უკრაინაში, ქალაქ პრილუკიში საცხოვრებელ კორპუსზე რუსული სარაკეტო დარტყმის შედეგად დაღუპულთა რიცხვი 22-მდე გაიზარდა, მათ შორის ხუთი ბავშვია.
რუსეთის სარაკეტო თავდასხმა ქალაქ პრილუკიში მდებარე საცხოვრებელ სახლზე 7 ოქტომბერს განხორციელდა. შენობა ჩამოინგრა და ნანგრევებში მოჰყვნენ სახლში მცხოვრები ადამიანები. მაშველები დილიდან მუშაობდნენ ადგილზე და მათ შეძლეს 15 ადამიანის გამოყვანა ნანგრევებიდან.
დღეს, 8 ოქტომბერს, დილით, უკრაინის სახელმწიფო საგანგებო სიტუაციების სამსახურმა განაცხადა, რომ დილის მონაცემებით, დაღუპულია 22 ადამიანი, მათ შორის ხუთი ბავშვი. დაშავდა კიდევ 54 ადამიანი, მათ შორის შვიდი ბავშვი.
