3 კვირაში ქორწილი ჰქონდა – აგვისტოს ომში დაღუპული გიორგი შაინიძის ისტორია

7 აგვისტოს დილაა. გიორგის, ტრადიციულად, დედა და უმცროსი და აცილებენ სახლიდან.

26 წლის კაპრალი დაბა ოჩხამურიდან ბათუმში, ადლიის სამხედრო ბაზაზე მიდის და ყოველ საღამოს სახლში ბრუნდება.

წასვლამდე გიორგი დედას 7000 ლარს აძლევს, რომელიც წინა საღამოს ბანკიდან სესხად გამოიტანა. ფული ქორწილისთვის დასჭირდა, რომელიც დაახლოებით 3 კვირაში, 26 აგვისტოსაა დაგეგმილი. 29 ივლისს გიორგი დაინიშნა და მას შემდეგ ოჯახი საქორწინო სამზადისშია.

„[სარიტუალო] დარბაზში გვქონდა ბე დატოვებული, მაგრამ რაღაცნაირად არ მოსწონდა. 7-ში, დილით რომ მიდიოდა, ვუთხარი, გაიარე და გააფრთხილე, რომ გადაიფიქრე, აღარ გინდა და სხვა დარბაზში გავაკეთოთ-მეთქი. ერთხელ უნდა გადაიხადო ქორწილი, 2-ჯერ დ 3-ჯერ ხომ არა, თუ არ მოგწონს, არ გინდა ეგ-მეთქი. არაო, დედი, იყოს რაც არისო – ეტყობა ურეკავდნენ ბიჭები და სად ეცალა დარბაზისთვის?! წავიდა 7-ში დილით და წავიდა და წავიდა“, – 18 წლის შემდეგ იხსენებს გიორგის დედა, მანანა შაინიძე დღეს, როცა შვილს უკანასკნელად დაემშვიდობა.

საღამოს გიორგი სახლში არ დაბრუნდა. დაახლოებით 21:000 საათზე დარეკა და ოჯახს გააგებინა, რომ სამხედრო სწავლებაზე იყო გორში, სადაც მოულოდნელად მოუწია წასვლა. დედას უთხრა, რომ სწავლებას ტყეში გადიოდნენ, სადაც მობილურის დამუხტვას ვერ მოახერხებდა, ამიტომ, არ ენერვიულა, თუ ვერ დაუკავშირდებოდა და დაჰპირდა, რომ თავად დაურეკავდა, როგორც კი შეძლებდა.

მოგვიანებით გაირკვა, რომ დედასთან საუბრის დასრულების შემდეგ გიორგი თანამებრძოლებთან ერთად რუს ოკუპანტებს ებრძვის. 8 აგვისტოს, გამთენიისას, გორში, მას რუსი სნაიპერის ტყვია ხვდება. დედა შვილის დაღუპვის ამბავს რამდენიმე დღის შემდეგ იგებს.

გიორგი შაინიძე

„8 აგვისტო რომ გათენდა, ტელევიზორი ჩავრთეთ და არ მომეწონა სიტუაცია – უკვე სროლებია, დაძაბულობაა. ჩემი გოგო სოფელში მიდიოდა გიორგის დანიშნულის ჩამოსაყვანად. ჩაიცვა, დაიხურა, გაემზადა, მაგრამ არ გავუშვი. ეკა-მეთქი, მეუბნები ჩემს შვილს, ეს ამბავი არ მომწონს, გიასთანაც ზარი აღარ გადის, არ წახვიდე სოფელში-მეთქი. თურმე, ამ დროს ჩემი შვილი უკვე მკვდარია. თურმე მთელმა სანათესავომ, მთელმა ოჩხამურმა იცი, რომ ჩემი შვილი აღარ არის ცოცხალი, მარა მე, დედას ვინ მეტყოდა?!

დილიდან წინა საღამოს მისი დატოვებული ტანსაცმელი გავრეცხე. შუადღეზე რომ ჩამოვხსენი, უკვე ვხვდებოდი – ომია, ზარი აღარ გადის, სანათესავოც აფუსფუსდა. ვკეცავ ამ შარვალს და მაიკას, თან ვეხუტები და ვტირი – შვილო, არ დამიტოვო ეს ტანსაცმელი, გთხოვ შვილო, გთხოვ-მეთქი. დედა ხარ და გრძნობ. ვიღაცები მეუბნებიან, ფეხი აქვს მოტეხილიო, დაჭრილია და საავადმყოფოშია – უნდა მიმახვედრონ, მაგრამ პირდაპირ ვერ მეუბნებიან. ეს საღამოც ასე დაღამდა.

9-ში დილით ფანჯარა გავაღე, ოთახი გავანიავო-მეთქი. გავიხედე და დავინახე, რომ ეზოში ჩიტი მოსულა და მომკვდარა. ვიკივლე, ჩემი შვილი მომკვდარა-მეთქი. მოვიდა ყველა – სამეზობლო, სანათესავო. ეგონათ, რომ გავიგე უკვე. ჩემი სიძე, გოგოს ქმარიც ჯარისკაცია. ისიც გორში იყო. იმას ვურეკავთ, მაგრამ არ გვეუბნება. იცოდე რომ მკვდარია და 3-4 დღე არ მოგიყვანონ დედას შვილი?! მაგიტომ მიმალავდნენ. მე კი ვხვდებოდი, მაგრამ არ მინდოდა დაჯერება.

ცხელ ხაზზე ვრეკავთ და გვეუბნებიან, რომ გიორგი შაინიძე არ არის, გიორგი შავაძეაო, თუ შარაშიძეო, არ მახსოვს – გვარი არასწორად დაეწერეს. ასე დაღამდა 9 რიცხვი. გორში ბიძაშვილი მყავს, დავურეკეთ იმის ქმარს. ამ წუთას ვერ ჩავალ, ტყვიები წიწინებს, გათენდეს და დღისით წავალო. 10-ში, კვირა დილას ჩავიდა და გორის სამხედრო ჰოსპიტალში ნახა. მხარზე დედა ეწერა – ჩემი სახელი. მაგით იცნეს. სახეს ვინ დაანახებდა?! გაფუჭებული ჰქონდა.

იმ საღამოს 11-12 იყო საათი, რომ მოიყვანეს. 4 დღე გასული იყო, 3-4 დღეც მე გავაჩერე, მე-7 თუ მე-8 დღეს გავასვენეთ. ტანზე, ხელზე ვეფერებოდი, სახეს არ გვანახვებდნენ, დაბინტული ჰქონდა. ასე დასრულდა მისი ცხოვრება, – გვიყვება მანანა შაინიძე.

მანანა შაინიძე, გიორგი შაინიძის დედა

26 აგვისტოს, როცა ოჯახის წევრები, მეგობრები, ნათესავები, თანამებრძოლები, რომლებსაც გიორგის ქორწინება უნდა აღენიშნათ, მისი გლოვისთვის შეიკრიბნენ.

“მთელი ჯარი რომ წამოვიდა და წამოვიდა, ალბათ 1000 კაცი შეიკრიბა. სახლში სუფრა გავშალეთ – ზემოთ, ქვემოთ, ეზოში… ქორწილივით იყო. მერე ჩავრთე მუსიკები – გავგიჟდი, სიმწრისგან გავგიჟდი. შვილო, შენ ეს მუსიკა გიყვარდა, შენი საცოლე სახლშია, შენი ქორწილი უნდა ყოფილიყო, შენ სად ხარ-მეთქი. ვაიმე, მე რაც მაქვს გადატანილი, თოფით რომ მომდევდეს კაცი, მაინც არ ვიტყვი, რომ შენ გადაიტანე ის, რაც მე გადამიტანია“, – გვიყვება მანანა შაინიძე და თან ცრემლებს იწმენდს.

ის იხსენებს, როგორ ნერვიულობდა, როცა გიორგი პირველად წავიდა საზღვარგარეთ საკონტრაქტო სამხედრო სამსახურის დაწყებიდან 3-4 თვეში. თუმცა, ეს მხოლოდ სასწავლო პროგრამა იყო გერმანიაში. ამის შემდეგ კაპრალი გიორგი შაინიძე NATO-ს სამშვიდობო მისიის ფარგლებში იმყოფებოდა კოსოვოსა და ერაყში.

„ერაყში არ მოკვდა, გერმანიაში არ მოკვდა და აგერ, ეზოში მოკვდა. ეზო ჰქვია საქართველოში რომ დაიღუპა, აბა რა ჰქვია?!“ – ამბობს დედა, რომელსაც საერთოდ არ უნდოდა მის შვილს სამხედრო სამსახური დაეწყო.

„მე ვეუბნებოდი, დედი, ვერ გაგიშვებ. არ გადაწყვიტო მაგ თემაზე არაფერი, ვერ გაგიშვებ-მეთქი. ამოვიწევ კაბის კალთას, ვიმათხოვრებ და ისე გაჭმევ, სხვანაირად თუ არ შემეძლება, ოღონდ ვერ გაგიშვებ-მეთქი. ერთი დღესაც, დილით ადგა და მეუბნება, დედიო, მეო, გადავწყვიტე და უნდა წავიდეო. რატომ-მეთქი და მთელი სოფელი წავიდა, ხომ ხედავ, მე რა ვქნა ოჩხამურშიო, მე რა ვაჟკაცი ვიქნებიო, ამდენი ბიჭები მიდიან და მე სახლში დავრჩეო, უნდა წავიდეო.

კაი დედი-მეთქი, ვუთხარი. წადი-მეთქი. თუკი ოჩხამურში ყველა ბიჭი წავიდა და აი, ყველა ბიჭები უნდა მოკვდეს ჯარში, შენც მოკვდი მათთან ერთად, თუ არ უნდა მოკვდნენ და ყველა უნდა დაბრუნდეს, შენც დაბრუნდები-მეთქი. დავულოცე გზა და წავიდა. ყველა დაბრუნდა და თვითონ ვერ დაბრუნდა“, – გვეუბნება მანანა შაინიძე.

დედის ინფორმაციით, გიორგი 2008 წლის ომის წინა ხაზზეც საკუთარი ინიციატივით წავიდა. მას სამხედრო ბაზაზე დარჩენა დაევალა, თუმცა მაინც გაჰყვა თანამებრძოლებს გორში.

„როცა მივიდა [სამხედრო ბაზაზე] ბიჭები მანქანებზე ისხდნენ და მიდიოდნენ, ამას ტოვებდნენ. დამრჩენებში იყო – ჯარს ხომ უნდა ეპატრონოს ვიღაცამ?! შენ აქ უნდა იყო, გიორგი, შენ ვერ წამოხვალო უთხრეს. რას ჰქვია მე დამრჩენებში ვიქნებიო, სადაც თქვენ მიდიხართ, მეც იქ მოვდივარო.

ეზოდან დაიწყო თურმე სამოქალაქო ტანსაცმლის გახდა. ის შარვალი, ბოტასი და მაიკა ახლობელი ბიჭი იყო ერთი, იმან გამომიტანა მეორე-მესამე დღეს: დედი, ასე დაეყარა ეს ტანსაცმელიო – დედის მიძახდა ისიც – შეახტა მანქანას და წავიდეო, ფორმა ნახევრად მანქანაში ჩაიცვაო. იქ უნდა ვიყო, სადაც ჩემი ბიჭები არიანო უთქვამს. შესვლამდე [გორშიო] ბიჭები ლაპარაკობდნენ, შენ წინ არ წახვიდეო, საცოლე დანიშნული გყავს, ქორწილი უნდა გქონდეს, უნდა იცოცხლოო. თქვენ უნდა იცოცხლოთ, რომ მეც ვიცოცხლოო. წავიდნენ, შევიდნენ და პირველად მას მოხვდა ტყვია. 8-ში დილით დაიღუპა, 6 საათზე“, – ამბობს მანანა შაინიძე.

ის გიორგის ბავშვობის ფოტოებს გვათვალიერებინებს და გვეუბნება, რომ გიორგის უმცროსი დის, ეკას შვილი ძალიან ჰგავს ბიძას. ეკა საბავშვო ბაღის აღმზრდელია, უფროსი და, ლალი კი პედაგოგი. ის ისტორიას ასწავლის დაბა ოჩხამურის საჯარო სკოლაში, რომელიც ახლა გიორგი შაინიძის სახელს ატარებს. მანანა და დავით შაინიძეებს სულ 5 შვილიშვილი ჰყავთ.

შვილმკვდარი დედა მადლიერებას გამოხატავს ყველას მიმართ, ვისაც მისი შვილის ღვაწლი და სახელი არ დავიწყებია: უხარია, როცა 3 მარტს, დედის დღეზე შვილის სახელობის სკოლაში იწვევენ, ან რაიონულ თუ რეგიონულ ღონისძიებებს ესწრება, რომლებიც გიორგი შაინიძისა და აგვისტოს ომში დაღუპული სხვა მებრძოლების ხსოვნას ეძღვნება; მადლიერია, რომ 8 აგვისტოს შვილის საფლავზე ჯარისკაცებს, სახელმწიფო მოხელეებს და უცხო ადამიანებს ხედავს; მადლიერია ჟურნალისტების, რომლებიც მისი შვილის შესახებ სტატიებსა და რეპორტაჟებს ამზადებენ და ამით, მის სახელს მომავალ თაობებს უნახავენ.

„სასაფლაოზე ადგილი არ არის რომ დადგეს ადამიანი, იმდენი ხალხი მოდის. მოდიან, გვეფერებიან, ქედს იხრიან ჩვენს წინაშე. ამით მე შვილი არ გამიცოცხლდება, მაგრამ მაინც მიხარია, რომ ახსოვთ და აფასებენ. მეც მინდა, რომ სულ მასზე ვილაპარაკო, სულ მისთვის ვიყო“, – გვეუბნება გიორგი შაინიძის დედა.

საუბრის დასასრულს მანანა შაინიძიმემ გვითხრა, რომ სურს საქართველო გახდეს ისეთი ქვეყანა, რისთვის ბრძოლასაც შეეწია მისი შვილი – გამთლიანებული, მშვიდობიანი და თავისუფალი. ქვეყანა, სადაც ყველას ადამიანეს ექნება ცხოვრების ღირსეული პირობები.

როგორი ამინდი იქნება შაბათ-კვირას ბათუმში

გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 7 აგვისტოს 21 საათიდან 8 აგვისტოს 21 საათამდე აჭარაში მოსალოდნელია ცვალებადი მოღრუბლულობა, უმეტესად უნალექოდ.

იქროლებს ცვალებადი მიმართულების ქარი 8-13 მეტრი წამში.

ჰაერის ტემპერატურა სანაპირო ზოლსა და მთიან მუნიციპალიტეტებში:

  • დღისით: 27 – 32 გრადუსი სითბო
    ღამით: 17 – 22 გრადუსი სითბო

მაღალმთიან ზონაში:

  • დღისით: 17  – 22 გრადუსი სითბო
    ღამით: 9 – 14 გრადუსი სითბო

ზღვის ღელვა 2-3 ბალი იქნება, ზღვის წყლის ტემპერატურა +27 გრადუსია.

სინოპტიკოსების ცნობით,მომდევნო ორი დღეს, 9-10 აგვისტოს აჭარაში მოსალოდნელია ელჭექის ხასიათის წვიმა.

“ღრმად შეშფოთებული ვართ რუსეთის მიერ საქართველოს ტერიტორიის განგრძობადი ოკუპაციით” – აშშ-ის საელჩო საქართველოში

დღეს, 7 აგვისტოს, რუსეთ-საქართველოს ომის დაწყებიდან 18 წელი გავიდა. საქართველოში ამერიკის შეერთებული შტატების საელჩო ამ თარიღს ეხმაურება.

„დღეს საქართველოს წინააღმდეგ განხორციელებული რუსეთის სამხედრო აგრესიიდან თვრამეტი წელი გავიდა.

შეერთებული შტატები კვლავაც ღრმად შეშფოთებულია რუსეთის მიერ საქართველოს ტერიტორიის განგრძობადი ოკუპაციით და გმობს რუსეთის მიმდინარე ოკუპაციის პირობებში მომხდარ მკვლელობებს, გატაცებებსა და სხვა სახის ძალადობას.

სოლიდარობას ვუცხადებთ ქართველ ხალხს და კიდევ ერთხელ ვადასტურებთ ერთგულებას საქართველოს სუვერენიტეტის, დამოუკიდებლობისა და ტერიტორიული მთლიანობის მიმართ, ხაზს ვუსვამთ, კონფლიქტის მშვიდობიანი გადაჭრის საჭიროებას,“- ნათქვამია აშშ-ს საელჩოს განცხადებაში.

აჭარაში პოლიციამ თურქეთის მიერ ძებნილი 2 პირი დააკავა

შს სამინისტროს ცნობით, აჭარის პოლიციამ თურქეთის რესპუბლიკის მიერ ძებნილი 2 პირი, ჯგუფურად ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვა-ტარებისა და საზღვრის უკანონო კვეთის ბრალდებით დააკავეს.

„სამართალდამცველებმა ბრალდებულების პირადი და დროებითი საცხოვრებელი ბინის ჩხრეკისას, ნივთმტკიცებად ამოიღეს ცეცხლსასროლი იარაღი და საბრძოლო მასალა, მათ შორის: 2 პისტოლეტი, სამი მჭიდი და 129 ვაზნა. დგინდება, რომ ორივე დაკავებული სხვადასხვა მძიმე დანაშაულისთვის იძებნებოდა“ -წერს შსს.

გამოძიება სისხლის სამართლის კოდექსის 236-ე და 344-ე მუხლებით მიმდინარეობს, რაც 11 წლამდე თავისუფლების აღკვეთას ითვალისწინებს.

_______

ფოტოზე: კადრი შს სამინისტროს ვიდეომასალიდან

რუსეთის და უკრაინის სამხედრო დანაკარგები ომში – 7 აგვისტო

უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2026 წლის 7 აგვისტომდე პერიოდში, რუსეთის არმიის საბრძოლო დანაკარგი არის:

  • ცოცხალი ძალა – დაახლოებით 1 455 420 ადამიანი [გასულ დღე-ღამეში +1 210. ამ მონაცემებში შედის როგორც დაღუპულები, ასევე დაჭრილები]
  • ტანკი – 12 247 ერთეული [+1]
  • ჯავშანტექნიკა – 25 098 ერთეული [+11]
  • საარტილერიო სისტემა – 47 522 ერთეული [+67]
  • MLRS – 2 008 ერთეული [+2]
  • საზენიტო საბრძოლო სისტემა – 1 550 ერთეული [+3]
  • თვითმფრინავი – 439 ერთეული [+0]
  • ვერტმფრენი – 354 ერთეული [+0]
  • უპილოტო საფრენი აპარატის ოპერატიულ-ტაქტიკური დონე – 447 855 ერთეული [+1 589]
  • სახმელეთო რობოტიზებული კომპლექსი – 2 152 ერთეული [+14]
  • გემი/ნავი – 34 ერთეული [+0]
  • წყალქვეშა ნავი – 2 ერთეული [+0]
  • მანქანები და საწვავის ავზები – 131 068 ერთეული [+386]
  • სპეცტექნიკა – 4 502 ერთეული [+6]
  • ფრთოსანი რაკეტა [ჩამოაგდეს] – 5 007 ერთეული [+0]

უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.

უკრაინის სამხედრო დანაკარგებზე სტატისტიკური ინფორმაცია 2026 წლის 25 თებერვლის შემდეგ აღარ განუახლებია რუსეთს.

რუსეთის თავდაცვის სამინისტროს მიერ ტელეგრამ არხზე ბოლოს გავრცელებული მონაცემებით, ომის დაწყებიდან 2026 წლის 25 თებერვლამდე პერიოდში სულ განადგურებულია უკრაინის:

  • 670 თვითმფრინავი
  • 283 ვერტმფრენი
  • 117 299 უპილოტო საფრენი აპარატი
  • 651 საზენიტო სარაკეტო სისტემა
  • 27 873 ტანკი და სხვა ჯავშანტექნიკა
  • 1 674 მრავალჯერადი სარაკეტო გამშვები
  • 33 474 საველე არტილერია და ნაღმმტყორცნი
  • 55 252 სპეციალური სამხედრო მანქანა

ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.

ამასთან, აღნიშნულ მონაცემებთან ერთად რუსეთის თავდაცვა, უკრაინის და რუსეთის არმიის ცოცხალი ძალის საერთო დანაკარგების შესახებ სტატისტიკას არ აქვეყნებს. უკრაინის არმიის ცოცხალი ძალის დანაკარგების შესახებ მონაცემებს არ აქვეყნებს არც უკრაინა.

—

რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.

ამავე თემაზე:

„რუსები დრონებით ცდილობენ დროშა დაარჭონ სადღაც, რომ თითქოს რაღაც აიღეს“ – ინტერვიუ

 

 

 

მთავარი ფოტო: უკრაინის გენშტაბი/facebook

რატომ აღარ ისმის რეზო ხარაზის პროტესტის ხმა – აქტიური პოლიტიკიდან კივის ბაღებში

სად გაქრა ოპოზიციონერი, რომელზეც ყველა ამბობდა, რომ ბრძოლის ველს არასდროს დატოვებს, ოპოზიციონერი, რომელზეც შეიძლება პირდაპირ ითქვას, რომ ჩაკეტილ საჯარო სივრცეებს არღვევდა და ამ სიტყვების პირდაპირი მნიშვნელობით ფანჯრიდან შედიოდა? ის ხშირად მართავდა ბრიფინგებს, აპროტესტებდა კონკრეტულ გადაწყვეტილებებს, ამხელდა მაღალჩინოსნებს, აჩერებდა საკრებულოს სხდომებს.

ბევრი აკრიტიკებდა და არასერიოზულ ქცევადაც კი აფასებდა ხმაურს, რომელსაც რეზო ხარაზი ბათუმის წინა მოწვევის საკრებულოს სხდომაზე თავისი პროტესტით იწვევდა:

„შოუებს დგამს“, „წავიდნენ ტელევიზიები, რეზოც წავიდა“, „ბიუჯეტს ვამტკიცებთ, სად არის ახლა რეზო?“ – ცინიკური იყო მის მიმართ საკრებულოში „ოცნების“ წარმომადგენლობა.

რეზო ხარაზი აქტიური იყო საპროტესტო აქციებზეც, არაერთხელ დააკავეს ადმინისტრაციული წესით.

როცა რეზო ხარაზი მერიის დაკეტილ შენობაში ფანჯრიდან შევიდა
როცა რეზომ სხდომაზე განაცხადა, რომ მერთან შესვლა სურდა და კარებთან დაცვა ჩადგა

სად გაქრა და რატომ აღარ ჩანს რეზო ხარაზი? – ამ კითხვას, რამდენიმე საპასუხო ვერსია მოჰყვა:

„ხელი ჩაიქნია, ამ საქმიდან არაფერი გამოვაო და სოფელში გადავიდა“, „ოცნების ხელისუფლებიდან გრანტი მიუღია და ბიზნესს იწყებს – ესეც თქვენი ოპოზიციონერი“, „საკუთარ პარტიაზეა გაბრაზებული – დაჭამეს ერთმანეთი თანამდებობებისთვის“, „რა ქნას, შვილები ჰყავს, ოჯახს რჩენა უნდა, ბავშვებს სწავლა, თქვენ როგორ ლაპარაკობთ“ და ასე შემდეგ.

რეზო ხარაზი „ერთიანი ნაციონალური მოძრაობის“ წევრია მისი დაფუძნების დღიდან, წინა ხელისუფლების დროს ჯერ იყო განათლების სამინისტროს სპორტისა და ახლაგაზრდობის დეპარტამენტის ხელმძღვანელი, შემდეგ ქობულეთის გამგებლის მოადგილე [მაშინ მერების ნაცვლად გამგებლები მართავდნენ მუნიციპალიტეტს].

იყო წინა მოწვევის საკრებულოს წევრი „ერთიანი ნაციონალური მოძრაობიდან“ და როცა მისი თანამებრძოლების ნაწილი ნიკა მელიასთან ერთად „ახალში“ წავიდა, თვითონ დარჩენა გადაწყვიტა: „მე არსად წავსულვარ და არც პარტია შემიცვლია ზოგიერთებისგან განსხვავებით. კაცი უნდა იყოს სტაბილური“ – თქვა მან მაშინ.

ჩვენ გადავწყვიტეთ თავად რეზოსთვის გვეკითხა, სად გაქრა ოპოზიციონერი, რომელიც ყველას ეგონა, რომ არასოდეს გაჩერდებოდა. მას სოფელ ზედა კვირიკეში, საკუთარ სახლში მივაკითხეთ იმის გასარკვევად, მართლა ხელი ჩაიქნია და ბიზნეს იწყებს, თუ პარტიის ხელმძღვანელებზეა გაბრაზებული.

რეზო ხარაზი სოფელ ზედა კვირიკეში მშობლებთან და ოჯახთან ერთად ცხოვრობს, მამა აგრონომია, მას წლების წინ საკუთარ კარ-მიდამოში კივის ბაღი გაუშენებია, ახლა ამ ბაღის გაფართოება და მის სარეალიზაციოდ შესაბამისი ინფრასტრუქტურის შექმნა გადაუწყვეტია რეზოს. ბაღი უკვე ერთ ჰექტარზე აქვს გაშენებული.

„მირჩიეს უცხოეთში წასვლა. მარწმუნებდნენ, რომ სხვანაირად არაფერი გამომივიდოდა. არ წავედი, მე მაქვს შესაძლებლობა რომ აქ ვიშრომო, გადავწყვიტე და შევიტანე განაცხადი აგროკრედიტზე. დიდხანს არ მაძლევდნენ პასუხს, არ მოვეშვი. მართალია, მქონდა უიმედობის მომენტები, მაგრამ მეგობრები მეუბნებოდნენ, რომ პრინციპული უნდა ვიყო და მეც არ მოვეშვი. ამოვიდა კომისია შემამოწმა, ადგილი ნახეს, მოეწონათ, მაგრამ მაინც აჭიანურებდნენ.

ბოლოს მოვთხოვე ოფიციალური უარი, რაზეც მიპასუხეს, რომ მსგავს წერილებს არ გასცემდნენ. ბიუჯეტი არის ჩვენი ხალხის ფული და დიახ, ჩვენ უნდა მოვითხოვოთ, რაც ამ ბიუჯეტიდან გვეკუთვნის. ვიდრე ამ განაცხადს გავაკეთებდი, გადავამოწმე და ვნახე, რომ ძალიან დიდ, ფინანსურად ძლიერ კომპანიებს, მათ შორის პარლამენტარებს აქვთ მიღებული მსგავსი დაფინანსებები. ჰო და, არ მოვეშვი“.

გარკვეული პროცედურების გავლის შემდეგ, საბოლოოდ რეზომ აგროკრედიტი მიიღო, მოაწყო სარწყავი სისტემა, სამაცივრე ოთახი და დაიწყო კივის ბაღის გაფართოება. ამბობს, რომ ეს საქმე დიდ შრომას ითხოვს, რაც ადვილი არ არის: „ მაგრამ არც ოპოზიციონერობაა ადვილი, ხომ იცით მე სამსახურს ვერავინ მომცემდა, ვერავინ დამასაქმებდა.“

აქტიური პოლიტიკიდან კივის ბაღებში - რატომ აღარ ისმის რეზო ხარაზის პროტესტის ხმა

რეზო ყველას ურჩევს, რომ მოითხოვონ, რაც ეკუთვნით, არ გაჩერდნენ, ხელი არ ჩაიქნიონ, არ დაიღალონ და იყვნენ პრინციპულები:

„ბიუჯეტი ჩვენი ფულია, ჩვენი. დავდივარ და ყველას ვეუბნები, რომ არ წავიდნენ სოფლებიდან, არ დაკეტონ, არ გაყიდონ სახლები. ძალიან გული გვტკივა სოფელში სახლებს რომ ყიდიან, ხალხი გარბის, ახალგაზრდები გარბიან. ყველას ვთავაზობ, რომ დავეხმარები“.

როგორც თავად გვიამბო დილის ექვსი საათიდან ბაღში გადის, უვლის ნარგავებს, ისე, როგორც მის ხარისხიან მოსავალს სჭირდება.

საუბარში ხშირად უბრუნდება იმ საკითხს, რომ პროტესტში რჩება და არსად წასვლას არ აპირებს, თუმცა მისი საუბრით ირკვევა ისიც, რომ პარტიაში მიმდინარე პროცესებმა მის ერთგულ წევრებში იმედგაცრუება გამოიწვია:

„ჩვენ უნდა გვქონდეს პოლიტიკა, რომელიც ორიენტირებული იქნება საქმეზე,  რომ მიხვალ მოქალაქესთან არავინ უნდა თქვას, რა გაგიკეთებიაო. ვლანძღავთ ამ „ოცნებას“, ვლანძღავთ… 14 წელი საკმარისზე მეტი დროა. შენ ელაპარაკებოდე ადამიანებს და თან თითს უქნევდე, ასე თითის დაქნევით დღეს ვერავის შეაშინებ. ამას უნდა სხვანაირი მიდგომა.

ვინც ოპოზიციურად აზროვნებს, პოლიტიკური პარტია, თუ „ოცნების“ საქმეს არ აკეთებ, მაშინ უნდა დასხდნენ, დაილაპარაკონ და შეთანხმდნენ საბოლოოდ რა უნდათ. ამ ბრძოლამაც გამოაჩინა, ვინ სად იყო.

მე ვარ გლეხი, ვმუშაობ აგერ სოფელში და ველოდები პოლიტიკოსი როდის იტყვის სწორ სიტყვას, როდის გააკეთებს სერიოზულ განცხადებას და არა იმას, რომ 26-ში შევიკრიბოთ – დავიშალეთ, 27-ში შევიკრიბოთ, უი, ვერ შევიკრიბეთ. ვისი ბრალია? – ნაციონალების ბრალია, მერე „გირჩის“ ბრალია, საბოლოოდ ბიძინა ივანიშვილის ბრალია. ბიძინა ივანიშვილის ბრალი რაც არის, ეს ძალიან კარგად იცის ხალხმა“.

რეზო ამბობს, რომ არ აპირებს „ოცნების“ ხელისუფლების შესაცვლელად დაწყებულ ბრძოლას ჩამოშორდეს, თუმცა აცხადებს, რომ არც იმ შეცდომების დანახვა და გაანალიზება უჭირს, რასაც, ზოგადად, ოპოზიცია და თუნდაც მისი პარტია, „ნაციონალური მოძრაობა“ უშვებს. მისი აზრით, ახლა საქმეზე და შეთანხმებაზე ორიენტირების დროა, რადგან „მხოლოდ გინებით და ლანძღვით არაფერი გამოვიდა.“

„მე საქმეს მოვკიდე ხელი იმის პარალელურად, რაც ხდება პოლიტიკურ ველზე. აქ ვნახე შვება. დიახ, ახლა ყველაზე მეტი ბრძოლა ქუჩაშია. ყოველდღიური კომუნიკაცია მაქვს იმაზე მეტ ადამიანთან, ვიდრე ამ დრომდე მქონდა, აქედან უფრო კარგად გავიაზრე, რა არის მომავალში გასაკეთებელი. რა შეცდომები დავუშვით და რისი გამოსწორებაა საჭირო.

ალბათ დადგება დრო, როცა ადამიანები, რომლებსაც ოპოზიციონერი პოლიტიკოსის პასუხისმგებლობა, ლიდერის პასუხისმგებლობა აკისრიათ, რადგან ხალხმა უწოდა ლიდერი პოლიტიკურ ველზე, გაიაზრებენ, ვინ სჭირდებათ, როგორი ადამიანები სჭირდებათ.

თუ საქმეს აკეთებ – უნდა გააკეთო. ვფიქრობ, ამ გადახტომა-გადმოხტომებმა ყველაზე მეტად დააზარალა ჩვენი ქვეყანა. ახლა ბევრს მსჯელობენ რიყის დოქებიო, პარტიული თანამდებობებიო – რა დროს თანამდებობები და რიყის დოქებია ხალხო, ქვეყანაა გადასარჩენი.

არც თანამდებობა მაინტერესებს და არც პარტიის ყრილობა, მე მაინტერესებს საქმე, რომელსაც შედეგი ექნება. უნდა დაილაპარაკონ და შეთანხმდნენ, რა გვინდა“ – ამბობს რეზო ხარაზი.

„პოლიციელების თვალწინ გამომასახლეს უკანონოდ“ – შშმ ქალი ბათუმიდან

„ბინიდან გამომიყარეს ჩემი ნივთები და კარს ბოქლომი დაადეს. სადაა სამართალი? პოლიცია მეუბნება, უკან თუ შეხვალ, დაგაკავებთო, ღია ცის ქვეშ დავრჩი მარტო“ – ამბობს მოქალაქე გულნაზ ფერაძე. ის შშმ ქალია, სოციალურად დაუცველი და ბოლო წელიწადნახევარია ბათუმში, ლერმონტოვის ქუჩაზე ერთ-ერთ ბარაკულ ნაგებობაში ცხოვრობს.

პირი, რომელიც ამბობს, რომ ბარაკის მესაკუთრეა, შშმ ქალის ბინაში შეიჭრა და იქედან მფლობელის ნივთები გამოყარა იმ არგუმენტით, რომ გულნაზ ფერაძე ქირის თანხას აღარ იხდის. გულნაზ ფერაძე კი ამბობს, რომ მხოლოდ ბოლო 1 თვის თანხა – 300 ლარი არ გადაუხდია, რადგან შეთანხმების მიხედვით, მესაკუთრეს იატაკი უნდა გაეკეთებინა, რადგან ბარაკში ვირთხები და მორიელებიაო – ამბობს გულნაზი.

გამოსახლებას, კანონმდებლობის მიხედვით, სასამართლოს გადაწყვეტილება და შესაბამისი სააღსრულებო პროცესი სჭირდება.

დღეს, 6 აგვისტოს შშმ ქალი ბარაკიდან ისე გამოასახლეს, რომ არც სასამართლოს გადაწყვეტილება არსებობდა და ადგილზე არც აღმასრულებელი გამოჩენილა.

მეტიც, გამოსახლება პოლიციელების თვალწინ ხდებოდა, რომლებსაც თვითნებობაზე რეაგირება არ მოუხდენიათ.

იურისტი რამინ მაჭარაშვილი მიიჩნევს, რომ საქმე პოლიციელების მხრიდან სამსახურებრივ გულგრილობასთან გვაქვს და გენერალურ ინსპექციას უკვე მიმართა.

ბარაკში შშმ ქალის მძიმე ცხოვრების შესახებ „ბათუმელები“ 2026 წლის ივნისში წერდა. მაშინ ქალი ამბობდა, რომ ბინა, რომელიც მისი საკუთრება იყო, ყოფილმა ქმარმა თაღლითური გზით მიითვისა და შემდეგ გაყიდა, ამიტომაც, უსახლკაროა. თაღლითობის მუხლით დაწყებულ გამოძიებას შსს ამ დრომდე არ იძიებს. გულნაზ ფერაძე ამბობს, რომ ის ოჯახში ძალადობის მსხვერპლიც იყო. მისი ყოფილი ქმარი სასამართლოს გირაოთი ჰყავს გათავისუფლებული და საქმის განხილვა წლებია გრძელდება.

„მას შემდეგ, რაც ბინა დავკარგე, ქირით ვცხოვრობ… დღეს დილით ძაღლების გასეირნება გადავწყვიტე, გამოვკეტე ბარაკი ბოქლომით და წავედი, რომ მოვედი, კარი უკვე გატეხილი იყო და მესაკუთრე ჩემს ნივთებს გარეთ ყრიდა,“ – უყვება „ბათუმელებს“ გულნაზ ფერაძე, – „პოლიციელებმა არაფერი არ შეაჩერეს, პირიქით, მე გადამიყვანეს პოლიციის მე-4 განყოფილებაში და მითხრეს, კარებზე ახალი ბოქლომი დაგვხდება, იქ თუ მაინც შეხვალთ, დაგაკავებთო… ეს მითხრა ბათუმის პოლიციის მე-4 განყოფილების უფროსის მოადგილემ.

რადგან ბინაში იყო ვირთხები და მორიელები, რამდენიმე თვის წინ მესაკუთრეს შევუთანხმდი რემონტზე… რადგან რემონტი არ გააკეთა, ამიტომ არ გადავიხადე წინა თვის ფული… შემდეგ მომივარდნენ და მესაკუთრის შვილმა ფიზიკური შეურაცხყოფაც მომაყენა. არც ეს შემთხვევა არ გამოუძიებიათ.

ბათუმის მერია მიხდის ქირის თანხას – 400 ლარს, მაგრამ ამ ფულით სად უნდა ვიქირაო ბინა ბათუმში, მით უმეტეს, შუა ზღვის სეზონზე, აგვისტოში?!

გარდა ამისა, გამოსახლების დროს, ჩემი ნივთები დაზიანდა… ბინაშია ჩემი მაცივარი, გაზქურა, მდივანი. კარს ბოქლომი ადევს. არავინ არსად წასასვლელს არ მთავაზობს,“ – გვითხრა გულნაზ ფერაძემ.

გულნაზ ფერაძე

„პოლიციელებმა ხელი შეუწყვეს თვითნებობას, ნაცვლად იმისა, რომ ეს ძალადობა და თვითნებური, უკანონო გამოსახლება შეეჩერებინათ,“ – ამბობს ადვოკატი რამინ მაჭარაშვილი, ის გულნაზ ფერაძის ინტერესებს იცავს.

რამინ მაჭარაშვილი ყურადღებას ამახვილებს იმაზე, რომ ბარაკული ტიპის შენობები კანონიერად დარეგისტრირებული არავის აქვს და ის, ვინც ამბობს, რომ ბარაკის მესაკუთრეა, მესაკუთრედ დაფიქსირებული არ არის.

„კანონიერი მესაკუთრე რომც იყოს, მას არ აქვს უფლება,ამ ფორმით მფლობელი, ანუ ვინც ბინა დაიქირავა, გამოასახლოს, მაგრამ საქმე ისაა, რომ პოლიციას არც უცდია ამის გარკვევა – მიმართა ვიღაც მოქალაქემ, თქვა, მე ვარ მესაკუთრეო და პოლიციამ ნება დართო, თვითნებურად, უკანონოდ, ძალადობრივად ემოქმედა პოოლიციელების თვალწინ, როცა ყველამ იცის, რომ გამოსახლებას სჭირდება სასამართლოს შესაბამისი გადაწყვეტილება,“ – ამბობს ადვოკატი რამინ მაჭარაშვილი. იგი გულნაზ ფერაძის პოლიციაში გამოკითხვის პროცესსაც ესწრებოდა.

„პოლიციელებს ოთხჯერ დავახევინე გამოკითხვის ოქმი – არაფრით არ წერდნენ იმას, რომ ძალადობით მოხდა გამოსახლება, რომ ბოქლომდადებული კარი გატეხეს და ისე შევიდნენ ბინაში, ეს არის სისხლის სამართლის შემადგენლობა სწორედ – ბინის მფლობელობის ხელშეუხებლობის დარღვევა [სსკ-ის 160-ე მუხლი].

პოლიცია სინამდვილეში ვერ დაადგენს საკუთრება ვისია, ამიტომ მას თვითნებობა და ძალადობა უნდა აღეკვეთა და შემდეგ სასამართლოს უნდა გაერკვია, ვის რა ეკუთვნის.

ბოლოს ვყვიროდი პოლიციის განყოფილებაში, ისე მესაუბრებოდნენ. კანონის ენით მელაპარაკებითო? – პოლიციელი მეუბნება ამას. მფლობელის ხელშეუხებლობის დარღვევის შესახებ თუ გსმენიათ-მეთქი ვეკითხებოდი, მით უფრო მაშინ, როცა ქირავნობის ხელშეკრულება მოშლილი არ არის.

კანონიერი მესაკუთრე ამ მისამართზე რომ არ ჩანს, რეესტრის ამონაწერებით მივედი შემდეგ ისევ პოლიციის იმავე განყოფილებაში. წამოდით და შემასახლებინეთ ახლა უკან ის ქალი-მეთქი, პოლიციელებს ვუთხარი. მითხრეს, უფროსობა ადგილზე არ არის, რას ამბობ, მესაკუთრე ის ქალი არ იყო, ვინც ჩვენ მოგვმართაო?“ – ამბობს რამინ მაჭარაშვილი.

დაიწყო თუ არა გამოძიება? – შსს-ს პრესცენტრმა „ბათუმელებს“ შშმ ქალის თვითნებურად გამოსახლებაზე არ გვიპასუხა.

რას სთავაზობს ბათუმის მერია შშმ ქალს, რომელიც თვითნებურად გამოსახლეს? – „ბათუმელები“ დაუკავშირდა ბათუმის მერიასაც

„გულნაზ ფერაძეს ერთჯერად მატერიალურ დახმარებაზე აქვს დაწერილი განაცხადი, კომისია ხვალ შეიკრიბება და დავეხმარებით 500 ლარის ოდენობით, 400 ლარს იღებს ყოველთვიურად, როგორც ძალადობის მსხვერპლი,“ – მოგვწერეს ბათუმის მერიის პრესცენტრიდან.

პროკურატურა აფხაზეთის დე ფაქტო რეჟიმთან სხვა ქვეყნის თანამშრომლობით არ ინტერესდება

რამდენიმე დღეში თბილისის საქალაქო სასამართლოში ალიშერ ბეისენბაევის ექსტრადიციის დასაშვებობის საკითხს განიხილავენ. ალიშერ ბეისენბაევი ყაზახეთის მოქალაქეა.

ექსტრადიციის ამ საქმეში დადგენილია, რომ ყაზახურმა მხარემ მიმართა საქართველოს დროებით ოკუპირებულ აფხაზეთს, როგორც დამოუკიდებელ და სუვერენულ სახელმწიფოს სამართლებრივი დახმარების აღმოჩენის მოთხოვნით. საქართველოს კანონმდებლობის მიხედვით, ეს ექსტრადიციის გამომრიცხავი გარემოებაა.

ალიშერ ბეისენბაევს ყაზახეთი თაღლითობის ჩადენას ედავება და ამის გამო ეძებდა. საინტერესო ისაა, რომ ამავე საქმეზე, 2021 წელს, თბილისში ყაზახეთის კიდევ ერთი მოქალაქე დააკავეს – მაშინ პროკურატურამ სასამართლოში ექსტრადიციის პროცედურის გაუქმება მოითხოვა იმ არგუმენტით, რომ ყაზახეთის შსს-მ სამართლებრივი დახმარება სთხოვა აფხაზეთის დე ფაქტო რესპუბლიკას.

შეიცვალა პროკურატურის დამოკიდებულება ოკუპირებულ აფხაზეთთან დაკავშირებით? რატომ აუარა გვერდი ამჯერად კანონს „სისხლის სამართლის სფეროში საერთაშორისო თანამშრომლობის შესახებ“, კონკრეტულად კი, 29-ე მუხლის მეოთხე პრიმა ერთი პუნქტის ჩანაწერს: „ექსტრადიცია არ განხორციელდება, თუ იგი ეწინააღმდეგება საქართველოს სახელმწიფო სუვერენიტეტს, უსაფრთხოებას ან ძირითად ინტერესებს.“

პირს, რომლის ექსტრადიციასაც აპირებენ, საგამოძიებო ორგანოებს საქართველოში მიაწოდა ინფორმაცია, როგორ აღუკვეთეს თავისუფლება აფხაზეთში, მუქარით გამოსძალეს დიდი ოდენობით თანხა, ხოლო შემდეგ ენგურის გავლით გადმოიპარა ზუგდიდში. აფხაზეთში მომხდარ დანაშაულებზე, სადაც მსხვერპლი სავარაუდოდ ყაზახეთის მოქალაქეები არიან, გამოძიება შინაგან საქმეთა სამინისტრომ 2021 წელს დაიწყო, თუმცა დღემდე არავინ დასჯილა. ყაზახეთიდან გამოქცეულ ალიშერ ბეისენბაევს საქართველოში თავშესაფრის სტატუსზეც უარი უთხრეს.

თუ სასამართლო ალიშერ ბაისენბაევის ექსტრადიციის საკითხს დასაშვებად მიიჩნევს, საბოლოო გადაწყვეტილებას იუსტიციის მინისტრი მოაწერს ხელს და დაკავებულს ყაზახეთს გადასცემენ.

  • რა ჩანს საქმის მასალებით – ვის ექსტრადიციას ითხოვენ? 

ალიშერ ბაისენბაევი ყაზახეთის მოქალაქეა. იგი 2026 წლის 10 მარტს დააკავეს თბილისში. ყაზახეთში თაღლითობის მუხლით ალიშერ ბაისენბაევის წინააღმდეგ გამოძიება 2019 წელს დაიწყო.

ყაზახური მხარე იუწყება, რომ ალიშერმა დანაშაული 2019-2020 წლებში ჩაიდინა: თაღლითურად მიიღო ნებართვა სარკინიგზო გადაზიდვების მომსახურებაზე და ისე მოიპოვა 1 220 770 აშშ დოლარიო.

2026 წლის 11 მარტს თბილისის საქალაქო სასამართლოში მოსამართლე ფიქრია სიქტურაშვილმა დააკმაყოფილა პროკურორ კონსტანტინე ცაცუას შუამდგომლობა და თბილისში დაკავებულ ალიშერ ბეისენბაევს საექსტრადიციო პატიმრობა 3 თვით შეუფარდეს. ამ ვადის გასვლის შემდეგ, საექტრადიციო პატიმრობის ვადა გახანგრძლივდა. ამჯერად საქართველომ ექსტრადიციაზე საბოლოო გადაწყვეტილება უნდა მიიღოს, რისთვისაც საჭიროა სასამართლოს გადაწყვეტილება ექსტრადიციის დასაშვებობაზე.

ყაზახეთში დაწყებული თაღლითობის ამ კონკრეტულ საქმეზე ყაზახეთის მთავრობა წითელი ცირკულარით ეძებდა კიდევ ერთ პირს – ბ. ტ.-ს, რომელიც ალიშერ ბაისენბაევის მეგობარი და ყოფილი ბიზნესპარტნიორია. ამ პირების მიერ საქართველოს შსს-თვის მიწოდებული ინფორმაციის მიხედვით, ისინი იძულებული გახდნენ, დაეტოვებინათ ყაზახეთი, რადგან ბ.-ს ბიზნესწილების დათმობას აიძულებდნენ და ფიზიკური განადგურების საფრთხის წინაშე აღმოჩნდნენ.

საქმის მასალების მიხედვით, ყაზახეთიდან გამოქცეულებს უთქვამთ, რომ თავდაპირველად მოსკოვში წავიდნენ, მაგრამ იქ თავს დაცულად ვერ გრძნობდნენ, ამ დროს აფხაზეთში მცხოვრებმა „მეგობარმა“ შემოგვთავაზა უსაფრთხო ადგილი: აქ არაფერი გემუქრებათო. აფხაზეთში მომხდარ ამბავზე ქვევით უფრო ვრცლად მოგიყვებით, მანამდე კი, ბ.ტ.-ს შესახებ გეტყვით: მას თავდაპირველად 2021 წელს შეუფარდეს საექსტრადიციო პატიმრობა, თუმცა მალევე პროკურატურამ თავად მიმართა შუამდგომლობით თბილისის საქალაქო სასამართლოს და ტ.-ს მიმართ საექსტრადიციო პატიმრობა გაუქმება მოითხოვა. მაშინ პროკურატურამ დადასტურებულად მიიჩნია ადვოკატის მიერ მოპოვებული მტკიცებულება, რომლის მიხედვითაც ყაზახური მხარე ამ კონკრეტული სისხლის სამართლის საქმის ფარგლებში აფხაზეთის დე ფაქტო რეჟიმთან თანამშრომლობდა.

პროკურატურამ 2021 წელს სასამართლოსთვის მომზადებულ შუამდგომლობაში ეს ჩაწერა:

„ექსტრადიციის განხილვის პროცესში ბ. ტ.-ს ინტერესების დამცველი ადვოკატის მიერ, საქართველოს გენერალურ პროკურატურაში წარმოდგენილ იქნა დოკუმენტი, საიდანაც დგინდება, რომ იმ სისხლის სამართლის საქმეზე, რომლის ფარგლებშიც ბ. ტ. ყაზახეთის რესპუბლიკაში მიცემულია სისხლისსამართლებრივ პასუხისგებაში და მოთხოვნილია მისი ექსტრადიცია, საქმის მწარმოებელმა ორგანომ – ყაზახეთის რესპუბლიკის შინაგან საქმეთა სამინისტროს ტრანსპორტზე პოლიციის დეპარტამენტის საგამოძიებო სამმართველო, სამართლებრივი დახმარების აღმოჩენის შესახებ შუამდგომლობით მიმართა აფხაზეთის დე ფაქტო რესპუბლიკას და მოითხოვა ექსტრადიციის ქვემდებარე დანაშაულთან სავარაუდოდ შემხებლობაში მყოფი და ამავდროულად, აფხაზეთის რეგიონში მცხოვრები ორი პირის დაკითხვა და ინფორმაციის ყაზახეთის რესპუბლიკის კომპეტენტური ორგანოებისთვის მიწოდება.

…ზემოაღნიშნული გარემოებების შესწავლის შედეგად, საქართველოს გენერალური პროკურატურა მივიდა დასკვნამდე, რომ საექსტრადიციო პროცედურის ეტაპზე მიზანშეწონილია... ტ. დაუყოვნებლივ გათავისუფლდეს პატიმრობიდან“, – ეწერა პროკურატურის შუამდგომლობაში.

საექსტრადიციო პატიმრობიდან გაათავისუფლეს, თუმცა ბ.ტ.-სსაქართველომ თავშესაფრის სტატუსზე საბოლოოდ უარი უთხრა. ადვოკატი შოთა ხორავა ამბობს, რომ 2025 წელს ბ.ტ. მოტყუებით ჩაიყვანეს ყაზახეთში და შემდეგ დააპატიმრეს.

ალიშერ ბაისენბაევი კი, რომელსაც ასევე საქართველომ უარი უთხრა თავშესაფრის სტატუსზე, დღე-დღეზე ელოდება ყაზახეთში ექსტრადირებას.

„აღნიშნულ საქმეში გამოვლენილია ალიშერ ბეისენბაევის ყაზახეთის რესპუბლიკაში ექსტრადიციის გამომრიცხავი გარემოება,“ – წერს ადვოკატი შოთა ხორავა პროკურატურას და განცხადებას თან ურთავს აფხაზეთის „ხელისუფლებისთვის“ გამოგზავნილ წერილს – სამართლებრივი დახმარების აღმოჩენის მოთხოვნით: „კერძოდ, ექსტრადიცია ეწინააღმდეგება საქართველოს სახელმწიფო სუვერენიტეტს, უსაფრთხოებას, ან ძირითად ინტერესებს, რადგანაც იმ სისხლის სამართლის საქმეზე, რის საფუძველზეც ყაზახეთის რესპუბლიკა ითხოვს ალიშერ ბეისენბაევის გადაცემას, ყაზახურმა მხარემ მიმართა საქართველოს დროებით ოკუპირებულ რეგიონს, აფხაზეთს, როგორც დამოუკიდებელ და სუვერენულ სახელმწიფო სამართლებრივი დახმარების აღმოჩენის მოთხოვნით.

2021 წლის 9 მაისს ამავე საქმეში ძებნილი მეორე პირის მიმართ პროკურატურამ გააუქმა გამოყენებული აღკვეთის ღონისძიება,“ – წერს ადვოკატი შოთა ხორავა, რომელიც ალიშერ ბეისენბაევის ინტერესებს სასამართლოში იცავს.

„აფხაზეთის რესპუბლიკის კომპეტენტურ ორგანოებს“ – ზედა მარჯვენა კუთხეში ამ წარწერით გაუგზავნია ოფიციალური წერილი ყაზახეთის შს სამინისტროს ერთ-ერთი დეპარტამენტის წერილი აფხაზეთის დე ფაქტო ხელისუფლებისთვის.

„ყაზახეთის რესპუბლიკის შინაგან საქმეთა სამინისტროს ტრანსპორტის დეპარტამენტი გამოხატავს ღრმა პატივისცემას აფხაზეთის რესპუბლიკის სამართალდამცავი ორგანოების მიმართ და ურთიერთთანამშრომლობის პრინციპის საფუძველზე მოგმართავთ დავალებით – სამართლებრივი დახმარების გაწევის შესახებ.

აფხაზეთის რესპუბლიკის ტერიტორიაზე საგამოძიებო მოქმედებების შესრულება აუცილებელია გამოძიების ყოველმხრივობის, სისრულისა და ობიექტურობის უზრუნველყოფისათვის,“ – აღნიშნულია ყაზახეთიდან აფხაზეთში გაგზავნილ წერილში.

რას ნიშნავს, როცა პროკურატურა გვერდს უვლის აფხაზეთის ოკუპაციის თემას და კანონს „სისხლის სამართლის სფეროში საერთაშორისო თანამშრომლობის შესახებ“? – პროკურატურაში „ბათუმელების“ კითხვებს ამ საკითხზე არ უპასუხეს.

  • რას ჰყვება თავად ალიშერ ბეისენბაევი? 

ალიშერ ბეისენბაევის თქმით, ის წლების განმავლობაში ყაზახეთის სახელმწიფო სარკინიგზო კომპანიის შვილობილ კომპანიაში „TOO KTZE – Khorgos Gateway“ მუშაობდა, 2019 წლიდან კი, მეგობრის ბ.ტ.-ს მშობლების კუთვნილ კომპანიაში გადავიდა, რომელსაც ჰქონდა სარკინიგზო ლოჯისტიკის მომსახურება.

ალიშერის მონათხრობის მიხედვით, ბ.-ს ყაზახეთში „გავლენიანმა პირებმა“ კომპანიის წილების დათმობა მოსთხოვეს, ასევე კონკრეტული პირების წინააღმდეგ საგამოძიებო ორგანოში პოზიციის დაფიქსირება. ყაზახეთიდან გამოქცეული პირი ამბობს, რომ მას შემდეგ, რაც ყაზახეთი დატოვა ბ.ტ-მ მოულოდნელად მასაც, როგორც ბ.-ს მეგობარს, მოუწია სამშობლოს დატოვება: ფიზიკური თავდასხმის საფრთხე ვიგრძენიო.

„…მოსკოვში ყოფნისას თითქმის ყოველ დღე ვესაუბრებოდი ბ.-ს, რომელიც მიყვებოდა, რომ სოხუმში იყო უსაფრთხოდ. მეუბნებოდა, რომ სურვილის შემთხვევაში, მეც შემეძლო სოხუმში ჩასვლა და იქიდან საქართველოს უსაფრთხო ტერიტორიაზე ერთად გადავიდოდით კანონიერი გზებით.

რადგანაც რუსეთსა და ყაზახეთს შორის არის თავისუფალი მიმოსვლა და ერთნაირი კორუმპირებული სისტემაა, სადაც ადამიანის ფუნდამენტური უფლებები და თავისუფლებები ყოველ ნაბიჯზე ილახება, მე მქონდა რეალური საფრთხე, რომ ის პირები, ვინც ყაზახეთში ჩემს წინააღმდეგ იოლად მოქმედებდნენ, იოლად მომწვდებოდნენ მოსკოვში.

შესაბამისად, 2020 წლის 27 თებერვალს მოსკოვიდან თვითმფრინავით გავემგზავრე ადლერში, ხოლო იქიდან ტაქსით ჩავედი სოხუმში. ე.წ. „რუსეთ-საქართველოს საზღვარზე“. რუსეთიდან გასვლისას მხოლოდ პასპორტი შემიმოწმეს [გასვლის შტამპის გარეშე], ხოლო აფხაზეთის ავტონომიურ რესპუბლიკაში შესვლისას არანაირი პასპორტის შემოწმება არ მომხდარა…

ჩავედი სოხუმში, სადაც ტაქსიმა მიმიყვანა გამარჯვების პროსპექტის და აგუმავას ქუჩის კვეთაში არსებულ კორპუსში, იქ დამხვდა ფელიქს შანავა და ბ.ტ. პირველ დღეებში მე ვრჩებოდი ბ.-ს ნაქირავებ ბინაში, რამდენიმე დღეში ფელიქს შანავას და ოლეგ კოკაიას დახმარებით ვიქირავე ბინა ლაკობას და მარას ქუჩების კვეთაში, რის შემდეგაც 2020 წლის 8 მარტს ღამით სოხუმში ჩამოვიდა ჩემი მეუღლე – აიგულ ბეისენბაევა და ჩვენი ორი წლის ქალიშვილი“, – ეს ინფორმაცია თავად ალიშერ ბეისენბაევამ მიაწოდა პოლიციას საქართველოში. ყაზახეთიდან გამოქცეულმა პირებმა 2021 წელს უთხრეს შსს-ს საქართველოში, რომ ისინი რეალურად დევნილი არიან, აფხაზეთში კი, ტყვეობაში აღმოჩნდნენ.

  • რა მოხდა სოხუმში? 

„სოხუმში ჩასვლიდან მეორე დღეს, კაფე „ლეონში“ წავედით სასადილოდ,“ – ჰყვება ალიშერ ბეისენბაევა და აღწერს, მოსკოვში ყოფნის დროს მეც მესაუბრა ფელიქს შანავა –  მამაჩემის დიდი ხნის ნაცნობია, ყაზახეთის მოქალაქეა და მის ძმებს ჯართის ბიზნესი აქვთ ყაზახეთშიო. ალიშერ  ბაისენბაევა თავის ჩვენებაში ამბობს: ფელიქს შანავამ დამარწმუნა, რომ აფხაზეთში ჩასვლა კარგი იდეა იყოო.

კაფე „ლეონში“ სასადილოდ ალიშერი ცოლთან, შვილთან და მეგობართან – ბ-თან ერთად მისულა. ცოტა ხანში ბ-ს ფელიქს შანავა ურეკავს და გარეთ გასვლას სთხოვს. კაფეს ტოვებს ალიშერიც: დავინახე კაფესთან იდგა თეთრი ტოიოტა CROWN-იო.

„მე ჩავჯექი ავტომანქანის უკანა სავარძელზე – ბ-ს გვერდით. ჩაჯდომისთანავე ოლეგ კოკაიამ დაძრა ავტომანქანა და ფელიქსმა გვკითხა: რა მოხდა ყაზახეთში, რატომ შევუქმენით ფელიქსს პრობლემები? ჩვენ ვსაუბრობდით რუსულ ენაზე. ვიკითხეთ, რა პრობლემები შევუქმენით? მაგრამ ამაზე პასუხი არ გაგვცეს და უხეში ტონით გვკითხეს, მოგვეყოლა, რა მოხდა,“ – ამბობს ალიშერ ბეისენბაევი. მისი თქმით, ფელიქს შანავამ და ოლეგ კოკაიმ მას და მის მეგობარს 80 ათასი აშშ დოლარი მოსთხოვა.

„…ვუთხარით, რომ არანაირი თანხა გადასახდელი არ გვქონდა. ამ დროს ფელიქსი მიახლოვდა ბ-ს და სახეში დაარტყა მუშტი, ქამრიდან ამოიღო პისტოლეტი და მიადო შუბლზე, ოლეგმაც ამოიღო პისტოლეტი და მე დამიმიზნა, ფელიქსმა გვითხრა, რომ გადავიხდიდით ამ თანხას, თუ არადა მოგვკლავდნენ. ჩვენ შეშინებულები დავეთანხმეთ. მათ მოგვცეს 10 დღე, რათა თანხა სრულად დაგვეფარა, ხოლო მეორე დღის საღამომდე მიგვეტანა თანხის ნაწილი – 10 ათასი აშშ დოლარი,“ – ჰყვება ალიშერ ბეისენბაევი.

შეთანხმების მიხედვით, ყაზახები სოხუმში ისევ ნაქირავებ ბინაში დარჩნენ.

„გვითხრეს, რომ არსად გავქცეულიყავით და არავისთვის მიგვემართა, რადგან აფხაზეთის მასშტაბით საზღვრებს და სამართალდამცველებსაც აკონტროლებდნენ. ასევე გვითხრეს, რომ თუ ვინმე უცხო გვკითხავდა სოხუმში რას ვაკეთებდით, უნდა გვეპასუხა, რომ ჩვენ ვიყავით „პუზიკის“ სტუმრები, ხოლო გარი კოკაიას, ოლეგის ძმას ჰქონდა დიდი გავლენა აფხაზეთის ტერიტორიაზე…,“ – ესეც უთხრა გამოძიებას ალიშერ ბეისენბაევმა.

გარი კოკაია ოკუპირებული აფხაზეთის ე.წ. ოპოზიციის აქტიური წევრია. იგი ოკუპირებული აფხაზეთის ე.წ. პარლამენტის ყოფილი დეპუტატია.

ოჯახისა და ნათესავების დახმარებით ყაზახებს 2019 წლის 18 მარტს ფელიქს შანავასა და ოლეგ კოკაიასთვის 80 ათასი აშშ დოლარი მიუციათ, თუმცა მათ პასპორტები მაინც არ დაუბრუნეს. როცა ალიშერი პასპორტის დაბრუნებას ელოდა, ფელიქსს იმ დღეს ისევ ავტომანქანით მიუკითხავს:

„ფელიქსმა და ოლეგიმ ჩამსვეს მანქანაში და წამიყვანეს სოხუმის მაიმუნების სანაშენეს მიმართულებით. გზაში ორივემ დამიწყო უხეშად და მუქარის ტონით საუბარი… დამიწყეს ყვირილი და მეუბნებოდნენ, თქვენი ოჯახის წევრებს ფული ჰქონიათ და რატომ წუწუნებდით, თავს გვაცოდებდითო. მემუქრებოდნენ მოკვლით და გაუპატიურებით…

მითხრეს, რომ 300 ათასი დოლარი უნდა გადაგვეხადა… მანქანა მიიყვანეს ტყის პირას, ისეთ ადგილას, სადაც ჩვენს გარდა არავინ ჩანდა, ისინი აგრძელებდნენ ჩემს დაშინებას იარაღის დემონსტრირებით. მითხრეს, მოგკლავთ ან სოფელში, ფერმაში გვამუშავებდნენ მთელი ცხოვრება,“ – ამბობს ალიშერ ბეისენბაევი. მისივე თქმით, ამ შემთხვევის შემდეგ მისი მეგობრის – ბ-ის მამამ ავტომანქანაც გაყიდა და შვილს კიდევ 10 ათასი აშშ დოლარი გამოუგზავნა.

ამ ტრანსფერის შემდეგ მოთხოვნა 300 ათასიდან 70 ათას დოლარამდე შემცირებულა.

„2020 წლის აგვისტოში ნათესავებთან საუბრისას გავიგეთ, რომ ძმები შანავები და ოლეგ კოკაია ფიგურირებდნენ იმ სისხლის სამართლის საქმეში, რომელიც წარმოებს ჩვენს წინააღმდეგ ყაზახეთის რესპუბლიკაში. მათთან ერთად ასევე ფიგურირებს ჩვენთვის უცნობი პიროვნება – ასლან ბლაბბა, კერძოდ ის კომპანია, რომლის სახელითაც ერთ-ერთი ჩინური კომპანიისგან თანხების დაუფლება მოხდა ყაზახეთიდან ტვირთის გადაზიდვის სანაცვლოდ, შანავების დახმარებით დაფუძნებული ჰქონდა ასლან ბლაბბას…,“ – აღნიშნავს ალიშერ ბეისენბაევი.

ასლან ბლაბბა სააგენტო „ჯემნიუსის“ ინფორმაციით, არის პირი, რომელიც ოკუპირებული აფხაზეთის ე.წ. სასამართლომ 2024 წლის მარტში დამნაშავედ ცნო და 11 წლით თავისუფლების აღკვეთა მიუსაჯა. მას ბრალად ედებოდა 2019 წელს სოხუმში, რესტორან „სან რემოსთან“ მომხდარი გახმაურებული სამმაგი მკვლელობა და ორი პირის მკვლელობის მცდელობა.

ამასობაში, უპასპორტოდ დარჩენილ ყაზახ მეგობრებს უპოვიათ ინტერნეტგვერდი, სადაც რუსულ პასპორტების დამზადება შესთავაზეს. ალიშერის თქმით, ფოტოები იყო საჭირო, ამიტომაც, სოხუმში, ერთ-ერთ ფოტოატელიეში გადავიღეთ მე და ბ-მ სურათებიო. მეორე დღეს ოლეგ კოკაიას დაურეკავს: „პასპორტის სურათები რატომ გადაიღეთ?“

ალიშერის მონათხრობის მიხედვით, მას პასპორტის ფოტოების გადაღების შემდეგ ოლეგ კოკაია ოჩამჩირის ერთ-ერთ სოფელში უპირებდა სახლში გამოკეტვას, თუმცა მერე ეს გადაიფიქრა, 2019 წლის ოქტომბრის შუა რიცხვებში კი, ბ. სოხუმელ ტაქსისტს გარიგებია: ზუგდიდში უნდა გადაგვაპაროო.

„მდინარე ენგურის გადმოღმა დაგვხვდა ისევ ტაქსი. ზუგდიდში მთელი ღამე გავატარეთ ერთ ოჯახში. მასპინძლის სახელი არ მახსოვს. მეორე დღეს იმავე ტაქსით ჩამოვედით ბათუმში,“ – ამბობს ალიშერ ბეისენბაევი.

  • როდის დაიწყო გამოძიება და რა დადგინდა? 

რაც შეეხება საქართველოში დაწყებულ და წლების განმავლობაში დაუმთავრებელ გამოძიებას – გამოძიება ამ საქმეზე თავდაპირველად 2020 წელს დაიწყო ბათუმის პოლიციის პირველმა განყოფილებამ თავისუფლების უკანონო აღკვეთის შესაძლო ფაქტზე.

2021 წელს, როცა უკვე ალიშერ ბეისენბაევმა და ბ.ტ.-მ თავშესაფრის სტატუსი მოითხოვს, გამოძიება აფხაზეთის პოლიციის დეპარტამენტმა დაიწყო „ოკუპირებული ტერიტორიების შესახებ“ კანონის დარღვევის ფაქტზე [სსკ-ის 322-ე პრიმა მუხლის პირველი ნაწილი]. აფხაზეთის პოლიციას ცალკე საქმედ გამოუყვია სოხუმში მომხდარი სავარაუდო თავისუფლების უკანონო აღკვეთის და გამოძალვის საქმე.

ალიშერ ბეისენბაევის სახელზე 2021 წელსვე გაიცა დროებითი საიდენტიფიკაციო მოწმობა – „თავშესაფრის მაძიებელი“.

„საქმეზე შემაჯამებელი გადაწყვეტილება მიღებული არ არის,“ – დეტალების გაცნობაზე ადვოკატს, შოთა ხორავას უარი უთხრა აფხაზეთის პოლიციის გამომძიებელმა, ანრი ბეჟაშვილმა 2026 წლის 9 თებერვლის გამოგზავნილ წერილში.

რაც შეეხება ბათუმში დაწყებულ გამოძიებას:

„აღნიშნულ სისხლის სამართლის საქმეზე: ალიშერ ბეისენბაევი და ბ.ტ. სარგებლობენ მოწმის სტატუსით. ვინაიდან თქვენ არ ხართ მხარე მოცემულ სისხლის სამართლის საქმეზე, დეტალურ ინფორმაციას საქმის მსვლელობის შესახებ მოქმედი კანონმდებლობის თანახმად ვერ მოგაწვდით,“ – აღნიშნულია ბათუმის პოლიციის პირველი განყოფილების გამომძიებლის, არჩილ სხვიტარიძის მიერ 2026 წელს მომზადებულ წერილში.

რა ეტაპზე 2021 წელს დაწყებული ამ კონკრეტული საქმეების გამოძიება? – „ბათუმელებს“ შსს-ში ინფორმაცია არ მოგვაწოდეს.

საჯარო მოხელე ბენზინგასამართის მშენებლობაზე დაწერილი FB პოსტის გამო სამსახურიდან გაათავისუფლეს

ცნობილი იუმორისტი, დავით როსტომაშვილი თერჯოლაში ბენზინგასამართ სადგურს აშენებს.

მშენებლობას, რომელიც ქალაქის ცენტრალურ ქუჩაზე, დასახლებულ უბანში მიმდინარეობს, აქ მცხოვრები მოსახლეობა აპროტესტებს.

მათ შორისაა სამი მცირეწლოვანი შვილის დედა ეკა მაკარიძე, რომელიც, მისი თქმით, თერჯოლის მერიიდან ფეისბუქზე გამოქვეყნებული საპროტესტო შინაარსის პოსტების გამო გაათავისუფლეს.

მოსახლეობის პროტესტი თერჯოლაში

ეკა მაკარიძე ბოლო ოთხი წლის განმავლობაში თერჯოლის მუნიციპალიტეტის მერის წარმომადგენლის ასისტენტად მუშაობდა ქალაქის ადმინისტრაციულ ერთეულში.

14 ივლისს ის ჩვეულებრივ წავიდა სამსახურში, თუმცა იქ მისულს სამსახურის უფროსმა უთხრა, რომ მასთან ხელშეკრულება ამოიწურა და ახალს აღარ გაუფორმებდნენ.

„თერჯოლის მერთან, მანუჩარ რობაქიძესთან მივედი იმავე დღეს. ვკითხე, ბატონო მანუჩარ, ახლახანს მითხრეს, რომ აღარ მიგრძელებენ ხელშეკრულებას და მიზეზი მაინტერესებს-მეთქი.

„რა ვიცი, უამრავია მიზეზიო“ – მითხრა. მაინც რა არის მეთქი, ჩავეკითხე. „მაინც მერიის ასე არასათანადო ტერმინოლოგიით მოხსენიება შენს პოსტებში ქალბატონო ეკაო“ მითხრა,“ – უყვება „ბათუმელებს“ ეკა მაკარიძე მასსა და თერჯოლის მერს, მანუჩარ რობაქიძეს შორის გამართული დიალოგის შესახებ.

ეკა მაკარიძის თქმით, მან სთხოვა თერჯოლის მერს, დაეკონკრეტებინა კონკრეტულად რომელ პოსტებს გულისხმობდა და რომელ პოსტში მოიხსენია თერჯოლის მერია.

„გადახედეთ თქვენს პოსტებს, მერია ასე… კორუმპირებულიო, თერჯოლაში მოიკითხეთო, წერდით“ – მითხრა თერჯოლის მერმა.

მე მას ვთხოვე ეჩვენებინა თუნდაც ერთი პოსტი, სადაც თერჯოლის მერიას კორუმპირებულად მოვიხსენიებდი. შემდეგ დასაზუსტებლად ვკითხე, ეს გახდა ჩემი სამსახურიდან გათავისუფლების მიზეზი მეთქი და მერმა დამიდასტურა, რომ ნამდვილად ფეისბუქზე დაწერილი პოსტის გამო გამათავისუფლა.

იქვე ვუთხარი, რომ პროექტი, რომელსაც ჩემს მეზობლებთან ერთად ვაპროტესტებდი და რომლის გამოც სამსახურიდან მიშვებდა, უამრავ დარღვევას შეიცავდა.

მანუჩარ რობაქიძემ მითხრა – „დარღვევა რა არის და რა არ არის მაგას სამსახურები შეისწავლიან, შეუცდომელი არავინ არ არისო,“ – იხსენებს ეკა მაკარიძე მასსა და თერჯოლის მერს, მანუჩარ რობაქიძეს შორის გამართულ დიალოგს.

ეკა მაკარიძის თქმით, ბენზინგასამართი სადგური თერჯოლის ცენტრში კანონდარღვევით შენდება, მოსახლეობას საფრთხეს უქმნის და ამაზე გაჩუმებას სამსახურის დაკარგვის მიუხედავად, არ აპირებს.

თერჯოლის მერიის საზოგადოებასთან ურთიერთობის სამსახური „ბათუმელებთან“ უარყოფს საჯარო მოხელის ფეისბუქპოსტის გამო გათავისუფლებას.

„ხელშეკრულება დაუმთავრდა და გათავისუფლდა სამსახურიდან. ხელშეკრულება აღარ გაუგრძელდა“, – გვითხრეს თერჯოლის მერიაში.

ეკა მაკარიძის თქმით, თერჯოლის მერიის მიერ მისი გათავისუფლების მიზეზად ხელშეკრულების ვადის ამოწურვა არის ტყუილი, ამიტომ ის საკუთარი უფლებებისთვის ბრძოლას სასამართლოში აპირებს.

„დემოკრატიულ სახელმწიფოში საჯარო მოხელის ერთგულება არ შეიძლება განისაზღვროს კონკრეტული ხელისუფლებისადმი ლოიალობით, რაც ზუსტად სახეზე გვაქვს ამ შემთხვევაში. საჯარო მოხელის ერთგულება ეკუთვნის კონსტიტუციას, კანონის უზენაესობას და რაც ყველაზე, ყველაზე მნიშვნელოვანია, ეკუთვნის საქართველოს მოსახლეობას, ადამიანებს და საჯარო მოხელე ზუსტადაც ემსახურება ხალხს და არა ხელისუფლებას. ალბათ აი ეს არის ამოსავალი წერტილი ამ შემთხვევისთვისაც,“ – ამბობს „ბათუმელებთან“ საუბარში მარიამ ფარქოსაძე, „დამოუკიდებელი პროფესიული კავშირის – კონსტიტუციის 78-ე მუხლის“ თავმჯდომარე.

მარიამ ფარქოსაძის თქმით, სხვადასხვა საკითხზე საკუთარი პოზიციის დაფიქსირების გამო საჯარო მოხელეების დევნა ამ ქვეყანაში 2024 წლის დეკემბერის შემდეგ შეუქცევადად გრძელდება.

ის იხსენებს იმ შეთხვევებს, როდესაც ათეულობით საჯარო მოხელე რეორგანიზაციის საბაბით გაათავისუფლეს სამსახურებიდან. რეალურად კი მათი გათავისუფლება ქვეყნის ევროპული კურსისათვის მხარდაჭერის გამო მოხდა.

ახლა კი საჯარო მოხელეების დევნა გაგრძელდა საზოგადოებრივი ინტერესების დაცვას გამოც.

ეკა მაკარიძის შემთხვევას სწორედ საზოგადოებრივი ინტერესის ჭრილში განიხილავს საჯარო მოხელეთა დაცვის დამოუკიდებელი პროფკავშირის თავმჯდომარე.

„ნებისმიერ შემთხვევაში, თუნდაც მას არ შეხებოდა, თუნდაც მისი სახლის წინ არ დაწყებულიყო მშენებლობა, ყოფილიყო გვერდითა სოფელში ან რაიონში ან ქალაქში, ნებისმიერ შემთხვევაში თუ საჯარო მოხელე იცავდა საზოგადოებრივ ინტერესებს და ამ შემთხვევაში ეკა ცდილობდა დაეცვა საზოგადოებრივი ინტერესი, მას ამის გამოხატვის უფლება, პოზიციის დაფიქსირების უფლება, აზრის გამოხატვის უფლება, რა თქმა უნდა ჰქონდა და სრულიად კანონიერი იყო მისი ქმედება,“ – ამბობს მარიამ ფარქოსაძე.

მისი თქმით, აქამდე ზოგადად ქვეყნის ევროინტეგრაციაზე გამოხატული პოსტის თუ აზრის თუ აქციაზე დგომის გამო ათავისუფლებდნენ სამსახურიდან, დღეს უშუალოდ საზოგადოებრივი ინტერესის დაცვის გამო ათავისუფლებენ.

  • ვინ და როგორ აშენებს ბენზინგასამართ სადგურს თერჯოლაში

რუსთაველის ქუჩა 77, იქ სადაც ბენზინგასამართი სადგური შენდება, ქალაქ თერჯოლის ცენტრალური ქუჩაა. ქუჩის გადაღმა მდინარე ჩხარა ჩამოედინება.

„ყველაფერი იმით დაიწყო, რომ რუსთაველის ქუჩაზე მცხოვრებმა ჩვენმა მეზობელმა დაახლოებით 800 კვადრატი მიწა გაყიდა. ეს მიწა იყიდა წარმოშობით აქაურმა, მაგრამ ახლა რუსეთში მცხოვრებმა კობა მორალიშვილმა და გადააფორმა ნათია მორალიშვილის სახელზე. მალევე ეს მიწა ნათია მორალიშვილმა გადააფორმა იუმორისტ დავით როსტომაშვილის სახელზე.

2024 წელს დავით როსტომაშვილმა თერჯოლის მერიაში შეიტანა პროექტი ბენზინგასამართი სადგურის მშენებლობის მოთხოვნით.

როდესაც მერიაში პროექტი შევიდა, დაგვიბარეს აქ მცხოვრები მოსახლეობა და გვკითხეს – ვიყავით თუ არა თანახმა ჩვენი საცხოვრებელი სახლების წინ და გვერდით აშენებულიყო ბენზინგასამართი სადგური.

აბსოლუტურად ყველა აქ მოსახლე წავედით წინააღმდეგი. ისედაც, 4 ონკოლოგიური პაციენტი გვყავს უბანში,“ – ამბობს ეკა მაკარიძე „ბათუმელებთან“.

საპროტესტო აქცია თერჯოლაში

მისივე თქმით, მოსახლეობის წინააღმდეგობის შემდეგ თერჯოლის მერიამ, 2025 წლის მარტში პროექტის ავტორებს ნებართვის მიცემაზე უთხრა უარი.

ნაკვეთის მფლობელმა და ბენზინგასამართი სადგურის მშენებლობის მსურველმა დავით როსტომაშვილმა ზესტაფონის რაიონულ სასამართლოში შეიტანა სარჩელი და უჩივლა თერჯოლის მერიას მშენებლობის ნებართვის არ გაცემის გამო.

სასამართლომ როსტომაშვილის სარჩელი დააკმაყოფილა და თერჯოლის მერიას დაავალა გამოეცა ადმინისტრაციულ-სამართლებრივი აქტი და მიეცა დავით როსტომაშვილისათვის ბენზინგასამართი სადგურის მშენებლობის უფლება.

გადაწყვეტილება ზესტაფონის რაიონული სასამართლოს მოსამართლე მარიამ ოზიაშვილმა მიიღო.

„სასამართლო პროცესზე მშენებლობის არმიცემის უფლების მიზეზად დაასახელეს მხოლოდ მოსახლეობის წინააღმდეგობა, მაშინ როდესაც პროექტში იყო ძალიან ბევრი დარღვევა.

მაგალითად, პროექტში არ იყო საყრდენი კედლები მითითებული, რომელიც უნდა აშენებულიყო აუცილებლად. პროექტს აუცილებლად ესაჭიროებოდა გარემოზე ზემოქმედების შეფასების დოკუმენტი, იმიტომ, რომ ნაკვეთის უკან პირდაპირ მდინარე ჩამოედინება.

მესმის, რომ ჩვენდა საუბედუროდ, დღეს საქართველოში ძალიან გამარტივებულია ბენზინგასამართი სადგურების მშენებლობა, მაგრამ არა იმ შემთხვევაში, როდესაც მშენებლობის ადგილს მდინარე ესაზღვრება.

უცნაურია, რომ სასამართლო მოიგეს მაშინ, როდესაც დოკუმენტს და პროექტს არ ჰქონდა საგზაო დეპარტამენტის თანხმობა, არ ჰქონდა გარემოს დაცვის დეპარტამენტის შესაბამისი თანხმობები,“ – ამბობს „ბათუმელებთან“ ეკა მაკარიძე.

რუსთაველის 77-ში ბენზინგასამართი სადგურის მშენებლობა უკვე დაიწყო

მას შემდეგ რაც დავით როსტომაშვილმა სასამართლო მოიგო, მოსახლეობამ ბენზინგასამართი სადგურის მშენებლობის წინააღმდეგ ბრძოლა გააგრძელა, მიმართეს საგზაო დეპარტამენტს, თერჯოლის მერიას, თუმცა კომპანიამ მშენებლობის ნებართვა მიიღო და სამუშაოები დაიწყო კიდეც 2026 წლის მაისში.

სწორედ მშენებლობის დაწყებას მოჰყვა თერჯოლაში, რუსთაველის ქუჩაზე მცხოვრები მოსახლეობის პროტესტი.

„ამ ქუჩაზე, ჩვენს სახლებთა ახლოს უკვე არის ერთი ბენზინგასამართი. დაახლოებით 40 წლის წინაა აშენებული და ფუნქციონირებს. მაშინ მოსახლეობას არავინ არაფერი ჰკითხა. თან ვაკე რელიეფზე დგას.

ახალი ბენზინგასამართი, რომელიც ჩვენი სახლების წინ შენდება, დამრეც ადგილზე დაგეგმეს. უზარმაზარი ბეტონის კედლის ჩამოსხმა დასჭირდათ, რომ მდინარე ჩხარასთან გამყოფი კედელი გაჩენილიყო. ამბობენ, რომ ეს კედელი გზამდე ქვიშა-ხრეშით უნდა ამოავსონ და ეს დამრეცი ფერდი გაავაკონ.

მჭიდროდ დასახლებულ უბანში, მე-4 კატეგორიის ობიექტის (საშიშ კლასს მიეკუთვნება) მშენებლობა, მდინარის პირას თხრილების გათხრა და იქ ბენზინით სავსე ავზების ჩაწყობა ნორმალურია?

არცერთი შესაბამისი დოკუმენტი წესრიგში არ აქვთ, მაგრამ მშენებლობა მაინც დაიწყეს. უფრო მეტიც, საკანალიზაციო არხი გადის სამშენებლო ტერიტორიაზე, არც ეს გაითვალისწინეს. მოსახლეობა ვითხოვთ მშენებლობის შეჩერებას, მაგრამ არავინ გვისმენს.

ჩემი ფეისბუქპოსტების და პროტესტის გამო სამი მცირეწლოვანი შვილის დედა უსამსახუროდ დამტოვეს.

ამის მიუხედავად მე ბრძოლას გავაგრძელებ, ჩვენი მშვიდობიანი პროტესტი ჩვენი კანონიერი უფლებების დასაცავადაა.

პირადად მე კი ჩემს დარღვეულ უფლებებს სასამართლოში დავიცავ,“ – უთხრა „ბათუმელებს“ ეკა მაკარიძემ.

თერჯოლის მერიაში “ბათუმელებს” უთხრეს, რომ “ბენზინგასამართი სადგურის მშენებლობის ნებართვა გაცემულია სამართლებრივად ყველანაირ ჩარჩოში”.

„ბათუმელები“ კომენტრისთვის ცდილობს დაუკავშირდეს დავით როსტომაშვილსაც. კომენტარის მიღების შემთხვევაში მასალა განახლდება. გამოცემა თემაზე მუშაობას აგრძელებს.

________________

ფოტოზე: კოლაჟი – აქცია თერჯოლაში, თერჯოლის მერი, მანუჩარ რობაქიძე და ეკა მაკარიძე. 

„პუტინის მიმართ უკმაყოფილება რუსეთში იზრდება, მაგრამ პუტინის გზა ომის გაგრძელებაა“ – გენერალი

„საინტერესოა ის ფაქტიც, რომ პუტინსაც აქვს უკვე შიშები და უნდობლობა თავისი გარემოცვის მიმართ. მაგალითად, 500-დან 800 კაცამდე გაზარდა პუტინის პირადი დაცვა… პუტინს უკვე ბლოგერები ეძახიან „ბუნკერის ბაბუს“,“ – ამბობს გადამდგარი გენერალი, ვახტანგ კაპანაძე. მას რუსეთ-უკრაინის ომის ბოლო ცნობებზე ვესაუბრეთ.

სამხედრო ანალიტიკოსის აზრით, ფრონტის ხაზზე მნიშვნელოვანი ცვლილებები არ არის, მაგრამ რუსეთი ისევ სარაკეტო დარტყმებით ცდილობს უკრაინაზე ზემოქმედებას.

იმის მიუხედავად, რომ პუტინის მიმართ უკმაყოფილება რუსეთში იზრდება, გადამდგარი გენერლის აზრით, პუტინის გზა მაინც ომის გაგრძელებაა და დიდი ალბათობით, ის „ზამთრის კამპანიისთვისაც“ ემზადება.

„ისევ არის აქცენტი კონსტანტინოვკას და პოკროვსკის მიმართულებაზე. ეს მაინც რჩება ძირითად მიმართულებად, თუმცა რუსები უკვე დრონებით ცდილობენ დროშა დაარჭონ სადღაც და მოახსენონ, რომ რაღაც აღებული აქვთ. სოციალურ ქსელში ვიდეო ვრცელდება, დრონით როგორ ჩამოგდეს რუსებმა დროშა და მეორე დრონით უკვე უკრაინელები აფეთქებენ ამ დროშას,“ – გვიყვება გადამდგარი გენერალი.

„ბათუმელებმა“ ვახტანგ კაპანაძესთან ინტერვიუ ჩაწერა. ის სამხედრო მეცნიერებათა დოქტორია და საქართველოს გენერალური შტაბის უფროსი ორჯერ იყო. ვახტანგ კაპანაძე პოლიტიკური პარტიის – „ჯერ საქართველოს“ თანადამფუძნებელი და ერთ-ერთი ლიდერია.

  • ბატონო ვახტანგ, კიევსა და კიევის ოლქზე რუსეთის მასშტაბური შეტევის შედეგად 17 ადამიანი დაიღუპა, 44 დაშავდა… ზელენსკიმ პარტნიორებს მოუწოდა, რომ დააჩქარონ უკრაინისთვის ანტიბალისტიკური რაკეტების მიწოდება. რას აჩვენებს ეს შემთხვევა?

ფაქტია, რომ უკრაინამ ვერ შეძლო ამ ბალისტიკური რაკეტების გაუვნებელყოფა. ეს კომბინირებული შეტევა იყო, დრონები გაანეიტრალეს, მაგრამ ბალისტიკური რაკეტები – ვერა. ეს აჩვენებს იმას, რომ „პატრიოტის“ რაკეტების დეფიციტი აქვს უკრაინას.

  • საუბარია რაკეტებზე, რომლის წარმოებაზეც ტრამპმა ზელენსკის ამ ეტაპზე თანხმობა არ მისცა? 

ლიცენზია რომ მისცეს, ამას შესაბამისი წარმოება სჭირდება. უკრაინას ახლა სჭირდება ეს რაკეტები. ლიცენზია რომც მისცენ უკრაინას, ვიდრე წარმოებას დაიწყებენ, დრო გადის.

ტრამპი ამბობს, რომ სამჯერ გაიზარდა ამ რაკეტების წარმოება, მაგრამ ეს ყველაფერი დროა. ევროპამ უნდა იყიდოს და გადასცეს უკრაინას.

  • გამოდის, უახლოეს პერსპექტივაში კიდევ უფრო რთულ ვითარებაშია უკრაინა? 

ფაქტობრივად, რაკეტსაწინააღმდეგო დაცვა უკრაინელებს არ გააჩნიათ. ჰაერსაწინააღმდეგო დაცვას ახერხებენ – ფრთოსანი რაკეტების, დრონების წინააღმდეგ ბრძოლას ახერხებენ, მაგრამ აი, ბალისტიკა ძალიან უჭირთ – ყველაზე ეფექტური საშუალება ბალისტიკური რაკეტების წინააღმდეგ მაინც „პატრიოტია“.

ევროპის ქვეყნებს გააჩნიათ ეს რაკეტები საწყობებში, მაგრამ არსებობს თავდაცვისუნარიანობის მინიმალური, დასაშვები დონე, რაც სჭირდებათ მათ. არავინ დარჩება დაუცველი და ყოველთვის გათვლილი ექნებათ ის, რომ რაღაც მნიშვნელოვანი საშუალება ჰქონდეთ რუსეთის შესაძლო შეტევის საწინააღმდეგოდ.

  • რას უკავშირდება ტრამპის ეს მიდგომა, როცა ის უკრაინას უჭერს მხარს? ხომ არ უკავშირდება ეს გადაწყვეტილება ირანთან ომს? 

ვერ გეტყვით. ტრამპი ერთ დღეს ერთს ამბობს, მეორე დღეს – მეორეს…

ტრამპის გამონათქვამებს ალბათ თავი უნდა გავანებოთ და ქმედებას ვუყუროთ. ქმედება არის ის, რომ ჯერჯერობით, რეალურად, ამ ჭოჭმანის პერიოდში ხალხი იღუპება.

  • ამ რეალობის პარალელურად, უკრაინა წარმატებით განაგრძობს დარტყმებს რუსეთში, მაგალითად, გუშინ აფეთქებები იყო რუსეთის ბაშკირეთის რესპუბლიკაში, უფას სამრეწველო ზონაში. უკრაინის უსაფრთხოების სამსახურის თანახმად, ბოლო 40 დღის განმავლობაში მტრის ზურგში დაარტყეს 100-ზე მეტ სტრატეგიულ ობიექტს, მათ შორის, 14 ნავთობგადამამუშავებელ ქარხანას. ეს რა სახის წარმატებაა უკრაინისთვის?

უკრაინა განაგრძობს მეთოდურად ამ საქმეს. არსებობს Front Strike, ანუ უშუალოდ ფრონტის ხაზზე მოქმედი დრონები, არის Middle Strike, სადაც ძირითადად გამოყენებულია „ბაბა იაგა“ და ამერიკული „ჰორნეტი“, რომელიც ძალიან ეფექტურია. Deep Strike-ის ზონაში განსაკუთრებით ეფექტურია უკრაინული ფრთოსანი რაკეტები, იგივე „ფლამინგო“, ან დრონებით შეტევები.

ბოლო სამი თუ ოთხი დღის განმავლობაში ყირიმში 13 ენერგოკვანძი გაანადგურეს უკრაინელებმა „მადიარის ჩიტების“ საშუალებით.

ამას ემატება „ვაილდბერიზის“ საწყობებზე დარტყმები, რაც განსაკუთრებულად მტკივნეულია რუსებისთვის. 26 საწყობიდან 17 განადგურებულია უკვე. ყაზახეთში ეძებენ ახლა ტერიტორიას, რომ გადაიტანონ საწყობები.

„ვაილდბერიზის“ საწყობები მეტალოპლასტმასის შენობებია, სადაც ინახება ასევე ადვილად აალებადი საშუალებები, სხვადასხვა ტიპის ტვირთი. იქ როცა ჩნდება ხანძარი, მისი ჩაქრობის შანსი მინიმალურია.

ვინაიდან ეს არის ფორსმაჟორი, რაც არ უნდა დაზღვეული ჰქონდეს კომპანიას ეს ნივთები, მას არაფერი არ აუნაზღაურდება – ფორსმაჟორშია. ეს ზარალი საკმაოდ მტკივნეული რუსი ბიზნესმენებისთვის, მოქალაქეებისთვის, რომლებიც ამ კომერციაში არიან ჩართულნი.

მაგალითად, ნავთობგადამამუშავებელ ქარხნებზე დარტყმები აისახებოდა ბენზინის დეფიციტზე, ეს კი, უშუალოდ მოსახლეობის ქონებაზე აისახება. ამდენად, ეს საკმაოდ მტკივნეულია მოსახლეობისთვის.

ბოლო გამოკითხვით, პუტინის ნდობა აქვს მხოლოდ 26%-ს, რაც ორნახევარჯერ ნაკლებია, ვიდრე მას ჰქონდა 2022 წელს – ომის დაწყების დროს. ასევე, ომის დაწყებიდან დღემდე რუსეთის ფედერაციის დანახარჯებმა მიაღწია 746 მილიარდ აშშ დოლარს. ამ თანხით რუსეთს შეეძლო 28 წელი ჯანდაცვა შეენახა, 30 წელი – განათლების სისტემა.

  • უკრაინელების მიზნობრივი დარტყმები რუსეთში არის იმ მასშტაბის, რომ ეს აიძულებს რუსეთს, ცეცხლი შეწყვიტოს? 

დარტყმები, რა თქმა უნდა, არის ზემოქმედება, მაგრამ ეს არ იქნება საკმარისი. ჩემი აზრით, აუცილებელია პოლიტიკური ზეწოლა შეერთებული შტატებიდან.

რუბიომ განაცხადა, რომ უახლოეს კვირეებში აშშ განაგრძობს მოლაპარაკებების დაწყების ვარიანტების განხილვას. ამის პარალელურად ამერიკის შეერთებული შტატები ამკაცრებს სანქციებს. ბლუმენთალის და გრემის [ამერიკელი სენატორები] პაკეტმა ასევე შეიძლება გამოიწვიოს ევროპული სანქციების გააქტიურება.

მე მაინც ვთვლი, რომ შედეგის მიღწევის თვალსაზრისით, მნიშვნელოვანი იქნებოდა, თუ ჩინეთს ჩართავდნენ ამ მოლაპარაკებაში – ამერიკისა და ჩინეთის ზეწოლა ერთობლივად ნამდვილად შედეგის მომტანი იქნებოდა, მაგრამ ჯერჯერობით ჩინეთს აწყობს აქ არსებული ვითარება, თუმცა, მიუხედავად იმისა, აცხადებს, რომ ომის წინააღმდეგია და ომში არ ერევა.

ჩინეთს არც გამარჯვებული რუსეთი უნდა და არც საბოლოოდ დამარცხებული.

  • უშუალოდ ფრონტის ხაზზე რა ხდება, რა ცვლილებებია?

ცვლილება არ არის. ისევ არის აქცენტი კონსტანტინოვკას და პოკროვსკის მიმართულებაზე. ეს მაინც რჩება ძირითად მიმართულებად, თუმცა რუსები უკვე დრონებით ცდილობენ, დროშა დაარჭონ სადღაც და მოახსენონ, რომ რაღაც აღებული აქვთ. სოციალურ ქსელში ვიდეო ვრცელდება, დრონით როგორ ჩამოგდეს რუსებმა დროშა და მეორე დრონით უკვე უკრაინელები აფეთქებენ ამ დროშას.

რამდენიმე მეტრით სადღაც წინ მიდიან რუსები, შემდეგ უკრაინელები მიდიან წინ რამდენიმე მეტრით. მნიშვნელოვანი ცვლილება არ არის.

უკრაინა ცდილობს, იზოლირება განახორციელოს არა მარტო ყირიმის ნახევარკუნძულის, არამედ მთელი სამხრეთ უკრაინის, ზაპოროჟიე-ხერსონის ჩათვლით. წარმოიდგინეთ, რომ ყოველი სამი სატვირთო მანქანიდან, რომელიც მომარაგებისთვის მიდის ყირიმისკენ, დანიშნულების ადგილს აღწევს მხოლოდ ერთი. დანარჩენს უკრაინელები ანადგურებენ გზაში.

მოდის შემოდგომა. ორ თვეში ალბათ წვიმების სეზონი დაიწყება – ე.წ. „რასპუტიცა“. ამ დროს მიწის გრუნტი იქნება მძიმე და ტექნიკის გავლა კიდევ უფრო გართულდება. ადამიანების გავლაც გართულდება. სავარაუდოდ ოპერატიული პაუზა შეიქმნება ამ პერიოდში, მაგრამ ეს არ გამორიცხავს საჰაერო დარტყმებს და ბალისტიკური იარაღის გამოყენებას.

არის მონაცემები, რომ ჩრდილოეთ კორეამ მიაწოდა ბალისტიკური რაკეტები რუსეთს. არის საუბარი ასევე იმაზე, რომ აპირებენ 30 000-მდე „მოხალისე“ ჩრდილოეთ კორეადან გააგზავნონ რუსეთში.

21 სექტემბერს დუმის არჩევნებია და უკრაინელები ფიქრობენ, რომ რუსეთში შეიძლება მიიღონ კანონი მობილიზაციის გაფართოებაზე, ან საომარი მდგომარეობის შემოღებაზე. საომარი მდგომარეობის შემოღება საშუალებას მისცემს პუტინს გაამკაცროს ზედამხედველობა, როგორც მოსახლეობაზე, ასევე ეკონომიკაზე. რუსეთი მაინც აგრძელებს მზადებას ომისთვის – ზამთრის კამპანიისთვის უფრო ალბათ.

როგორც ზელენსკიმ განაცხადა, უკრაინა ყველაფერს აკეთებს პარტნიორებთან ერთად, რომ ზამთრამდე აიძულონ რუსები, დასხდნენ მოლაპარაკების მაგიდასთან. როგორ გამოვა ეს, სხვა თემაა.

  • ამის რესურსი რუსეთს აქვს შემორჩენილი, რომ ახალი კამპანია დაიწყოს ზამთრის კამპანიის სახით და უკრაინაშ ახალი მიმართულებებით გააქტიურდეს?

ახალ მიმართულებაზე ეჭვი მეპარება. რუსეთი უკვე მერამდენეჯერ იწყებს ახალ კამპანიას? ამ დროს ისევ კონსტანტინოვკასა და პოკროვსკზე ვლაპარაკობთ, ხომ?

ლუკაშენკომ დაიწყო ახალი საჰაერო-სადესანტო ბრიგადის ფორმირება უკრაინის საზღვართან. უკვე ფაქტობრივად ოფიცერთა შემადგენლობა შერჩეულია. არ ვიცი, ეს რამდენად იქნება დაკავშირებული ახალი მიმართულების გაჩენასთან. ყოველ შემთხვევაში უკრაინელების მხრიდან გარკვეულ ყურადღებას მოითხოვს აღნიშნული ვითარება.

საინტერესოა ის ფაქტიც, რომ პუტინსაც აქვს უკვე გაზრდილი შიშები და უნდობლობა თავისი გარემოცვის მიმართ. მაგალითად, 500-დან 800 კაცამდე გაზარდა პუტინის პირადი დაცვა. საერთოდ არ ჩნდება. მინიმუმამდეა დაყვანილი მისი ვიზიტები, გამოსვლები, ხალხთან შეხვედრები. პუტინს უკვე ბლოგერები ეძახიან „ბუნკერის ბაბუს“, ვინაიდან ძირითადად თავისი გაძლიერებული დაცვის პირობებშია.

გელენჯიკში რომ ჩამოვარდა ის დრონი პლაჟზე, შვიდი რუსი დამსვენებელი დაიღუპა. მოფრინავს დრონი და ხდება მისი მიმართულებით ცეცხლის გახსნა. არ არის გამორიცხული, რომ იქ რადიოელექტრონული ბრძოლის საშუალებებიც მოქმედებდა და ეს ნიშანდობლივია იმდენად, რამდენადაც გელენჯიკში მდებარეობს პუტინის რეზიდენცია. დიდი ალბათობით ეს დრონი მიფრინავდა ამ რეზიდენციისკენ, ოღონდ რეზიდენციასთან არ ჩამოვარდნილიყო და ჩამოაგდეს პლაჟის თავზე. ამან გამოიწვია ხალხის დაღუპვა.

  • ეს მოლოდინი არსებობს, რომ შეიძლება რაღაც გააქტიურდეს პუტინის წინააღმდეგ? 

მოსახლეობის მასობრივი გამოსვლების არ მჯერა ჯერჯერობით ამ ეტაპზე, თუმცა ყველაფერი მოსალოდნელია. თუკი მოხდება აქტიურად ჯარის დაბრუნება ფრონტის ხაზიდან – ეს დიდი სოციალური დაძაბულობის მატარებელი მოვლენა იქნება.

ვფიქრობ, უფრო შესაძლებელია ის, რომ შიდა გადატრიალების მსგავსი რაღაც მოხდეს უკმაყოფილო, მაღალი წრიდან. იქ ყველა ბიზნესმენია, გენერალიც ბიზნესმენია თავისი საქმით. ყველას ჰყავს შვილი, ოჯახი, მიჩვეული არიან დასვენებას, მაგალითად, იტალიაში, კომოს ტბაზე, ახლა ფულს კარგავს, შეიძლება იახტებიც დაკარგოს და დასასვენებელი სახლებიც… ასე რომ, ყველაფერი შესაძლებელია.

ვითარება არ არის სახარბიელო არც რუსეთისთვის. ამას მოსკოვში აფეთქებაც მოწმობს ჩაიკოს წინააღმდეგ [მოსკოვში, რესტორან „ბალზი როსში“ 1 აგვისტოს მომხდარი აფეთქების შედეგად დაღუპულებს შორისაა რუსეთის საჰაერო კოსმოსური ძალების მთავარსარდლის, ალექსანდრე ჩაიკოს სიძე, დანიილ პერედრიი – ინფორმაციას ამის შესახებ გამოცემა „აგენსტვო“ ავრცელებს.], ეს მოწმობს, რომ შურისძიების აქტები სამხედრო დამნაშავებზე გრძელდება.

ომამდე რუსეთში ცხოვრობდა 900 ათასამდე ეროვნებით უკრაინელი. რუსი ეწერათ პასპორტში, მაგრამ უკრაინელები იყვნენ. ომის დაწყების შემდეგ კი, 2-დან 3 მილიონამდე გაიზარდა ეთნიკური უკრაინელების რაოდენობა რუსეთში. ეს ძალიან კარგ ბაზას უქმნის უკრაინის დაზვერვას მოქმედებისთვის. ამიტომაც, რუსეთში არ იქნება სიმშვიდე!

არც იმის პირი ჩანს, რომ გაუმჯობესების, ან გარდატეხის შესაძლებლობა უჩანდეს რუსეთს. ეს ყველაფერი: კორეის დახმარება იქნება, თუ მობილიზაცია – ეს ყველაფერი იქნება მიმართული იმისკენ, რათა სტატუს-კვო შეინარჩუნონ და არა, ვთქვათ, რაღაც გარდატეხა შექმნან. პუტინს უნდა, რაღაცნაირად გაამართლონ ამდენი სისხლი და ამდენი დანაკარგი. დონბასის აღება უნდა პუტინს.

უკრაინელებიც ცდილობენ რაღაც საშუალებები გამოძებნონ ევროპელებთან ერთად. ბრიტანელებთან მიღწეულია შეთანხმება ანტიბალისტიკური სისტემების ერთობლივ შემუშავება-წარმოებაზე. ასევე მიმდინარეობს მოლაპარაკება გერმანელებთან. ბელგოროდში ორი დღის წინ დრონებით დაწვეს უკრაინელებმა ტექნოლოგიური უნივერსიტეტი. სწორედ ამ უნივერსიტეტში ხდებოდა რუსეთის შეიარაღებული ძალებისთვის დრონების შემუშავება, გამოცდა და ოპერატორების მომზადება.

  • რამდენად ძლიერდება სამხედრო მრეწველობა უკრაინაში? „ბლუმბერგი“ წერდა, რომ 50 000 საბრძოლო რობოტი უნდა აწარმოოს უკრაინამ წელს. რა შეინიშნება თქვენი დაკვირვებით?

დრონებზე მუშაობენ უკრაინელები წარმატებით. რომ გითხრათ, რომ სახმელეთო რობოტების წარმოებას რაღაც დიდი შედეგი გააჩნია, ალბათ ძალიან ოპტიმისტური იქნება ამის თქმა.

მაგალითად, მიაღწიეს იმას, რომ Firepoint თვეში უშვებს 80-მდე „ფლამინგოს“ და ამბობენ, რომ კიდევ უნდა გაზარდონ მისი წარმოება. სახმელეთო რობოტების გამოყენებაზე მიმდინარეობს მუშაობა, მაგრამ ასე მარტივი არ არის გამოყენება, მას საკმაოდ ბევრი ნიუანსი აქვს. იგივე დაჭრილის ევაკუაციისთვის და საბრძოლო მასალის ან სურსათის მიწოდებისთვის გამოიყენება უკრაინელების მხრიდან.

აქ ძალიან დიდი მნიშვნელობა აქვს საბრძოლო ველს ან ისეთ ტერიტორიას, სადაც გამოიყენება სახმელეთო რობოტები. ვინაიდან, როგორც მოგეხსენებათ, ნანგრევებსა და ტყეში მისი გამოყენება შეზღუდულია. თეორიაც არის შექმნილი – რობოტიზებული და არარობოტიზებული დანაყოფების ურთიერთქმედების კონცეფცია, რაც გულისხმობს იმას, რომ ვთქვათ, ერთდროულად იქნება გამოყენებული ადამიანი და რობოტი.

თბილისი-ბათუმის მატარებლის სამგზავრო დრო 4 საათამდე შევამცირეთ – რკინიგზა

საქართველოს რკინიგზა აცხადებს, რომ თბილისი-ბათუმი, ბათუმი-თბილისის მიმართულებებზე სამგზავრო დრო 4 საათამდე შეამცირა.

რკინიგზის ცნობით, მგზავრობის დროის შემცირება შესაძლებელი გახდა საქართველოს რკინიგზაზე ინფრასტრუქტურის გაჯანსაღებით, სიჩქარეების მატებითა და ცენტრალურ მაგისტრალზე მოძრავი შემადგენლობებისთვის გარკვეული შეზღუდვების მოხსნით.

„საქართველოს რკინიგზამ აღნიშნულ მონაკვეთზე ლიანდაგის რეაბილიტაცია ჩაატარა.

ამასთან, სარკინიგზო ხაზის გასწვრივ, წინასწარ იდენტიფიცირებულ ადგილებში დამონტაჟდა დამცავი ღობეები. სამგზავრო დროის შემცირებას ხელი შეუწყო უღელტეხილის მონაკვეთზე მოდერნიზაციის პროექტის დასრულებამაც.

ინფრასტრუქტურის გაჯანსაღების პარალელურად, რეაბილიტაცია ჩაუტარდა სამგზავრო სადგურებსაც. კერძოდ, უკვე დასრულდა ურეკის, ხაშურის, ზესტაფონის სადგურების რეაბილიტაცია. ამჟამად სამუშაოები მიმდინარეობს ქობულეთის, ფოთისა და სამტრედიის სადგურებში. იგეგმება ლანჩხუთის, ნატანების, ოზურგეთის, ხობის, გორის და ქუთაისის სადგურების რეაბილიტაცია. აგვისტოს ბოლოს დაიწყება ზესტაფონში ბაქნის სარემონტო სამუშაოებიც“ – წერს რკინიგზა.

ასევე, რკინიგზის ცნობით, ამჟამად ხუთი მატარებლის კაპიტალური შეკეთება მიმდინარეობს და დაწყებულია 10 ახალი სამგზავრო მატარებლის შესყიდვის პროცედურები. მოძრავი შემადგენლობების განახლებისთანავე, საქართველოს რკინიგზა მგზავრებს ახალ რეისებსა და მიმართულებებს ჰპირდება.

“Freedom for Mzia Amaglobeli”: Andrzej Poczobut Stands With Imprisoned Georgian Journalist on Verdict Anniversary

On August 6, 2026, the day marking one year since Georgian journalist Mzia Amaglobeli was sentenced to two years in prison, Polish-Belarusian journalist and 2025 Sakharov Prize for Freedom of Thought laureate Andrzej Poczobut voiced his solidarity with her and called for freedom for all those persecuted for defending democracy and human rights in Georgia.

“A year ago, a court in Georgia sentenced the renowned Georgian journalist Mzia Amaglobeli to two years in prison. She has since become one of the symbols of the struggle for freedom of speech and democracy in Georgia.

Today, Mzia remains behind bars.

In 2025, she and I were both awarded the Sakharov Prize by the European Parliament. When I learned about the award while I was still in prison, I thought that Mzia would be the first to regain her freedom, based on the lengths of our respective sentences, and that after her release she would be the one saying, “Freedom for Andrzej Poczobut.”

But things turned out differently.

That is why, when I accepted the award and addressed the European Parliament, I said: “Freedom for Mzia Amaglobeli.”

Today, on the anniversary of her sentencing, I repeat: Freedom for Mzia Amaglobeli! Freedom for this brave and courageous woman! Freedom for everyone fighting for freedom and democracy in Georgia!” Poczobut wrote in Facebook post.

Poczobut and Amaglobeli were named joint laureates of the 2025 Sakharov Prize for Freedom of Thought, the European Union’s highest human rights award, while both journalists were imprisoned for their work. Their recognition highlighted the risks faced by independent journalists and human rights defenders who continue their work despite political persecution and imprisonment.

Poczobut’s message came as Amaglobeli marked more than a year behind bars. The founder of the independent Georgian media outlets Batumelebi and Netgazeti was arrested on January 12, 2025, and sentenced by Batumi City Court on August 6, 2025. Her case has drawn international condemnation, with press freedom organisations and democratic governments describing the verdict as disproportionate and politically motivated and repeatedly calling for her immediate and unconditional release.

Poczobut himself spent more than four years imprisoned in Belarus after his arrest in March 2021 and a subsequent eight-year prison sentence on charges widely condemned by international organisations as politically motivated. He was released on June 26, 2025, as part of a diplomatic effort that also led to the release of other political prisoners in Belarus.

Following his release, Poczobut has continued to speak out in support of journalists and activists facing repression. His message of solidarity with Amaglobeli comes amid growing international concern over the treatment of independent media and civil society in Georgia.

One year since the verdict

August 6, 2026 marks exactly one year since Batumi City Court Judge Nino Sakhelashvili sentenced Amaglobeli — the founder of the independent media outlets Batumelebi and Netgazeti — to two years in prison.

Amaglobeli was prosecuted over an incident during a protest in Batumi in which she allegedly slapped Batumi Police Chief Irakli Dgebuadze.

Although prosecutors initially charged her under Article 353¹ of Georgia’s Criminal Code, which concerns attacks on police officers (4 to 7 years in prison), the court reclassified the case under Article 353(1), relating to resistance against a police officer, when delivering the guilty verdict.

Arrest and ill-treatment

Amaglobeli was arrested on January 12, 2025, first under administrative procedures and later on criminal charges. Following her detention, she reported being subjected to inhuman treatment while in police custody. Despite these allegations, no effective investigation has been carried out by the Prosecutor’s Office.

Amaglobeli spent the entire period before her conviction in pre-trial detention, despite repeated requests from her defence team for her release on bail.

The court repeatedly rejected applications to change the measure of detention, including at a time when Amaglobeli’s health had severely deteriorated following a 38-day hunger strike. During the hunger strike, she became critically weakened and was transferred to hospital for medical treatment, yet she remained in custody.

Her seven-month trial at Batumi City Court unfolded amid repeated criticism from domestic and international observers. Proceedings were marked by testimony from police officers that the defence described as false, public attacks by leaders of the ruling Georgian Dream party, repeated statements undermining her presumption of innocence, and an extensive pro-government propaganda campaign surrounding the case.

During her imprisonment, Amaglobeli’s eyesight deteriorated significantly, leaving her with only around 10% vision in one eye and limited light perception in the other.

International support and legal proceedings

Amaglobeli’s case has become one of the most prominent press freedom cases in Europe, prompting sustained advocacy from leading international press freedom and human rights organisations, as well as Western governments.

The European Parliament has also called for her “immediate and unconditional release and the dropping of all politically motivated charges” in one of its resolutions on Georgia.

While in prison, Amaglobeli received several prestigious international awards. On December 16, 2025, she was awarded the Sakharov Prize, the European Union’s highest human rights honour, during a ceremony at the European Parliament.

In a letter sent from Rustavi Women’s Prison and read before Members of the European Parliament, she wrote:

“I accept this award on behalf of all political prisoners who are unjustly imprisoned and treated as ‘suspects’ simply for fighting for Georgia’s European future.”

Her case is currently pending before the European Court of Human Rights, where she is represented by the Georgian Young Lawyers’ Association (GYLA).

ავტობანისა და წრიულების ნაწილის გასანათებლად ბიუჯეტიდან 7 მილიონი ლარი დაიხარჯება

ავტობანის, მცხეთიდან იგოეთამდე მონაკვეთში და ასევე სატრანსპორტო კვანძების წრიულებზე გარეგანათების მოსაწყობად საქართველოს საავტომობილო გზების დეპარტამენტმა ელექტრონული ტენდერი 7 მილიონი ლარით გამოაცხადა.

გარე განათების ქსელის დემონტაჟი-მონტაჟის სამუშაოები უნდა ჩატარდეს თბილისი-სენაკი-ლესელიძის გზის კმ24+00-კმ53+00 მონაკვეთზე და ასევე თბილისი-გორი-ზესტაფონი-სამტრედია-ლანჩხუთი-გრიგოლეთი-ქობულეთი-ბათუმის და ვაზიანი-საგარეჯო-თოხლიაური-ბაკურციხე-წნორის მიმართულებებზე არსებული სატრანსპორტო კვანძების წრიულებზე.

ტენდერის ფარგლებში, ჯამში, 63 წრიული უნდა გაანათონ, მათ შორის ბათუმში, ჩაქვში, ქობულეთში, შეკვეთილში, წყალწმინდასა და გრიგოლეთში. კონკრეტულად:

დასავლეთ საქართველოს სატრანსპორტო კვანძების წრიულები: ვერტყვიჭალა, ჯარგვალი, საქასრია მარჯვენა, საქასრია მარცხენა, შორაპანი მარჯვენა, შორაპანი მარცხენა, ზესტაფონი, ქვედა საქარა მარჯვენა, ქვედა საქარა მარცხენა, არგვეთა მარჯვენა, არგვეთა მარცხენა, თერჯოლა, ქვ.სიმონეთი, ნაშირღელე, უკანეთი მარჯვენა, უკანეთი მარცხენა, ოფშკვითი მარჯვენა, ოფშკვითი მარცხენა, ბაში, სამტრედია, ჯაპანა მარჯვენა, ჯაპანა მარცხენა, ნიგოეთი მარჯვენა, ნიგოეთი მარცხენა, ლანჩხუთი მარჯვენა, ლანჩხუთი მარცხენა, ლესა მარჯვენა, ლესა მარცხენა, ნიგვზიანი, ხიდმაღალა, გრიგოლეთი, წყალწმინდა, შეკვეთილი მარჯვენა, შეკვეთილი მარცხენა, ქობულეთი, ჩაქვი, ბათუმი [გარადოკი].

აღმოსავლეთ საქართველოს სატრანსპორტო კვანძების წრიულები: ვაზიანი, სააკაძე, სართიჭალა მარჯვენა, სართიჭალა მარცხენა, ნინოწმინდა, საგარეჯო, თოხლიაური, ბაკურციხე, წნორი, გურჯაანი, ჩუმლაყი, წეროვანი-გოროვანი მარცხენა, წეროვანი-გოროვანი მარჯვენა, აღაიანი მარცხენა, აღაიანი მარჯვენა, ოკამი, იგოეთი, ურბნისი მარცხენა, ურბნისი მარჯვენა, ბებნისი მარცხენა, ბებნისი მარჯვენა, ქარელი მარცხენა, ქარელი მარჯვენა, საღოლაშენი, ახალსოფელი მარცხენა, ახალსოფელი მარჯვენა, სურამი.

ტენდერის პირობაში აღნიშნულია, რომ „მომსახურება გულისხმობს გარე განათების ქსელის დემონტაჟი-მონტაჟის სამუშაოებისათვის საჭირო საპროექტო მომსახურების გაწევას. ანუ პრეტენდენტი ვალდებულია გამარჯვების შემთხვევაში [ტენდერში] მოცემულ მასალებზე დაყრდნობით თავისი ძალებითა და სახსრებით, ყოველგვარი ანაზღაურების გარეშე, დაამუშაოს დეტალური საპროექტო დოკუმენტაცია.“

პირობაში, ყოველი შემთხვევისთვის, ჩადებულია განსახლების მუხლიც.

„იმ შემთხვევაში, თუ იკვეთება სამშენებლო სამუშაოების ზემოქმედების ფაქტი კერძო საკუთრებაში რეგისტრირებულ მიწის ნაკვეთზე და მასზე განთავსებულ აქტივებზე ან/და სარეგისტრაციოდ წარდგენილ [მიმდინარე რეგისტრაცია] უძრავი ქონებაზე, განსახლების პროცედურების განხორციელების მიზნით, აუცილებელია ჩატარდეს აღწერა-ინვენტარიზაცია, უნდა მომზადდეს და დეპარტამენტში წარმოდგენილი უნდა იქნეს პროექტის ფარგლებში მოქცეული უძრავი ქონების შეფასების დასკვნა თანმხლებ დოკუმენტაციასთან ერთად“, – წერია ტენდერის პირობაში.

დეპარტამენტი ასევე მიუთითებს, რომ „სამშენებლო პროცესების გამჭვირვალობის“ მიზნით, „საჭიროების შემთხვევაში, მიმწოდებელი ვალდებულია უზრუნველყოს პირდაპირი [უწყვეტი] ვიდეოტრანსლაცია სამშენებლო ობიექტიდან… სამშენებლო უბნებზე განთავსებული ვიდეოსათვალთვალო მოწყობილობებიდან ვიდეონაკადი უწყვეტად უნდა მიეწოდოს საავტომობილო გზების დეპარტამენტის კუთვნილ სერვერს.“

ტენდერში წინადადებების მიღება 2026 წლის 19 აგვისტოს დაიწყება და ხუთ დღეში, 24 აგვისტოს დასრულდება. შესყიდვის სავარაუდო ღირებულება 7 097 437 ლარია.

საპროექტო მომსახურების გაწევისა და გარე განათების ქსელის მოწყობის სამუშაოების განხორციელების ვადები განისაზღვრება ტექნიკური დავალებით.

„დეტალური პროექტის მომზადების მომსახურების გაწევის ვადა განისაზღვროს ხელშეკრულების გაფორმებიდან – 3 თვე. მიმწოდებელი ვალდებულია, ხელშეკრულებით გათვალისწინებული სამუშაოების დასრულება უზრუნველყოს ხელშეკრულების გაფორმებიდან – 11 თვეში“, – წერია დავალებაში.

მთავარი ფოტო: გრიგოლეთი-ქობულეთის გზის მშენებარე მონაკვეთი [ფოტო გადაღებულია 2025 წელს] / მარცხნივ წყალწმინდის წრიული, რომელიც ამ ტენდერის ფარგლებში უნდა გაანათონ.

აღსანიშნავია, რომ ამ გზის სამი წლის წინ გახსნილი მონაკვეთი [რომელზეც წყალწმინდის წრიულიდან ადიხარ] – გარე განათების გარეშეა. გზების დეპარტამენტის 2025 წლის ინფორმაციით, ამ მონაკვეთის განათება იმავე წლის ბოლოს უნდა დასრულებულიყო, თუმცა დღეს, 2026 წლის 6 აგვისტოს დეპარტამენტიდან მოგვწერეს, რომ „სამუშაოები უკვე მიმდინარეობს“. 

ამ თემაზე:

ავტობანის მშენებლობასთან დაკავშირებით დეტალები ნახეთ ამ ბმულზე.

 

 

მოსკოვში რესტორანში აფეთქებას, სავარაუდოდ, გენერალ-ლეიტენანტიც ემსხვერპლა – ახალი დეტალები

მედიის ცნობით, შესაძლოა, 1 აგვისტოს, მოსკოვში, იტალიურ რესტორან „ბალზი როსში“, წვეულებაზე აფეთქებას ემსხვერპლა რუსი გენერალ-ლეინტენანტი იგორ იერუსალიმოვი, რუსეთის საჰაერო კოსმოსური ძალების მთავარსარდლის, ჩაიკოს მეგობარი და კიდევ ერთი მაღალი რანგის სამხედრო პირი, რომლის ვინაობაც ჯერჯერობით უცნობია.

აფეთქება მოსკოვში, იტალიურ რესტორან „ბალზი როსიში“ 1 აგვისტოს მოხდა, რის შედეგადადაც სამი ადამიანი დაიღუპა და 21 დაშავდა. წვეულება რესტორანში, სავარაუდოდ, რუსეთის საჰაერო კოსმოსური ძალების მთავარსარდლის, ჩაიკოს დაბადების დღისადმი იყო მიძღვნილი. მაღალი ალბათობით, ამ აფეთქების შედეგად დაღუპულებს შორისაა რუსეთის საჰაერო კოსმოსური ძალების მთავარსარდლის, ალექსანდრე ჩაიკოს სიძე, დანიილ პერედრიი. მედიაში გავრცელებული ცნობების თანახმად, აფეთქების მთავარი სამიზნე გენერალი ჩაიკო იყო. 

53 წლის გენერალ-ლეიტენანტი იგორ იერუსალიმოვი მოსკოვში 4 აგვისტოს დაკრძალეს, გასაიდუმლოებულ ვითარებაში. მისი გარდაცვალების ოფიციალური მიზეზი უცნობია, თუმცა ტელეგრამ არხის – ВЧК-ОГПУ-ს ცნობით, მსვლელობას თან ახლდა საპატიო ყარაული, რომელიც რუსეთის საჰაერო კოსმოსური ძალების დროშას ატარებდა, ხოლო საფლავთან სახმელეთო ჯარების დროშა იყო. არხის ავტორები ვარაუდობენ, რომ სწორედ ეს იყო გენერალ-ლეინტენანტის დაკრძალვის ცერემონია და იქვე დაკრძალეს კიდევ ერთი სამხედრო პირი. არხის ავტორები წერენ, რომ ორივე საფლავი 3 აგვისტოს გათხარეს.

მოსკოვის ცენტრში, რესტორანში აფეთქების შედეგად დაღუპულთა ვინაობა ოფიციალურად არ დადასტურებულა. ასევე, ტელეგრამზე გავრცელებული ინფორმაციის თანახმად, დაშავებულებს შორისაა გენერალ ჩაიკოს შვილიც, თუმცა მისი დაშავების შესახებ სანდო მტკიცებულება არ არსებობს.

ოფიციალურად არ დასტურდება, რომ ჩაიკო რესტორანში იმყოფებოდა ან თავდასხმის სამიზნე იყო, თუმცა არაერთი წყაროს ცნობით, აფეთქების მთავარი სამიზნე შესაძლოა სწორედ  ჩაიკო იყო.

ჩაიკო რუსეთის საჰაერო კოსმოსური ძალების მთავარსარდლად 2026 წლის მაისში დაინიშნა. უკრაინაში სრულმასშტაბიანი ომის დასაწყისში ის აღმოსავლეთ სამხედრო ოლქის ჯარებს მეთაურობდა.

ოფიციალური კიევი ჩაიკოს ბუჩაში რუსეთის სამხედრო დანაშაულებებში მონაწილეობაში ადანაშაულებს.

ამავე თემაზე: 

მოსკოვში აფეთქების შედეგად რუსი გენერლის სიძე დაიღუპა, სამიზნე სავარაუდოდ გენერალი იყო – მედია

One Year Since Mzia Amaglobeli’s Verdict, International Community Renews Calls for Her Release

On the first anniversary of Georgian journalist Mzia Amaglobeli‘s sentencing, the Media Freedom Coalition, the European Union, and several Western embassies have renewed calls for her immediate and unconditional release, describing her imprisonment as politically motivated and disproportionate.

International coalition renews calls for Mzia Amaglobeli’s release one year after sentencing

A year after Georgian journalist and media manager Mzia Amaglobeli was sentenced to two years in prison, the Media Freedom Coalition and Western diplomatic missions have once again called on the Georgian authorities to release her immediately.

Marking the anniversary of the August 6, 2025 verdict, the Media Freedom Coalition — a partnership of more than 50 countries working to protect press freedom, ensure the safety of journalists, and promote accountability for attacks on the media — Issued a joint statement together with the embassies of its member states in Georgia.

“A year ago today, Mzia Amaglobeli, a prominent Georgian journalist, was sentenced to two years in prison. We remain concerned that her sentence is disproportionate and politicised and call again for her immediate release.”

The joint statement was published by the embassies of France, the United Kingdom, the Czech Republic, Estonia, Latvia, Lithuania, Finland, Denmark, the Netherlands, Norway, Sweden and Canada.

The Polish Embassy in Tbilisi issued a separate statement, saying:

“Exactly one year ago today, prominent Georgian journalist Mzia Amaglobeli was sentenced to two years in prison. The Embassy of Poland in Tbilisi remains deeply concerned, as we consider the sentence disproportionate and politically motivated. We stand in solidarity with Mzia Amaglobeli and call on the Georgian authorities to release her immediately and unconditionally.“

The European Union Delegation to Georgia also marked the anniversary in a statement published on X.

“One year after Mzia Amaglobeli’s sentencing, the European Union condemns the disproportionate and politicised verdict against her and calls for her immediate release.“

One year since the verdict

August 6, 2026 marks exactly one year since Batumi City Court Judge Nino Sakhelashvili sentenced Amaglobeli — the founder of the independent media outlets Batumelebi and Netgazeti — to two years in prison.

Amaglobeli was prosecuted over an incident during a protest in Batumi in which she allegedly slapped Batumi Police Chief Irakli Dgebuadze.

Although prosecutors initially charged her under Article 353¹ of Georgia’s Criminal Code, which concerns attacks on police officers (4 to 7 years in prison), the court reclassified the case under Article 353(1), relating to resistance against a police officer, when delivering the guilty verdict.

Arrest and ill-treatment

Amaglobeli was arrested on January 12, 2025, first under administrative procedures and later on criminal charges. Following her detention, she reported being subjected to inhuman treatment while in police custody. Despite these allegations, no effective investigation has been carried out by the Prosecutor’s Office.

Amaglobeli spent the entire period before her conviction in pre-trial detention, despite repeated requests from her defence team for her release on bail.

The court repeatedly rejected applications to change the measure of detention, including at a time when Amaglobeli’s health had severely deteriorated following a 38-day hunger strike. During the hunger strike, she became critically weakened and was transferred to hospital for medical treatment, yet she remained in custody.

Her seven-month trial at Batumi City Court unfolded amid repeated criticism from domestic and international observers. Proceedings were marked by testimony from police officers that the defence described as false, public attacks by leaders of the ruling Georgian Dream party, repeated statements undermining her presumption of innocence, and an extensive pro-government propaganda campaign surrounding the case.

During her imprisonment, Amaglobeli’s eyesight deteriorated significantly, leaving her with only around 10% vision in one eye and limited light perception in the other.

International support and legal proceedings

Amaglobeli’s case has become one of the most prominent press freedom cases in Europe, prompting sustained advocacy from leading international press freedom and human rights organisations, as well as Western governments.

The European Parliament has also called for her “immediate and unconditional release and the dropping of all politically motivated charges” in one of its resolutions on Georgia.

While in prison, Amaglobeli received several prestigious international awards. On December 16, 2025, she was awarded the Sakharov Prize, the European Union’s highest human rights honour, during a ceremony at the European Parliament.

In a letter sent from Rustavi Women’s Prison and read before Members of the European Parliament, she wrote:

“I accept this award on behalf of all political prisoners who are unjustly imprisoned and treated as ‘suspects’ simply for fighting for Georgia’s European future.”

Her case is currently pending before the European Court of Human Rights, where she is represented by the Georgian Young Lawyers’ Association (GYLA).

ჩვილის განზრახ მკვლელობის ბრალდებით მიუსაჯეს ქალს, რომელმაც კლინიკის საპირფარეშოში იმშობიარა

ბათუმის საქალაქო სასამართლომ ბათუმში დედის მიერ ახალშობილის განზრახ მკვლელობის ფაქტზე ბრალდებული დამნაშავედ ცნო.

საქმე ეხება გახმაურებულ საქმეს – ბათუმის ერთ-ერთ კლინიკაში ამავე კლინიკის სანიტარმა საპირფარეშოში იმშობიარა.

პროკურატურის ცნობით, სასამართლო პროცესზე გამოკვლეული მტკიცებულებებით დადგინდა, რომ მშობიარობის შემდეგ ქალმა, „ახალშობილის მოკვლის განზრახვით, მას სხეულის სხვადასხვა არეში სიცოცხლისთვის სახიფათო დაზიანებები მიაყენა და სამედიცინო ნარჩენებისთვის განკუთვნილ პოლიეთილენის პარკში მოათავსა“.

„ახალშობილს, რომელიც სიცოცხლისთვის სახიფათო მდგომარეობაში იმყოფებოდა, კლინიკის სამედიცინო პერსონალმა გადაუდებელი და კომპლექსური სამედიცინო დახმარება გაუწია, თუმცა მიღებული დაზიანებების სიმძიმის გამო, იგი 27 მარტს, კლინიკის რეანიმაციულ განყოფილებაში გარდაიცვალა“ – წერს პროკურატურა.

ბათუმის საქალაქო სასამართლომ ბრალდებული საქართველოს სისხლის სამართლის კოდექსის 112-ე მუხლით (დედის მიერ ახალშობილის განზრახ მკვლელობა მშობიარობის შემდეგ უმალვე) წარდგენილ ბრალდებაში დამნაშავედ ცნო და სასჯელის სახედ და ზომად 4 წლით თავისუფლების აღკვეთა განუსაზღვრა.

ევროკავშირი გმობს მზია ამაღლობელის მიმართ გამოტანილ პოლიტიზებულ განაჩენს

დღეს, 6 აგვისტოს, ერთი წელი გავიდა, რაც ბათუმის საქალაქო სასამართლოს მოსამართლე ნინო სახელაშვილმა მზია ამაღლობელს 2 წლით თავისუფლების აღკვეთა მიუსაჯა.

ამ თარიღთან დაკავშირებით ევროპის ქვეყნების საელჩოები საერთო განცხადებას ავრცელებენ და „ქართულ ოცნებას“ კიდევ ერთხელ მოუწოდებენ, მზია ამაღლობელი დაუყოვნებლივ გათავისუფლდეს:

პლატფორმა X-ზე განცხადება გაავრცელა საქართველოში ევროკავშირის წარმომადგენლობამაც:

„მზია ამაღლობელისთვის განაჩენის გამოტანიდან ერთი წლის თავზე, ევროკავშირი გმობს მის მიმართ გამოტანილ არაპროპორციულ და პოლიტიზებულ განაჩენს და მისი დაუყოვნებლივი გათავისუფლებისკენ მოუწოდებს“.

  • რა ხდება?

დღეს, 2026 წლის 6 აგვისტოს, ზუსტად 1 წელი გავიდა მას შემდეგ, რაც „ბათუმელებისა“ და „ნეტგაზეთის“ დამფუძნებელს, ჟურნალისტსა და მედიამენეჯერს, მზია ამაღლობელს მოსამართლე ნინო სახელაშვილმა 2 წლით პატიმრობა მიუსაჯა.

მზია ამაღლობელს ბათუმის პოლიციის უფროსისთვის, ირაკლი დგებუაძისთვის საპროტესტო აქციაზე სილის გაწვნას ედავებოდნენ.

მოსამართლემ სისხლის სამართლის კოდექსის 353-ე პრიმა მუხლი, რომელიც პოლიციელზე თავდასხმას გულისხმობს გადააკვალიფიცირა და მედიამენეჯერი სისხლის სამართლის კოდექსის 353-ე მუხლის პირველი ნაწილით გაასამართლა – პოლიციელისთვის წინააღმდეგობის გაწევა.

მზია ამაღლობელი 2025 წლის 12 იანვარს დააკავეს, ჯერ ადმინისტრაციული, შემდეგ კი სისხლის სამართლის წესით. დაკავების შემდეგ იგი არაადამიანური მოპყრობის მსხვერპლი გახდა, თუმცა პროკურატურას ეს საქმე არ გამოუძიებია.

მზია ამაღლობელის საქმის განხილვა 8 თვის განმავლობაში მიმდინარეობდა ბათუმის საქალაქო სასამართლოში პოლიციელი ცრუმოწმეების, „ოცნების“ ლიდერების თავდასხმების, ბრალდებების, მის მიმართ უდანაშაულობის პრეზუმფციის დარღვევის და პროპაგანდის ფონზე.

პატიმრობაში ყოფნისას მზია ამაღლობელს მკვეთრად დაუქვეითდა მხედველობა.

მზია ამაღლობელის საქმის გარშემო გაერთიანდნენ პრესის თავისუფლების საკითხებზე მომუშავე წამყვანი გლობალური ორგანიზაციები და დასავლური ქვეყნების საელჩოები. მზია ამაღლობელის „დაუყოვნებლივი და უპირობო გათავისუფლებისა და მის წინააღმდეგ პოლიტიკურად მოტივირებული ყველა ბრალდების მოხსნის“ შესახებ, ჩანაწერი გაკეთდა ასევე ევროპარლამენტის რეზოლუციაში.

პატიმრობაში ყოფნისას მზია ამაღლობელმა არაერთი პრესტიჟული ჯილდო მიიღო, ხოლო 2025 წლის 16 დეკემბერს მას ევროპარლამენტში, ევროკავშირის ადამიანის უფლებათა უმაღლესი ჯილდო, სახაროვის პრემია გადასცეს.

„ამ ჯილდოს ვიღებ ყველა იმ პოლიტპატიმრის სახელით, რომლებიც უსამართლოდ იხდიან სასჯელს ციხეებში და „ეჭვმიტანილები“ არიან საქართველოს ევროპული მომავლისათვის ბრძოლაში“ – ასე მიმართა მზია ამაღლობელმა ევროპარლამენტს რუსთავის ქალთა კოლონიიდან გაგზავნილი წერილით.

მზია ამაღლობელის საქმის განხილვა უკვე დაიწყო სტრასბურგის სასამართლომ, სადაც მის ინტერესებს საქართველოს ახალგაზრდა იურისტთა ასოციაცია იცავს.

______

ფოტოზე: 2025 წლის 6 აგვისტო, მზია ამაღლობელი განაჩენის გამოცხადების შემდეგ.

ნახეთ ამ თემაზე: 

მზია ამაღლობელისთვის განაჩენის გამოტანიდან 1 წელი გავიდა – როგორ ეხმაურებიან საელჩოები

10 წლით პატიმრობა მიუსაჯეს 19 წლის ბიჭს ბათუმში რესტორანში ჩხუბისა და დანით დაჭრის საქმეზე

ბათუმის საქალაქო სასამართლომ 10 წლით თავისუფლების აღკვეთა მიუსაჯა 19 წლის ლაშა გ.-ს. მას პროკურატურა ორი პირის განზრახ მკვლელობის მცდელობას ედავებოდა.

განაჩენი დღეს, 6 აგვისტოს გამოაცხადა მოსამართლე თამარ ბეჟანიშვილმა.

საუბარია 2025 წლის 12 ნოემბერს მომხდარ შემთხვევაზე : ბათუმში, გამსახურდიას ქუჩაზე, ერთ-ერთ რესტორანში პირმა ორი ახალგაზრდა დანით დაჭრა. დაჭრილები კლინიკაში გადაიყვანეს და გადარჩნენ. მათი ჭრილობები ექსპერტიზამ „სიცოცხლისთვის საშიშად“ შეაფასა.

საქმის თანახმად, დანით დაპირისპირებამდე რესტორნის მეოთხე სართულზე მდებარე ვერანდაზე ორი სუფრის წევრებს შორის ჩოჩქოლი ატყდა.

ადვოკატების მტკიცებით, საქმე გვქონდა არა მკვლელობის მცდელობასთან, არამედ აუცილებელ მოგერიებასთან ფარგლებს გადაცილებით, რადგან ბრალდებული რესტორნის კიბეებზე ჩამოდიოდა, როცა უკან დაედევნენ და თავს დაესხნენ.

საქმეს კვალიფიკაცია შეუცვალა მოსამართლე თამარ ბეჟანიშვილმაც, თუმცა მოსამართლის შეფასებით, საქმე გვქონდა ჯანმრთელობის განზრახ მძიმე დაზიანებასთან – სისხლის სამართლის კოდექსის 117-ე მუხლი.

ჯერ უცნობია, გაასაჩივრებს თუ არა დაცვის მხარე ამ განაჩენს.

„საგანძურის მარათონის“ ახალი თვე – ახალი შანსები, ახალი გამარჯვებულები და 250 000-ლარიანი საპრიზო ფონდი

მობაილბანკში „საგანძურის მარათონი“ ახალ ეტაპზე გადავიდა. ახალი თვე ნიშნავს ახალ ციკლს, ახალ გამარჯვებულებს და ახალ შესაძლებლობებს მათთვის, ვისაც მონეტების დაგროვება, ლიდერბორდზე დაწინაურება და ფულადი პრიზების მოპოვება სურს.

„საგანძურის მარათონი“ ერთჯერადი თამაში არ არის – ეს არის თავგადასავალი, სადაც ყოველი ახალი თვე მონაწილეებს თავიდან აძლევს შესაძლებლობას, ჩაერთონ კონკურენციაში, შეასრულონ ახალი მისიები და იბრძოლონ როგორც ყოველდღიური, ყოველკვირეული და ყოველთვიური პრიზებისთვის, ისე მთავარი საპრიზო ფონდისთვის.

თამაშის ჯამური საპრიზო ფონდი 250 000 ლარს შეადგენს. ამ ეტაპზე, უკვე 160 გამარჯვებული გამოვლინდა და ჯამში 94 000 ლარი გათამაშდა. თუმცა, მთავარი ბრძოლა ჯერ კიდევ წინ არის – ოთხი საგვარეულო მონეტების დაგროვებას აგრძელებს, რათა ფინალში მოხვდეს და მთავარი პრიზისთვის იბრძოლოს.

თუ აქამდე ფიქრობდი, რომ თამაშში ჩართვა დაგაგვიანდა, ახლა ამისთვის საუკეთესო დროა. ახალი თვე ნიშნავს ახალ შესაძლებლობას, რადგან გამარჯვებულები ყოველთვიურად ვლინდებიან, ლიდერბორდები ახლდება და თითოეულ მონაწილეს აქვს შანსი საკუთარი აქტიურობით გაიუმჯობესოს პოზიციები. „საგანძურის მარათონში“ წარმატებას მხოლოდ ის არ განსაზღვრავს, ვინ დაიწყო თამაში ადრე – მთავარი ყოველდღიური ჩართულობა, სტრატეგია და მონეტების დაგროვებაა.

ყოველდღიური და ყოველკვირეული მისიების შესრულების პარალელურად, მონაწილეები მობაილბანკის სხვადასხვა ფუნქციასაც აღმოაჩენენ და ყოველდღიურ ციფრულ ცხოვრებაში კიდევ უფრო აქტიურად იყენებენ. თითოეული შესრულებული მისია არა მხოლოდ მონეტებს, არამედ ახალ გამოცდილებასაც გაძლევს.

თამაშში გუნდურობას განსაკუთრებული მნიშვნელობა აქვს. თითოეული დაგროვილი მონეტა შენს პირად შედეგთან ერთად შენი საგვარეულოს საერთო ანგარიშსაც ემატება. ამიტომ, საბოლოო გამარჯვებისთვის ბრძოლა მხოლოდ ინდივიდუალური არ არის – ძლიერი საგვარეულო ნიშნავს უფრო დიდ შანსს, რომ ფინალში მოხვდე და 50 000-ლარიანი მთავარი საპრიზო ფონდისთვის იბრძოლო.

„საგანძურის მარათონი“ გრძელდება და ყოველ ახალ თვეს მონაწილეებს ახალ შესაძლებლობებს სთავაზობს. თუ უკვე თამაშობ, ახლა საუკეთესო დროა კიდევ უფრო წინ წაიწიო ლიდერბორდზე; ხოლო თუ ჯერ არ ჩართულხარ, ახალი ციკლი, სწორედ, შენთვის იწყება.

გახსენი მობაილბანკი, შეუერთდი შენს საგვარეულოს და დაიწყე ახალი თვე ახალი შესაძლებლობებით – „საგანძურის მარათონში“ ყველაზე საინტერესო თავგადასავალი ჯერ კიდევ წინ არის.

“კიდევ ერთხელ მოვითხოვთ მის დაუყოვნებლივ გათავისუფლებას” – საფრანგეთის საელჩო საქართველოში

საფრანგეთის საელჩო საქართველოში ბათუმელებისა და ნეტგაზეთის დამფუძნებლის, ჟურნალისტ მზია ამაღლობელის გათავისუფლებას კიდევ ერთხელ ითხოვს.

„დღეს ერთი წელი გავიდა მას შემდეგ, რაც ცნობილ ქართველ ჟურნალისტს მზია ამაღლობელს ორ წლიანი პატიმრობა შეეფარდა. მისთვის შეფარდებული სასჯელი არაპროპორციული და პოლიტიკურად მოტივირებულია. ჩვენ კიდევ ერთხელ მოვითხოვთ მის დაუყოვნებლივ გათავისუფლებას,“ – ნათქვამია საქართველოში საფრანგეთის საელჩოს მიერ გამოქვეყნებულ განცხადებაში.

2025 წლის 6 აგვისტოს, ბათუმის საქალაქო სასამართლოს მოსამართლე ნინო სახელაშვილმა მზია ამაღლობელს 2 წლიანი პატიმრობა შეუფარდა.

უკვე 19 თვეა ჟურნალისტი უკანონო ტყვეობაშია.

ამავე თემაზე:

„ახლა სასამართლოს დროა. ეს განაჩენი მარტო ჩემი სასჯელი არ იქნება“ – მზია ამაღლობელი

რუსეთის და უკრაინის სამხედრო დანაკარგები ომში – 6 აგვისტო

უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2026 წლის 6 აგვისტომდე პერიოდში, რუსეთის არმიის საბრძოლო დანაკარგი არის:

  • ცოცხალი ძალა – დაახლოებით 1 454 210 ადამიანი [გასულ დღე-ღამეში +1 330. ამ მონაცემებში შედის როგორც დაღუპულები, ასევე დაჭრილები]
  • ტანკი – 12 246 ერთეული [+4]
  • ჯავშანტექნიკა – 25 087 ერთეული [+3]
  • საარტილერიო სისტემა – 47 455 ერთეული [+59]
  • MLRS – 2 006 ერთეული [+4]
  • საზენიტო საბრძოლო სისტემა – 1 547 ერთეული [+7]
  • თვითმფრინავი – 439 ერთეული [+0]
  • ვერტმფრენი – 354 ერთეული [+0]
  • უპილოტო საფრენი აპარატის ოპერატიულ-ტაქტიკური დონე – 446 266 ერთეული [+1 811]
  • სახმელეთო რობოტიზებული კომპლექსი – 2 138 ერთეული [+4]
  • გემი/ნავი – 34 ერთეული [+0]
  • წყალქვეშა ნავი – 2 ერთეული [+0]
  • მანქანები და საწვავის ავზები – 130 682 ერთეული [+416]
  • სპეცტექნიკა – 4 496 ერთეული [+1]
  • ფრთოსანი რაკეტა [ჩამოაგდეს] – 5 007 ერთეული [+0]

უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.

უკრაინის სამხედრო დანაკარგებზე სტატისტიკური ინფორმაცია 2026 წლის 25 თებერვლის შემდეგ აღარ განუახლებია რუსეთს.

რუსეთის თავდაცვის სამინისტროს მიერ ტელეგრამ არხზე ბოლოს გავრცელებული მონაცემებით, ომის დაწყებიდან 2026 წლის 25 თებერვლამდე პერიოდში სულ განადგურებულია უკრაინის:

  • 670 თვითმფრინავი
  • 283 ვერტმფრენი
  • 117 299 უპილოტო საფრენი აპარატი
  • 651 საზენიტო სარაკეტო სისტემა
  • 27 873 ტანკი და სხვა ჯავშანტექნიკა
  • 1 674 მრავალჯერადი სარაკეტო გამშვები
  • 33 474 საველე არტილერია და ნაღმმტყორცნი
  • 55 252 სპეციალური სამხედრო მანქანა

ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.

ამასთან, აღნიშნულ მონაცემებთან ერთად რუსეთის თავდაცვა, უკრაინის და რუსეთის არმიის ცოცხალი ძალის საერთო დანაკარგების შესახებ სტატისტიკას არ აქვეყნებს. უკრაინის არმიის ცოცხალი ძალის დანაკარგების შესახებ მონაცემებს არ აქვეყნებს არც უკრაინა.

—

რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.

ამავე თემაზე:

როგორ დასრულდება ომი და რა ფაქტორები აძლიერებს უკრაინის წარმატებას რუსეთთან? – დისკუსია ვაშინგტონში

 

მთავარი ფოტო: უკრაინის გენშტაბი/facebook

უახლოეს დროში დენის მიწოდება მთელი ქვეყნის მასშტაბით აღდგება – ელექტროსისტემა

დღეს, 5 აგვისტოს, ელექტროენერგიის მთელი ქვეყნის მასშტაბით გათიშვასთან დაკავშირებით განცხადება გაავრცელა საქართველოს სახელწმიფო ელექტროსისტემამ.

„24–25 ივლისს ქვეყანაში მომხდარი სასისტემო ავარიების შემდეგ, ენგურჰესზე მიმდინარეობდა გარკვეული სამუშაოები, კერძოდ სადგურის შესაბამისი მოწყობილობების შესწავლის მიზნით აუცილებელი იყო ელექტროსისტემის იზოლირებულ რეჟიმში მუშაობა, სიხშირის ნომინალურისგან განსხვავებულ სიხშირეებზე, რამაც ქვეყნის მასშტაბით ელექტროენერგიის დროებითი გათიშვა გამოიწვია.

ელექტროენერგიის აღდგენის მიზნით მყისიერად განხორციელდა აუცილებელი ღონისძიებები, რის შედეგადაც ამ ეტაპზე ელექტროენერგიის მიწოდება ნაწილობრივ უკვე აღდგენილია. უახლოეს დროში კი ელექტროენერგიის მიწოდება მთელი ქვეყნის მასშტაბით აღდგება“ – წერს „ელექტროსისტემა“.

ამავე თემაზე:

საქართველოში ელექტროენერგია კვლავ გაითიშა

Widespread Power Outage Hits Georgia for the Third Time in Two Weeks

A widespread power outage is affecting large parts of Georgia, including Tbilisi and Batumi, after electricity went out at around 8:00 p.m. local time on Tuesday.

Residents across the country are reporting outages, while data from the Georgian State Electrosystem shows electricity transmission has dropped to zero across much of the national grid. Internet and mobile networks are also experiencing disruptions.

20:53 local time, August 5, 2026

The blackout has brought public transport to a standstill. Metro services in Tbilisi have stopped, forcing passengers to evacuate stations on foot, while railway services have also been suspended.

This is the third nationwide blackout in Georgia in less than two weeks. Similar outages on July 24 and 25 left parts of the country without electricity for several hours.

The causes of those incidents are still under investigation by the Georgian National Energy and Water Supply Regulatory Commission (GNERC) and the State Security Service.

Batumelebi has reached out to the State Security Service, the Georgian State Electrosystem, and Enguri HPP for comment. The article will be updated if and when a response is received.

UPDATE: Power restoration began approximately one hour after the widespread outage. The Georgian State Electrosystem later issued a statement ( at 21:41 local time) regarding the blackout.

According to the company, following the system-wide failures on July 24–25, technical work was being carried out at the Enguri Hydropower Plant. As part of the work, it was necessary to operate the national power system in an isolated mode and at frequencies different from the nominal level in order to examine the plant’s equipment. The company says this process caused the temporary nationwide power outage.

The State Electrosystem said emergency measures were implemented immediately to restore electricity. According to the statement, power supply has already been partially restored, and electricity is expected to be fully restored across the country shortly.

საქართველოში ელექტროენერგია კვლავ გაითიშა

დღეს, 5 აგვისტოს, დაახლოებით 20 საათზე ელექტორნერგია გაითიშა ბათუმში, თბილისში და სავარაუდოდ, მთელს საქართველოში.

ფეისბუქზე მოქალაქეები წერენ, რომ შუქი არც სხვა რეგიონებშია.

ამავე დროს, შეზღუდულად მუშაობს ინტერნეტი და მობილური ქსელები.

გაჩერდა მატარებლები და მეტრო. მოქალაქეებს თბილისში მეტროს დატოვება ფეხით მოუხდათ.

„ბათუმელები“ ცდილობს სუს-თან, სახელწიფო ელექტროსისტემასთან და ენგურჰესთან დაკავშირებას, თუმცა ამ უწყებებში ჯერჯერობით არ გვპასუხობენ.

საქართველოში ელექტორენერგია 24 და 25 ივლისს, რამდენიმე საათით გაითიშა. რა გახდა გათიშვის დადასტურებული მიზეზი, ამ დრომდე უცნობია.

შუქის გათიშვიდან დაახლოებით ერთ საათში, საქართველოს ენერგეტიკისა და წყალმომარაგების მარეგულირებელი ეროვნული კომისიის [სემეკის] წევრმა, გიორგი ფანგანმა ფეისბუქზე დაწერა, რომ საქართველოში დღეს, 5 აგვისტოს, დენის გათიშვის მიზეზი ენგურჰესზე დაგეგმილი ტესტირება იყო:

„მინდა გაცნობოთ, რომ დღეს სახელმწიფო ელექტროსისტემა ენგურჰესის აგრეგატებზე აწარმოებდა დაგეგმილ ტესტირებას, რომლის მიზანი იყო 24 და 25 ივლისის ავარიების გათვალისწინებით სისტემაში არსებული სუსტი წერტილების გამოვლენა და შეფასება.

ტესტირების ფარგლებში, სხვა ღონისძიებებთან ერთად, გათვალისწინებული იყო საქართველოს ელექტროენერგეტიკული სისტემის იზოლირებულ რეჟიმში მუშაობაც. აღნიშნული რეჟიმი დაკავშირებული იყო მნიშვნელოვან ტექნიკურ რისკებთან, მათ შორის, ელექტროენერგეტიკული სისტემის სრულად გათიშვის შესაძლებლობასთან.

როგორც უკვე ცნობილია, ტესტირების მიმდინარეობისას მოხდა საქართველოს ელექტროენერგეტიკული სისტემის სრულად გათიშვა. ამ ეტაპზე მიმდინარეობს მომხდარის დეტალური ანალიზი და შესაბამისი შეფასება, რათა დადგინდეს ავარიის ზუსტი მიზეზები და შემდგომში თავიდან იქნეს აცილებული მსგავსი შემთხვევების განმეორება“ – წერს გიორგი ფანგანი.

ამ დრომდე [21:25 სთ] ოფიციალური განცხადება არ გაუვრცელებია საქართველოს ელექტროსისტემას.

მოგვიანებით, განცხადება გაავრცელა საქართველოს ელექტროსისტემამ.

„24–25 ივლისს ქვეყანაში მომხდარი სასისტემო ავარიების შემდეგ, ენგურჰესზე მიმდინარეობდა გარკვეული სამუშაოები, კერძოდ სადგურის შესაბამისი მოწყობილობების შესწავლის მიზნით აუცილებელი იყო ელექტროსისტემის იზოლირებულ რეჟიმში მუშაობა, სიხშირის ნომინალურისგან განსხვავებულ სიხშირეებზე, რამაც ქვეყნის მასშტაბით ელექტროენერგიის დროებითი გათიშვა გამოიწვია.

ელექტროენერგიის აღდგენის მიზნით მყისიერად განხორციელდა აუცილებელი ღონისძიებები, რის შედეგადაც ამ ეტაპზე ელექტროენერგიის მიწოდება ნაწილობრივ უკვე აღდგენილია. უახლოეს დროში კი ელექტროენერგიის მიწოდება მთელი ქვეყნის მასშტაბით აღდგება“ – წერს „ელექტროსისტემა“.

Hungarian Journalist Detained in Georgia as Court Reviews Residency Extension Request

According to the journalist’s lawyer, Hungarian journalist László Róbert Mészesi, who has been staying in Georgia, has been detained.

Speaking to Netgazeti, lawyer Tornike Janelidze said that Mészesi is being transferred to the Migration Department. The lawyer is also heading there, and said that further details will become available afterward.

The lawyer believes the detention may be related to an alleged violation of border crossing regulations.

According to human rights lawyer Marika Arevadze, when Mészesi’s period of lawful stay in Georgia was nearing its end, he sought her legal assistance. She submitted an application to extend his legal stay, and the matter is currently pending before the court.

Netgazeti has contacted the Migration Department for comment. The article will be updated if and when the agency responds.

UPDATE (06/08/2026):

Lawyer Tornike Janelidze told Netgazeti that Hungarian journalist László Róbert Mezősi will leave Georgia voluntarily. According to him, after purchasing his ticket, representatives of the Migration Department will escort him to the airport.

Photo: Beso Schönhardt

სკოლის ფორმის ფასი 95 ლარი იქნება

2026 წლის სექტემბრიდან, ახალ სასწავლო წელს, საჯარო სკოლების დაწყებითი საფეხურის მოსწავლეებისთვის სასკოლო ფორმები სავალდებულო ხდება. ამას ითვალისწინებს ზოგადი განათლების შესახებ კანონში „ქართული ოცნების“ მიერ მიღებული ცვლილებები.

სასკოლო ფორმის ტანსაცმელი შედგება:

  • ბიჭისთვის − 1 პიჯაკისა და 2 შარვლისაგან;
  • გოგოსთვის − 1 პიჯაკის, 1 შარვლისა და 1 ქვედაკაბისაგან.

სკოლის ფორმა უფასო არ იქნება, მის შესაძენად მშობლებს თანხის გაღება დასჭირდებათ. ფასები უკვე ცნობილია – ივლისის ბოლოს „ოცნების“ მთავრობის განათლების მინისტრმა, გივი მიქანაძემ სპეციალური ბრძანება გამოსცა ამის შესახებ.

სასკოლო ფორმის ტანსაცმლის საფასურის ოდენობა თითოეული ერთეულისთვის შეადგენს:

  • სასკოლო პიჯაკი (ბიჭისთვის): 45 ლარი;
  • სასკოლო შარვალი (ბიჭისთვის): 25 ლარი;
  • სასკოლო პიჯაკი (გოგოსთვის): 45 ლარი;
  • სასკოლო შარვალი (გოგოსთვის): 25 ლარი;
  • სასკოლო ქვედაკაბა:
  • მოკლე: 25 ლარი;
  • გრძელი: 25 ლარი.

შესაბამისად, მოსწავლის ერთი ფორმის [კომპლექტის] შესაძენად მშობელს მინიმუმ 95 ლარი დასჭირდება.

ამავე დროს, ბრძანების თანახმად, სასკოლო ფორმის ტანსაცმლის საფასური ფიქსირებულია და მისი განსხვავებული საფასურით გაყიდვა დაუშვებელია.

თუმცა სკოლის ფორმას მოსწავლეების ნაწილი უფასოდ მიიღებს. კერძოდ, ის მოსწავლეები, რომლებიც:

  1. რეგისტრირებულნი არიან სოციალურად დაუცველი ოჯახების მონაცემთა ერთიან ბაზაში და მათი ოჯახების სარეიტინგო ქულა 65001 ქულაზე ნაკლებია;
  2.  ჩართულნი არიან მინდობით აღზრდის სახელმწიფო პროგრამაში;
  3. განთავსებულნი არიან მცირე საოჯახო ტიპის სახლებში;
  4. ჩართულნი არიან მიუსაფარ ბავშვთა თავშესაფრების მომსახურებაში;
  5. განთავსებულნი არიან თბილისის ბავშვთა სახლში;
  6. 2022 წლის 24 თებერვალს უკრაინაში დაწყებული საომარი მოქმედებების შედეგად, ვერ ახერხებენ უკრაინის ზოგადსაგანმანათლებლო დაწესებულებაში ზოგადი განათლების მიღების გაგრძელებას და ჩარიცხულნი არიან საქართველოს საჯარო სკოლებში.

დღეს, 5 აგვისტოს, გივი მიქანაძემ განაცხადა, რომ იმ შემთხვევაში, თუ მშობელი გააპროტესტებს და ბავშვს სკოლის ფორმას არ ჩააცმევს, განსაზღვრული იქნება როგორც აღმზრდელობითი, ისე კონკრეტული მექანიზმები, რაც შინაგანაწესის დარღვევის შემთხვევაში შეიძლება ამოქმედდეს.

სკოლის ფორმები, რომელსაც წელს საქართველოს საჯარო სკოლებში პირველიდან მეექვსე კლასის მოსწავლეებს ჩააცმევენ, პოლიესტერისგან იქნება შეკერილი. 

2026–2027 სასწავლო წლისთვის საჯარო სკოლების დაწყებითი საფეხურის მოსწავლეებისთვის სასკოლო ფორმებს შპს „საგანმანათლებლო რესურსები“ კომპანია „გლორი ტექსტილი ინდასთრისგან“ შეიძენს.

საჯარო რეესტრის მიხედვით შპს „გლორი ტექსტილ ინდასთრი“ საქართველოში 2026 წლის 10 მარტსაა რეგისტრირებული. კომპანიის 100 პროცენტი წილის მესაკუთრე და დირექტორი ჩინეთის მოქალაქე ლიუ ქსიაოლინია.

„საგანმანათლებლო რესურსებს“ ფორმების შესაძენად 45 658 840 ლარის ტენდერის გარეშე დახარჯვის თანხმობა სახელმწიფო შესყიდვების სააგენტომ მისცა.

ამავე თემაზე: 

თუ მშობელი ბავშვს ფორმას არ ჩააცმევს, განსაზღვრული იქნება მექანიზმები – მიქანაძე

დავაკავეთ პირი, რომელიც ზღვაში მოქალაქეებს საფრთხეს უქმნიდა – სასაზღვრო პოლიცია

სასაზღვრო პოლიციის განცხადებით, ადმინისტრაციული წესით დააკავეს პირი, რომელიც ურეკში, ჰიდროციკლით, საფრთხეს უქმნიდა ზღვაში მყოფ მოქალაქეებს.

„სოციალურ ქსელებში სხვადასხვა გვერდის მეშვეობით გავრცელდა ვიდეომასალა, რომელშიც ჩანს, რომ ურეკის სანაპიროზე,  ჰიდროციკლით მოძრავი პირი საფრთხეს უქმნის ზღვაში მყოფ მოქალაქეებს.

შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის თანამშრომლებმა, დაუყოვნებლივ დააფიქსირეს სამართალდარღვევის ფაქტი.

მოქალაქეს პირადობის დამადასტურებელი დოკუმენტის წარდგენა მოსთხოვეს, თუმცა მან თანამშრომლების კანონიერი მოთხოვნა არ შეასრულა და სამართალდამცველებს სიტყვიერი შეურაცხყოფა მიაყენა.

სასაზღვრო პოლიციის ოპერატიულ-საგამოძიებო დეპარტამენტის თანამშრომლებმა აღნიშნული პირის მიმართ ადმინისტრაციული საქმისწარმოება საქართველოს ადმინისტრაციულ სამართალდარღვევათა კოდექსის 166-ე და 173-ე მუხლებით დაიწყეს და იგი ადმინისტრაციული წესით დააკავეს.

ხოლო, მის მიერ ჩადენილი სამართალდარღვევისთვის ადმინისტრაციულ სამართალდარღვევათა კოდექსის 114-ე სეკუნდა მუხლის შესაბამისად დააჯარიმეს,“ – ნათქვამია სასაზღვრო პოლიციის განცხადებაში.

შემთხვევა ურეკში 3 აგვისტოს მოხდა.

ბათუმში ავტომობილი და მოტოციკლი ერთმანეთს შეეჯახა – დაშავდა 2 ადამიანი

დღეს, 5 აგვისტოს, ავტოავარია მოხდა ბათუმში, ვაჟა-ფშაველასა და რუსთაველის ქუჩების კვეთაში.

ერთმანეთს მსუბუქი ავტომობილი და მოტოციკლი შეეჯახა.

როგორც „ბათუმელებს“ უთხრეს თვითმხილველებმა, მოტოციკლზე მყოფი ორი ახალგაზრდა სასწრაფო სამედიცინო სამსახურმა გადაიყვანა შემთხვევის ადგილიდან, მათგან ერთი მძიმე მდგომარეობაში იყო.

შინაგან საქმეთ სამინისტროს ინფორმაციით დაწყებულია გამოძიება სისხლის სამართლის კოდექსის 276-ე მუხლით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

 

მოსკოვში აფეთქების შედეგად რუსი გენერლის სიძე დაიღუპა, სამიზნე სავარაუდოდ გენერალი იყო – მედია

მოსკოვში, რესტორან „ბალზი როსში“ 1 აგვისტოს მომხდარი აფეთქების შედეგად დაღუპულებს შორისაა რუსეთის საჰაერო კოსმოსური ძალების მთავარსარდლის, ალექსანდრე ჩაიკოს სიძე, დანიილ პერედრიი – ინფორმაციას ამის შესახებ გამოცემა „აგენსტვო“ ავრცელებს.

„აგენსტვო“ ეყრდნობა რუსეთის ინდმეწარმეების რეესტრს, კერძოდ, სააგენტოს მიერ რეესტრიდან მოპოვებულ ამონაწერში ნათქვამია, რომ პერედრიიმ საქმიანობა ოთხი დღის წინ შეწყვიტა გარდაცვალების გამო.

აფეთქება მოსკოვში, იტალიურ რესტორან „ბალზი როსიში“ 1 აგვისტოს მოხდა, რის შედეგადადაც სამი ადამიანი დაიღუპა და 21 დაშავდა.

„აგენსტვო“ უთითებს, რომ აფეთქების შემდეგ გენერალ ჩაიკოს სიძის დაღუპვის შესახებ ჯერ კიდევ პრორუსმა ბლოგერმა დაწერა. „მან თქვა, რომ აფეთქების შედეგად შესაძლოა დაშავებულიყო საჰაერო კოსმოსური ძალების მთავარსარდლის ქალიშვილი, მარია ჩაიკო, ხოლო მისი ქმარი, დანიილ პერედრიი, გარდაიცვალა მას შემდეგ, რაც აფეთქებისას ნამსხვრევები მოხვდა“ – წერს გამოცემა.

ასევე, გამოცემა მიუთითებს ბლოგების მიერ გავრცელებულ ინფორმაციაზე იმის შესახებ, რომ რესტორანში კერძო ღონისძიება შესაძლოა ალექსანდრე ჩაიკოს 55 წლის იუბილეს მიეძღვნა: მისი დაბადების დღე 27 ივლისს იყო და აფეთქებამდე გადაღებულ ბანკეტის მომზადების კადრებში მოხსენიებულია „ალექსანდრე“, რომელიც 55 წლის ხდებოდა. რესტორანი კერძო წვეულების გამო დაკეტილი იყო სხვა სტუმრებისთვის.

ოფიციალურად არ დასტურდება, რომ ჩაიკო რესტორანში იმყოფებოდა ან თავდასხმის სამიზნე იყო, თუმცა არაერთი წყაროს ცნობით, აფეთქების მთავარი სამიზნე შესაძლოა სწორედ  ჩაიკო იყო და არა მისი სიძე.

ჩაიკო რუსეთის საჰაერო კოსმოსური ძალების მთავარსარდლად 2026 წლის მაისში დაინიშნა. უკრაინაში სრულმასშტაბიანი ომის დასაწყისში ის აღმოსავლეთ სამხედრო ოლქის ჯარებს მეთაურობდა.

ოფიციალური კიევი ჩაიკოს ბუჩაში რუსეთის სამხედრო დანაშაულებებში მონაწილეობაში ადანაშაულებს.

_______

ფოტოზე: გენერალი ჩაიკო

 

თიბისის მობაილბანკიდან ლონდონის საფონდო ბირჟაზე ინვესტირება უკვე ელემენტარულია

თიბისის ინვესტიციების პლატფორმას ახალი საინვესტიციო ბაზარი – ლონდონის საფონდო ბირჟა დაემატა. ამერიკული ბაზრების შემდეგ, ახლა მომხმარებლებს პირდაპირ მობაილბანკიდან შეუძლიათ ინვესტირება TBC PLC-ის, სხვა ქართული და გლობალური კომპანიების აქციებში, რომლებიც ლონდონის საფონდო ბირჟაზეა წარმოდგენილი.

თიბისი პირველი ბანკია საქართველოში, რომელიც მომხმარებლებს ლონდონის საფონდო ბირჟაზე ინვესტირების შესაძლებლობას პირდაპირ მობაილბანკში სთავაზობს. ახლა მომხმარებლებს ამერიკისა და ლონდონის ბაზრებზე წარმოდგენილ კომპანიებში ინვესტირება ერთი საინვესტიციო პლატფორმიდან შეუძლიათ.

ლონდონის ბირჟაზე ხელმისაწვდომია ისეთი ცნობილი კომპანიების აქციები, როგორებიცაა Aston Martin, Asos, Burberry, Rolls-Royce Holdings და სხვა.

თიბისის საინვესტიციო პლატფორმაზე ანგარიშის გახსნას ერთ წუთზე ნაკლები დრო სჭირდება. დღეს საინვესტიციო პლატფორმის მეშვეობით, მომხმარებლებისთვის ხელმისაწვდომ ამერიკულ აქციებთან და ETF-ებთან ერთად, ლონდონის ბაზრის დამატებით საინვესტიციო შესაძლებლობები კიდევ უფრო გაფართოვდა.

ლონდონის საფონდო ბირჟის დამატება კიდევ ერთი ნაბიჯია თიბისის მიზნისკენ – ინვესტირების პროცესი მომხმარებლისთვის უფრო მარტივი, სწრაფი და ხელმისაწვდომი გახადოს.

აღმოაჩინეთ ლონდონის საფონდო ბირჟა პირდაპირ მობაილბანკში: https://app.tbcbank.ge/YiId/vmpjqmpc

გაითვალისწინეთ, ეს არ არის ფინანსური რჩევა.

ერგეში სოციალურ სახლს ხელვაჩაურის მერია ცეცხლსასროლი იარაღით დაიცავს

ხელვაჩაურის მერია სოფელ ერგეში აშენებულ სოციალურ სახლს ცეცხლსასროლი იარაღით დაიცავს.

ამისთვის მერია 2 თვით „დაცვას“ დაიქირავებს და შსს-ს დაცვის პოლიციის დეპარტამენტს 39 600 ლარს გადაუხდის უტენდეროდ.

სოფელ ერგეში 11-სართულიანი სახლის მშენებლობაში ადგილობრივი ბიუჯეტიდან 14,5 მილიონი ლარი დაიხარჯა.

„დაცვა“-მ ცეცხლსასროლი იარაღით უნდა დაიცვას სოფელ ერგეში მდებარე სოციალური სახლის ქონება ქურდობის, ყაჩაღობის, განზრახ განადგურებისაგან ან სხვა კანონსაწინააღმდეგო ქმედებისაგან. აგრეთვე „დაცვა“ პასუხისმგებელია საზოგადოებრივი წესრიგის დაცვაზე, არ უნდა დაუშვას დასაცავ ობიექტებზე უცხო პირების შესვლა.

სოფელ ერგეში დასრულდა სოციალური სახლის მშენებლობა, სოციალურ სახლში განთავსებულია მატერიალურ-ტექნიკური ბაზა, აღნიშნული ობიექტი მუნიციპალიტეტისათვის წარმოადგენს მნიშვნელოვანი დანიშნულების ობიექტს…

ამ ეტაპისთვის მიმდინარეობს ბინის აბონენტად რეგისტრაცია სს „ენერგო-პრო ჯორჯია“-სა და შპს „სოკარ ჯორჯია გაზი“-ში.

გადახდილია სამუშაოების ღირებულება… კომპანიებს სამუშაოების ჩასატარებლად ჯერ კიდევ აქვთ ვადები, აქედან გამომდინარე, რომ არ მოხდეს დასაცავ ობიექტებზე უცხო პირების შესვლა და თვითნებურად დაკავება, მიზანშეწონილია ობიექტის დაცვა,“ – წერს ხელვაჩაურის მერია შესყიდვების სააგენტოს.

ხელვაჩაურის მერიის ინფორმაციით, „შესყიდვის ღირებულება შეადგენს 39 600 ლარს დღგ-ს ჩათვლით, რომელიც განისაზღვრა დაცვის მომსახურებაზე აჭარის დაცვის პოლიციის სამმართველოსგან დასაცავ ობიექტზე წარმოდგენილი დაცვის თანამშრომლების სახელფასო განაკვეთების საფუძველზე.“

  • ერგეში სოციალური სახლის მშენებლობაზე ტენდერი ხელვაჩაურის მერიამ 2023 წლის დეკემბერში გამოაცხადა 15 361 359 ლარით.

ტენდერში მხოლოდ ერთი კომპანია შპს „ფორუმ კონტრაქტს ლიმიტედის საქართველოს ფილიალი“ მონაწილეობდა, რომელთანაც ხელშეკრულება 2024 წლის თებერვალში გაფორმდა 15 361 231 ლარზე.

ხელშეკრულებაში რამდენჯერმე შეიტანეს ცვლილება.

შესყიდვების პორტალის მიხედვით ხელშეკრულების თანხამ საბოლოოდ 14 603 081 ლარი შეადგინა, კომპანიაზე კი, 2026 წლის ივლისის ჩათვლით, მთლიანობაში 14 588 559 ლარია გადახდილი.

ამ თემაზე:

სოციალური სახლის დასაცავად მდინარეში 143 მეტრი სიგრძის კედელს ააშენებენ

 

 

 

ბათუმის მერიის თანამშრომელი შსს-ში დანიშნეს

ბათუმის მერიის საქალაქო ინფრასტრუქტურისა და კეთილმოწყობის სამმართველოს უფროსი ბაქარ ჩიტაია შსს-ში დანიშნეს.

ინფორმაცია ამის შესახებ „ბათუმელებს“ ბათუმის მერიაში დაუდასტურეს.

ბაქარ ჩიტაია შინაგან საქმეთა სამინისტროს ლოჯისტიკის დეპარტამენტის დირექტორი იქნება.

ბაქარ ჩიტაია ბათუმის მერიის ყველაზე მაღალბიუჯეტიან სამმართველოს ხელმძღვანელად გიორგი ცინცაძემ დანიშნა.

საქალაქო ინფრასტრუქტურის სამმართველო ბათუმში მაღალბიუჯეტიანი პროექტების შესყიდვა-განხორცილებასა და კონტროლზეა პასუხისმგებელი.

ბაქარ ჩიტაია მანამდე აჭარის მთავრობის პროექტების მართვის სამმართველოს ხელმძღვანელობდა.

ვინ გახდება საქალაქო ინფრასტრუქტურისა და კეთილმოწყობის სამმართველო ახალი ხელმძღვანელი, ჯერჯერობით უცნობია.

ზაურ ახვლედიანი აჭარის კულტურის სამინისტროდან პირადი განცხადებით წავიდა – სამინისტრო

ზაურ ახვლედიანი აჭარის კულტურის მინისტრის მოადგილე აღარ არის.

როგორც “ბათუმელებს” სამინისტროში უთხრეს, მან თანამდებობა საკუთარი განცხადების საფუძველზე დატოვა.

“წავიდა თუ გაათავისუფლეს?” – ოფიციალურად მოადგილის წასვლას პირად განცხადებას უკავშირებენ, თუმცა ამ ფაქტს წინ უძღოდა 18 ივლისს აჭარის ხელოვნების მუზეუმში მომხდარი ინციდენტი.

“ბათუმელების” ინფორმაციით, ზაურ ახვლედიანს აჭარის ხელოვნების მუზეუმში ღონისძიების დროს დაპირისპირება ჰქონდა მოქალაქესთან. ითქვა ისიც, რომ ზაურ ახვლედიანს საჯარო სივრცეში ფიზიკურად დაუპირისპირდნენ და მას ჰქონდა დაზიანებები, მათ შორის სახის არეშიც.

მუზეუმში მომხდარი კონფლიქტის ნამდვილობა რამდენიმე დღის წინ თავად ზაურ ახვლედიანმა დაადასტურა “ბათუმელებთან” საუბარში.

„პირადი ამბავი იყო. გაახსენდა რაღაც და პროვოკატორობა სცადა. მუზეუმში შიგნით ტრიალებდა, მავნებლობდა და გამოვიყვანე გარეთ, რადგან გაიგონა ყველამ მისგან უზრდელობა. ცხადია, არ მოვითმენდი ამდენს“, – უთხრა “ბათუმელებს” ზაურ ახვლედიანმა.

კითხვაზე, მიიღო თუ არა პირადად მან რაიმე ფიზიკური დაზიანება ამ ინციდენტის დროს, ზაურ ახვლედიანმა გვიპასუხა, რომ „ხელიც არ გაუქანებია. გაილახა და დაგვანება თავი”.

ზაურ ახვლედიანი წლების განმავლობაში იყო კულტურული მემკვიდრეობის სააგენტოს ხელმძღვანელი, შემდეგ მუშაობდა აჭარის განათლების, კულტურისა და სპორტის სამინისტროში, ბოლოს კი ახლადშექმნილ კულტურის სამინისტროში მოადგილის პოსტი ეკავა.

ვინ დაინიშნება აჭარის კულტურის მინისტრის მოადგილედ, ჯერ უცნობია.

ეს არ არის პირველის შემთხვევა, როდესაც აჭარის კულტურის სამინისტროს მაღალჩინოსანი კონფლიქტში ეხვევა. 

გასულ წელს აჭარის კულტურის მინისტრის მოადგილეს ლადო მგალობლიშვილსა და აჭარის განათლების მინისტრის მოადგილეს, აკაკი ძნელაძეს შორის ფიზიკური დაპირისპირება მოხდა.

არცერთი მხარე კონფლიქტის მიზეზზე ღიად არ საუბრობს, თუმცა მალევე დატოვა თანამდებობა აკაკი ძნელაძემ, ლადო მგალობლიშვილმა კი პოსტი შეინარჩუნა.

ამავე თემაზე:

აკაკი ძნელაძე მინისტრის მოადგილის თანამდებობიდან გაუშვეს

დააკავეს ბათუმში მკვლელობის მცდელობაში ბრალდებული კაცი, რომელიც იძებნებოდა

დამამძიმებელ გარემოებაში ჩადენილი განზრახ მკვლელობის მცდელობისა და ცეცხლსასროლი იარაღის მართლსაწინააღდმეგო შეძენა-შენახვა-ტარებისთვის ძებნილი პირი დააკავეს.

საუბარია 2026 წლის  22 ივლისს, ბათუმში, ფიროსმანის ქუჩაზე მომხდარ შემთხვევაზე – ბრალდებულმა ცეცხლსასროლი იარაღიდან რამდენიმე გასროლით დაზიანებები მიაყენა ახალგაზრდა მამაკაცს და შემთხვევის ადგილიდან თანამზრახველთან ერთად მიიმალა.

ამ საქმეზე 29 ივლისს რუსთავში დააკავეს არასრულწლოვანი, რომელმაც მოტიციკლით მიიყვანა შემთხვევის ადგილზე კაცი, ვინც გაისროლა. დაჭრილი კაცი კლინიკაში გადაიყვანეს. შსს არ ავრცელებს ინფორმაციას დაჭრილის ჯანმრთელობის მდგომარეობის შესახებ.

„მიმდინარე წლის 22 ივლისს, აღნიშნულმა პირმა ცეცხლსასროლი იარაღიდან რამდენიმე გასროლით დაზიანებები მიაყენა ახალგაზრდა მამაკაცს და შემთხვევის ადგილიდან თანამზრახველთან ერთად მიიმალა.

სამართალდამცველებმა ჩატარებული ოპერატიული ღონისძიებებისა და საგამოძიებო მოქმედებების შედეგად, დანაშაულის ჩამდენი პირების ვინაობა მალევე დაადგინეს, ერთ-ერთი მათგანი 29 ივლისს რუსთავში დააკავეს, ხოლო მეორე ბრალდებული 5 აგვისტოს სამცხეთ-ჯავახეთის რეგიონში დააკავეს,“ – აღნიშნულია შსს-ს მიერ დღეს, 5 აგვისტოს გავრცელებულ ინფორმაციაში.

დაკავებულს დამამძიმებელ გარემოებაში ჩადენილი განზრახ მკვლელობის მცდელობის გარდა, ცეცხლსასროლი იარაღის მართლსაწინააღდმეგო შეძენა-შენახვა-ტარებას ედავებიან.

ბრალის დადასტურების შემთხვევაში, ბრალდებულს 20 წლამდე, ან უვადო თავისუფლების აღკვეთა ელის.

როგორი ამინდი იქნება ბათუმში უახლოეს დღეებში

გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 5 აგვისტოს 21 საათიდან 6 აგვისტოს 21 საათამდე აჭარაში მოსალოდნელია ცვალებადი მოღრუბლულობა. ღამით ზოგან ხანმოკლე წვიმა, დღისით – უმეტესად უნალექოდ.

იქროლებს ცვალებადი მიმართულების ქარი 8-13 მეტრი წამში.

ჰაერის ტემპერატურა სანაპირო ზოლსა და მთიან მუნიციპალიტეტებში:

  • დღისით: 26 – 31 გრადუსი სითბო
    ღამით: 17 – 22 გრადუსი სითბო

მაღალმთიან ზონაში:

  • დღისით: 16  – 21 გრადუსი სითბო
    ღამით: 9 – 14 გრადუსი სითბო

ზღვის ღელვა 2-3 ბალი იქნება, ზღვის წყლის ტემპერატურა +27 გრადუსია.

სინოპტიკოსების ცნობით,მომდევნო ორი დღე აჭარაში მოსალოდნელია უნალექო ამინდი.

როგორ დასრულდება ომი და რა ფაქტორები აძლიერებს უკრაინის წარმატებას რუსეთთან? – დისკუსია ვაშინგტონში

ავტორი: ანა კალანდაძე, ვაშინგტონი

____

როგორ დასრულდება ომი უკრაინაში? ეს კითხვა კონფლიქტს 2022 წლის სრულმასშტაბიანი შეჭრიდან დღემდე, დრონების ომის ეპოქამდე სდევს. სწორედ ამ ფუნდამენტურ საკითხზე მსჯელობდნენ ექსპერტები ატლანტიკური საბჭოს ევრაზიის ცენტრის დისკუსიაზე, რომელსაც უკრაინაში აშშ-ის ყოფილი ელჩი ჯონ ჰერბსტი უძღვებოდა.

უკრაინის ყოფილმა თავდაცვის მინისტრმა, ანდრიი ზაგოროდნიუკმა აღნიშნა, რომ ყირიმსა და შავ ზღვაში რუსეთის პერსპექტივა „უკიდურესად მძიმეა“, თუმცა კრემლში ჯერ არ ჩანს პოლიტიკური ნება, ახლო მომავალში ომის დასასრულებლად ნაბიჯები გადაიდგას.

თუმცა, რა მოხდება, თუ ბრძოლის ველზე შექმნილი რეალობა მოსკოვს იძულებულს გახდის კურსი შეცვალოს? ნატოში აშშ-ის ყოფილმა ელჩმა, გენერალ-ლეიტენანტმა დაგლას ლუტმა ყურადღება გამახვილა იმაზე, რომ უკრაინული ძალები სისტემატურად ჭრიან რუსების მომარაგების ხაზებს. ლუტის თქმით, ტაქტიკურ ზონაში დანაკარგების თანაფარდობა დაახლოებით რვა რუსზე ერთ უკრაინელს შეადგენს, რამაც კიევს ინიციატივის ხელში ჩაგდების საშუალება მისცა.

„არმიის სრული ჩამოშლა შესაძლოა ზედმეტად ოპტიმისტური სცენარი იყოს“, – აღნიშნა ლუტმა. – „თუმცა ისტორიამ იცის მაგალითები, როდესაც მომარაგებას მოწყვეტილი, დაბალი საბრძოლო სულისკვეთების არმიები შიგნიდან იშლებოდნენ. ასე რომ, ტერიტორიების გათავისუფლება შესაძლოა არა მხოლოდ პირდაპირი იერიშებით, არამედ რუსული არმიის კოლაფსითა და კაპიტულაციით მოხდეს – ეს ისეთი ფაქტორია, რასაც კრემლი თვალს ვერ დაუხუჭავს“.

  • ტექნოლოგიური რბოლა და ახალი კოალიციები

მიუხედავად ოპერაციული წარმატებებისა, უკრაინის წინაშე მწვავე გამოწვევები რჩება – პირველ რიგში, რუსული ბალისტიკური სარაკეტო დარტყმები ენერგეტიკულ და სამოქალაქო ობიექტებზე. ატლანტიკური საბჭოს მკვლევარმა კლარა კალუდეროვიჩმა, რომელიც ახლახან დაბრუნდა ხარკოვისა და დნიპროს ფრონტის ხაზებიდან, აღნიშნა, რომ მძიმე ბალისტიკის ეფექტური დაბლოკვა კიევისთვის კვლავ მთავარ სუსტ წერტილად რჩება.

ამ პრობლემის საპასუხოდ, ატლანტიკური საბჭოს უფროსმა მრჩეველმა დებრა კეგანმა ყურადღება გამახვილა ევროპული ქვეყნებისა და უკრაინის ახალ ინიციატივაზე, რომელიც Patriot-ის სისტემებთან შედარებით ბევრად იაფი და სწრაფი საჰაერო თავდაცვის საშუალებების შექმნას ისახავს მიზნად. კეგანის თქმით, პროექტის მონაწილეებს შთამბეჭდავი და სწრაფი სამოქმედო გეგმა აქვთ, რაც იშვიათი პრეცედენტია ევროპულ-ამერიკულ პარტნიორობაში. მან ასევე დასძინა, რომ მაღალტექნოლოგიური შეიარაღების დეფიციტი მხოლოდ დასავლეთს არ აქვს – რუსეთისა და ირანის ჰიპერბგერითი და ბალისტიკური მარაგებიც ამოწურვადია.

ამასთან, კალუდეროვიჩმა ხაზი გაუსვა, რომ უკრაინის შიდა ინდუსტრიული წარმოება მისაბაძი მაგალითია დასავლეთისთვის: მაგალითად, ადგილობრივი კომპანიები თვეში ათასობით დრონს აწყობენ, რაც საშუალოდ ყოველ 24 წამში ერთ დრონს შეადგენს.

  • ყირიმის ხაფანგი და ესკალაციის საფრთხეები

ომის შესწავლის ინსტიტუტის (ISW) წარმომადგენელმა, ჯორჯ ბაროსმა დეტალურად აღწერა, თუ როგორ გადაიქცა ყირიმის ნახევარკუნძული მოსკოვისთვის უსაფრთხო ზურგიდან სერიოზულ ოპერაციულ ხაფანგად. უკრაინის მიზანმიმართულმა დარტყმებმა რუსეთის საჰაერო თავდაცვისა და რადარების სისტემა მძიმედ დააზიანა, რამაც ნახევარკუნძულზე საწვავის დეფიციტი და ელექტროენერგიის მასობრივი გამორთვები გამოიწვია.

საჰაერო ფარის მოშლა უკრაინულ დრონებს საშუალებას აძლევს, ყირიმის სიღრმეში დაუსჯელად იმოქმედონ, რაც პირდაპირ აისახება სამხრეთ ფრონტზე რუსული დაჯგუფებების მომარაგებაზე.

რაც შეეხება შესაძლო ესკალაციას, ზაგოროდნიუკმა აღნიშნა, რომ საგარეო ფაქტორები, განსაკუთრებით ჩინეთის პოზიცია, კრემლს აკავებს ბირთვული იარაღი გამოიყენოს. თუმცა, მან გააფრთხილა, რომ ბრძოლის ველზე მარცხის შემთხვევაში, მოსკოვი ბირთვული დარტყმის ნაცვლად, დიდი ალბათობით, ევროპელი მეზობლების წინააღმდეგ „ჰორიზონტალურ ესკალაციას“ – ჰიბრიდულ და არაკონვენციურ შეტევებს მიმართავს დასავლეთის ყურადღების გადასატანად.

დისკუსიის დასასრულს, ატლანტიკური საბჭოდან მიროსლავა ღონღაძის კითხვაზე ირანული ბალისტიკური რაკეტების შესაძლო საფრთხის შესახებ, გენერალმა ლუტმა განმარტა, რომ თეირანის მცდელობა, გააფართოოს ომის გეოგრაფია, უფრო სიმბოლურია და რეალურ სამხედრო სურათს ვერ შეცვლის.

ექსპერტები შეთანხმდნენ, რომ ევროპელი მოკავშირეების მიერ სტრატეგიული პასუხისმგებლობის საკუთარ თავზე აღება უკრაინის მდგრადობის მთავარი გარანტია.

Exit mobile version