის. სამუშაოები კი, რომელიც ზაფხულში, დაუფინანსებლობის გამო შეჩერებული იყო, მალე განახლდება. აქ სამუშაოებს სახელმწიფო სამშენებლო კომპანია ასრულებს, რომელმაც  უკვე გახარჯა 30 მილიონამდე ლარი, ხოლო დამატებით 10 მილიონი ლარი მთავრობამ სამუშაოების გასაგრძელებლად ერთი თვის წინ გამოყო. მთლიანი პროექტის ღირებულება 58 მილიონზე მეტი ლარია.

 

აჭარის ფინანსთა და ეკონომიკის სამინისტროს ინფორმაციით, შპს „სტადიონი“ რომლის 100 %-იანი  წილსი მფლოველი სახელმწიფოა, რესპუბლიკური საავადმყოფოს სამშენებლობო სამუშაოების შესყიდვის მიზნით, ელექტრონულ ტენდერს აცხადებს.  სამშენებლო სამუშაოების შესყიდვის სავარაუდო ღირებულება 27 855 955 ლარია. სატენდერო წინადადებების მიღება 2015 წლის 22 ოქტომბერს დასრულდება.

 

საქართველოს მთავრობამ ბობოყვათის რეზიდენცია და მიმდებარე ტერიტორია უსასყიდლო საკუთრებაში და სარგებლობაში საპატრიარქოს შპს „კრწანისის პარკის“ 100%-იანი წილის მიღების სანაცვლოდ გადასცა. დოკუმენტებით კი ირკვევა, რომ საპატრიარქო რეზიდენციას „კრწანისის პარკის“ მხოლოდ 25% წილის სანაცვლოდ ითხოვდა.

 

2015 წლის 4 ოქტომბრის მდგომარეობით, დაუბეგრავი მინიმუმის სახით მოქალაქეებს სახელმწიფო ბიუჯეტიდან უკან 125 761 992 ლარი დაუბრუნდათ. დაუბეგრავი მინიმუმის გამოქვითვის და უკან დაბრუნების მოთხოვნით დეკლარაციის წარდგენა შესაბამის პირებს მიმდინარე წლის 1 აპრილიდან 30 სექტემბრის ჩათვლით შეეძლოთ. 2016 წლიდან დაუბეგრავი მინიმუმი აღარ გაიცემა.

 

აჭარაში მუნიციპალიტეტები [ქალაქ ქობულეთისა და ბათუმის გარდა] წყალმომარაგების ლიცენზიანტი კომპანიების გარეშე რჩებიან. სემეკი მუნიციპალურ კომპანიებზე გაცემულ ლიცენზიებს აუქმებს. ვინ მიაწვდის აჭარის დაბებსა და სოფლებში მოსახლეობას სასმელ წყალს? რა ეღირება წყალი, რომელიც მოსახლეობას დღემდე უფასოდ მიეწოდება, ვინ დაადგენს ტარიფებს და ვის ხელში აღმოჩნდება მუნიციპალიტეტების ქონება – წყალი და წყალმომარაგების სისტემები? 

 

აჭარის მუნიციპალიტეტებში გარკვეულ ოჯახებს კარდაკარ აფრთხილებენ, რომ მათ მალე ხელშეკრულების გასაფორმებლად დაიბარებენ. ხელშეკრულება ახალი ელექტროგადამცემი ხაზის მშენებლობის გამო განსახლებისა ან/და უძრავი ქონების დათმობის სანაცვლოდ კომპენსაციის მიღებას უკავშირდება. მას, ვინც სახელმწიფოს მიერ შეთავაზებული კომპენსაციის სანაცვლოდ საკუთრების დათმობაზე უარს იტყვის, ქონებას იძულებით ჩამოართმევენ. შესაბამის სახელმწიფო უწყებასა და კერძო კომპანიებში მშენებლობასთან დაკავშირებით „ბათუმელებს“ ზოგიერთი დეტალის დაზუსტებაზე უარი უთხრეს. 

 

შემოსავლების სამსახურის ინფორმაციით, დაუბეგრავი მინიმუმის დაბრუნების მოთხოვნით სამსახურს 457 698 ადამიანმა მიმართა. 2015 წლის 19 სექტემბრის  მდგომარეობით დაბრუნებული რიგითი ნომერია 457 483, ხოლო ჯამში დაბრუნებულია 125 474 972 ლარი. დაუბეგრავი მინიმუმის დაბრუნების მოთხოვნით დეკლარაციის წარდგენის შესაძლებლობა შესაბამის პირებს მიმდინარე წლის 30 სექტემბრის ჩათვლით შეეძლებათ.

 

12 სექტემბერს, შემოსავლების სამსახურის მედიატურის ფარგლებში, გაფორმების ეკონომიკურ ზონა „ბათუმსა“ და საბაჟო გამშვებ პუნქტ „სარფში“ საქართველოს ფინანსთა მინისტრი ნოდარ ხადური და მასმედიის წარმომადგენლები იმყოფებოდნენ.

შემოსავლების სამსახურში აცხადებენ, რომ „მედიატურის მიზანია მედიის მეშვეობით საზოგადოების უკეთ ინფორმირება საგადასახადო სისტემაში მიმდინარე და დაგეგმილი ტექნოლოგიური თუ პროცედურული სიახლეების შესახებ“. 

 

ვიდრე სარფში თურქეთის მხარე ახალ საბაჟო-გამსვლელ პუნქტს არ ააშენებს, მანამდე ავტომანქანების რიგების პრობლემა საბოლოოდ ვერ მოგვარდება – განაცხადა საქართველოს ფინანსთა მინისტრმა ნოდარ ხადურმა. მისივე თქმით, პარალელურად, ქართული მხარე, პრობლემის მოგვარების მიზნით, რიგების მართვის ავტომატიზებული სისტემის დანერგვაზე მუშაობს. მინისტრი დღეს სარფის საბაჟოზე იმყოფებოდა.

 

აჭარის უმაღლესმა საბჭომ ბიუჯეტში შეტანილი ცვლილებების დამტკიცებით, აჭარის მთავრობა, ფაქტობრივად, იხსნა. მთავრობა, კონკრეტულად კი ფინანსთა და ეკონომიკის სამინისტრო, სტადიონის მშენებლობისთვის გამოყოფილ 13 მილიონამდე ლარის გახარჯვას მიმდინარე წელს ვეღარ ახერხებდა, რის გამოც აუთვისებელი თანხის მაჩვენებელი მარტო ამ ერთი პროგრამიდან 10% იქნებოდა. თუ ამ წლის 6 თვის შესრულებასაც გავითვალისწინებთ, წლის ბოლოს აღმოჩნდებოდა, რომ მთავრობამ გამოყოფილი თანხის მეხუთედი ვერ აითვისა. პარალელურად, უმაღლესი საბჭო თავისი მომავალი წლის ბიუჯეტის პროექტზეც მუშაობს, რომელიც 2016 წლიდან ისევ იზრდება.

 

 

ხულოს სოფელ დიდაჭარიდან ხელვაჩაურის სოფელ ახალშენში ჩამოტანილი რძისგან დამზადებული სულგუნი შესაძლოა ექსპორტზე ამერიკაში გავიდეს. მანამდე კი, პირველი აგვისტოდან რძესა და რძის ნაწარმზე ახალი რეგულაციები ამოქმედდა. საძოვრებიდან პროდუქტის ქსელში განთავსებამდე უვნებლობაზე, დადგენილი წესებისა და ეტიკეტირების დაცვაზე პასუხისმგებლობა უმთავრესად მწარმოებლებს ეკისრებათ.

 

ბათუმში ოლიმპიური სტადიონისა და „რესპუბლიკურის“ ადგილზე ახალი, მრავალპროფილური საავადმყოფოს მშენებლობის პროგრამებთან დაკავშირებით კომენტარი „ბათუმელებთან“ აჭარის ფინანსთა და ეკონომიკის მინისტრმა დავით ბალაძემ გააკეთა. მინისტრის თქმით, აჭარის ბიუჯეტში შესაბამისი ცვლილებების შეტანის შემთხვევაში სტადიონის მშენებლობაზე ტენდერი მომავალი წლის დასაწყისში გამოცხადდება. „ჩვენ გვაქვს ამბიცია, რომ სადღაც, მიმდინარე წლის ბოლომდე, მომდევნო წლის პირველ თვეში, უკვე გვქონდეს მზა პროექტი, რომლითაც შევძლებთ ტენდერის გამოცხადებას,“ – განაცხდა დავით ბალაძემ. სტადიონის პროექტი სამინისტრომ კონკურსით შეარჩია, თუმცა შემდეგ გამარჯვებულ კომპანიასთან ხელშეკრულება ცალმხრივად გააუქმა.

 

სტადიონის პროექტის კონკურსში გამარჯვებული ესპანური კომპანია აჭარის ფინანსთა და ეკონომიკის სამინისტროს ხელშეკრულების მოშლის გამო სასამართლოში უჩივის, სამინისტრო კი, პარალელურად, ახალ სახელმწიფო შპს-ს ქმნის, რომელმაც ბათუმში სტადიონისა და საავადმყოფოს აშენება უნდა უზრუნველყოს. ამ ფონზე, აჭარის ბიუჯეტის გეგმის შესრულებაც, ხარჯვით ნაწილში, კითხვითი ნიშნის ქვეშ დგას. ამ ორი – სტადიონისა და საავადმყოფოს პროგრამისთვის გამოყოფილი თანხა ბიუჯეტის მთლიანი ხარჯის თითქმის 14 პროცენტია.