Batumelebi | შპს „სტადიონი“ საავადმყოფოს მშენებლობაზე ტენდერს აცხადებს შპს „სტადიონი“ საავადმყოფოს მშენებლობაზე ტენდერს აცხადებს – Batumelebi
RU | GE  

შპს „სტადიონი“ საავადმყოფოს მშენებლობაზე ტენდერს აცხადებს

 

აჭარის ფინანსთა და ეკონომიკის სამინისტროს ინფორმაციით, შპს „სტადიონი“ რომლის 100 %-იანი  წილსი მფლოველი სახელმწიფოა, რესპუბლიკური საავადმყოფოს სამშენებლობო სამუშაოების შესყიდვის მიზნით, ელექტრონულ ტენდერს აცხადებს.  სამშენებლო სამუშაოების შესყიდვის სავარაუდო ღირებულება 27 855 955 ლარია. სატენდერო წინადადებების მიღება 2015 წლის 22 ოქტომბერს დასრულდება.

 

ტენდერის პირობების მიხედვით, გამარჯვებულმა კომპანიამ ქ.ბათუმში, პუშკინის ქ.164/ტბელ აბუსერიძის ქუჩა #2-ში მდებარე მიწის ნაკვეთზე 170 საწოლიანი, მრავალპროფილური კლინიკური საავადმყოფოს მშენებლობა უნდა უზრუნველყოს.

 

შპს „სტადიონი“ რამდენიმე თვის წინ შეიქმნა და მისი ბიუჯეტი  აჭარის უმაღლესმა საბჭომ საბიუჯეტო ცვლილებების შედეგად დაამტკივა.   რის შედეგადაც სტადიონისა და რესპუბლიკური საავადმყოფოს მშენებლობისთვის გამოყოფილი თანხა  შპს „სტადიონის“ საწესდებო კაპიტალში გადავიდა. 

 

 აჭარის ბიუჯეტში მიმდინარე წელს ბათუმის სტადიონის დაპროექტებასა და მშენებლობაზე 12 მილიონ 984 ათას 400 ლარი, ხოლო რესპუბლიკური საავადმყოფოს ადგილზე მრავალპროფილური საავადმყოფოს მშენებლობის დაწყებისთვის 5 მილიონი ლარია გათვალისწინებული. ჯამში სტადიონისთვის 38 მილიონ 225 ათასი ლარის, ხოლო საავადმყოფოსთვის 18 მილიონი ლარის გამოყოფაა გათვალისწინებული 2017 წლის ჩათვლით.

 

 

 

ბათუმის რესპუბლიკური საავადმყოფო

ნეტგაზეთის მასალების სხვა გამოცემებში გადაბეჭდვის წესი
" ბათუმელები“