მასწავლებლის ეროვნული ჯილდოს 2026 წლის გამარჯვებული მაგდა მიქაბერიძე გახდა. ის თბილისის 45-ე საჯარო სკოლის დაწყებითი განათლების მასწავლებელია.
დაჯილდოების ცერემონია დღეს, 5 ოქტომბერს, მასწავლებლის საერთაშორისო დღეს გაიმართა.
ეროვნული ჯილდოს მფლობელ მასწავლებელს 15 000 ლარი გადაეცემა საჩუქრად.
დასაჩუქრდნენ სხვა ფინალისტებიც.
კონკურსის გენერალური სპონსორი „გუდავაძე-პატარკაციშვილის ფონდია“.
მასწავლებლის ეროვნული ჯილდო 2017 წლიდან არსებობს. ჯილდოს დაწესების მიზანი შემოქმედებითი და პროფესიონალი მასწავლებლების გამოვლენაა, ასევე, მასწავლებლის პროფესიის პოპულარიზაცია.
ინიციატივა გლობალური კამპანიის – The Global Teacher Prize-ის ნაწილს წარმოადგენს. ჯილდო მიზნად ისახავს საქართველოში პროფესიის პოპულარიზაციას, პედაგოგების პრესტიჟის გაზრდას, წარმატებული მასწავლებლების გამოვლენასა და საზოგადოებისათვის მათ წარდგენას.
