საქართველოს ეროვნული ბანკის[სებ] მონაცემებით, 2021 წლის დეკემბერში ქვეყანაში შემოსული ფულადი გზავნილების ნაკადების მოცულობამ 229.5 მლნ აშშ დოლარი [711.1 მლნ ლარი] შეადგინა, რაც 14.9%-ით [29.8 მლნ აშშ დოლარით] მეტია 2020 წლის დეკემბერის ანალოგიურ მაჩვენებელზე.
სების ინფორმაციით დეკემბერში ყველაზე მეტი თანხა ჩამოირიცხა ევროკავშირის ქვეყნებიდან – ჯამში 90.3 მილიონი აშშ დოლარი.
რაც შეეხება ცალკეულ ქვეყნებს, ამ შემთხვევაში ყველაზე მეტი თანხა რუსეთიდან ჩამოირიცხა, შემდეგ არიან: იტალია, აშშ, საბერძნეთი, ისრაელი და სხვა ქვეყნები:
ფულადი გზავნილები საქართველოში 2021 წლის დეკემბერში / წყარო: სებ
სების მონაცემებით 2021 წლის დეკემბერში საქართველოდან საზღვარგარეთ 33.3 მლნ აშშ დოლარი [103.3 მლნ ლარი] გადაიგზავნა, რაც 2020 წლის დეკემბერის [24.7 მლნ აშშ დოლარი] ანალოგიურ მაჩვენებელთან შედარებით 35.1%-ით მეტია.
![ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]](https://batumelebi.netgazeti.ge/wp-content/uploads/2026/06/11.png "ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]")
