ნეტგაზეთი • RU

მეხუთე საერთაშორისო ფესტივალი Agro Batumi 30 ოქტომბერს გაიხსნება

 

აჭარის სოფლის მეურნეობის სამინისტროს ინფორმაციით, მე-5 საერთაშორისო აგროსასურსათო პროდუქციის და ტექნოლოგიების გამოფენა-გაყიდვა „Agro Batumi 2015” ბათუმში, ყინულის სასახლეში სამ დღეს: 30- 31 ოქტომბერს და 1 ნოემბერს გაიმართება.  ფესტივალი  კომპანია GEONET EXPO-ს ორგანიზებით გაიმართება.   

 

გამოფენის თანაორგანიზატორია აჭარის  მთავრობა, სოფლის მეურნეობის სამინისტრო,  ბათუმის მერია, აჭარის სავაჭრო-სამრეწველო პალატა და  საქართველოს საერთაშორისო ინვესტორთა ასოციაციაა.  

 

მონაწილე კომპანიებს სამი დღის განმავლობაში საშუალება ეძლევათ საკუთარი პროდუქცია მომხმარებელს გააცნონ და რეკლამირება გაუწიონ. გამოფენაში მონაწილეობენ:  საქართველო, თურქეთი, უკრაინა, ირანი.

 

გამოფენის მიმდინარეობისას იგეგმება სარეკლამო და საინფორმაციო ტურები, პრეზენტაციები, შეხვედრები მასმედიის წარმომადგენლებთან.

 

ნეტგაზეთის მასალების სხვა გამოცემებში გადაბეჭდვის წესი
" ბათუმელები“