ბათუმში ნაპირთან გამორიყული გემი ზღვაში შესვლას ცდილობს

ბათუმში, შტორმის გამო ნაპირთან გამორიყული გემი ზღვის სიღრმეში შესვლას ვერ ახერხებს. ის ნაპირისკენ დღეს, 15 იანვარს, ძლიერმა ტალღებმა წამოიღო. გემი ამ წუთებში [20:30 სთ] მახინჯაურის სანაპიროსთან არის ახლოს.

აღნიშნულ გემს მშრალი ტვირთები გადააქვს და ის რუსეთის დროშის ქვეშ დაცურავს.

შტორმის გამო, ჯერჯერობით ვერც შესაბამისი სამსახურები ახერხებენ გემისთვის დახმარების აღმოჩენას.

საზღვაო ტრანსპორტის სააგენტოს განცხადებით, ბათუმში, მახინჯაურის დასახლებაში სანაპიროსთან გამორიყულ გემზე ეკიპაჟის 13 წევრი იმყოფება. გემი ინარჩუნებს პოზიციებს, მაგრამ მისი დახმარება ამ ეტაპზე მაღალი ტალღების გამო ვერ ხერხდება:

ტალღის სიმაღლის გამო ბუქსირი ვერ გადის დასახმარებლად – სააგენტო გამორიყული გემის შესახებ