Batumelebi

დღეს, 18 იანვარს, ჯანდაცვის მინისტრის მოადგილემ, თამარ გაბუნიამ განაცხადა, რომ ქვეყანაში ომიკრონით ინფიცირების 1200-ზე მეტი შემთხვევა დადასტურდა.

„აქედან უმეტესი შემთხვევა არის თბილისში“ – ამბობს თამარ გაბუნია.

მისი თქმით, ომიკრონის დადასტურებული შემთხვევებიდან ჰოსპიტალიზაცია მხოლოდ 14 ადამიანს დასჭირდა, რადგან ინფიცირებული პირებიდან ყველა ვაქცინირებულია.

„ომიკრონით ინფიცირებულთა დიდი ნაწილი ვაქცინირებულია და სწორედ ამის გამო არ დასჭირდათ ამ პაციენტებს ჰოსპიტალიზაცია. ამიტომ ძალიან მნიშვნელოვანია ვაქცინაცია. დაავადების მსუბუქად მიმდინარეობისთვის აუცილებელია ბუსტერ დოზის მიღებაც,“ – აღნიშნა მან.

ჯანდაცვის მინისტრის მოადგილის თქმით, მიდის მსჯელობა და მუშავდება ვაქცინაციის გეგმის ახალი ვარიანტი, თუ როგორ შეიძლება წახალისდეს ვაქცინაცია.

„ამ კვირაში კიდევ გვექნება კონსულტაციები. როგორც იცით, იანვრის ბოლომდე წახალისების გეგმა მოქმედებს და გვექნება მსჯელობა როგორ უნდა მოხდეს ვაქცინაციის წახალისება, როგორც პირველი და მეორე დოზების ადმინისტრირების მხრივ, ასევე ბუსტერ დოზებში, განსაკუთრებით ხანდაზმულ ადამიანებში“ – ამბობს თამარ გაბუნია.

დღეს ქვეყანაში კორონავირუსის 7 ათასზე მეტი შემთხვევა დადასტურდა, გარდაიცვალა 31 პაციენტი.

18 იანვრის მონაცემებით, გასულ 24 საათში აჭარაში კორონავირუსის 801 ახალი შემთხვევა დადასტურდა.

დღეის მონაცემებით, აჭარის კოვიდკლინიკებშია 614 პაციენტი, კოვიდსასტუმროში იმყოფება 581 ინფიცირებული.

ამ ეტაპზე აჭარაში 136 მძიმე პაციენტია, მათგან 45 ხელოვნური სუნთქვის აპარატზე იმყოფება.

18 იანვრის დილის მონაცემებით, საქართველოში ბოლო 24 საათში კორონავირუსით 31 პაციენტი გარდაიცვალა, ამავე პერიოდში დადასტურდა ვირუსის 7 521 ახალი შემთხვევა.

Stopcov.ge-ზე გამოქვეყნებული ინფორმაციის თანახმად, საქართველოში ამ დროისთვის:

• კორონავირუსის დადასტურებული შემთხვევა – 1 006 864 , ბოლო 24 საათში – 7 521
• მათ შორის, გამოჯანმრთელებული – 934 667 , ბოლო 24 საათში – 3 160
• მათ შორის გარდაცვლილი – 14 512 , ბოლო 24 საათში – 31

ბოლო 24 საათში ჩატარებული კვლევა ტესტით – 56 367, მათ შორის, ანტიგენის სწრაფი ტესტით – 38 892, PCR ტესტით – 17 475

დადებითობის მაჩვენებელი: დღიური – 13,34%, ბოლო 14 დღის – 10%, ბოლო 7 დღის – 10,26%

• სულ აცრილია – 2 622 459, დღიურად აცრილია – 9 290
• კარანტინშია – 50
• სტაციონარში მეთვალყურეობის ქვეშ – 4 465
• კლინიკურ სასტუმროში მყოფი პირები – 2 050

დღეს ქვეყანაში გამოვლენილი ინფიცირების 7 521 ახალი შემთხვევიდან:
თბილისში გამოვლენილია 4 171 შემთხვევა, აჭარაში – 801, იმერეთში – 792, ქვემო ქართლში – 285, შიდა ქართლში – 380, გურიაში – 193, სამეგრელო – ზემო სვანეთში – 302, კახეთში -263, მცხეთა-მთიანეთში – 171, სამცხე-ჯავახეთში – 108, რაჭა-ლეჩხუმსა და ქვემო სვანეთში – 55.

51 144 პირი ვირუსის მკურნალობის კურსს გადის საცხოვრებელ ბინაზე.

საქართველოს ჯანდაცვის სამინისტროს ინფორმაციით

ასიმპტომური და მსუბუქი პაციენტებისთვის:

კარანტინის ვადა განისაზღვრა 8 დღით
სიმპტომების ალაგებიდან გასული უნდა იყოს 24 საათი
იზოლაციის დასრულებიდან, მომდევნო 5 დღე მკაცრად არის რეკომენდებული ნიღბის ტარება

საშუალო და მძიმედ მიმდინარე შემთხვევებისთვის:

კარანტინის ვადა განისაზღვრა 10 დღით
სახეზე უნდა იყოს მკვეთრად გაუმჯობესებული დინამიკა ბოლო 24 საათის განმავლობაში
იზოლაციის დასრულებიდან მომდევნო 5 დღე მკაცრად რეკომენდირებულია ნიღბის ტარება

იზოლაციის დასრულების შესახებ გადაწყვეტილებას, პაციენტის ჯანმთელობის მდგომარეობიდან გამომდინარე, იღებს მისი ოჯახის ექიმი.

კარანტინის ვადები მცირდება COVID-19-ით დაავადებულთან კონტაქტირებული პირებისთვისაც.

კარანტინს არ ექვემდებარებიან, თუმცა ეძლევათ ნიღბის მოხმარების მკაცრი რეკომენდაცია კონტაქტის შეწყვეტიდან მომდევნო 10 დღე:

ბუსტერ დოზით ვაქცინირებული პირები
ვაქცინაციის მე-2 დოზის მიღებიდან 14-90 დღის განმავლობაში
კოვიდის ინფექციის გადატანიდან 60 დღის განმავლობაში

მკაცრად, 8 დღე, ექვემდებარებიან კარანტინს და ეძლევათ ნიღბის მოხმარების მკაცრი რეკომენდაცია მომდევნო 9-12 დღის განმავლობაში:

არავაქცინირებულ და არასრულად ვაქცინირებულ პირებს
ვაქცინაციის მე-2 დოზის მიღებიდან 1-14 დღის განმავლობაში
ვაქცინის მე-2 დოზის მიღებიდან 90 დღეზე მეტი ხანგრძლივობის და ბუსტერ დოზის არმქონე პირებს
პირებს კოვიდის ინფექციის გადატანიდან 60 დღის შემდგომ პერიოდში

იზოლაციის და კარანტინის განახლებული ვადები 17 იანვრამდე ინფიცირებული და კონტაქტირებული პირებისთვისაც მოქმედებს.

ბათუმში უკვე ორი დღეა თოვლ-ჭყაპია. დღეს, 17 იანვარს, საღამოს გამოიდარა. სინოპტიკოსების ცნობით, ხვალ ბათუმში ძირითადად უნალექო ამინდი იქნება, 19 დეკემბრიდან კი კვლავ თოვლ-ჭყაპია მოსალოდნელი.

შინაგან საქმეთა სამინისტროს ინფორმაციით, დაკავებულია პირი, რომელმაც გერმანელ ტურისტს თანხა იძულებით გადაახდევინა.

„თბილისის ერთ-ერთი კლუბის თანამშრომელი, 1980 წელს დაბადებული ე.ჩ. იძულების ბრალდებით დააკავეს.

გამოძიებით დადგინდა, რომ მიმდინარე წლის 14 იანვარს, თბილისის ცენტრალურ უბანში მდებარე ერთ-ერთი კლუბის თანამშრომელმა – ე.ჩ,-მ ამავე კლუბის სტუმარს, გერმანელ ტურისტს – 1994 წელს დაბადებულ მ.ო.-ს შეკვეთის შეუსაბამო თანხა იძულების გზით გადაახდევინა. კერძოდ, ბრალდებულმა მ.ო. აიძულა და შეკვეთილი ლუდის ღირებულების ნაცვლად გაცილებით დიდი თანხა გადაახდევინა.

საქმეზე ჩატარებული ოპერატიული და საგამოძიებო ღონისძიებების შედეგად, პოლიციამ აღნიშნული კლუბი დალუქა, მოგვიანებით კი, ამავე კლუბის თანამშრომელი – ე.ჩ. ბრალდებულის სახით დააკავა“- აცხადებს შსს.

სამინსიტროს ინფორმაციით, გამოძიება მომხდარ ფაქტზე გრძელდება საქართველოს სისხლის სამართლის კოდექსის 150-ე მუხლის 1-ლი ნაწილით, რაც გულისხმობს იძულებას – ადამიანისთვის ქმედების თავისუფლების უკანონო შეზღუდვას.

გარემოს ეროვნული სააგენტოს ცნობით, 19-20 იანვარს საქართველოში მოსალოდნელია დროგამოშვებით ნალექი, უმეტესად თოვლის სახით, ზოგან – ძლიერი თოვა.

„ჰაერის ტემპერატურა მნიშვნელოვნად დაიკლებს, მოსალოდნელია ძლიერი ქარი, ნისლი და ქარბუქი, ზღვაზე 4-5 ბალიანი შტორმი, საავტომობილო გზებზე ლიპყინული, ელექტროგადამცემ ხაზებზე შემოყინულობა, მთიან რეგიონებში – ზვავსაშიშროება“ – იუწყება სააგენტო.

ასევე, სააგენტოს ცნობით, საავტომობილო გზების ცალკეულ მონაკვეთებზე დიდთოვლობის, ხილვადობის გაუარესების, ქარბუქის, ლიპყინულის და ზვავსაშიშროების გამო შესაძლებელია შეიზღუდოს ტრანსპორტის მოძრაობა.

18, 20 და 21 იანვარს კოლხეთის დაბლობზე ღამის საათებში მოსალოდნელია ჰაერის ტემპერატურის -5, -8 გრადუსამდე დაწევა, რამაც შესაძლებელია ციტრუსოვანი კულტურების დაზიანება გამოიწვიოს.

_________________

ფოტოზე: ბათუმის სანაპირო შტორმის შემდეგ 

საერთაშორისო ორგანიზაცია „ოქსფამის“ ცნობით, პანდემიამ მსოფლიოს უმდიდრესი ადამიანები  კიდევ უფრო გაამდიდრა და მეტი ადამიანი გააღარიბა.

კერძოდ, მსოფლიოს ათმა უმდიდრესმა ადამიანმა პანდემიის პირველი ორი წლის განმავლობაში გააორმაგა თავისი ქონება 700 მილიარდი დოლარიდან 1.5 ტრილიონ დოლარამდე (ეს არის 15 000$ წამში ან $1.3 მილიარდი დღეში), ამის პარალელურად, კაცობრიობის 99%-ის შემოსავლები შემცირდა და 160 მილიონზე მეტი ადამიანი გაღარიბდა.

ამის შესახებ „ოქსფამის“ ახალ ანგარიშში ვკითხულობთ. ორგანიზაცია უთანასწორობის შესახებ ანგარიშის გამოქვეყნებას ყოველწლიურად ამთხვევს დავოსში მსოფლიო ეკონომიკური ფორუმის საწყის პერიოდს, რათა მიიქციოს ეკონომიკური, ბიზნეს და პოლიტიკური ელიტების ყურადღება.

„თუ ეს ათი ადამიანი ხვალ დაკარგავს თავისი სიმდიდრის 99.999 პროცენტს, ისინი მაინც იქნებიან ამ პლანეტაზე მცხოვრები ადამიანების 99 პროცენტზე მდიდარი. მათ ახლა ექვსჯერ მეტი სიმდიდრე აქვთ, ვიდრე ყველაზე ღარიბ 3,1 მილიარდ ადამიანს“ – თქვა Oxfam International-ის აღმასრულებელმა დირექტორმა გაბრიელა ბუჩერმა. 

Forbes-ის მონაცემებით, მსოფლიოს 10 უმდიდრესი ადამიანია: ელონ მასკი, ჯეფ ბეზოსი, ბერნარ არნო და ოჯახი, ბილ გეითსი, ლარი ელისონი, ლარი პეიჯი, სერგეი ბრინი, მარკ ცუკერბერგი, სტივ ბალმერი და უორენ ბაფეტი.

ახალ პრესრელიზში -„უთანასწორობა კლავს“, რომელიც დღეს, 17 იანვარს, გამოქვეყნდა, წერია, რომ მილიარდერების ქონება COVID19-ის დაწყების შემდეგ ყველაზე მეტად გაიზარდა ბოლო 14 წლის განმავლობაში, $5 ტრილიონი დოლარით – ეს არის მილიარდერების სიმდიდრის ყველაზე დიდი ზრდა, რაც კი ოდესმე დაფიქსირებულა.

BBC წერს, რომ მართალია, უმდიდრესი ადამიანების ქონება მთლიანობაში 700 მილიარდი დოლარიდან 1,5 ტრილიონ დოლარამდე გაიზარდა, მნიშვნელოვანი სხვაობაა უშუალოდ მათი გამდიდრების მაჩვენებლებშიც, მაგალითად, ილონ მასკის ქონება 1000%-ზე მეტით გაიზარდა, ხოლო ბილ გეიტსის უფრო მოკრძალებული – 30%-ით.

„ოქსფამის“ გათვლით, ერთჯერადი, 99%-იანი გადასახადი ათი უმდიდრესი კაცის მოგებიდან უზრუნველყოფდა:

• მსოფლიოსთვის საკმარისი ვაქცინების დამზადებას
• საყოველთაო ჯანდაცვისა და სოციალური დაცვის უზრუნველყოფას, კლიმატის ადაპტაციის დაფინანსებასა და გენდერული ძალადობის შემცირებას 80-ზე მეტ ქვეყანაში.

„ჩვენს ეკონომიკას ძალიან სერიოზული ხარვეზი აქვს” – აღნიშნა Oxfam-ის ბრიტანეთის ოფისის აღმასრულებელმა დირექტორმა დენი სრისკანდარაჯამ.

ანგარიშში აღნიშნულია, რომ მსოფლიოს ორი უმსხვილესი ეკონომიკის ქვეყანა – აშშ და ჩინეთი იწყებენ უთანასწორობის შემცირების პოლიტიკის განხილვას, მათ შორის, მდიდრებისთვის უფრო მაღალი გადასახადების დაწესებით და მონოპოლიების წინააღმდეგ ზომების მიღების გზით.

„ეს გვაძლევს გარკვეულ იმედს ახალი ეკონომიკური კონსენსუსის გაჩენის შესახებ“ – ამბობს Oxfam International-ის აღმასრულებელი დირექტორი გაბრიელა ბუჩერი.

______________________

ფოტოზე: მსოფლიოს ოთხი ყველაზე მდიდარი ადამიანი და ბავშვი ქაბულიდან.

საქართველოს მთავრობის გადაწყვეტილებით, მთელი წლის განმავლობაში იმ ოჯახებს, რომელთა სოციალური ქულა არის 150 000 და ნაკლები, ელექტროენერგიის ტარიფის ნაზარდს მთავრობა დაუფარავს.

ამის შესახებ დღეს, 17 იანვარს, განაცხადა ირაკლი ღარიბაშვილმა მთავრობის სხდომაზე.

„დაახლოებით მილიონ ადამიანს დავუსუბსიდირებთ ელექტროენერგიის ტარიფის ნაზარდს.

აღნიშნული პროგრამა გვქონდა პანდემიის დაწყების დღიდან, გრძელდებოდა 2 წელი, ახლა იანვარში შეწყდა ეს სუბსიდირების პროგრამა და ამიტომ მივიღეთ გადაწყვეტილება, რომ აღნიშნული პროგრამა გავაგრძელოთ,“ – განაცხადა ღარიბაშვილმა.

მისივე თქმით, პროგრამა 2022 წლის იანვრიდან ამოქმედდება.

—

ელექტროენერგიის ახალი ტარიფები საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ [სემეკი] 2020 წლის 29 დეკემბერს დაადგინა, რომლის მიხედვითაც „ენერგო-პრო ჯორჯიას“ საყოფაცხოვრებო აბონენტებისთვის [მოსახლეობისთვის] დენის გადასახადი 3,494 თეთრით გაძვირდა. 3.4 თეთრით გაძვირდა დენის გადასახადი „თელასის“ საყოფაცხოვრებო აბონენტებისთვისაც.

სწორედ ამ დანამატს დაუფარავენ სოციალურად დაუცველ ოჯახებს ბიუჯეტიდან.

17 იანვრის მონაცემებით, გასულ 24 საათში აჭარაში კორონავირუსის 330 ახალი შემთხვევა დადასტურდა.

გასულ 24 საათში 8 ადამიანი გარდაიცვალა კოვიდით.

დღეის მონაცემებით, აჭარის კოვიდკლინიკებშია 611 პაციენტი, კოვიდსასტუმროში იმყოფება 593 ინფიცირებული.

ამ ეტაპზე აჭარაში 122 მძიმე პაციენტია, მათგან 45 ხელოვნური სუნთქვის აპარატზე იმყოფება.

17 იანვრის მონაცემებით, საქართველოში კოვიდის 3656 ახალი შემთხვევა დადასტურდა, 32 პაციენტი გარდაიცვალა.

17 იანვრის მონაცემებით, საქართველოში დადასტურდა კოვიდის 3656 ახალი შემთხვევა, ჩატარდა 29 711 ტესტი კორონავირუსზე.

გასულ 24 საათში 32 პაციენტი გარდაიცვალა კოვიდით.

16 იანვრის მდგომარეობით, დადებითობის დღიური მაჩვენებელი არის 12.31 %, ბოლო 14 დღის მანძილზე – 9.64% ხოლო 7 დღის მანძილზე – 9.69%.

დღეს ქვეყანაში გამოვლენილი ინფიცირების 3 656 ახალი შემთხვევიდან თბილისში გამოვლენილია 2 530 შემთხვევა, აჭარაში – 330, იმერეთში – 213, ქვემო ქართლში – 116, შიდა ქართლში – 98, გურიაში – 67, სამეგრელო – ზემო სვანეთში – 104, კახეთში -106, მცხეთა-მთიანეთში – 43, სამცხე-ჯავახეთში – 44, რაჭა-ლეჩხუმსა და ქვემო სვანეთში -5.

ამ ეტაპზე საქართველოში კოვიდით ინფიცირების 53 329 აქტიური შემთხვევაა, მათგან 4 500 ადამიანი მკურნალობს საავადმყოფოში.

16 იანვრის დილის მონაცემებით, ბოლო 24 საათში საქართველოში კორონავირუსით 24 პაციენტი გარდაიცვალა. ამავე პერიოდში დადასტურდა ვირუსის 5 504 ახალი შემთხვევა.

Stopcov.ge-ზე გამოქვეყნებული ინფორმაციის თანახმად საქართველოში ამ დროისთვის:

• კორონავირუსის დადასტურებული შემთხვევა – 995 687 , ბოლო 24 საათში – 5 504
• მათ შორის გამოჯანმრთელებული – 928 441 , ბოლო 24 საათში – 3 304
• მათ შორის გარდაცვლილი – 14 449 , ბოლო 24 საათში – 24
• ბოლო 24 საათში ჩატარებული კვლევა ტესტით – 51 838, მათ შორის ანტიგენის სწრაფი ტესტით – 25 161, PCR ტესტით – 26 677
• დადებითობის მაჩვენებელი: დღიური – 10,62%, ბოლო 14 დღის – 9,43%, ბოლო 7 დღის – 9,6%
• სულ აცრილია – 2 609 515, დღიურად აცრილია – 5 053
• კარანტინის რეჟიმში – 54
• სტაციონარში მეთვალყურეობის ქვეშ – 4 393
• კლინიკურ სასტუმროში მყოფი პირები – 2 051

დღეს ქვეყანაში გამოვლენილი ინფიცირების 5 504 ახალი შემთხვევიდან:
თბილისში გამოვლენილია 3 222 შემთხვევა, აჭარა – 768, იმერეთი – 483, ქვემო ქართლი – 189, შიდა ქართლი – 203, გურია – 109, სამეგრელო – ზემო სვანეთი – 184, კახეთი -159, მცხეთა-მთიანეთი – 101, სამცხე-ჯავახეთი – 72, რაჭა-ლეჩხუმი და ქვემო სვანეთი -14.

ამ ეტაპზე ინფიცირების მიმდინარე აქტიური შემთხვევა 52 771 საიდანაც:

• 4 393 ადამიანი მკურნალობს საავადმყოფოში, მათ შორის, თბილისის საავადმყოფოებში – 1 848, აჭარაში – 606, იმერეთში – 814.
• ამ ეტაპზე მძიმე პაციენტია 967 პირი, მათ შორის, თბილისში – 436, აჭარაში – 108, იმერეთში – 249.
• ხელოვნური სუნთქვის აპარატზე იმყოფება 293 პირი,  მათგან თბილისში – 163, აჭარაში – 50, იმერეთში – 27.
• 2 051 ადამიანი მოთავსებულია კლინიკურ-სასტუმროებში, მათ შორის 1 249 – თბილისში, 568- აჭარაში.

46 327 პირი ვირუსის მკურნალობის კურსს გადის საცხოვრებელ ბინაზე.

საზღვაო ტრანსპორტის სააგენტოს განცხადებით, ბათუმში, მახინჯაურის დასახლებაში სანაპიროსთან გამორიყულ გემზე ეკიპაჟის 13 წევრი იმყოფება. გემი ინარჩუნებს პოზიციებს, მაგრამ მისი დახმარება ამ ეტაპზე მაღალი ტალღების გამო ვერ ხერხდება.

საზღვაო ტრანსპორტის სააგენტოს განცხადებას გთავაზობთ უცვლელად:

7 იანვარს, ქ ბათუმის საზღვაო აკვატორიის #4 საღუზე რაიონში დადგა რუსეთის დროშის ქვეშ მცურავი გემი, სახელწოდებით: SGV-Flot (IMO 8033089). გემზე იმყოფება ეკიპაჟის 13 წევრი (რუსეთის მოქალეები). 15 იანვარს, დღის მეორე ნახევარში ნავსადგურის მორიგე ოფიცერს დაუკავშირდა გემის კაპიტანი და აცნობა, რომ ძლიერი ღელვის გამო ღუზა ვეღარ იჭერდა გემს და იწყებდა დრეიფს.

გემის კაპიტანმა მიიღო გადაწყვეტილება და მოითხოვა მოხსნილიყო მე-4 საღუზე წერტილიდან და გადასულიყო მეხუთე საღუზე წერტილში, რომელიც მეტად დაშორებულია ნაპირს და კაპიტნის ვარაუდით გემისთვის უფრო უსაფრთხო იქნებოდა იქ დგომა.

ძლიერი შტორმის (ზღვის ღელვა აღწევს 6 ბალს, ქარის სიჩქარე – 12-18 მ/წ.) გამო გემმა დაკარგა მანევრირების უნარი და ტალღებმა დაიწყო მისი წამოღება ნაპირისკენ. გემმა შეძლო საკუთარი ძალებით ნაპირისკენ სვლის შეჩერება, ჩაშვებული აქვს ორივე ღუზა და ამ ეტაპზე არ იცვლის პოზიციას.

ამ მომენტისთვის ტალღის სიმაღლისა და გემის მიმდებარედ არასაკმარისი სიღრმეების გამო ბათუმის პორტის ბუქსირები ვერ გადიან გემის დასახმარებლად. ველოდებით ამინდის გაუმჯობესებას. საზღვაო ტრანსპორტის სააგენტო სრულად არის ჩართული პროცესში და ყველა შესაბამის ღონისძიებას ატარებს.

სახელმწიფო აუდიტის ანგარიშის მიხედვით, 2019-2020 წლებში, სურსათის ეროვნული სააგენტოს მიერ ნიმუშების აღების შედეგად სურსათში აღმოჩენილი სავალდებულო გასაჯაროებას დაქვემდებარებული 936 შემთხვევიდან, ინფორმაცია გამოქვეყნებულია შეუსაბამობის 288 ფაქტის
შესახებ [31%], რომლებიც სრულად არ მოიცავდა პროდუქტის იდენტიფიცირებისა და მიკვლევისთვის საჭირო ინფორმაციას.

აუდიტის დასკვნით, რიგ შემთხვევებში, ეს ინფორმაციებიც არ გასაჯაროვდა დროულად.

„ქვეყანაში სურსათის უვნებლობის კონტროლის მიმართ მომხმარებლებისა და დაინტერესებული მხარეების სანდოობის ზრდას ხელს შეუწყობდა ინფორმაციის გასაჯაროების შესახებ სტანდარტული ოპერაციული პროცედურების არსებობა, სადაც დეტალურად იქნებოდა გაწერილი დარღვევების გასაჯაროების კრიტერიუმები, ვადები, საზოგადოების გაფრთხილების მიზნით გამოქვეყნებულ განაცხადებში არსებული მონაცემები და სხვ.“ – აცხადებს აუდიტი.

„აღნიშნული, უზრუნველყოფდა მომხმარებლებისა და დაინტერესებული მხარეების სანდოობის ზრდას, სტანდარტიზებულ და დასაბუთებულ მიდგომას სურსათში აღმოჩენილი დარღვევის თითოეულ შემთხვევაზე მომხმარებლის ინფორმირების გადაწყვეტილებასთან დაკავშირებით და შეამცირებდა მავნე პროდუქტის მოხმარების რისკებს“ – აღნიშნულია აუდიტის ანგარიშში.

აუდიტის რეკომენდაცია გარემოს დაცვისა და სოფლის მეურნეობის სამინისტროს სსიპ − სურსათის ეროვნულ სააგენტოს:

[checklist]

• მავნე სურსათის შესახებ მოსახლეობის სრულად და დროულად ინფორმირების უზრუნველსაყოფად, სურსათის ეროვნულმა სააგენტომ შეიმუშაოს დეტალური მეთოდოლოგია ან/და სტანდარტიზებული ოპერაციული პროცედურები, სადაც განისაზღვრება დარღვევის გასაჯაროების კრიტერიუმები და სხვა მნიშვნელოვანი საკითხები. ასევე გარემოს დაცვისა და სოფლის მეურნეობის სამინისტროსთან ერთად განიხილოს სურსათის ხარისხობრივი მაჩვენებლების შეუსაბამობის შესახებ ინფორმაციის გასაჯაროებისათვის სავალდებულო ხასიათის მინიჭების საკითხი.

[/checklist]

აუდიტის მიხედვით, „სურსათისმიერი საფრთხეების ადამიანის ჯანმრთელობაზე ზეგავლენის რისკების სათანადო შეფასებისთვის მნიშვნელოვანია ეროვნულ დონეზე შესაბამისი რაოდენობრივი და ხარისხობრივი მონაცემების არსებობა, თუმცა ამ მიმართულებით ქვეყანაში არსებობს მნიშვნელოვანი გამოწვევები:

• არ არის შემუშავებული მოსახლეობის მიერ სურსათის მოხმარების, ანუ „ფაქტობრივი კვების“ შესახებ მონაცემები ეროვნულ დონეზე, რაც ხელს უშლის ექსპოზიციის სათანადო შეფასებას;
• რისკის მმართველის მიერ განხორციელებული მონიტორინგის შედეგად მიღებული მონაცემები, ხშირად არ არის თავსებადი რისკის შეფასებისთვის;
• სურსათით გამოწვეული დაავადებების შემთხვევები არ დასტურდება ლაბორატორიულად და მხოლოდ სავარაუდო მონაცემებია, რაც რისკის შეფასებისთვის გამოსადეგი არ არის“.

„ზემოაღნიშნულიდან გამომდინარე, სსიპ − სამეცნიერო-კვლევითი ცენტრის რისკის შეფასების სამსახურის მიერ მომზადებული სურსათისმიერი საფრთხეების ადამიანის ჯანმრთელობაზე ზეგავლენის რისკის შეფასების დასკვნები სათანადოდ ვერ ფარავს ექსპოზიციის შეფასებას, რაც ხელს უშლის რისკის დახასიათების საფეხურის ხარისხიანად განხორციელებას. შედეგად, რისკის შეფასების პროცესი ვერ ხორციელდება სრული სქემით“ – აცხადებს აუდიტი.

„სურსათის უვნებლობის უზრუნველსაყოფად სახელმწიფოს მიერ განხორციელებული ღონისძიებების [შემდგომი რეაგირება] აუდიტის ანგარიში“ სამსახურმა 2021 წლის 14 იანვარს გამოაქვეყნა.

აუდიტი აცხადებს, რომ „სურსათის უვნებლობის უზრუნველსაყოფად სახელმწიფოს მიერ განხორციელებული ღონისძიებების ეფექტიანობის აუდიტი“  2015 წელს ჩაატარა, ხოლო აღნიშნული აუდიტის შედეგად გაცემული რეკომენდაციების შესრულების მდგომარეობის, ასევე გატარებული რეფორმებისა და გამოწვევების შესწავლის მიზნით, განხორციელდა შემდგომი რეაგირების აუდიტი [2016-2021 წწ.].

შემდგომი რეაგირების აუდიტის შედეგად კი, „გამოვლინდა გარკვეული სახის ნაკლოვანებები, რომლებიც დაკავშირებულია სურსათის უვნებლობის სფეროში რისკის შეფასების, სახელმწიფო კონტროლის მართვის ელექტრონული პროგრამის და აღმოჩენილი დარღვევების გასაჯაროების მიმართულებით არსებულ ხარვეზებთან“.