აჭარის განათლების სამინისტროს ინფორმაციით, 17 იანვარს სწავლა საკლასო ოთახებში განახლებამდე რეგიონის სკოლების პედაგოგებსა და ადმინისტრაციულ თანამშრომლებს ტესტირება ჩაუტარეს.
სწავლის დაწყებამდე პედაგოგებისა და ადმინისტრაციის თანამშრომლების ტესტირება განხორციელდა
„ჯანდაცვის სამინისტროს მიერ დაწესებული რეგულაციების დასაცავად, სკოლები უზრუნველყოფილია სადეზინფექციო მარაგებით და ყველა საჭირო ინვენტარით.
სწავლის დაწყებამდე სკოლის პედაგოგებისა და ადმინისტრაციის თანამშრომლების ტესტირება განხორციელდა.
კვლავ, ვირუსის გამოვლენის შემთხვევაში სკოლებში წერტილოვანი შეზღუდვები გაგრძელდება და სკოლები ჯანდაცვის სამინისტროს პროტოკოლის შესაბამისად იმოქმედებენ“, – აღნიშნული აჭარის განათლების სამინისტროს მიერ გავრცელებულ ინფორმაციაში.
საქართველოს საჯარო და კერძო სკოლებში ზამთრის არდადეგები გასული წლის 29 დეკემბერს დაიწყო. სკოლები ხვალ, 17 იანვარს განაახლებენ მუშაობას იმის მიუხედავად, რომ ეპიდემიოლოგიური რისკები მომატებულია.
