ამ დროისთვის აჭარის მაღალმთიანეთში თოვლის საფარის სიმაღლე 60 სანტიმეტრიდან იწყება და 1 მეტრს აჭარბებს. დიდთოვლობის გამო ჩაკეტილია სოფლებთან დამაკავშირებელი გზები. პრობლემებია კურორტ გოდერძიზე მიმავალ გზაზეც.
აჭარის საავტომობილო გზების დეპარტამენტის ინფორმაციით, ამ ეტაპზე მობილიზებულია ტექნიკა და ძირითადად სოფლის ცენტრებთან მისასვლელი გზები იწმინდება.
„ინტენსიური თოვის გამო ჯერ ვერ ხერხდება სოფლის შიდა გზების გაწმენდა. ცენტრებთან მისასვლელი გზებიც ეტაპობრივად გაიწმინდება“ – გვითხრეს დეპარტამენტში.
თოვის, ქარბუქისა და ცუდი ხილვადობის გამო, საქართველოს საავტომობილო გზებზე შეზღუდვები მოქმედებს.
შიდასახელმწიფოებრივი მნიშვნელობის ბათუმი -ახალციხის საავტომობილო გზის კმ86-კმ106 მონაკვეთზე, დასაშვებია მხოლოდ მაღალი გამავლობის ავტოტრანსპორტის მოძრაობა. ხოლო, დანარჩენი სახის ავტოტრანსპორტის მოძრაობა აკრძალულია:
შეზღუდვები გზებზე 16 იანვრის მდგომარეობით
—
სინოპტიკოსების პროგნოზით აჭარის მაღალმთაში თოვა და ქარბუქი 18 იანვრამდე შენარჩუნდება:
მომდევნო ორ დღეს თოვა, 18 იანვრიდან უმეტესად უნალექოდ – ამინდის პროგნოზი აჭარაში